احنا ابلات ولا خدم ؟

[*أم*خالد*]

السلام عليكم شلونكم يا زميلات الأشغال الشاقه والنفاذ ؟

عساكم بخير وصحه وعافيه

يابنات وانا قعد احوس برياض الأمريكان اقرى عن فصولهم

ولا مكتوب اكو ركن خاص اسمه ركن المعلمه .. فيه مكتب وكمبيوتر وارفف حق اشياءها

بروضتنا وحده من المدرسات مسكينه حطت درج نتفه بس عشان تكتب التحضير .. حتى مو درج طاوله تفشل مالت يهال مو مالت كبار

قالولها ممنوع وشالتها

الوزراة يابولنا تقريبا 12 مكتب بس وين لازم نحطهم ؟؟ بغرفه المعلمات ؟؟ ياسلام والصف ؟ انا ما اقعد بغرفه المعلمات الا نص ساعه ويومي الكامل 4 ساعات ونص ومرات 5 ساعات كامله قاعده بالصف على كرسي الله يعين الحوامل عليه
ولا على الأرض
" ويتسائلون اولياء الامور ليش مانكشخ لووووووول "

اكو احسن من رياض الأجانب ؟ كاهم يحترمون المعلمه ويحترمون مهنتها بـ " مكتب " واحنا يامال السلال على هالقوانين اللي كلها اهانه

السؤال .. هالشي من التوجيه العام .. ولا حسب اهواء موجهاتنا العزيزات ؟

 

[nero]

اي والله نبي مكاتب تكسرت ضهورنا من طاولة الفنيه نكتب فيها التقويم والتحضير
حتى لو بنحط مكتب ماكو مكان؟؟
او على الاقل يخلون كل كورنر صفوف فيه غرفه مكاتب حق ابلاته اذرب واريح

 

[*أم*خالد*]

يا نيرو لو اقولج بالاجرام اللي انا سويته بس ياربي والله مو بيدي

تخيلي ركن المكتبه سكرته وخليته مكتبي الخاص بس بعد كسر ظهر لأنه الكرسي نتفه والطاوله انتف وانتف

بس زين يعني ركن طايح حظه لووووول منصجج طاوله الفنيه ؟ خطره حييل كلها الوان وتشخبط ومرات الطاوله تكون وصخه من اثر الالوان عليها

صدقيني اي مكتب بره الصف ماله لزمه كلش
لأن احنا طول الدوام بفصولنا ماعدى اللقمه اللي نتيمع عليها ونلطها ونمشي

يعني مكتب تقعدين عليه ربع ساعه ولا قاعد عندج بالصف فيه اغراضج ووسائلج ؟

 

[أبوي تاج راسي]

والله صاجه انا السنة اللي طافت قلت لمشرفتنا راح احط مكتب بالصف ضحكت بس ما علقت لان على قولتها مو بيدها بس ابي اعرف ليش ممنوع لو أحد يرد نكون شاكرين له ولا تقولين لي علشان الاطفال لان مرات تطق براسج تبين تقعدين بالصف علشان التحضير وتسنعين ملفات الاطفال والحضور والغياب وبالفترات هذي يكون الاطفال يابالمطعم او الفرصه اومايكونون بالصف برى اللاصفي زوكيه انا اذا رحت لغرفة الابلات ابي ارتاح مو اخذ شغلي معاي يعني اخلص بسرعة واروح ارتاح او باللاصفي استانس مع رفايجي وارد لصفي اكمل الشغل اللي عندي .

 

[أورلاسو نوفاز]

الله يعينكم

هذا نظام الكويت

نظام تعليم فاشل

وحتى اسس التعليم فاشله

والله يعينكم

مكاتب ماكو والله مصخرا

 

[فرحه ولكن؟]

الله يعينا خلوها عليه سبحانه

 

[الحياة]

اي انا اذكر انه قالو لنا بنحط لكم مكاتب السنة اليايه بس ليش وشحقة مادري
لووووووووووووووول
اذا احنا ما نقعد الا بالصف ليش انحط المكتب بره الصف ...
مكتب والسلام وباجر يصير حق المخزن ولا السكرتارية ياخذونهم
طبعا لا تتوقعون مكتب مكتب خشب وحركات اكيد هذا الالمنيوم اللي يضيق الخلق لما تقعدين فيه واشتري انتي لج كرسي عاد لوووووووووووول

الله المستعان يا بابلات

 

[أم^سعد]

يا طيبة الذكر مشكلتنا في رياض الاطفال ان ما في منهج ولا حتى سياسة ثابته

رياض الاطفال منهج كل من ايده اله على قولة اخوانا السوريين يعني اليوم يقولولج شي اليوم اللي وراه يغيرون بشي ثاني والله عقدوووووووووووووووووونا بالنسبه لدفتر التحضير مو كل سنه يغيرون في شي لااااااااااااااا كل كورس
مرة حلقاتج الازرق وحلقات زميلتج بالاخضر مره انتي بالاخضر و زميلتج الازرق

أخضر بالسوق أحمر بامك :dddds:
والله مرة حنو علينا حنه بسالفة الكلمات والاعداد لازم تنطبع وتتغلف لكل خبرة ناخذها ونخلص وانحطها على لوحه على الطوفه نقسمها بالنص شي اعداد شي كلمات طبت علينا الموجهه الاولى واسألتنا هذا منكم ولا احد قالكم قلنا والله طلبوه منا قالت منتو مجبورين تخيلوووووووووووووو الصدمه احنا تعبنا وحالتنا اخر شي مو مطلوب
السالفه كلها مزاجية الموجهه احنا موجهتنا حتى الجنطه والعباية ما ترضا نحطها بالخزانه و شنو تقولج الصف هذا مملكة الطفل وانتي مالج حق فيه وتبوووووووووووووووون طاوله وكرسي خلللللللللللوها على الله:0bee2e8d89: ​

 

[*أم*خالد*]

ام سعد واللي يعافيج دزيلي بالخاص اسم هالموجهة القمر .. عشان اقيم الليل انه ما اطيح عندها

ماكو احسن من النظام الاجنبي سواء تدريس ومنهج .. وصقل شخصية الطفل يطلع مبلبط شحليله مايستحي يتكلم جدام الأطفال .. وبنفس الوقت محترمين الأبله وعاملين لها حساب .. انا ماتنبط جبدي الا لمه اقارن وظايفنا بالدكاتره .. هذيلاك يلعبون بحياة البشر اللي يموت واللي ينشل محد يقولهم ادنو على وراكم .. واحنا من نقول أ قامت الدنيا ولا قعدت ويقولون ليش هيبه المعلم راحت
انا وحده من الناس ضد ضرب الطفل .. بس مو معقوله هالوزاره التعبانه كل وسائل التأديب ممنوعه .. اشوة اني روضه الله يعين باجي المراحل

والمشكله الأكبر انه اللي فوقنا ماجنهم بيوم من الأيام كانو مدرسات .. مادري يعني لمه الوحده منهم اتييها الترقيه يسوون لها مقابله ولا غسيل مخ ينسونها كل سنين الخدمه ولا شسالفه الله العالم سبحانه

تتوقعون جمعيه المعلمين يسوون لنا شي بهالخصوص ؟؟

الحياة عمري

طبعا لا تتوقعون مكتب مكتب خشب وحركات اكيد هذا الالمنيوم اللي يضيق الخلق لما تقعدين فيه واشتري انتي لج كرسي عاد لوووووووووووول

احنا يابولنا مكاتب خشب والله شكلها نايس لون الخشب البيج العادي مع كراسيهم ووحده ادراج صغيره
المكاتب كودوها بالمخزن حطولنا 2 بغرفه الأبلات مادري 4 راصينهم ومسوينهم طاولات بوفيه لووووول
والكراسي مادري وين راحت لوووول اتوقع اهم وباجي المكاتب تكودوا بالمخزن
عاد خوش مكتب كبير وشحلاته لو ينحط بالصف يصير الوضع زقرت ما اروح غرفه المدرسات كلشش
بس حسبي الله ونعم الوكيل على المعقده مادري المعقد اللي مانع هالشي

 

[كويتية ذهب]

صاجة نطالب بطاولات بالصفوف والا نضرب عن العمل
شرررررررايكم فيني

 

[*أم*خالد*]

لوووووووووووووووووووول
اهم شي تضربين عن العمل

عبالج ماكو خيانات ؟ بنصير أخس من انقلابات الكرد هاهاهاهاهاها
ويسمون وزيرة موضي كيماوي لوووووووووول

 

[زهرااا]

الله يعينكم صراحه

 

[moone GRL]

مابي مكتب مستعده اقعد على الارض بس يفكونا من شرهم


مشكلة الرياض مو بمكاتب المشكلة اكبر حيل من ادراج ومكاتب .. الله بس يحقق اللي ببالي وافتك من الرياض ناويه اطلقها بلا رجعة

 

[ms. hana]

موفقين

 

[*أم*خالد*]

مشكورين على مروركم العطر

موني لايكون ناويه على الاستقاله ؟

 

[عبق الورد]

مابي مكتب مستعده اقعد على الارض بس يفكونا من شرهم


مشكلة الرياض مو بمكاتب المشكلة اكبر حيل من ادراج ومكاتب .. الله بس يحقق اللي ببالي وافتك من الرياض ناويه اطلقها بلا رجعة

صااااااااااجه ياليتها واقفه عالمكاتب وبس .. انا مابي مكتب ابي مدرسه حركيه < تتشرط هههههههههههه
الله يوفقج وتطلقين رياض الاطفال وانا معااااااج يااااااااااااارب نحول مكان ثاني
والله مو مشكلتنا الاطفال ولا مشكلتنا الشغل لا مشكلتنا بالنظااااااام الدايخ والقرارات اللي مو مستقره والتقييم التافهه
يعني ابله تشتغل طول السنه ... وتلاقينها محتكه باطفالها بالصف وتطور مهاراتهم .. واخر شيء الموجهه تنقدها وتفلسف عليها علشان صيغه الهدف ؟؟؟ وتقوم الدنيا وما تقعدها عشان هذا هدف معرفي والا هدف و جداني جتماعي !!!

 

[عهود الحب]

انا اطالب بسرير بالصف
ههههههههههههههههههه الثقل مسوي فيني سوالف
يا يحطون لي سرير يا ما ادرس تخيلوا الناس يبوني انشط الاطفال وانا ابي انومهم
تدرون رياض الاطفال قبل ايام الفلسطن كانوا ينومون الاطفال ويعطونهم كت كات
احنا لا شفنا اطفال ينامون ولا شفنا كت كات
الاطفال يجونج شاربين ريد بول بس باقي شوي ويطيرون ويطيرون عقلج معاهم

نشاط فوق الاعتيادي

طيب خلاص مانبي ننومهم عالاقل نبي الكتكات


عادي لاتنقدون علي ترى الواحدة لما تدرس 15 سنة
تحسين ماكو طاقة مثل اول خلاص



بس ابي ليش احنا ندرسهم وقبل المدرسات القدم الي الحين ناظرااااااااتنا وموجهاااااااااتنا كانوا ينومونهم

في احد يدري شنو السبب ؟

اللهم لا اعتراض

يالله ادعولي اولد قبل رمضان

 

[AL-BaNDry]

عاد اهم مرحله هي رياض الاطفال ولازم يريحون ابلاتهم عشا يعطون اكثر واكثر

بس نظام الكويت كالعاده فاشل

 

[عبق الورد]

عهود الحب .. هههههههههههههههههه نومهم عشان يشنقونا هههههههههههههههه
فديتج وفديت اقتراحاتج
.. توني كنت افكر فيج سبحان الله قلت اكيد ولدت ......... يارب تولدين بالسلامه قبل رمضان

 

[*أم*خالد*]

حيا الله ورده القسم

يالله يا عهود الله يسهل عليج يارب وتولدين بالسلامه قبل رمضان وبتاريخ حلو ومميز

تبين سرير مره وحده ؟ لا وتنومين اليهال ؟؟ عهود انتي اكيد حامل ؟ ترى بديت اشك بقدراتج

البندري .. الله كريم والحمدلله على كل حال كل مدرسات التربيه حالتهم وحده نصرخ صرخه وحده

واللي تحاول تحول اداريه .. هذا حالها لووووووووووول

http://video.google.com/videoplay?d...Sr7lIdzB-AaygNnUAQ&q=عادل+الامام+الزعيم&hl=en

ربنا يخرب بيوتهم بجاه النبي لوووووووووووووول