احنا الي مانيب عيال المشفوقين العقيمين المساكين (هذي نظرت الناس من حولنا)

[ام يوسف القمر]

مشكورة eng q8الحمدلله على كل حال
مشكورة كويتية مذهلة والله يارب يرزقنا من غير عالج انا بس اسد المبالغ راح اجمع ان شالله والله قاعدة احاول الله يرزقنا يارب من عندة الله اكبر منهم
اشكرج ياتناهيد الزمن عورتي قلبي باسمج اةةةة صج تناهيد اخنا مانفتك منهم يارب اقر عينا بطفل من عطيتة ولا علاج وان شالله ربي ماينسنا
مشكورة دينا الولة اللهم يرزقج ويرزقنا اللهم امين
مشكورة الفارسية ربي يرزقنا لانة احنا نسعى ان شالله يارب
memeمشكورة على تشجيعج لي انا كنت اسعى واسعى ياعبد وانا اسعى معاك بس اللي عور القلب اشكرة اليوم رحت اسوي تحاليل بقسم اطفال الانابيب اللي بصباح اشكرة يقلولي بالواسطة ليش كل شي بالواسطة والله كان ردي انة وسطتي رب العالمين والله واسطتي رب العالمين مواعيد طويلة وتحاليل طويلة وطلعت ابجي بسيارة بجي وقلت حسبي الله ونعم الوكيل فيهم والله قلت ربي يرزقنا من غير علاج بنات انتوا حاسين فيني انا ماعترض على ارادة الله لا بس سعيت
فوفة مشكورة الله يجبر بخاطرنا يارب
تناهيد الزمن الناس يحسدونا على كل شي عبالهم مرتاحين بالمعاش وماعندنا بيت ومانغسل ونكنس ونطبخ انا ماعندي خدامة بصراحة اتكلم عن نفسي والله صح كلامج جبتيها على الجرح
flana انا متوكلة على رب العالمين مو بس حجي مثل ماتقولين انا قلت احساسي وشعوريانة ليش كل شي بالواسطة وانا قاعدة اسعى والبنات كلهم يسعون ولا قاعدين نقول حجي مجرد للنقاش انا لوبكتب قصتي عن علاجي كتبت صدقيني انا مو بس اشوف نظرة لالالا انا اسمع وغير السمع يستغلونج حتى بنات الدوام انة ماعندج عيال تقول بيب ودي تروحلج ثلاث ساعات الى ساعتين كل يوم واخر شي اكتشف انة ريوق مع البنات بالافنيوز وغيرة وغيرة واللي تشتغل بضمير واخايفة الله بالمعاش انة يكون محلل لانة اعندها عيال تتطلع ويحاسبونج على الاستذان انا ماقعد اقول حجي انا اقولج الواقع اللي نعيش فية احنا اللي ماعندنا عيال قوللي ليش الحكومة ماتخلينا من اوللاوياتها انة تستقبل الحالات العقم ليش تنطرين ليش على شان كل شي بالواسطة صدقيني واسطتي رب العالمين هذي قناعتي انا والله بس انا محترة على وضع الكويت اللي تعتمد على الواسطة والاطباء اللي ماتخاف الله فينا لان كل يوم نكبر فية تقلل فرصة الحمل لنا كل يوم نقوم فية تخيلي لما ابجي لسجادتي من حرقة قلبي صاروا الناس مافيهم حب كل واحد يقول يالله نفسي يعني اشتكي لله موبس حجي انا اشتكي لة قوليلي اشتكي حق منو اذا كان حجي الله وحدة قادر ويعلم مافي قلوبنا هذا عن واقع صارلي اقولة
مو بس حجي
زنوبة الحلوة ربي يجبر خاطرج مثل ماتجبرين بخاطري
PINK_ROSE مشكورة وماقصرتي والله الصبغ الاظافر صرت مالي خلقة بس ان شالله بجرب
حور الجوري والنوير الله يرزقج اختي ويرزق بنات جميع المنتدى الغالي الى قلبي الله يسامح هالاطباء اللي مايخافون الله حسبي الله عليهم
بسكوتة 83 فايدة البجي اشتكي لربي الله يزرقج ويرزق باقي البنات اللي واسوني مشكورة مادري شقولج بس الجمدلله
على كل حال
هندداااا اللهم امين
Emanova
يارب الله يجعل بولدج دخولج الجنة واهل زوجج الله يسامحهم وادعي انة الله يخلييج زوجج ويرزقنا يارب مشكورة اختي ماقصرتي



بنات المنتدي العزيزات اشكركم على مشاركتكم لي وربي يجبر بخاطركم ان شالله ويرزقنا عاجلا غير اجلا يارب

 

[Swan]

الله يعينج ويصبرج ويرزقج بالذرية الصالحه من غير علاج وتعب

 

[Hello_kitty]

سامحيني اختي عاللي بقووله
بس كلامج وايد واااااااااااااايد سلبي و حدج مكدره خاطرج
شنو يعني مايبتي عيال خلاص وقفت الدنيا ؟ و اي كلمه تنقاال تصيير لج مثل المووس تبليعينه ؟

عيل اللي عندها عياال و معوقيين شستقوول ؟ و الناس اللي فيهم اعاقه مايشوون و لا يمشون هاذول شلون حالتهم ؟ قولي الحمد الله انتي بصحتج و عافيتج تمشين تحركين ايدج تشوفين و تسوين كل شي

و ترى الحمال شغله نصهه نفسي النفسيه تفرز مثل هرمون تمنع الحمل
و هالشي اثبتووه علمي

و شنو يعني ماحملتي
ترى مو كل من عنجه عيال مستانس
و مو كل الياهال شايلييت اهلهم

ماتحملين و لا تيبين معوق
ماتحملين و لا يطلع ولدج عالصيي و كافر و غير باار بوالدييه

كل شي خيره من الله

انا اقووووووووووول لبسي تكشخي و طلعي ويا ريلح ستانسي و عطي طااااااااااااااااااااااااااااف

وناسه الحمال و لا الياهال؟ الله يعينهم اللي حمل و عندهم عيال
حمال و نساة و تعب و غير هاذا تعالي جابلي الياهال

الله يكتبلج الحمال و يرزقج بس ترى الدنيا ماوقفت و اذا بتسمعين كلام الناس منتي خالصه


و انا ترى مو قاعده اقول هالحجي و انا مكوده درزن ياهال

حالي من حالج الناس تعايرني و تقط علي حجي حتى اقرب الناس لي من اهلي يحنوون على راسي كل يووم

بس اطنش شسوي يعني
اطلع استانس و اسوي كل شي اقدر اسوييه

و احمد ربي مليوون نفسي عالنعمه اللي انا فيها
نعمة الصحه و العافيه

خلج متفائله حييل انا حتى ماقدرت اقرا كل كلامج من كثر ماحسيته كلام طالع من انسانه حيييل حزيينه

و كلامج صج صج يقمت القلب
فا خليج متفاءله و خالنوقف مع بعض اهني و نشجع بعض بدال الهم و النكد

الله يرزق الجميع

:ggdw:

ما شاء الله عليج قلتي اللي كنت بقووووووووله

 

[ام يوسف القمر]

Swanمشكورة وفال للجميع
كيدي عظيم ماقصرتي على هالمشاركة

 

[LaSt WoMeN]

flana انا متوكلة على رب العالمين مو بس حجي مثل ماتقولين انا قلت احساسي وشعوريانة ليش كل شي بالواسطة وانا قاعدة اسعى والبنات كلهم يسعون ولا قاعدين نقول حجي مجرد للنقاش انا لوبكتب قصتي عن علاجي كتبت صدقيني انا مو بس اشوف نظرة لالالا انا اسمع وغير السمع يستغلونج حتى بنات الدوام انة ماعندج عيال تقول بيب ودي تروحلج ثلاث ساعات الى ساعتين كل يوم واخر شي اكتشف انة ريوق مع البنات بالافنيوز وغيرة وغيرة واللي تشتغل بضمير واخايفة الله بالمعاش انة يكون محلل لانة اعندها عيال تتطلع ويحاسبونج على الاستذان انا ماقعد اقول حجي انا اقولج الواقع اللي نعيش فية احنا اللي ماعندنا عيال قوللي ليش الحكومة ماتخلينا من اوللاوياتها انة تستقبل الحالات العقم ليش تنطرين ليش على شان كل شي بالواسطة صدقيني واسطتي رب العالمين هذي قناعتي انا والله بس انا محترة على وضع الكويت اللي تعتمد على الواسطة والاطباء اللي ماتخاف الله فينا لان كل يوم نكبر فية تقلل فرصة الحمل لنا كل يوم نقوم فية تخيلي لما ابجي لسجادتي من حرقة قلبي صاروا الناس مافيهم حب كل واحد يقول يالله نفسي يعني اشتكي لله موبس حجي انا اشتكي لة قوليلي اشتكي حق منو اذا كان حجي الله وحدة قادر ويعلم مافي قلوبنا هذا عن واقع صارلي اقولة
مو بس حجي

حياتي .. عسى رب العالمين ما يخيب ظنكم و الله سبحانه عند ظن العبد .. فتفائلي و ان شاء الله تلقين اللي يسرج و يطيب خاطرج .. الله يحفظج و يرزق كل محروم بالذرية الصالحة السليمة عاجلا غير آجل اللهم آمين

 

[ام يوسف القمر]

مشكورة Flana ماقصرتي الله يحفظج ويبعد عنج الشر ويرزقج من حيث تشأين ويخليج ربي

 

[شقرديه]

الله يرزقج بالذريه الصالحه وتفائلووا بالخير تجدوه
والله بنت خالتي صارلها 7 سنين ما حملت وهالسنه حملت الله بسهل عليها ودعواتي لج حبيبتي

 

[lala2]

الله يرزقك اختي ويرزق اللي يبي الذرية الصالحة
وكل شي مكتوب لبني ادم وياما حالات وحريم حملو بعد سنين اذا كاتب لك نصيب راح يصير
اختي انا اعتب عليك اسلوبك السلبي الوحدة من شخصيتها يعاملونها الناس مو من وضعها
انتي سلبية شنو يعني ماعندك عيال صرتي شاذة بالمجتمع لا حبيبتي في نعم ثانية انتي ماتشوفينا وحاكرة نفسك بهالدائرة اختي ماعليك من احد سوي كل اللي بخاطرك انا عندي بنت خالتي صار لها 16 سنه وماجابت حاولت جميع المحاولات ولا الحين ماكتب لها الله ...بس الصراحة تعجبني راضية بقضاء الله وتقول انا سويت اللي علي والباقي على الله وعايشة حياتها والحمدلله زيارات وضحك وتفاءل الله يكمل عليها ويرزقها وتحسين انها اسعد وحدة تدرين ليش ؟؟؟ لانها مقتنعه ان هالشي من الله وراضية وموكلة امرها .... الله اللي خلقني وهو اللي يدبرني
صدقيني انتي اللي وصلتي هالنظرة للناس انك مكسورة حبيبتي مافيه احد يستاهل انك تتضايقين بسببة ..
شخصيتك من صنع يدك... انا علقت من موقفك مع الناس كانك مسوية جريمة واللي يتشمت فيك خلي حسابة عند ربك هو كفيل فيه بس لاتطلعين جدام الناس انك مكسورة ترا يتعاملون معاك بهالطرقة ... لاتزعلين مني
والله يرزقك ان شاء الله بالذرية الصالحة ويرزق كل محروم

 

[بمبرة]

:klhfl:
حياتي (يارب ارزقني بطفل)
ما عندي شي اقوله اكثر من اللي قالوه البنات
الصراحة خواتي كفوا ووفوا
بس بقولج شي
عليج بالدعاء ثم الدعاء يعني لحي بالدعاء في الثلث الاخير من الليل لان ما يغير القدر الا الدعاء
وتفائلي ودايما قولي كل شهر تييج فيها الدورة ان شاء الله الشهر الياي اكون حامل
ونصيحة لج :
ليش ما تسوين حجامة وايد زينة حق تنشيط المبايض
آنا سويتها مرتين وارتحت
ان شاء الله تكون السبب في حملج بعد ارادة الله سبحانه
ويالله مايمر شهر الرمضان الا وبنات منتدى تاخر الانجاب حوامل

 

[سينامون]

بنات..
صج ان كلامها مصدر فظيع للإحباط و الطاقات السلبية
بس ما تنلام.
كلنا تيينا هالحالات من الغلقه اللي خلاص نحس ان السمى بتطيح علينا.
انا عن نفسي كنت بحاله ما يعلم فيها الا رب العالمين قبل يومين
اللي قمت ابجي جني ياهل تحت عند خالتي بالصاله ( انزين صبري لين تصعدين فوق)
بنات اتشكون من حريم حموانكم و خالاتكم؟؟
انا اختي اللي اهي اختي ( اصغر مني) ذاك اليوم تسألني عن ملابس اليهال و تبيني اطلبلها مادري شنو حق البيبي من النت.
لا وقاعده تسوي موفي على حمالها. كل ما طلع ياهل بالتلفزيون تسوي حركات واااي احس انه ولدي
و تبوس اليهال جدامي.
انا ادري انها مستانسه انها حامل. بس المفروض تراعيني
فعادي لا تلومين الغرب اذا ماراعو وجودنا اذا اقرب الناس لنا متبلد احساسهم تجاهنا..
انا مابي ازيد همج..
بس اكتشفت ان احسن طريقه انج تعطين الموضوع طاااااااااااااااااااااااااف
حتى اني قررت اني ما ادش المنتدى لان احس انه قام يحسسني و يذكرني بمشكلتي
طول اليوم نتكلم عن العلاج و الدكاتره و نفس الحجي ينعاد..
بس المشكله اني مو حابه اخلي البنات وااايد تعلقت فيهم
فبهالمناسبه عندي اقتراح لكم.
شرايكم نغير طريقه مواضيعنا..
نحط مواضيع تونس و تغير نفسيتنا
مو تقولولي روحي منتدى سوالف و فرفشه
لا ابي منتدانا .
نفس المجموعه و نفس البنات فشرايكم؟

 

[++The DuchesS++]

حبوبه انا ما الومج على كلامج والله بس والله هالشي كله على حساب نفسيتج وصحتج والله
انا بالاول كنت ابجي واتضايق على كل كلمه ونقزه بعدها صارت عندي مناعه قويه لوووووول
يعني ما ارد على احد ولا جني اسمعهم وحتى الكلام ما قام ياثر فيني والله
لاني اقتنعت انه هالشي بيد رب العالمين اذا الله كاتب لي هالرزقه راح اخذها واذا الله ما كتب اقول الحمدلله
وكنت اشوف اللي عندهم واقول شنو سوولهم هالعيال خصوصا لمن اسمع مشاكلهم ومصايبهم

بس كنت استغرب من هالناس اللي تقط كلام جارح ونغزات
اقول شنو ما يخافون الله يبليهم بأعز ناسهم
صج ناس ما يخافون الله ولا عندهم ضمير ولا ذمه
الله يسامحهم
والله لو نفتك من حجي الناس احنا بخير
يعني لدرجه حمواتي الله يسامحهم كانوا يقولون جدامي مرت فلان حملت مع انها تزوجت عقب اخونا ؟؟؟؟؟؟؟
والحين كذا وحده تزوجت منهم وخايفين من هالشي لانهم ما قصروا وياي بالعياب
الله يسامحهم بس

وانتي اهتمي بروحج وانسي هالكلام وخلي كل شي على رب العالمين
شغلي نفسج وتفكيرج وطلعي واستانسي
حاولي ما تقعدين بروحج وتوسوسين والشيطان يدخلج
والله يرزق كل محرومه يااارب

 

[Amory]

حرام عليج ليش جذي اتسوين ابنفسج؟ شوفينا كلنا ما عندنا اعيال شنو يعني كلنا عايشين ابتعاسه وامنكدين على نفسنا؟

آنا صارلي 6 سنوات وداشه بالسابعه واقول الحمدلله ألف حمد وشكر لك يااارب صج ان ربي ما رزقني اعيال لكن رزقني أشياء وايده الحمدلله على نعمة الصحه والعافية ربي عطاني الصحه وغيري طايحين بالفراش ربي عطاني زوج صالح وغيري ما تزوجو والله يرزقهم ان شاء الله.

حبيبتي شوفي حال الدنيا من حولج كل يوم و يومين فلان مات وكل شيء راح ينتهي الا وجهه سبحانه وترى هالعيال اللي قاعدين انعالج وانراكض علشان انييبهم ترى ماراح ناخذهم معانا بالآخره وماراح ينفعنا غير عملنا.

ترى المبتلين مكانتهم غير عند ربهم وان الله اذا احب العبد ابتلاه.

انزين الحين صديقات امي اشكثرهم مو متزوجين وما عندهم اعيال اشفيهم يعني الحين شنو ميتين؟ لا بالعكس عايشين احسن عيشه سفرات وروحات وييات وآنا اشوفهم اكثر ناس مرتاحين ما وراهم احد يحن عليهم ويسألهم وين رحتو و وين ييتو؟ لا حسيب ولا رقيب.

وبالنسبه حق موضوع الديون اللي حطيتيها على نفسج اختي غلطانه كل واحد يمد اريوله على قد الحافه، اوكي بتاخذين سلف تاخذين نسبه معينه مو كل المعاش اشلون اتعيشين جذي؟ كل واحد و يعرف طاقته.

اذا تبين اتسوين عمليه اول شي اتيمعينلج جم فلس بعدين اتسوين العمليه الدنيا مهي طايره. وبعدين محد بيسبق رزقه ربج سبحانه اذا بيرزقج يرزقج وانتي قاعده ابمكانج فليش الاستعجال والديون؟

سامحيني اذا قلت كلمه ضايقتج بس نصيحه لوجه الله لا تتشائمين وايد ( تفائلو بالخير تجدوه ) واحسني الظن بالله دايما قولي ربي قادر انه يرزقني وراح يرزقني ان شاء الله عن قريب واكثري من الاستغفار واكثري من هذا الدعاء ( اللهم اكفني بحلالك عن حرامك واغنني بفضلك عمن سواك)

 

[محاميه الغد]

حبيبتي لا تيئسين و لا ياثر فيج كلام الناس الي رزق غيرج باطفال ممكن يرزقج بلمح البصر
في ناس بعد سنييين من العلاج و التعب و العلاج بالخارج ما حملوا و بعدها يحملون فجأه بأمر من الله
و اذا الله كاتبلج الحمل رلااح تحملين انشالله
انا الله رزقني بعد جم سنه و بعد العلاج و بعد ما تعبت نفسيتي حيل الحمدلله
و حمدي ربج و شكري لانج بصحه و عافيه غي ناس يتمنون هالشي
و ياااااااااارب تحملين قريبا انتي و كل محرومه

 

[ام يوسف القمر]

مشكورين بنات ماقصرتوا والحمدلله على كل حال
وان شالله ربي يرزقنا جميعا عاجلا غير آجلا
والله بنات احبكم الله يعلم

 

[شذورة]

صح لسانج يا ميمى يا اختى الحمال مو بيد احد الا ربك وهو له حكمة بكل الامور سبحانة وهو اللى يوزع الارزاق اخذى بالاسباب واتكلى على الله وعيشى حياتج والله كريم وكثرى من الدعاء:tek:

 

[ام يوسف القمر]

مشكورة شذورة ان شالله ربي يفرحها

 

[ام يوسف القمر]

يفرجها

 

[بيرق الكويت]

لا ياحبيبتي مو لهدرجه تنهارين ماله داعي كل إلي تسوينه بنفسج حرام عليج إنتي جذيه قاعدة تذبحين عمرج توكلي على الله . وروحي لدكتور منصور العرف دكتور شاطر بمعنى الكلمة وميخالف دشي جمعيات كلنا قاعدين نسوي جذيه عشان العلاج .وأنصحج بهدعاء اللهم لامانع لما أعطيت ولامعطي لما منعت ولاينفع ذالجد منك الجد.
ولايهمج كلام أهل زوجج أهم شي هو وخليه يكلمهم ويوقفهم عند حدهم وأنتي خفي روحاتج لهم بس لاتقطعين وإذا رحتي لاتطولين عشان يحسون أنهم يجرحونج والناس الباقية ولاتشيلين همهم عاد العيال شنفعو أمهات لعيال يالله الله يرزقنا وياج ويعوض صبرنا خير.
ولاتنسين أحمدي ربج على الصحة والعافية غيرج موحاصلتلها والعيال أرزاق متى مالله قسمهم لج بيجون

 

[ام يوسف القمر]

بيرق ياحلو كلامج اثلج صدري مشكورة على مشاركتج وانشالله الله يرزقنا عاجلا غير آجلا يارب العالمين

 

[الجوررى]

انا معاج صحيح انهم ينظرون لنا اننا ناقصين
بس بالعكس
احنا احسن منهم واكمل منهم والكامل وجه الله
انا الله كتب لى ولد ومن يومها وانا كل ماحمل ياينزل او خارج الرحم
يعنى الحمدالله احمل حالى حال غيري
بس الله ماكتب لى غير ولدى
ومع هاذا والله يخشون حمالهم عنى
جنى ناقصه
ولاشافونى يقولون الفال لج والله يرزقج
وانا اقول لهم
الله يخلى لى ولدى ووزوجى الحمدالله
الله انعم على بالحمال
بس ماكتب لى انهم يثبتون
ومابيدى شي
ولدى عمرة 5سنوات
ومتزوجه لى10 سنوات
وحالى من حالج
وموعاجبهم
ومالى شغل فيهم لوتشوفونى جنى اليوم عرووووووووس
ولله الحمد عايشه يومى وونسه نفسي
ليش اكدر نفسي واتضايق؟؟
الله يرزقنى ويزق كل وحده تبي الضنا ولايحرم اى ام من انها تشيل ولدها بين ايدينها
تدرين مرات اقول الحمدالله انه عندى ولد
والا جان الحين فضحونى جيبى ولد لودنا؟؟
الحمدالله على كل حال
ولاتضيقين خلقج يالغاليه
وعيشي يومج
وغيري جو سافري ولاتخلين الحمال يصيطر على حياتج ولاتحسسين زوجج بالنقص
عيشى وادعي ربج
وعسى ربي يفرحنى فيج وتبشرينا بحمالج يالغاليه