احمل ويموتون

[فاقده ابوهاااا]

حبيبتي محد يقدر يساعدج غير ربج عليج بالدعاء والاستغفار وربي يثبته لج وتولدين بالسلامه واهم شي النفسيه للحامل حطي بالج ولا تفكرين بالشي الشين تفائلي بالخير وذكري ربج وتركي الامر على ربج سبحانه

 

[اشطر وحده]

ياعمري انتي يارب الله يثبته لج ويرزقج بالعيال الصالحين
انا مثلج اول حمل لي كل اموري طبيعيه بس بالشهر السابع نزل ماي البيبي ورحت طياره للمستشفى
وللاسف قالت لي الدكتوره ماكو نبض البيبي مات وعطوني طلق وولدوني
والمره الثانيه نزل البيبي بالثاني وهم بدون اسباب كان كل شي طبيعي
بس هذا اختبار من رب العالمين
والحين انا حامل لي شهر ونص وصارلي اسبوعين الدم ماوقف مني لونه ادعم
عطوني حبوب تثبيت واخذت ابرتين تثبيت جرعه مضاعفه اخذها مره بالاسبوع
وباجي ابره الاسبوع الياي اخذها
بس للحين الدم معاي ماوقف وانا الحين عند اهلي مااتحرك ابداً
على طول نايمه على ظهري
والحمدالله ارقي نفسي ودايما مشغله سورة البقره
وان شاءالله يارب الله يكتب اللي فيه خير
على فكره انا من اول تنزيل لي سويت تحليل اجسام مضاده والنتيجه زينه
وسويت زراعه للمشيمه للبيبي الاول وكانت سليمه
بس الحمدالله هذا رزق من رب العالمين
ويارب يثبت اللي برحمج وبرحمي وبرحم كل حامل ان شاءالله

 

[جورية ذهبيه]

وعليكم السلام حبيبتي
الله يثبته لج ان شاءالله والله مادري شقولج كل الكلام يزاهم الله خير قالوا ...
بس مالج غير ربج وحاولي انج ما تتحركين وايد اقري علي نفسج والله العظيم اني دعيتلج و راح ادعيلج بصلاتي ...
اهم شي انج تطمنيني لان احااتيج حياتي
ماكوو الا الخير ان شاءالله وياااارب يثبت الياهب وتولدين بالسلامه و تمسكينه بيدج وتفرحين فيه

 

[dalyooh]

الله يثبته يارب ويرزقج بالذريه الصالحه انا بعد اجهضت ابجري وحملت عقبه ونزل معاي دم بني وخذيت مثبتات وريحة عمري ووحده الله يجزاها خير بالمنتدى قالت اخذي قفشة نشا وذوبيها بقلاص ماي والحمدالله وقف الدم ويبت احلى بنوته يارب تقر عينج بشوفته سليم معافي وصدقيني خيره لج وجربي النشا ان شاءالله يوقف الدم

 

[Lady-_-fushia]

قوة الله يرزقج الحمل الثابت يارب والذريه الصالحه

انا نصيحتي روحي للدكتوره فوزيه القطان اهي حيل امينه وماراح تسويلج شي مو بحاجته و
تعطيج يعني الخلاصه اذا فيج شي لاسمح الله

عموما ترا لما تجهض الوحده و ياخذون منها مسحه بقايا الرحم و هالسوالف لا تتوقعين يقولونلج شنو السبب
لان صعب يعرفون خاصه عقب ما تطيح الوحده

غير جذي ارتاحي و لا يصير جماع مع زوجج نهائيا لحد ما تقولج دكتورتج ان يصير و غير جذي لاتلبسين كعب
ولا تشربين لا شاي ولا بيبسي و لا قهوه

انا بحمالي الاول صار معاي جذي و عوار ترا الظهر عادي بس لما بين فتره و فتره ييلج وبعدين يروح
و في ناس وايد الدم ينزل عليهم و حملهم سليم
انا خالتي حملت عاللولب واهي ماتدري و عقب طول حمالها ينزل عليها دم دم يعني ثقيل و قطع تقول كرمج الله
والحمدلله ولدت بالسلامه و بوقتها و عادي كل شي كان تمام

وامي نفس الشي صار وياها قبل على طول كان ينزل دم و حمالها سليم
انا لما اجهضت كان باول شهرين و بعد نزل علي دم و كنت حيل تعبانه بحملتي
وفرق معاي بحملتي الثانيه الحين ممكن يكون حملج مو ثابت لان الحمل مو سليم
ممكن الطفل يكون فيه تشوهات و هذي الحالات اللي غالبا يطيح فيها الجنين من نفسه و مايقعد
وحتى اذا استمر الحمل للولاده ممكن ان يموت عقبها بجم اسبوع
يعني ربج يبيلج الراحه و دايما حطي ببالج ان الخيره فيما اختاره الله لكي
يعني انا قبل لا احمل دايما ادعي اذا حمالي مو زين و اذا بيطلع مو سليم ان يارب لا يتم
واذا سليم ادعي ان ربي يثبته و يرزقني شوفته


بس نصيحتي روحي للدكتوره فوزيه الحين لاتنطرين دم وايد ينزل عليج
وقوليلها يعني تحطج بالصوره اذا يعني سوتلج هرمون الحمل و ان احتمال تجهضين يبين من رقم الهرمونات
قوليلها انتي مطيحه 4 مرات من قبل
واهي يمكن تقولج عن حل بديل يعني ممكن يكون لازم تلقيح صناعي و جذي

ممكن تكون الحيوانات المنويه ضعيفه او بويضاتج ضعيفه

يعني الممكن ماتخلص في احتمالااااات وااااااااااااايد حطيها ببالج و هالاشياء ممكن يتعرفون عليها قبل الحمل
بالتحاليل مو بعد الحمل يعني اغلبها اذا يفحصون عدد الحيوانات المنويه للزوج و يشوفون بويضاتج او اذا عندج تكيس

كل هالاشياء قبل الحمل
انا قلت لج عن د.فوزيه القطان لان امي ولاداتها مع الدكتوره فينا كلنا و الحين انا اراجع عندها
وشاطره ما شاء الله عليها
وادعي الله سبحانه ليل و نهار و من قلبج و تاكدي اهم شي انج تكونين متاكده ان ربج بيعطيج مرادج
وان شاء الله خير
الله يسهل عليج ان شاء الله

 

[(أم نونو)]

الله يثبت حملج ان شالله ودايما الدعاء سورة البقرة وتراجعين عند دكتورة شاطرة

 

[MN.collection]

الله يثبت حملك ويرزقك بالذريه الصالحه

اول شي التزمي الرقيه والراحه ودايم انسدحي وارفعي رجولك
لاتنسين الابر المثبته لان الحبوب ماتسوي شي بحالتك
ليه مايسون لك ربط عشان يحفظ البيبي طبعا مع ملازمة الراحه
الله يعينك
واذا فصيلة دمك سالبه تحتاجين ابره


طمنينا والله يفرح قلبك

 

[om batool]

جربتي الاسبرين؟

ان اجهضت 3 مرات وبالرابع حللت وطلع سبب الاجهاضات تخثر بالدم واخذت بيبي اسبرين حبتين باليوم والحمدلله ثبت

وهالحمل نفس الحاله واخذ اسبرين والدكتوره قالت اوقفه بالاسبوع 37 ان شاءالله

الله يتمم حملج على خير ويفرحج بشوفه البيبي سليم معافى يارب

 

[QYtiya.com]

ياقلبي الله يثبته لــــــج
يمكن تحتااااااجين ربط ..
واكلي مثبتات واذا لزم ابر مثبته ..

 

[ام بديير]

الله يتمم عليج حملج ,., ريحي وانتي منسدحه حطي تحت ريلج مخاد تكون مرتفعه يعني,., على الله يوقف البني ..

 

[باربي لكويت]

شوفي حبيبتي انا هذا رابع حمل لي والله يتمه على خير انشالله بس حبيت انصحج باللي نفعني وراح ينفعج باذن الله انا ثلاث مرات قبل حملي هذا احمل ولايتم مره حمل خارج الرحم ومره كيميائي ومره شبه عنقودي ومن يومها ايقنت ان فيني عيني لان جميع تحاليلي وتحاليل زوجي سليمه وتقدرين تقرين مواضيعي اللي قبل

عليج بقرائه سوره البقره ليلياً وسوره مريم قبل النوم وربي راح يبعد عنج الحسد والجن والشياطين وتمي اقريها ليمن تولدين وبعد ماتولدين اقريها على ضناج ليمن يتم السنه وربي يحفظه ويخليه لج يارب ورقي نفسج بالليل قبل النوم لان الشياطين يجونج بنومج وممكن يذبحون الياهل بس انتي اعتمدي على الله تعالى ثم سوره البقره ومريم بنيه ثبات الحمل واذا على الدم انا بحملي هذا ينزل علي دم احمر ومره نزل علي دم مثل القطع وقلبي خلاص احسه بيوقف وكنت اتوضا واقرا البقره وسوره مريم والحمدلله هذا ربي متمم علي بكرمه ورحمته وثقتي فيه سبحانه جل علاه سوي نفسي وربي بيتمم حملج على خير انا مانفع معاي الا هالطريقه والا ادويه الدكاتره وهذريهم الواجده مانفعتني اطلبي الله لاتطلبين عباده الضعفاء وهذا مايمنع انج تروحين الطبيب وتعملين بالاسباب خليهم يعطونج ابر تثبيت وديفيستون وتحاميل تثبيت واستمري على البيبي اسبرين والفوليك اسد وسالي الدكتوره اذا تحتاجين ابر سيوله او لا

والله يرزقج الذريه الصالحه يارب ونصيحتي لج راجعي برويال حياه عند الدكتوره نداء بوخضور حيييل شاطره وفاهمه بهالشغلات وانشالله ربي يتمم حملج على خير يارب وتفرحين بضناج ياكريم

 

[بخـــارى]

لاحول ولاقوة الا بالله
روحي الطبيب وطمنينا عليج

 

[صدفه]

وعليييييكم السلام :yaaaaaarb:

:yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb::yaaaaaarb:
ياااااااااااااااااااااااااارب يثبته لج ويقر عيينج فيه:yaaaaaarb:

 

[دآنة آلرشآيده]

يمكن فيج تآبعه
عآلجي بآلقرآن آلكريم
إقري علي نفسج سورة آلبقره
والله يثبت حملج يآرب​

 

[كويتيه مذهله 87]

حبيبتي حللي الاجسام الضماده وكل التحاليل المطلوبه لازم ابر سيوله اذا من الرابع وروحي لشيخ يقري عليج

 

[أدري أخذوكـ مني]

كل اللي قلتوه سويته وربي بحملي الثالث عطوني ابرة تثبيت وحبوب ديفستون وبعد اسبرين بس مات وفوق هذا مات فبطني ومايبي ينزل وربي يابنااااات انهم عطوني تحاميل علشان ينزل مارضى عطوني 8 تحاميل وسعرها غالي بعد وشربت كل الاشياء اللي تخليه ينزل دامه ميت ابيه ينزل بس وربي عند كل عمليه قبل يدخلوني غرفة العمليات يصيبني ضيق تنفس اخاف
بقولكم ع شي صارلي بحملي الأول حلمت حلم وربي قرصني قلبي بعده حلمت انه عندي ثلاث عصافير الأول قعد بيدي شوي ثم طار والعصفور الثاني بعد نفس شي قعد ثم طار العصفور الثالث طول وهو بيدي ثم طار
سبحانه بعد اول واحد نزل قلت يمكن هذا تفسيره سبحانه الاول والثاني ماتوا ونزلوا من بداية الطلق اما الثالث وربي سووا المستحيل علشان ينزل حتى الطلق بس ماكو فايده من بعدها عرفت انه تفسير حلمي
هذا حملي الرابع احلامي كوابيس ورببي شي يخوف
جزاكم الله خير كل اللي دعى لي ورد علي

 

[طيب^الكويت]

حبيبتي روحي الصباح قوليلهم انا عندي حالات اجهاض وحامل وينزا علي بني ويكتبولج دخول وريحي جم يوم بالمستشفي ةمنها اتطمنين علي البيبي انا نفس حالتج وحاولي تراجعين عن دكتور مايكل بالصباح زين حق حالاتنا

 

[ندى العبير]

الله يثبت حملج ان شااء الله

طمنينااا عنج

 

[Lawyaria]

حبيبتي حاسه بشعورج انا اجهضت مره وكانت النفسيه ولا ازفت وكنت تعباانه مع ان البيبي ماصارله شهر ونص وصار معاي نزيف ثلاث ايام موراضي يوقف اخر شي قررولي تنظيفات لان الجيس مو مبين معاهم بالسونار نزل وكان من الاول غير سليم .. والحمدلله انا الحين حامل .. حبيبتي لا تيأسين من رحمة رب العالمين واكيد ربج له حكمه .. اهم شي الحين ارتاحي على ظهرج لاتتحركين كللش .. واقري سورة البقره وان كان سليم الله راح يثبته لج .. وان كان مو سليم رحمة لج ان ما يستمر .. وان شاء الله الله يثبته لج وتقر عينج بشوفته

 

[miss crazy]

مرت اخوي 4 عورات نزلت ومن البدايه نقول لها روحي لدكتوره عاليه عارفين شغلها وخياطها

وسنعها للحريم كل ترفض والله اعلم بنيتها عاد بالاخر امي كلمت ا

خوي وقالت روح ودها لعاليه

اقسم بالله الذي لا اله الا هو انها اغلب مستشفيات الكويت ماعرفو شنو فيها

راحت لعاليه الفضلي وفحصتها وتحاليل شامله وكل اجراءات الفحوصات الدقيقه طلع معها بكتيريا تقتل الجنين! اي والله ولاتخلي الجنين ينمو الا باول اشهر وتعدمه بالمره اخر طفل لها 5 شهور وطلع منتف من البكتيريا

(بصراحه هذي تجربه من وحده وحبيت انقلها لكم للاستفاده )