احلى تجمع مواليد مارس 2012

[زين ودلال]

حبييبه لا احراج ولا شي!!!

امبيه عااادي وين تلحقين ماشاء الله

طباخ وغسيل مواعين وهدوم وبيبي وهم انتي تبين تهتمين بنفسج

البيبي بروحه تعب !!!!!!

انا عندي خدامه وهم احس ان ماكو وقت

الله يعيييييينج والله

 

[Mrs Cartier]

هلا وغلا والله
شلوونكم
اي والله اذا كنتي بدون شغاله لج بروحج ماتقدرين توفقين بين الريل واليهال والبيت
انا الحين فشقه نوعا ما كبيره
وخدامه وحده واعيالي
احس بتععععب ما الحق واهم شي. اكل ولبس الريل
اذا هم تمام امورج فالسليم ...

حبيبه وزيون
انا متشووووقه ع الحمال بس ريلي مب راضي بحكم الغربه
يقول مابي اتم بروحي وانا عاذرته

جمول
شخبارج حبيبتي عسي ماشر شفيج مريضه ؟؟

بنات انا كله يقولون لي بنتج طويله
جم طول اعيالكم ؟؟ عقدووني

 

[اجمل الذكريات]

مرحباااا
حبيبه هز
شخبااارج وشلوون خلووودي
الله يعطيج الذريه الصالحه ياارب
زيووون
شلون الحماال معاااج الله يتمم عليج
كرتوره
شخباارج وشخباار عيالج
انا الم بضروسي مو طبيعي الظاهر ضرس العقل بيطلعلي
خخخخخخخخخخخخ
وعلا الطول والله مادري بس صغير

 

[اجمل الذكريات]

حبيبه عز
عظم الله اجركم ويجعلها اخر الاحزااان يااارب

 

[Mrs Cartier]

حبيبة عز
توني انتبه لخبر الوفاه
عظم الله اجركم والله يصبر قلب امه والله
ياعمري يوومه الله يرحمه ان شا الله

جمول
ماعليج شر حبيبتي
انا ضرس العقل من ٥ سنين يطلع ويرجع مكانه لان مافي اه مكان وقالو بيشلونه
بس انا ماحب دكاترة الاسنان ومتعيييزه اروح

واعرف انه اهو بيطلع اذا حسيت بضيج داخل حلجي وقمت اعض خدي من داخل ويتيمع الاكل اخر فكي ماقدر اتحكم فيه
وهالايام قاعد يطلع ومغربلني

 

[Mrs Cartier]

وينكم؟

 

[زين ودلال]

ضرس العقل مأسااااة والله

كرتوووره انا كانيييي

شلونج وشلون عيالج

 

[اجمل الذكريات]

هااااي بناااات
شخبااااركم شلووون عياااااالكم

 

[غلاي امي وزوجي]

حبيبة عز عظم الله اجرج يا الغاليه

زيون يا بعد قلبي الف الف مبروك

حي الله رفيجاتي بالواتس اب جمول وكرتوره شخباركم

ادرب قطعت بس والله الدنيا تلاهي الله لايسغلنا الابذكره يارب

شخباركم

انا بنتي نتفه جنها ام شهرين وحالتها حاله مع هالترجيع بس ترجع من حلجها وخشمها

علا انها اكبر من عيالكم بس كل من شافها قال هذي ام شهرين او ٣

الحمدلله اهم شي انها بصحه وعافيه

 

[اجمل الذكريات]

هلا والله غلاي
شخبااااارج وشلووون البنووته
ياعمري عليها ماعليها شر
ماتعطينها اكل
اخااف تسنن

 

[زين ودلال]

الله يبارك فيج غلااااااي ماقصرتي

 

[حبيبة عز]

أجرنا وأجركم بنات .. مشكورين

وعساكم ماتفقدون غالي يارب

والله مشتاقتلكم

------------------

زيون

فديتج رافعه معنوياتي

وان شاء الله ألحقج .. وعسالله يثبت بيبييج ويقومج بالسلامه يارب

--------------

جمول

بعد عمري أنتي مشكورة على الدعوه الحلوة

--------------------

كارتيره

بعد عمري شلونج

ترى ما ينلام ريلج الغربه صعبه

والله يعينكم والله
------------------

غلاي شلونج عمري

مسكينه بنتج ليش ترجع .. أخاف الحليب مو مناسبها

----------------

بنات

ولدي فيه أقزيما من راسه لريوله

وعطاه الدكتور مرهم حلو ريحه الحمد لله

بسألكم بنات

متى تركبون عيالكم الدراجه .. الدكتور يقولي لا تركبينه قبل عمر سنه

وأهلي يتطنزون عليه .. يقولون سنة شيبي فيها خلاص يصير يقدر يمشي

أنتوا شرايكم ؟؟​

 

[حبيبة عز]

وينكم ياحلوين

 

[زين ودلال]

اهلين حبوووبه

اللهم امييين يارب

امبيه صاجين اهلج سنه شيبي فيها!!!!!

انا الحين اقعده فيها ٥ دقايق واشيله عشان ظهره

بس من يكمل ٥ شهور خلااااص يقحص فيها ههههههههه

 

[c00L G!RL]

السلاااااام عليكم

شلونكم ينات وشخباركم انا الحمد لله بخير واسفه على القطاعه كانت عندي ظروف بس الحين اوعدكم ارد مره ثانيه بس محد فقدي �� انا زعلانه


زييييييون
شلونج وشلون الحلوين عسى الله يتمم عليج يارب
اجمل
شلونج وشلون الحلو ومبروك نجاح اعيالج والله يعينج على ظرسج
حبيبه
عظم الله اجرج وسلامت خلودي الله يعينه على الاقزيمه ليش علشان شنو جته انتي معديته وعسى الله يرزقج لتوئم ياااااارب
كاااارتير
الحمد لله على سلامتكم والله يعينج على الغربه ممكن طلب صوري لندن ابي اشوفها
غلااااي
شلونج ياعمري عاش من شافج
بيشووووووو
شخبارج زين بينتي لاتقاطعين




وسلامتكم

 

[اجمل الذكريات]

صبااااح الخير علا الحلووووين
زيووون
شلوونج مع الحمااال الله يتمم عليج وشلوون خلووودي
حبيبه عز
ياعمري شخبااارج وسلامت خلوودي ياااعمري
انا بجري وجها وايدها ورجوولها كله اكزيما ومانعرف من شنووو بس اجيب لها كريم ايلكووم والحمدلله جم يووم ويرووح وعلا الدرااجه شدالكتوور المسطوول صح كلام اهلج وزيووون انا هاليوومين بجيبله درراااجه علا يقحص بس موو واايد يقعد فيها شوي شوي
كوووووووول
شخبااارج وشلووون عيسى ياااعمري الحمدلله انها عدت ظروووفج والله انا كله اقووول التجمع فااضي واااايد بنااات مختفيين
جبتيلج خداامه ولا لا

 

[زين ودلال]

وااي حبيبه توني انتبه على الاكزيما حبيبي من شنووووو

توها ولا من زماان؟؟

حبيبيييييي عاد تضايق

الله يشافيه ويعافيه يااااارب

 

[زين ودلال]

هلا وغلاااااا كووووله

يلااا شدي حيييلج وردي نفس قبل ��

تسلمييين ماقصرتي بعد عمري والله الحمدلله كلنا بخير

انتي شلونج وشلون عيالج

 

[زين ودلال]

جمووووله والله خلودي ماشي حاله العسسسل حناااااان يموت على الحنه ههههههههه

والحمال الحمدلله الوضع مستتب لي الحين مادخلنا بالصجيه الله يسهل

 

[حبيبة عز]

زيون

هلا ياعمري شلونج؟

اي والله فيه اقزيما بس انا مو مستغربه اهلي واهل ريلي

عيالهم واهم صغار يصير فيهم اقزيما وبس يكبرون تروح

وعلى الدراجه شكلي بسوي نفسج وابلش اركبه شوي شوي

---------

كول قيرل

هلا هلا وغلا

ولكم أحلى باك

شلونج ياعسل والله لج وحشه

عادي كول ولدي في اقزيمة اطفال وان شالله بس يكبر تروح

انتي شلونج وشلون الصغار الحلوين

-------

جمول

هلا ياعمري

والله مادري الدكتور يقولي مو زين حق ريوله

ومادري اسمع كلام منو

عاد عندي وحدة يابتها لي رفيجتي هديه