احنا ليش عايشين !!

[tolay]

هذي سنه الحياة يا اختي

تعيشين تاكلين تشربين تزعلين تستانسين

والمفروض ماتسألين هالسؤال لانه كل شي حكمه من رب العاملين

وانتي موعارفه ليش احنا عايشين ؟؟؟؟

عشان نعبد ربنا ونشكره ونعيش حياتنا طبيعيه ونكون جاهزين للأخره

واتمنى انج تهتمين بزوجج وولدج

تقولين مالج خلق زوجج ؟؟؟؟؟ اذا الزوج تزوج ثانيه وتلومونه !!!!

 

[Kitty^_-Kat]

انا فاهمه حبيباتي
بس انا ايماني قاعد يضعف
وانا قاعده احس بهالشي

لانه من احلامي

ياحلمانه برق طق براسي يامره ساحر يقولي حياتج مالها هدف

فمن كثر التفكير تعبت جسمي تعب بصراحه فماعندي وقت حق ريلي او ولدي احس

بس يعطيكم الف عافيه اليوم وانا رايحه الدوام حطيت قران بالسياره وقاعده اردد وراه

حسيت براحه اكثر

 

[Kitty^_-Kat]

عساج مرتاحه دووووم
اولا: اشلون اعرف هواياتي يعني وقت فراغج شنو اول شي يخطر على بالج تسوينه !؟ في ناس تقرأ وفي ناس ترسم وفي ناس تطبخ هذي الهواية
تحبين الرسم روحي اخذي دورة تعلمي ترسمين يمكن عندج هالموهبة بس ما تدرين عنها ويا كثر دورات خدمة المجتمع بالجامعه او التطبيقي واسعار رمزية خصوصا اذا كنت طالبة او خريجة روحي وسجلي منها اتعلمين شي جديد ومنها اتعرفين على ناس يدد
ونصيحه لا تفكيرين اتييبين بيبي الحين انتي بمرحلة تكتشفين ذاتج من جديد فلا تشغلين نفسج بحمال وولادة وبيبي الحين
اكتشفي السعادة وجدد حياتج ودللي نفسج لأن بالنهاية بتحسين بالسعاده اللي تنعكس عليج انتي بصحتج و بيتج وعيالج

الانســــــــــــان السعيــــــــد
انســـــــــــان منتـــــــــــج ومفيـــــــد لنفســـــــه ولمن حـــوله:lolo:

والله تنفعين تصيرين دكتوره وانا اول وحده اييج

يعني أأجل فكره البيبي

انا قلت عشان يشغلني بس هم حاسه انه غلط

بس بمشي شوي شوي راح انطر لمن احس نفسي مستعده لانه ولدي مومعطته حقه فعلا

 

[G!RLooNa]

مادري شرد على النص الاول

لكن النص الثاني اللي اهوا لي الحين كل اهتمامج بروحج مادري احس جزء منج لي الحين يبي العزوبيه خلاص انتي تزوجتي وعندج ياهل وريل مالهم ذنب حرام بعد حاولي تنسقين وقتج خلي جزء من وقتج حقج مو كل وقتج ريلج بمل ترى

و حببي روحج بالطلعات وياهم لما تتعودين ما يصير كله بروحج بعد

ترى انا ساعات تييني افكار مثلج لكن شوي غير عن الجامعه والكليه بس والله حاسه فيج انا هالكورس مادري شفيني حالتي مقلوبه فوق تحت احس اني كارهه روحي و كارهه الكليه والدكاتره و الدراسه حتى بالبيت ما قعد ويا اهلي كله بدااري

يالله انشالله حاله وتعدي علي وعليج

 

[الحــــياة]

انت فيج قل ايمان ليش عايشين؟؟
صلينا وصمنا وبعدين؟؟
اقوووولج شي
(اقري سورق البقره)
(اذكار الصباح والمساء)
(التسبيح)
(الاستغفار)
بعدييييييييييييييييييييييييييين




ونفسيتج تغير180 درجه

 

[حدى عنيده]

هونيها ترا مافي شي يستاهل الى فيج يمكن اكتئاب انتى متضايقه من شي او يمكن المسئوليه زايده عليج علشان جذيه اتحسين انج كاره الدنيا خصوصا اذا كنت مومتعوده على المسئوليه من قبل 0

 

[بنت.المطيري]

لا جاوبتي عدل

يعطيج العافيه اهوا تقدرين تقولي كلامي ملخبط لاني قاعده اقول اللي افكر فيه ف مومنسق

بس صج والله احس الماديه اوكي الحمدالله بس وين اوديها على شنو تنصرف
مكياج ملابس اكل

مادري يختج اهو اكتئاب ولاشنو

الاسره المثاليه شنو

انا عندي المثاليه اني اكون اشتغل حيل واتعب بس ارد البيت مبتسمه واكون حلوه جدام ريلي وادخل المطبخ واطبخ بس هم اطلع حلوه ولي خلقهم ههههههه

بس انا العكس :/

ارد البيت بجامه البلوزه غير عن البنطرون ولدي يبي يلعب اقوله طلعوه الحوش او خل ينام ريلي يبي يقعد معاي كله مالي خلق تعبانه
طبعا هذابالبيتبس اذا قال طلعي شوي تتعدل نفسيتي مادري يمكنمن البيت مادري عين مادري شنو

بس اللي اعرفه اني موعدله وسنعه
معني اهتم بس مادريشفيني هالايام

قوة

ترى انتي نفس شعوري بالضبط بس انا مو متزوجة
انا خايفه اصير نفسج !
انا عايشة لنفسي وبس مااحب احد يحكرني او يطلب مني وايد او اكون مثلا كذا يوم ورا بعض مشغولة وما اشوف نفسي
وقمةةةةةةة الراحة عندي اني اقعد مع نفسي واكون روحي لو مااسوي شي ..بس حيل استانس :\
وترى مابي احبطج ..بس هذا يمكن نوع من حالات الاكتئاب :\
انج تحسين ولا شي له معنى ..شنو يعني فللوس شنو يعني دنيا ..وليش عايشة ؟
وتحسين ولاشي يعجبج ومالج خلق ويمكن تلاحضين نفسج ماتقعدين بمكان واحد كله تتحركين وتغيرين مكانج من كثر ماانتي خلاص مو مرتاحة تبين تهجين وتطلعين ..

واحس في شعره مابين الاكتئاب ونعمة الرضــا
بين الرضــا بقضاء الله وايمانج
وانج راضيه بكل شي والايمان بالله لدرجة ان من كثر ماتحسين ان ولاشي مهم
والعيشة مالها معنى ..تحسين ماتزعلين على شي ولايطول ضيقج ..عادي الحياة سهالات !
وهذي قد تكون نعمة من الله على عبادة المؤمنين ان كبر عقولهم وخلاهم يشوفون الآخرة وبس
انا مادري انتي بضبط شتفكرين فيه بس من كلامي راح تعرفين انتي شتعانين منه

الله يريح قلبج وبالج

 

[بنت.المطيري]

اي انا استرسلت بالكلام ..بس واضح انج متضايقه يعني اهو مو مجرد سؤال
شوفي موضوعي هذا يمكن يفيدج
http://www.q8yat.net/showthread.php?t=377118

 

[βӓḊṏṎṏṘḁ]

اختي البنات ماقصروا كفوا ووفوا وانا معاهم
حبيت اضيف شغله اذا ممكن ليه ماتسوين استقطاع بسيط للتبرعات الخيرية اكفلي يتيم ابني مسجد سويلج بئر حلو الاحساس انج تساعدين غيرج تحسين للدنيا طعم غير لاتنسين القران حاولي تقرين جزء كامل في اليوم الواحد

والله يشيل الهم من قلبج عزيزتي

 

[sereen]

ماتشووفين شر عمرى , هذا اللى فيج على قولة العلماء مرض العصر , اللى هو ضغط الحياة اللى نعيش , من روتين متكرر ممل , الاجهزة اللى حوالينا ترن فى مخنا من تلفوون ونت وخلافه , بالاضافة ان عملج لان تسعين للرزق هذا بحد ذاته ضغط نفسى كبير قاعدة تتحملين , ترى وايد ناس اتمر فيه مو بس انتى , بس انتى حاولى طلعين لج يوم مع اسرتج تقعدون مع بعض كسرى الرووووتين بمعنى اصح , غيرى حتى المكان اللى انتى عايشه غير ترتيب الغرفه , صبغ الغرف ترى له تاثير كبير بس ديربالج اتحطين الوان صارخه
وماتشووووفين شر ياقلبى

 

[*ع’ــسـل آلمطـيـري*]

ياعمري حاولي تقرين سورة البقرة وسورة ياسين وكثري من قراءة اذكار الصباح والمساء والله بترتاحين
واذا حسيتي انج متضايقه روحي لشيخ عشان يقرأ عليج ويعرف اللي فيج لاسمح الله جن ولا سحر
لا حول ولا قوة الا بالله

 

[tan girl]

اذا فهمتج صح فردي ان الحياه قصيييرة .. حاولي تتعلمين انج تعيشين يومج كان اخر يوم بحياتج اخر يوم بحياتج بتقضينه بدوامج و تمشي بروحج ولا مع اهلج وبوناستج .. بعد عمر طويل طبعا مادري بس اذا كبرتي و مر شريط حياتج جدامج بتقولين شسويت بدنيتي شنو كان يسوى هالعمر والتعب ..عيشي حياتج بطريقه انج ما تتحسفين اذا كبرتي شلون ضيعتيها

 

[alb7ranya17]

الله يعينج يا قلبي احنا نجاري دنيانا عشان اخرتنا وبالاخره بنعيش يا بنار جهنم يا بجنه الله سبحانه وتعالى يارب نكون من اهل الجنه اجمعين

 

[فاتووو]

شوفي اشكثر الله فضلج عن غيرج من الناس

تخيلي حياتج بدون هالنعم اللي عندج

يمكن عشان اهم الاشياء متوفره لج فتحسين ما تبين زود كلشي عادي

دوووم حمدي ربح كله قولي الحمدلله الحمدلله الحمدلله

دام انتي و عيالج و ريلج واهلج بخير

هذا المهم

والاهم ترضين ربج بدال ما تقولين ليش احنا عايشين تذكري ان احنا عايشين عشان الله

عشان نعبده و نذكره و نحمده....

راجعي نفسج أكثر وأكثر بتلقين الدنيا حلوه

 

[جورجيت]

حبيبتي انتي تعانين من ضياع الهدف في حياتك ..

عشان كذا انصحك من قلب المشكله
حددي لك هدف واضح تسوينه ,, مو شرط هدف عام وكبير لا لا
كل اسبوع احسن شي حددي هدف معين واكتبيه بورقه وعلقيه بمكان تشوفينه دائما ولا يمر ذا الاسبوع الا اذا حققتيه ..

مو شرط يكون هدفك هذا صعب خليه سهل وواضح وبنفس الوقت يسعدك ..

امور الحياة اليوميه العاديه خليها على شكل اهداف مثلا :
عشاء عائلي
لعب مع ولدي
وكل فترة خلي اهدافك تصعب .

اتمنى اكون افدتك

طبعا قبل كل شي خلي هدفك متعلق مباشرة برضا الله ..

وقوي ايمانك بالاعمال الصالحه .. ولا تنسين الصدقه ترا لها مفعول عجيب لو كل يوم بريال >> عندكم دينار .

وبالتوفيق ..

 

[المـــــها]

حبيبتي

عن سؤالج انتي ليش عايشة ؟؟
اسألي نفسج : انتي ليش حية ؟؟ تبين تموتين ؟؟؟ تقدرين تذبحين نفسج ؟؟ أكيد لأ ،، و ليش لأ !!

لأن النفس غالية مهما قلنا و سوينا و حنا محاسبين عليها ،،


من كلامج صلينا و صمنا و بعدين ،،

أستغرب كلامج يا قلبي ،، تدرين شنو بعدين ،، يوم الحساب اللي تعرضين فيه أعمالج و انجازات و حسناتج و سيئاتج ،،



املي حياتج بحب زوجج و ضناج و اعملي للدنيا و الآخرة معا

عشان تسعدين نفسج و اعيالج دنيا و آخره

 

[*أم*خالد*]

امممم

اسئلتج بالضبط تدور ابالي من مده مو صغيره

وبعدين ؟ وآخرتها ؟ ولي متى يعني ؟

تحسين بملل من حياتج ومن روتين يومج

بس يمكن انتي عندج بيبي هالشي يعطيج دافع للحياة

انا ماعندي بيبي لوول ماعليج من النك ترى نك ها ؟

الحمدلله قولي الحمدلله
انه عندج أشياء تعيشين لها أكثر من غيرج وعسى الله يوفقج ويسعدج

والله خوفي يكون فينا نقص فيتامين يسوي هالحاله النفسيه

 

[Kitty^_-Kat]

حبيبتي ام خالد

وكل البنات والله ماقصررتو وفهمتوني بالضبط

بالعكس البيبي احسه مهضوم حقه مني ومن تفكيري

بس والله يابنات بعد ماصليت وعاهدت نفسي ماقطع احس براحه هذا بحد ذاته هدف

بس هدفي بالدنيا مادري شنو :/ هذي المشكله

 

[المـــــها]

حبيبتي

خلي هدفج الأساسي بالدنيا ،، ارضائج لربج ثم الأمانة في العمل و الحرص على الأبناء

صدقيني راح تنملي حياتج بالحب و العمل و العطاء و الراحة النفسية

 

[** باربي **]

انا بأول كلامج مثل تفكيري ليش عايشين وعشنا وصمنا وعبدنا الله ومتنا وجنه ونار وبعدين
اقول يعني الله عزوجل مو متعطل على عبادتنا
فليش كل هذا ؟؟
استغفر الله ..!! كله افكر جذي واقول حق زوجي يقولي حرام هالتفكير للكفر يوصلج
استغفر الله