اختي تخوني مع زوجي

[ana mo ana]

لا حول ولا قوة الا بالله

هذا وهي متزوجه وعندها رجل.!!! اجل رجلها وينه... استغفر الله

انا اقول هدديها انش بتقولين لزوجها

ورجلش لا تخلينه يجي بيتكم نهائياً... خل يتشرهون ولا يصير شي لا سمح الله

او دخليه بغرفه منفصله ونادي امش يسلم عليها وخلاص!!!!


وكل ادعي (( اللهم اكفني شرها بماشئت.. ))

الله يهديها ويهدي زوجش ويسخره لش يااارب ويصبر قلبش

 

[ms_5ajoola]

لا حول ولا قوة الا بالله العلي العظيم ...


الله يهديها ادعيلها ان الله يهديها و لا تخلين ريلج يروج بيت اهلج وروحي عند اختج وهدديها وخرعيها بزوجها و لا تصيرين وايد طيبة معاها عشان ما تاخذ راحتها وروحي سافري مع زوجج فترة طولة و صكروا موبايلاتكم .

والحين احنا ب ليالي القدر ادعي الله وان شالله الله بيعطيج مرادج ان شالله .

 

[نور ستايل]

الله يساعدج

اختج مفكره زوارة الخميس على غفله
حتى زوارة الخميس كانت مطلقه مو متزوجه وتتميلح

يارب سترك

 

[مدام نفيخه]

اولا زوجج لايروح بيتكم نهاائياً

ثانياً اكسري تلفون اختج وقولي اللهم اكفني اياه بماا شئت اللهم اني اعوذ بك من شرورها

ثالثا اكشخي لزوجج خليه مايشوف غيرج ابد كرري هالدعاء اللهم جملني في عينه وجمله في عيني

وقوي علاقج مع ربج صدقيني اهو بيديه كل شي قاادر يسخر لج زوجج
خليج دايم تستغفرين وتسبحين وتذكرين الله وعليج بقيام الليل والدعاء احرصي ع اوقات الاستجاابه بين الاذان والاقامه
وفي السجود والحين دعاء الصايم مستجاب بأذن الله

وبشريناااا

 

[هموووم]

السلام عليكم اشكركم من كل قلبي امس كله تعبانة وماقدرت اواجها ولا اصلح ولاشيء بس رحت المستوصف واخذت مغذي ومهدئ ونمت توني صحيت وزوجي مرة مدارني واتوقع عارف انا عرفت لانه مايبي اهلي يعرفون اني تعبانة يقول لاتفجعينهم عليك وقدم وقت البعثة ويكلمني ويتغزل فيني بزيادة انتي انظف وحدة واجمل وحدة والشريفة ومافي منك ولاتتعبين صحتك اكثر انا ماابي افقدك وماابدلك ب احد واضح انه شاك اني عارفة بالسالفة ولاني حتى ماابي اكلم احد من اهلي لان انا بالعادة لو اخذت علاج الحمل وهي حبة رحت عند اهلي ارتاح وهالمرة ماابي
ففكرت اختي بكلمها واقولها زوجي قالي عنك وعن حركاتك ويدعي لك بالشفاء ويتضحك على شكلك ومن بشد عليها وبدعي عليها قدامها بس
ومااعتقد بينهم اتصالات لان زوجي اغلب وقته معي او عند امه وابوه
وزوجة اخوي ماتكذب والله ماتطلع منها العيبة او تظلم لكنها ذكية وهي الي دايم تصيد اختي
واختي متزوجة من شخصية وولد حمولة وطلقها وتزوجت ثاني ولد جيرانا يدري عن سوالفها اخذها لان مافي بنت تقبل فيه لانه راعي سوابق وضايع
وعندها اربع اطفال بس مايعرف زوجها انها مازالت حتى بعد الزواج تلعب
والله يخليكم ماابي احد يدعي عليها لانها اختي ولو يجيها شيء امي تمووووت الله يطول بعمرها ووالدي
واحس معنوياتي مرة مرتفعه عقب كلام زوجي وودي اتشره عليه بس ماابي اصارحه اني كشفته حتى مالي وجه اقول انها اختي ولان اعرف اختي الي بادية
وزوجي ماتقعد معه بس اذا كنا في مزرعة او مخيم
وصدقت وحدة من العضوات هي من النوع الي تحب انوثتها ومايعة وتتغنج للكل
وش رايكم اكلم اختي واطلع حرتي لاني تعبت نفسيا ولو تركها زوجي بتدور غيره
*

 

[قلبهـ 86]

الله يستر عليكم ويهديهاااا ويسخر قلبج ،،؟

 

[caramella <3]

لا حول ولا قوة الا بالله ,, حبيبتي مالج الا رب العالمين ,, دائما رددي (( لا اله الا انت سبحانك اني كنت من الظالميـن ))
الله يفرج همج بصراحة احتريت على سالفتج .. الله يكون بعونج ان شاء الله ,,,

 

[حطمۈكہ يآقلبي]

ابعدي زوجج عنهـــاااا

أو هدديها انج تعلمين زوجها عليهاااا

خل تولي هذي مو اخت كلشششششششششششششششششششش

قهرتني

حسبي الله ونعم الوكييل

وسوي اللي قالته لج بقايا جروح

قولي له اخواني متغيرين ع اختي
شاكين فيهااا وطلعي صواريييييييييييخ


لاتصيرين بارده اقسسم بايات الله تقهرين البرود ماراح ينفعج


تدرين أعرف وحده زوجها طلقها علشان ياخذ اختها وتزوجهاااا وخله ام عياله

يلا تحركي ...

 

[شوق&حنين]

لا حول ولا قوة الا بالله

هم اختج ومتزوجة بعد يا الله باي زمن احنا اعوذ بالله من الشيطان الرجيم

واحس الشيطان برئ من اللي تسويه اختج اكيد انها مو طبيعية
حبيبتي ليش ساكتة ومتعبة عمرج وهالكة صحتج واجههيها وزفيها وعلمي امج وابوج لا تقولين كبار ومرضى الله يعينهم بس سالفتج كبيرة وماينسكت عنها


الله يفرجها عليج ويعينج

 

[طنط فتحيه]

الله يهديها ويستر عليها​

 

[هيبة ملك]

يمكن مابينهم شئ بس مجرد وسواس

 

[ام _خلودي]

مادري شقولج سالفتج جايده وانت رده فعلج جدا سلبيه انسان يخونج ويخون اهلج ومايخاف ربه لهدرجه واتقولين احبه حبيبتي الا مايخاف ربه معرفته خساره والا خانج مع اختج توقعي منه اي شي ضاقت عليه الوسيعه مالقا الا خالت عياله صراحه كش شعر جسمي وانا اقرا قصتج الله يعنيج ويهون مصيبتج*

 

[Beautiful soul]

ياحياتي تعوذي من الشيطان ووقفي دموع وتفكير ولا ترى بتستخفين من التفكير
اكثري من الاستغفار والدعاء وابعديه اصلا ماله حاجه يدخل بيتكم ويقابل اهل البيت اذا يبي الشباب في شي اسمه مجلس خارجي او ديوانيه وكانج كتبتي بعثه ؟؟
ان شاء الله تسافرين انتي وياه وتنشغلون بحياتكم واختج تنسى وتلهى بعمرها

الله يسخر لج قلب زوجج ويرزقج بالذريه الصالحه ياقلبي

 

[بـاسي قــوي]

يابعد عمري لا يضيق صدرج دموعج غاليه حبيبتي ادعي ربج بهالايام الفضيله و اسجدي اطلبيه اللي تبين و عليج بسوره البقره كل يوم لا تتركينها عمري انتي لا تشيلين هم ,, ترى مافي احد خالي بس يلا فرفشي و طلبي ربج مالج الا الدعاء اللي يريح القلب

 

[لوليتـا]

والله قلبي عورني

الله يقرج كربتك

كانك بكلامك في بعثه وبتسافرون وبتفتكون من هالاخت معك

 

[ميشووو]

الله يعينج ياقلبي


الله يرفع عنا وعنج

 

[lovemyself]

الله يساعدج ويثبت قلبج بس
انا مع الخوات ادعى الله يفرقهم
وحاولي تخوفين اختج بالله
ثم هدديها بلهجة جافة اذا ما حست

 

[شفايف كرزيه]

الله يهديها لنفسها
ويسخرلج رجلج

 

[بنات حواء2]

حبيبتي الله يبرد قلبج يارب و يمسح عليه
رايي في الموضوع
خليج طبيعيه الى ابعد الحدود
ريلج لايدري في البي في بالج نهائين
لانه ممكن يكون شاك بنظرات اختج لاكن الشك بعده ماصار يقين
فلاتخلينه يصير يقين
بنسبه لاختج عطيها كلمتين بالعظم تعرف حجمها و انها انسانه سوري على هلكلمه منحطه
و برايي اعتمدي تسجيل الصوت حتى اذا اهدمت بيتج سوري حبيبتي لازم يكون عندج دليل للناس و اولهم زوجها
و ممكن تقطين كلام كبير جدام زوجها عشان يحط باله من مرته
و صدقيني و ثقي تماما هي السالفه نفسيا انتي لو تشيلين الي في بالج و تفتحين صفحه يديده احسن و سوي نفسج لا تشوفين و لا تسمعين لين يي الدليل جدامج ذيج الساعه لج الحق و كل الحق انج تتكلمين تشرشحينها و تشترشحين ريلج فوقها
بس دام ان ليلحين مجرد حركات يهال
انا برايي خليج الاحسن و الافضل و الاكبر
خلي روحاتج بيت اهلج بروحج و ريلج روحاته حزت الي اختج العوبه مو موجوده او ان يكون ريلها موجود و اذا صارت اي حركه احرجيها جدام الاكل قولي لها انتي ما تستحين تسوين هلحركات جدام ريلي ريلي يعتبر غريب عنج و قولي هلحجي جدام ريلها عشان يحس انه مو ريال و ماعرف يوقف مرته عند حدها
ولمن تقعدين قولي لها شفيج تغير صوتج خبري فيج قبل ريال لمن تتحجين
يعني اعتمدي تطيحين حظها جدام ريلج و ريلها عشان تعرف قدرها و تنحرج
و انتي بالعكس لي رحتي وي ريلج قهريها و قعدي يم ريلج وسولفي و ضحكي و وكليه و طالعيها ختشوف انج منتبها لها و ختموت بقيظها
وسوري اذا الكلام ضايقج لانه عن اختج بس سمحيلي اختج انسانه حقيره الي عينها زاغت على ريل اختها وفوق هذا خاينه و منحطه لانها متزوجه وفوق هذا تدور رياييل
و الله يعينكم على جذي انسانه
و صدقيني نهايتها بتكون سوده مثل تصرفاتها و ويها

 

[م.كيكه]

ادعي ربج باخر الليل انه يبعد اختج عن زوجج ويكرها فيه ويبعد زوجج عن اختج ويكره فيها
الله كريم ماراح يردج ....مدام انتي ناويه انج تحافظين على بيتج ربج بينصرج
لاتياسين مهما كانت النتيجه