اختبار الحمل المنزلي متى اقدر اسويه متاخره الدوره يومين ضروري تدخلون

[بنت_كول]

مرحبا
انا تاخرت علي الدورة يومين ومابي اسوي تحليل دم لاني مو متاكده اني حامل ومابي اوهم نفسي على الفاضي وقلت لما ارجع من الدوام بروح الصيدليه واخذ اختبار الحمل واسويه من غير مايدري زوجي بس الدوره المفروض قبل امس تجيني اقدر اسويه الحين؟

وهل اختبار الحمل المنزلي مضبوط ولالا وشنو احسن نوع

 

[دلوشه]

انا سويته واهي متأخره علي يوم و بين اني حامل.. على حسب الوحده..

ومرات اختبار الحمل يضبط و مرات ما يبين الا بتحليل الدم..

ان شاءالله حامل

 

[كويتيه مذهله 87]

حبيبتي ليش ما تنطرين بعد جم يوم لان انا دايما الدكاااتره يقولولي اذا تأخرت الدوره عليج عشر تيااام ياله حللي وراح يبين معاج اذا حااامل

وحللي الصبح اول ما تقعدين من النوم لان يكون هرمون الحمل امبين اكثر


وتحليل دم يبين اكثر

 

[بنت_كول]

ان شاء الله انا ودي اسويه بس خايفة ومابي يصير فيني احباط ابي اختبار واحد وخلاص اتاكد منه اذا حامل او لا

 

[ريماس لكويت]

انا سويته وضبط معاي

بعد 3 من تاخر الدوره اذا الله كاتب لج بثبته لج يارب

لا تتسرعين نطري بعد يوم ولا يومين لان تري الدوره تلعب دور بنفسيه

 

[بنت_كول]

ريماس الكويت اختبار الحمل المنزلي دايما يضبط يعني اذا طلع لي حمل مااسوي تحليل دم ؟
اعتمد على المنزلي ولا لازم دم

 

[ZajiL]

ات بعد سويته وهي متاخره يومين وطلع
وفي ولدي سويته قبل لاتتاخر بيومين وهم بين اني حامل سبحان الله

 

[xxx]

الاختبار المنزلي مضبوط لو متأخره يوم واحد

((للي دورتهم مضبوطه طبعا))

 

[eng.q8]

نطري وان شالله خييييييييييييييير

 

[مبدعة]

انا جربت اختبار الحمل كلير بلو لقيته في بوتس مادري تحصلينه بالصيدليات او لا

قبل لا اتييني الدورة بثلاث او اربع ايام و الحمدلله بين معاي

لان هالتحليل حساس حيل للهرمون جربيه و انشالله تكونين حامل يارب

 

[بنت_كول]

لولو شنو احسن جهاز اختبار

 

[omelnoor]

اي عادي حبيبتي يبين وان شاءالله تبشرينا بحمالج .

 

[@ ام عبدالله @]

التحليل المنزلي يبين ويضبط عدل مثل ماتفضلت الاخت على حسب اللي دورتها منتظمه وان شالله يطلع لج خطيييين

ياااااارب ويحقق مرادج يارب ياكريم

 

[nezgha.85]

انا نفسج كانت الدوره متأخره علي يومين وسويت اختبار حمل بالبيت اول ما قعدت من النوم وطلع إني حامل
وإنشالله الله يكتب لج وتحملين

 

[بنت_كول]

ان شاء الله اكون حامل وبنطر كم يوم

 

[دموع-الألم]

انا يمكن ثالث يوم سويت الاختبار وطلعت حامل

 

[~ام خالد~]

ان شاء الله حامل حبيبتي راح يبين
وللتاكد سوي تحليل دم بعد

 

[أحلى شمريه]

سبحان الله

انا سويته قبل كانت متأحرة علي الدورة 5 ايام ومابين وبنفس اليوم سويت تحليل دم وطلعت حامل

 

[^^ Om_3LaWeY ^^]

مشكورين حبوبات عالمعلومات

و يارب ترزقنا الذريه الصالحه

 

[دلـع ^ العجـمان]

انشاءلله يبين