...اختكم بحاجه لكم؟

[رومنسيه ورديه]

............مرحبا انا رومنسيه ورديه ..............هل من مساعده؟
موضوعي بسيط ولا ابقي منكم الااراء واضحه ومقنعه ممكن......
انا بنوته عمري 24سنه حاليا لاافكر بلارتباط من اي شخص يتقدملي لسبب خاص فيني؟
لاني واثقه فيكم وارتاح لكم ساااقول وبكل ثقه اني مصابه بمرض البهاق الكل سمع عنه طبعا .لي هذا السسب لاافكر "
...........سوالي هل لي الاحقيه لي بتفكير بهذا الموضوع ان كان لا لما؟
.........وان كان نعم ولما .؟اتمنى الاجابه بسررررررعه لاني في حيره من امري/

 

[رومنسيه ورديه]

جاوووووووووووووووووووووووووبوني اريد الحل اخواتي ؟

 

[رايدة وقايدة]

ليش لأ انشالله اي وعادي واجد تزوجوا واهما نفسج وخلفوا طبيعين وكل شي تمام.....

 

[رومنسيه ورديه]

والله ريحتني الله يريحك دنيا واخرى يارب
مشكوره يلقلبي على الرد

 

[Preity]

واذا يعني عادي
المرض جدا عادي
ووايد تزوجو لا تحاتين

 

[احترت انا فيها]

عادي جدا قلبي !!! بالغتي واااايد شدعوه تشيلين فكرة الزواج نهائيا !! الله يشفيج ويوفقج بالزوج الصالح اللي يحطج بعيونه ..

 

[&&ديلارا&&86]

حبيبتي عاااااااااادي جدا
انتي مكبره الموضوع
الله يوفقك ويرزقك

 

[sowsan]

ليش لا
امي البهاق اكل جسمها اكل
والحمدلله تزوجت واحنا 4 الله يخليها لناا
حمدي ربج انه بهاق مو برص ولا شي ثاني
وقولي الحمدلله على الصحه والعافيه
وحالج حال اي بنت تتزوج وتنجب وتحب وتنحب


خل اقولج شي بنت عمي الصدفيه ترس جسمها من فووووووووووووووق لي تحت وماله علاج من عمرها سنتين واهي تعالج
تزوجت مرتيييين وكاهي مرتاحه بحياتهاا
شالمانع هالسوالف نصيب صدقيني

 

[منيرة خالد]

يا قلبي لا تحاتين اذا كل وحده عندها مشكلة طبية وقفت حياتها جان الناس انقرضوا - اتكلي على الله وتزوجي بس ديري بالج لا تغشين المعرس لازم يعرف شنو فيج علشان ما يعايرج بعدين ويقول انتي غشيتيني - ترا بعض الرياييل عسرين ومعقدين من هالناحية وبعضهم متفهم والله يرزقج بواحد منهم يشوف جوهرج مو شكلج

 

[سعودية!!!]

عادي يالغلاااا طمني بالك...الله يرزقك من اوسع ابوابوه...

 

[نبضي جابر]

يالغاليه عادي مايحتاج تلغين الفكره

وإذا هالشي مضايقج لاتوقفين على كلام أطبائنا كل مرض بهالدنيا له علاج
ربي ما أنزل الداء إلا وله دواء وإن ماعرفنا علاجه ربي يبينا نرفع إيدينا بالليل والناس
نايمه وأقسم لج بالله العظيم راح تكتشفين علاجه ولو كان بالخارج راح تتيسر أمورج وتروحين
وبإذن الله تتشافين والله صلاة الليل والدعاء بالسجود لله الحمد عمري مادعيت الله دعوه
بهالوقت إلا ربي إستجابه وبسرعه لله الحمد

الشفاء من الله سبحانه والأطباء مجرد سبب من الأسباب

 

[منيرة خالد]

يا قلبي لا تحاتين اذا كل وحده عندها مشكلة طبية وقفت حياتها جان الناس انقرضوا - اتكلي على الله وتزوجي بس ديري بالج لا تغشين المعرس لازم يعرف شنو فيج علشان ما يعايرج بعدين ويقول انتي غشيتيني - ترا بعض الرياييل عسرين ومعقدين من هالناحية وبعضهم متفهم والله يرزقج بواحد منهم يشوف جوهرج مو شكلج

 

[رومنسيه ورديه]

لو اني اقول لكم مشكورين والله ما تكفيكم لانكم تستحقون اكثر انتو ريحتو بالي وعطتوني امل كبير بحياتي
يارب يحقق الا بالي وبالكم ......
الله يعطيكم الف عافيه ياقلبي

 

[bent_ayawed]

حبيبتي ليش مكبره الموضوع لهدرجه ؟. انا هقيت والله بتقولين فيج طبع شين لاسمح الله او عندج مشاكل !
اول شي قولي الحمدالله مليون مره على نعمة العافيه والله العظيم لو احنه نشوف هاللي مسدحين بالمستشفيات او يراكضون على العلاج بتهون علينه كل مصايب الدنيا , واللي فيج شي جدا عادي ولاهو عيب ولا غلط انه يمنعج انج تمارسين حياتج الطبيعيه او اتزوجين .. بالعكس استانسي او قولي الحمدالله انا بصحه او عافيه او اذا الله قاسم لج نصيب فهوه من عند ربنا سبحانه او بييج لي مكانج لا ترهقين نفسج بالتفكير الله ايسر لج امورج يارب او يرزقج الزوج الصالح اللهم امين .. موفقه

 

[مجروح ياقلبى]

اشدعوه حبيبتى ((لكل داء دواء)) هذا مو عيب اللى فيج بالعكس الاخلاق فبل كل شى خلج واثقه من نفسج شتقولين للى عندهم مشاكل اكبر منج تعوذى من ابليس وذكرى ربج مدام ناس اخطبوج وشافوج معناته انتى عاجبتهم انتى ليش مسويتها مشكله عيشى حياتج حبيبتى وربى يشافيييج من كل شر

 

[بدورة القمورة]

لا حبيبتي مافيج شي ليش ترفضين الزواج؟؟ توكلي على الله وتزوجي اول رجل مناسب يطق الباب لا تخلين الشيطان يوسوسلك
انا اعرف دكتور جلدية شاطر واااااااااايد في سوريا معروف يجون له ناس ..اذا تبين اساعدج بشي انا حاضره وانشالله نجوفج عروسه

 

[الهجر والوجد]

انا اشوفه عادي بس لازم الخاطب يكزن عارف
والله يرزقج ويرزق بنات المسلمين بالزوج الصالح

 

[• قلبه نصيبي •]

ليش قلبي تفكرين جذي السالفه عاديه حيييل !
وايد بنات تزوجو واهما فيها جذي !
والحين في عمليه توخره شايفتها بالسعوديه !

 

[رومنسيه ورديه]

مشكورييييييييييييييييييييييييييييييييييييييييييييين يانبضات قلبي انتو ,,,,,,,و
بصراحه ماني متوقعه تكون رددوتكم بهاشكل لانكم دخلتو قلبي بكلامكم الطيب
الله خليكم لي ربع في المنتدى........ز

 

[** باربي **]

ياما فيهم امراض اكثر منج ومزوجات
لا تكسرين عمرج
انتي رزي عمرج بنفسج
والله يعافي كريمات الي تغطي وترقع
توكلي على الله ولا تحرمين نفسج من شرع الله