اختكم من دبي في خدمتكم

[لؤلؤة دبي]

اختي بغيت العنوان بالضبط او شقول للتاكسي ادا بروح محل بابو او الطاهر
وادا رحت سوق عكاظ او نايف وين القى المحلات
ممكن بالتفصيل او اي شي قريب منهم

حبيبتي انتي سيري هناك واسالي ما بضيعين لان المحلات كلها عند بعض ومحل الطاهر بالقرب من بنك الامارات

 

[لؤلؤة دبي]

ابي رقم نقاشه تجي الفندق
علا العام مو الخاص

هاي ارقام صوالين للحناء وعندهم خدمة المنازل

صالون فلورا 0097142850555

صالون رشنا 0097143944489

صالون هيفا 0097142665887

 

[ام الحلوين2010]

مسا الخير
اسمحيلي
ابي محل الخلوج وين مكانه
الملافع القها جاهزه عرضين والا لازم تفصال

 

[لؤلؤة دبي]

مسا الخير
اسمحيلي
ابي محل الخلوج وين مكانه
الملافع القها جاهزه عرضين والا لازم تفصال

المحل موجود في مركز المنال بسوق نايف

 

[*بنت العلي*]

حيا الله بنت الامارات
أختي أنا بروح دبي الخميس بحول الله ويرجع السبت البحرين
مخططي اروح ألجي بي أر ودبي مول للأكواريوم والنافوره ونتمشى فيه
يوم الجمعة لدبي مول والسبت عندي وقت لي المغرب شنو انسب اروح الفيستفال او إمارات مول
ومتى تفتح مطاعم ألجي بي أر ودبي مول متى يفتح بعد
وشنو سوق قريب من شارع الشيخ زايد احصل فيه جرابيات التلي والمخورات
واذا احصل هالجلابيات بمكان ثاني خبريني عسي يميني اروح
اي وبعد سؤال ماعليج كلافة في دبي هل في مكان العاب ماىيه غير اللي باتلانتس
وهل مردف سيتي يسوى العنوه والا ما يستأهل
وجزأ كي الله خيرا

 

[*بنت العلي*]

نسيت شي بعد ههه الخميس بنوصل دبي ٩ بالليل وبنسكن بفريزر سويتس بإذن الله بغيت اعرف شنو اقرب مكان نتمشى فيه ونتعشى به الوقت

 

[لؤلؤة دبي]

حيا الله بنت الامارات
أختي أنا بروح دبي الخميس بحول الله ويرجع السبت البحرين
مخططي اروح ألجي بي أر ودبي مول للأكواريوم والنافوره ونتمشى فيه
يوم الجمعة لدبي مول والسبت عندي وقت لي المغرب شنو انسب اروح الفيستفال او إمارات مول
ومتى تفتح مطاعم ألجي بي أر ودبي مول متى يفتح بعد
وشنو سوق قريب من شارع الشيخ زايد احصل فيه جرابيات التلي والمخورات
واذا احصل هالجلابيات بمكان ثاني خبريني عسي يميني اروح
اي وبعد سؤال ماعليج كلافة في دبي هل في مكان العاب ماىيه غير اللي باتلانتس
وهل مردف سيتي يسوى العنوه والا ما يستأهل
وجزأ كي الله خيرا

مرحبا بج اختي في دبي دار الحي بتنورينا فديتج

من وجهه نظري اشوف اذا اتروحين الفاستفال يوم السبت لان السنتر مفتوح وتقدرين تتمشين برع المول بعد

واغلب سناتر دبي والاماكن السياحية تفتح الساعة 10 صباحا تقريبا

والالعاب المائية عندج في حديقة وايلد وادي في منطقة جميرا

وبخصوص الجلابيات عندج في سوق عكاظ ومرشد
والجعيدي للازياء في مركز حمرعين
راجو بلازا بالقرب من حمرعين
كشخة بلازا بالقرب من مركز ابوهيل
مركز ابوهيل في كذا محل للجلابيات

مردف سيتي سنتر حلوو قريب من الفاستفيال سيتي وشي مناطق العاب للاطفال ومطاعم ومنطقة تسووق

وانتي بتسكنين بفريزر سويتس وهالفندق موجود في شارع الشيخ زايد قريب منه مول الامارات وشارع جميرا ( شارع حيوي فيه مطاعم وكوفيهات ومركز مريكاتو)

 

[انوار 1988]

السلام عليكم اختى بعرف فين افضل محلات البخور والعود في دبى تكون مو المحلات السعويه زى القرشي والشركه العربيه محلات غيرها مو موجوده في السعوديه تكون مميزه وحلوه وجزاك الله خير

 

[لؤلؤة دبي]

السلام عليكم اختى بعرف فين افضل محلات البخور والعود في دبى تكون مو المحلات السعويه زى القرشي والشركه العربيه محلات غيرها مو موجوده في السعوديه تكون مميزه وحلوه وجزاك الله خير

هلا اختي عليكم السلام

عندج محل انفاسك دخوون البخور مالهم يجنن وموقعة مردف سيتي سنتر، وبعد موجود في سينما سينيبلسكس ( الطابق الارضي ) وهو بالقرب من وافي سنتر

ومحل الياس موجود في فاستيفال سيتي، ابن بطوطة ، مركز وافي

 

[*بنت العلي*]

بارك الله فيج حبيبتي والله ييسر لك جميع أمورك ويرزقك كل ماتتمنين وزيادة ومشكورة وااااايد حبيبتي

 

[ذات الهمة العالية]

لؤلؤة دبى حبيبتى مساعدة عاجلة هل عندكم ماركة روشاس roches لبيع الأحذية والفساتين


يا ريت تردين على ضرورى

 

[ذات الهمة العالية]

شدعوة لؤلؤة دبى وين الجواب

 

[لؤلؤة دبي]

لؤلؤة دبى حبيبتى مساعدة عاجلة هل عندكم ماركة روشاس roches لبيع الأحذية والفساتين


يا ريت تردين على ضرورى

هلا حبيبتي اسمحيلي ما عندي فكرة ان شاء الله البنات يفيدونج

 

[ana alamal]

ماركة روشاس roches

يمكن تلقينها في دبي مول عند قاليري لافاييت

http://www.galerieslafayette.com/fr/rochas-12_1056.htm

 

[Beyoncee]

ماعليكم زود حبيبتي
ويزاج الله خير ع الموضوع

 

[miss_lulu]

اخت لؤلؤة دبي يعطيج ألف ألف عافية مجهود جبار وواضح ومتعوب عليه
بصراحة قليل اللي يسوون مثلج كلج ذوق وسعة صدر ماشاء الله عليج
وانتي بطريقتج هذي سهلتي على ناس وايد البحث بقوقل والمنتديات
والاذية وغير جذي انتي اكثر بديرتج وبينتي جمالها اكثر فوق ما الكل
يحبها ماشاء الله صج دبي دار الحي وعموما انا كنت متابعة موضوعج
من بدايته وبس دخلت اليوم هني عشان اوضح لج اعجابي بمجهودج
وان شاء الله نحذو حذوك ونبين للناس اللي يرغبون ديرتنا الكويت
والف الف شكر لج وماقصرتي ورايتج بيضه وعسى الله يحفظ لكم
ديرتكم ويخلي لكم شيوخكم ويحفظ لنا ديرتنا ويخلي لنا شيوخنا ​

 

[miss_lulu]

للتنويه اخت لؤلؤة سقط سهوا كلمة ( انتي حببتي الناس اكثر )
بس للتوضيح​

 

[لؤلؤة دبي]

بارك الله فيج حبيبتي والله ييسر لك جميع أمورك ويرزقك كل ماتتمنين وزيادة ومشكورة وااااايد حبيبتي

تسلمين حبيبتي

 

[لؤلؤة دبي]

اخت لؤلؤة دبي يعطيج ألف ألف عافية مجهود جبار وواضح ومتعوب عليه

بصراحة قليل اللي يسوون مثلج كلج ذوق وسعة صدر ماشاء الله عليج
وانتي بطريقتج هذي سهلتي على ناس وايد البحث بقوقل والمنتديات
والاذية وغير جذي انتي اكثر بديرتج وبينتي جمالها اكثر فوق ما الكل
يحبها ماشاء الله صج دبي دار الحي وعموما انا كنت متابعة موضوعج
من بدايته وبس دخلت اليوم هني عشان اوضح لج اعجابي بمجهودج
وان شاء الله نحذو حذوك ونبين للناس اللي يرغبون ديرتنا الكويت
والف الف شكر لج وماقصرتي ورايتج بيضه وعسى الله يحفظ لكم

ديرتكم ويخلي لكم شيوخكم ويحفظ لنا ديرتنا ويخلي لنا شيوخنا ​

فديتج لا شكر على واجب وتسلمين حبيبتي كلج ذوق

 

[ليمونة وزيتونه]

يعطيج العاااااافيه ياقلبي
بس بغيت اسأل متئ يبدأ مهرجان صيف ومتي يخلص