رد : اختي تدخل بحجابي وزواجي صج انها انانيه
يمه منج ومن اسلوبج قال السنعه والله ماتعرفين السنع وين وبعدين شلج فالبنيه
والكلام اوجهه للي معترض ومنتقد اسلوب الفدعى اللي مو عاجبها اسلوبها لاتدش وتقط كم كلمه على جم نغزه
يعني البنيه يتيمه لا ابو لا ام وصغيره وشافت في منتدى كويتيات انهم خوات لها وجات المسكينه تفضفض وكل وحده تاكلها من صوب
ياجماعه البيوت اسرار واللي ماتصدق الفدعى مو مجبوره حبيبتي تدشين الموضوع
بعدين حنا مسلمين يعني المسلم من سلم الناس من لسانه
وانا مااوجه هالكلام للسنعه بس اوجهه لكل وحده تدش موضوع الفدعى وتحجي فيبها او تجرحها على بو انا العضوه اللي دمي خفيف اشتغل تضغط بالفدعى وامسخر البنات عليها
انا من زمان اتابع مواضيعج يالفدعى وكنت ادعيلج وماكنت احب ارد وكنت لما اشوف رد بعض العضوات الله يهديهم اتضايق عليج لاتهتمين بكلام احد وكل ماشفتي شي مضايقج كتبي عنه وفضفضي
وللبنات اللي مو عاجبهم مواضيع الفدعى اتمنى بلحظه انج تحطين نفسج بمكانها فاقده امها وابوها وصغيره وتصير معها هالشغلات قدروا يابنات مشاعرها
انا اللي فهمته من مواضيعج كلها اختج تغار على زوجها منج ودامكم بيت واحد الله يعينج على هبال اختج وغيرتها والحل يالفدعى انها تطلع بيت مع زوجها او انج تقترحين على اخوج الكبير تبيعون البيت وتجلسين عنده لين الله يكتبلج النصيب وادري ان هالاقتراح صعب وحساس لان مثل مافهمت مافي توافق كبير بينج وبين اخوانج وحريمهم فأنتي شوفي الحل الانسب اما تستحملين اختج لين ربي يكتبلج الفرج والزواج او تروحين عند اخوج
والله يوفقج ياقلبي وين ماكنتي
وكلمه اخيره اقولها لملاقيف المنتدى واللي تدش وتقول كلام مثل السم تقهر فيه صاحبة الموضوع الله لايحدني لكم واجي يوم اشكي لكم الله الغني وباب رب العباد مفتوح
ودايم يالفدعى ادعي افرشي سجادتج وادعي ان ربي يحنن عليج قلب اختج واخوانج ويرزقج بالزوج الصالح اللي يعوضج عن اليتم
والاخت السنعه اعتذرلج عن اسلوبي في البدايه بس حبيت انبهج لشغله يمكن تكونين غافله عنها ان كل واحد فينا عنده لسان وممكن يقط كلمه تجرح الطرف الثاني ويطنش ومايهتم بمشاعره ويدش اي موضوع ويكتب اللي يبيه بس قبل لايكتب يتذكر انه مسلم والمسلم من سلم الناس من اذاه سواء بالقول او الفعل
يمه منج ومن اسلوبج قال السنعه والله ماتعرفين السنع وين وبعدين شلج فالبنيه
والكلام اوجهه للي معترض ومنتقد اسلوب الفدعى اللي مو عاجبها اسلوبها لاتدش وتقط كم كلمه على جم نغزه
يعني البنيه يتيمه لا ابو لا ام وصغيره وشافت في منتدى كويتيات انهم خوات لها وجات المسكينه تفضفض وكل وحده تاكلها من صوب
ياجماعه البيوت اسرار واللي ماتصدق الفدعى مو مجبوره حبيبتي تدشين الموضوع
بعدين حنا مسلمين يعني المسلم من سلم الناس من لسانه
وانا مااوجه هالكلام للسنعه بس اوجهه لكل وحده تدش موضوع الفدعى وتحجي فيبها او تجرحها على بو انا العضوه اللي دمي خفيف اشتغل تضغط بالفدعى وامسخر البنات عليها
انا من زمان اتابع مواضيعج يالفدعى وكنت ادعيلج وماكنت احب ارد وكنت لما اشوف رد بعض العضوات الله يهديهم اتضايق عليج لاتهتمين بكلام احد وكل ماشفتي شي مضايقج كتبي عنه وفضفضي
وللبنات اللي مو عاجبهم مواضيع الفدعى اتمنى بلحظه انج تحطين نفسج بمكانها فاقده امها وابوها وصغيره وتصير معها هالشغلات قدروا يابنات مشاعرها
انا اللي فهمته من مواضيعج كلها اختج تغار على زوجها منج ودامكم بيت واحد الله يعينج على هبال اختج وغيرتها والحل يالفدعى انها تطلع بيت مع زوجها او انج تقترحين على اخوج الكبير تبيعون البيت وتجلسين عنده لين الله يكتبلج النصيب وادري ان هالاقتراح صعب وحساس لان مثل مافهمت مافي توافق كبير بينج وبين اخوانج وحريمهم فأنتي شوفي الحل الانسب اما تستحملين اختج لين ربي يكتبلج الفرج والزواج او تروحين عند اخوج
والله يوفقج ياقلبي وين ماكنتي
وكلمه اخيره اقولها لملاقيف المنتدى واللي تدش وتقول كلام مثل السم تقهر فيه صاحبة الموضوع الله لايحدني لكم واجي يوم اشكي لكم الله الغني وباب رب العباد مفتوح
ودايم يالفدعى ادعي افرشي سجادتج وادعي ان ربي يحنن عليج قلب اختج واخوانج ويرزقج بالزوج الصالح اللي يعوضج عن اليتم
والاخت السنعه اعتذرلج عن اسلوبي في البدايه بس حبيت انبهج لشغله يمكن تكونين غافله عنها ان كل واحد فينا عنده لسان وممكن يقط كلمه تجرح الطرف الثاني ويطنش ومايهتم بمشاعره ويدش اي موضوع ويكتب اللي يبيه بس قبل لايكتب يتذكر انه مسلم والمسلم من سلم الناس من اذاه سواء بالقول او الفعل
التعديل الأخير:
