هذا حجي تقولينه ؟! :eh_s(4):
الريال فقير ما قالج اخذي رقمي والا قط عليج كلمه مثل هالصبيان
وكلش ما له داعي تفكرين مجرد تفكير انج تخلين مديرج يكلمه أو اتزفينه
لو واحد ياي متحرش وقل أدبه اهني المفروض ينزف
كل اللي اطلبه منج رقم ابوج ومبين عليه ريال جاد وشاريج
وليش متعقده من الرياييل وما تبين الزواج؟
مثل ما فيه رياييل لج عليهم بالمقابل أكو رياييل ونعم الأخلاق والدين ينحطون عالجرح يبرى
اخوج وابوج وأهلج عارفتهم عارفه أخلاقهم , عيال الناس نفس الشي فيه منهم الزين والشين
صيري لينه هينه سهله مع الناس .. ما أقصد درجة السذاجة
فتحوا له الباب .. مو يمكن لا قعدتي وتكلمتي معاه حزة الخطبه ترتاحين له ويدش قلبج ويطلع ريال ونعم فيه..
أما جذي اتسكرين الموضوع خير شر لا سمحيلي غلط
سواء اهو أو أي ريال جاد
خو مو بيوم وليله بتوافقون عليه , عالأقل شوفيه وشوفي أسلوبه وفكره
الله يهدي قلبج ويسهل أمورج
