احنا الي مانيب عيال المشفوقين العقيمين المساكين (هذي نظرت الناس من حولنا)

[ذكريات]

حبيبتي هذا ابتلاء من الله

تقولين لي باجر كبرت منو يشيلني ؟؟ شرابج انا اعرف وحدة كبيرة و مو متزوجة و ابوها كبير حييييييييييييل

و اخوانها و اهلهلها ما يدرون عنهم

تدرين عقب ابوها وين تروح و شنو تسوي

على الاقل انتي عندج امل

ركزي على الاشياء الحلوة بحياتج

و ان شا الله الله يرزقج و يرزق كل محروم

 

[<<قطرة ندى>>]

لاحول ولا قوة إلا بالله
الله يهديك بس توكلي على ربك ولا تيأسين من رحمة الله

عندي خلطه انا ابي اجربها الشهر هذا إذا جتني الدوره ودي اكتبه لك نبداء مع بعض إذا ودك ارسلي لي
لاني كتبته في منتدى ثاني وانحذف مع انه مفيد
اللي قالته لي تقول وحده من قريباتها لها 15سنه جربته ونفع معها

 

[bant_alnoor]

انا مالومج اختي ( يارب ارزقني بطفل ) كل وحده فينا سمعت كلام يجرح مشاعرها لان الناس اتغيرت ماترحم صارو يقذفون الكلام بدون مايفكرون باحساس الشخص اللى امامهم وأنا اول ماتزوجت كانت خالتي تضايقني بالكلام وكل ماشافتني تقولى اللى تزوجت معاج حملت اقولها الله يرزقها , ومره تقولي اللى تزوجت بعدج حملت وقول الله يرزقها وغير الكلام اللي تسمعينه بالبيت من حمواتج وحريم حموانج كنت انسانه منهارة حساسه لاقصي درجه تتخيلونها لدرجة اني ماعلم زوجي عن هالكلام حتى ماتسير مشاكل وانا صابره على هذا كله وانا الحين صارلي متزوجه 7 سنوات ونص وليومكم هالكلام شغال بس الحين غير معطيه الكل تدرون شنو بنات

طاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااف

شوفي حبيبتي مدام زوجج معاج ويحبج ويحترم مشاعرج والله لاعطي الكل سكب خل اللى يقول يقول اصلا انتي تحريهم بحقرانج وعدم اهتمامج لهم وعيشي حياتج حبيبتي روحي استانسي سافري انتي وزوجج بس لاتنسين الدعاء والاستغفار ويقول ربج ياعبد اسعى وانا اسعى اليك بس لاتخلين علاجج يحطم نفسيتج وسبحان الله بعض الخوات نفسي كل مانزلت الدورة اقول الشهر اللى وراه حامل انشالله ولما تنزل الدورة اقول الحمدالله وحلوه فكره اني افكر بصبغ الاظافر لاني مااتذكرة الا اخر يوم بالدورة

خوااااااااااتي حبيباتي خلو نفسياتكم عاليه واهم شئ ان تكونين ميقنه ان رب العالمين بيرزقج بالذريه الصالحه وهذا اهم العلاج وأوله ايقانج بالله سبحانه وتعالى وربكم ماينسا عباده

والله يرزق كل محروم ومحرومه الذريه الصالحة يارب

والتفاؤؤؤؤؤؤؤؤؤؤؤؤؤؤؤؤؤؤؤل حلو ياخواتي

 

[لولو الحبوبة]

صباح الخير بنات
انا نفس حالتكم.............. الله يرزقنا الذرية الصالحة باذنه تعالى

انا تحاليلي الحمدالله زينة..............بس المشكلة عند ريلي
ومن اول ما عرف بالسالفة من اربع سنين ما يبي احد يكلمه بالموضوع او العلاج

الله يصبرنا ويستجيب لدعانا........... صج كلا الناس يغث

انا احاول جدامهم ابين اني قوية......... بس لما اقعد بروحي اتأزم واااااااااااااايد


ما اقول الا ( اذا الله اراد لنا الذرية اهو بيرزقنا)

وانا اعتبر عيال اخواني جنهم عيالي


يا رب تستجيب وترزقنا من حيث لا نحتسب

 

[ام يوسف القمر]

اشكركم بنات على مشاركتم لي ومواساتي ان شالله الله يرزقنا عاجلا غير اجلا

 

[محبة السلام]

حبيبتي لاتكدرين خاطرج قولي الحمدلله على كل حااااال انا لي خمس اسنين ولا حملت بس الحمدلله عايشه حياتي بكل مافيها ولاهامني كلالالالالالالام الناس راضية بقضاء الله وقدره وكلي امل برب العالمين ان يرزقني وكل محرومة بالذرية الصالحة اللهم اميييييييييييييييييين

 

[ام يوسف القمر]

مشكورة اختي
محبة للسلام الله يرزقنا ان شالله

 

[الاسطورية]

حبيبتي الحياه قصيره والدنيا ركضه اذا بتعيشينها بالم محد خسران الا انتي تحاتين منويشيلج لاكبرتي انتي اهتمي بنفسج قبل غيرج اذا ظليتي جذي بتهدمين صحتج
ومن قالج عاد يهال هالزمن يشيلون احد شوفي شكثر طايحين ولا عيالهم درو عنهم

الكويت ديره خير محد بينساج اهلج والكل موجودين ويارخص السستر واجرها وان شاءالله ماتحتاجين لاحد وايد ناس يعيشون اصحاء ويموتون فجاه بدون حاجه لمستشفيات يعني ناتي ماتدرين شنو مكتوبلج ما افاول عليج بس الواحد مايدري متى بيموت
عيشي حياتج وانسى الناس وكلامهم الناس مايخلون احد يتكلمون عالكل


والله يرزقج ان شاءالله