اختي ادخلي وعطينا رايك؟؟

[تنـــاســـانــي]

الزوجه اهي اللي تحكم زوجها بكلماته ومشاعره
يعني بإسلوبها تقدر تخليه مايتجرأ يقول هالحجي

حتى لو يقولها مره ومرتين وثلاث في اسلوب تفاهم

اوكي اهو معصب الحين ما ارد عليه ولا اكلمه
وانطره يهدا وبس يهدا اكلمه
افهمه ان انا ما احب اسمع هالحجي .. اذا كنت غلطانه فهمني وكلمني باسلوبك لاني راح افهم اللي تبي واذا ماسمعت الحجي من اول مره انا انسانه ومو معصومه من الغلط.. نبهني على نفسي ووعني باللي اسويه وطوفلي جم غلطه مع تنبيهك لي
بس انك تكلمني بهالاسلوب ما اسمح.. انا محترمتك احترمني
ومثل ما انت لك حق عليي انا لي حق عليك

صدقوني بنات اللي تبدا اول حياتها باتفاق وشروط ماتوصل لي هالمرحله
يعني بأول ايام الزواج او حتى عقب .. تقعدون مع بعض وتتفقون على اشياء
يعني مثلا انتي تقولين له انا احب التفاهم والصراحه والنقاش ، اذا شفت عليي شي كلمني او نبهني على نفسي يمكن اكون موحاسه بنفسي
واهو مثلا يقولج انا اذا عصبت ما امسك نفسي لاتردين عليي بوقتها وانتي نفس الشي
توضحين ان مثلا ماتحبين يتكلم عن اهلج و و و بالنهايه فيه اتفاق يعني تفاهم

حبيباتي الاسره اللي يدخل فيها الحوار والنقاش مشاكلها قليله
ومافي اسره مافيها مشاكل .. المشاكل ملح الحياة الزوجيه
ولا اشرايكم ؟

عدل كلامج ،، بس في رياييل ما يتفاهمون ،،

يعني اذا اهوا معصب و قال هالحجي ،، ماراح راد ،، اكييد راح اخاف و اتصرقع بعد ،، طبيعتي اخاف من الرياييل

او يمكن ارد عليه رد ثاني ماينرفزه اكثر ،،

عادي يعين اي انسان يعصب يقول حجي يتحسف عليه بعدين ،،