احلى تجمع مواليد مارس 2012

[Mrs Cartier]

بنات اليوم بنتي كملت ٦ ودخلت ال٧
شنو الاكل والوصفات اعطيها ؟؟ بنتي مو متقبله الاكل وللحين مافيها شعر

 

[اجمل الذكريات]

كارتير
شلون بنتج ٧ شهورر
انا ولدي اكبر من بنتج وتوه عمره 6 شهور ونص


 

[اجمل الذكريات]

وعلا الاكل عادي عطيها من اكلكم وعضير وسيريلاك وبسكوت
وعلا الشعر تضحكين علا شعر عبودي من جدام نااعم ومن ورا فلافل
خخخخخخخهخخهخخهه

 

[Mrs Cartier]

ههههههههه
فديته عبوودي
انا عقدوني كل من يشوفها يقول ليش شعرها ما طلع
مع ان احس عادي ولدي كان جذي بعد
اقصد بنتي خلصت ٦ شهور بالضبط تمشي فالسبع يعني لها كم يوم فالسابع
بيني وبينج اسبوعين
طعمتي ولدج تطعيم ٦ شهور؟ انا بطعمها عقب اسبوعين ان شا الله
وع الاكل يقال مانعطيهم ملح وسكر وعسل لي يكملون سنه

 

[حبيبة عز]

مبرووووووووووووك حبيبه والله يثبت لي تمامه وتقر عينج بشوفته يا رب
فرحت لج والله
والله يعطيني وياكم بس انا مو مخططه الحين بس فخاطري

الله يبارك فيج كارتيره

آميييييين الله يسمع منج

انا بعد ماقلت لكم الا لاني واثقة انكم بتفرحولي وتدعولي

الله يخليكم لي ياحلى صديقات

 

[حبيبة عز]

حبيبه عز
ياااعمري الف الف الف الف الف الف مبروووووووووووووك
الله يتمم عليج وتفرحين بشوفته اللهم اميييييين

الله يبارك فيج

حبيبتي جمول

الله يسمع منج

والله انج عسوووووله

 

[حبيبة عز]

هههههه حتى انا شعر ولدي خشن

على ابوه

انا طعمته تطعيم ال6 شهور

ابرتين بالفخوذ وقطره بحلجه

وصخن حياتي يومين وضعف

وافتكييييت

--------


انا صرت اوكله جزر مهروس

او كوسا مهروسه

وللاسف ماحب السيريلاك ولا تقبله

وكنت اشربه حليب سيميلاك

بعد 6 شهور ماحب سيميلاك 2

غيرت له بروجرس واشوه مشا معاه

 

[Mrs Cartier]

حبيبة انتبهي لنفسج وانتي توج والده يعني المقويات ضروريه
وهالحجي حق زيون بعد
انا للحين احس جسمي تعبان من الحمل والولاده
وافكر ع السنه اليايه احمل ان شا الله

انا خذت حق بنتي موعد عقب اسبوعين حق التطعيم
والحين اعيالي بسبب الجو مزكمين ويكحون

اليوم عطيتها وصفه يديده زهره وبازيللا وجزر وبشوف شلون معاها


وشخباركم بعد؟

بنات شنو تنصحوني اشيا لازم اسويها او اقولها للشغاله اليديده
مشكلتي اخاف اكلمهم .. احاتي اعيالي والا يروحون ويخلوني
مسويتها يا دهينه لا تنكتين

 

[اجمل الذكريات]

هلا بناات شلوونكم امس طعمت ولدي ٦ شهور
كارتير
علا الاكل حاولي تعطينه اي شي عشان يتقبل الاكل وعلا الملح انا احطله بس شوي مو وايد
والخدامه علميها علا الممنوع وان ماتسويه وحاولي لاتشدين عليها ولا ترخين
عشان تمشي معاج
الله يعطيج خيرها ويكفيج شرها

 

[Mrs Cartier]

مرحبا بنات شلونكم
بنات ولدي مناعته ضعيفه وايد بسرعه يمررررض
تبهدلت وياه
الحين الجو بارد بلندن ع طول صخونه والتهاب بصدره وحلقه
فيدوني شسوي
اعطيه عسل ع الريق يوميا
واعطيه قفشة زيت السمسم
الحين مو راقد بسبة مكتوم من البلغم
حاطه له بخار وفنتولين
وعطيته دوا للكحه

متضايقه

 

[زين ودلال]

ويييي كرتوره مايشوف شر يااارب

انا بنتي نفس ولدج وايد تمرض

وهم الحين مريضه فلونزا

وكحتها تشلع القلبببب حيل قويه بعد عمري

وترجيع تكرمون

اليهال يعورون القلب لا مرضوا ):

وشكلها عادتني ):

 

[Mrs Cartier]

ماعليكم شر زيووون
وديته نوموه ليله سووله تحاليل
قالو الحمدلله مافيه شي بس البلغم كاتم صدره
لازم بخار كل ٤ ساعات مع فنتولين
وادوية الكحه والزكام

الحمدلله الحين خف عن قبل

شخبار بنيتج ان شاء الله احسن؟ ان شاء الله ماعادت ولدج؟؟

باقي البنات شخباركم ؟ وشخبار يهالكمً؟؟

 

[زين ودلال]

اشوه الحمدلله

الله يطمن قلبج ان شاء الله

امبلللله عادته للاسف خشمه يصبصب حبيبي عنووون

شلون ريولج؟

وبنيتج

 

[Mrs Cartier]

وي وعليه ماعليه شر
عطيه فنستيل زين لليهال

وماعليهم شر يا رب

ريولي احس خفت عن قبل مب الالام القبليه
من جم يوم اقول فخاطري ليكون من ابرة الظهر
لان كانت فاشله وماطقوها صح

وواحد من الدكاتره قال لي مب شرط الريل فيها شي
احتمال شي فالظهر

ومن يومها شاكه فهالشي


بس الحمدلله ع كل حال..

بنات بديتو تخففون عقب الولاده يقولون الرياضه عقب ٦ شهور من الولاده
يعني الحين نبتدي

 

[زين ودلال]

الشر ماييج كرتوووره

فحصي ظهرج شوفيه وعقب سوي رياضه

 

[زين ودلال]

جمووووله

وكووووله

غاطين من غير شرررر

وييييييينكم

 

[انسام الكويت]

مرحبا بنات شلونكم
بنات ولدي مناعته ضعيفه وايد بسرعه يمررررض
تبهدلت وياه
الحين الجو بارد بلندن ع طول صخونه والتهاب بصدره وحلقه
فيدوني شسوي
اعطيه عسل ع الريق يوميا
واعطيه قفشة زيت السمسم
الحين مو راقد بسبة مكتوم من البلغم
حاطه له بخار وفنتولين
وعطيته دوا للكحه

متضايقه

سوري عاللقافه بس حبيت افيدج بشغله

حرام عليج العسسسسسل ممنوع للطفل اللي ماكمل سنه يسويله أمراض لصدره وحساسيه

 

[Mrs Cartier]

هلا وغلا حبيبتي انسااام
لا عادي حياج بين خواتج

ولدي عمره ثلاث سنين ونص
اما بنوتي مواليد مارس ماعطيتها. عسل

 

[اجمل الذكريات]

السلام عليكم
كارتير مايشوف شر ولدج ياقلبي

 

[Mrs Cartier]

شخباركم بنات لكم وحشه