احلى تجمع مواليد مارس 2012

[اجمل الذكريات]


سهرااااااااااااااانه
مااااااااااااااااااااكو
نوووووووووووووووووووم


 

[زين ودلال]

كوله بعد عمري الله يبعد عنج كل ضيق ان شاء الله

كلها جم يوم ان شاء الله ويغدي شرج بأذن الله

شكلي الرقيه كل يوم

 

[زين ودلال]

شغلي **

 

[Mrs Cartier]

ظهري يعورنيييييي
ابي انسدح

 

[ابوي دنيتي كله]

شخبار الحلوات
انا بعد مافي نوووم ممنوع ههههه كل يوم جذي بتم قاعده للساعه5الصبح يالله ياالسهراناخلونا ندردش

 

[c00L G!RL]

زيون الله يجزاج خير انا موجوده بل منتدى بس ابي ادور شي يبيض وارجعلكم
هههههههه

 

[نورالدنيا***]

اشلونكم بنات شخباركم اشتقت لكم واايد مافي وقت اشبك اذا فيه وقت انام الله يعين

طالعين من الشر ان شالله اللي طلعت من الاربعين

 

[ابوي دنيتي كله]

هلانوور تمام انتي شلونج
يبيلنا سنه ترميم عل ماافسده الزمن بالحمال هههه بنات ابي شي يبيض الويه

 

[c00L G!RL]

ابوي في وحده اسمه خبيره لبنانيه تلقين اعلنها فوق لونه احمر عندها اشيا واااجد
انا ودي على حبوب امريكيه تسمين وكريم بيتادين مصري لتفتيح الاماكن الحساسه
بس خااايفه من الحبوب ابي امتن شاسوي صايره جلد وعظم الحمد لله

 

[حبيبة عز]

صباح الورد بنات

شلونكم ياحلوين

انا متابعتكم اول باول بس سهر ومجابله خلود

ومو راضي ينام ولا راضي يتعود عالمصاصه

-----

بنات بشكي لكم والله ضايق خلقي

أحس بردت العلاقه بيني وبين زوجي أحسه ماله خلقي نفس قبل

أنا ليما الحين ببيت أهلي وأقوله برد بيتي يقولي خليج أسبوع بعد عشان تريحين عدل

لاني تعودت على بعدج صار عادي

ويقولي أمج تساعدج بالبيبي ليما يكبر شوي خلج قاعدة عندها

والله ضاق خلقي وفوق هذا يقولي يبي يسافر ايران اسبوع عشان يزرع شعر

حزة طلعتي من النفاس!

بدال لا يكون مشتاقلي ونسافر او نروح فندق

ضيق خلقي الله يسامحه

شريت أغراضي وجهزت نفسي بس باجي روحة الصالون

وجاني احباط لما قالي هالحجي

الله يسامحه والله فيني بجيه

ليش أحسه مو متشوق لي مع أن قبل يموت علي ومستانس أن صار عنده ولد

بصراحه أنا تغيرت شوي بحكم اني مشغوله بخالد

مو مثل قبل ادق عليه ونسولف واكون معاه طول الوقت

حتى جسمي رد حلو مثل قبل والبطن بكورسيه تترقع

بس مادري ليش مو مهتم أني أرد بيتي

اففف مخي بينفجر جنه الوحدة فينا ناقصه هم ياربي

 

[ام الحلوين77]

صباح الخير

شلونكم


بنات الي والدين قيصري


متي شلتم الضماد أنا لازقتي من طلعت من العملية

ماقيروها واحس ان منتفخ الشاش مادري أخاف العملية

فيها شي واحس بنغزات بمكان الجرح

واحس لحمي نازل تحت

متي يشيلون اللزقة

 

[ام الحلوين77]

حبيبة عز

اللة يعينج وترا كل تهيأت

هذي فترة النفاس تحسين بضيجة

وان زوجج مايبيج

 

[BiiShOoO]

اهلييين بنات


كارتير مسحي الجرح بمره


كول تعوذي من ابليس و ذكري الله و لا احطين حرتج باليهال حراام


حبيبه عز


الله يكون بالعون


انتي خلصي شغلج و ردي شقتج قوليله ابي مكان و انج الحمدالله قادره تتعاملين مع الياهل

 

[اجمل الذكريات]

صباااح الخير
بيشو جم لج الحين؟؟
حبيبه عز
ياعمري لاتضايقين ولا شي انا بقولج اياه بصراحه الريال لما زوجته تبتعد عنه فتره وماكو معاشره بينهم يصير عند الريال عادي وانه مو مهتم
انتي لاتسمعين كلامه خلصي شغلج وروحي الصالون وردي بيتج وكوني احلا من العرووس واذا بيسافر ميخالف لاتشدين عليه خليه يروح ولما يرجع سويله مفاجأه بنيو لووووك
(((مخ الرياااااال متعلق بالجماااااع والمعاااشره اذا مافي جذي يقلب لا ارادي))))
سوووووري علا الوصف بس هذا الصج

 

[lo-lo]

،.
الله يكون بعونج حبيبة
....
بنات شلون وضعكم مع البطن شنو اسوي عشان اللون يروح شكلة مو شي في خطوط بني واحمر وابيض شسوي
انصحوني ،،،!!!!
صارلي سبوعين والخياط بعدة ماطاح ( عادي ) رحت مراجعتي عطاني الدكتور ميبو
وحبوب ياز منع الحمل شرايكم فيهااا

 

[BiiShOoO]

صبااح النور جموله
لي ٢٦ او ٢٥ يوم

 

[ابوي دنيتي كله]

حبيبه عزشوفي كل ريال متعود عل مرته وفجأه تبعد عنه يصير مثل زوجج عادي بكره بس تردين بيرد مثل اول يتعود عل وجودج عنده ومع البيبي بيفرح اكثر لا ومن اول يوم جماع بيتغير ههههههه لاتحاتي فكري بنفسج وراحتج واللوك الي بتسوينه

 

[c00L G!RL]

مرحبا بنات شلووونكمابي اخذ شوررررر واتغدا بس ياربي احس اني مانضف نفسي عدل لما اتسبح ودي مره ثانيه اروح اتسبح
مادري انا متعوده افكررررك نفسي بس الحين اخاف علشان العمليه ظهري وبطني شوي شوي اغسلهم اطلع حرتي برجولي وايديني هههههه
حبيبة عز
انا قبل لا اولد وانا عند اهلي والحين ولت ويقول اقعدي خمسين يوم علشان ترتاحين امبيييييه مو صج والله العالم شنو الي بل قلب صج يبيني ارتاح ولا اهو تعود على الراحه وماعنده مسوليه جنه عزوبي بس انا اربعين يوم وبطلع احسن وانتي بعد اطلعي وتوكلي على الله

 

[Mrs Cartier]

هلا والله بنات
بيشو
المره ما تناسبني لان فيني اكزيما والظاهر جسمي يتحسس منها
حبيبة عز
الله يعيينج ويصبر قلبج
عادي حبيبتي اخذي وخلي وترا محد يفكر ويتعب ويقلب الحجي فراسه غيرنا والا هم زلاتهم مغفوره
فاقولج من الاخير عيشي حياتج خليه هو اللي يفكر مو انتيي
ولا تتغيرين عليه بس لا تتغيرين فحق نفسج

جمول وابوي وزيون ولولو وام الحلوين شخباركم؟؟
واي يا بنات تعبانه وايد وايد

 

[ابوي دنيتي كله]

هلاكارتير بخير ياقلبي انتي شخبارك

بنات عفيه ابي دراريع بيت يعني حق الحموله ابيها ذربه ومو دفاشه وين احصل وياليت الاسعار تكون مناسبه