اختي توها راده من الدراسة بره..شوفوا اشصار لانها مسلمه

[قَلبيْ صُويبكْ !]

,





موضوع تشكرين عليه صراحه
وفعلا الشخص لازم يكون عنده خلفيه واضحه وكافيه لدينه
يقدر من خلالها يواجه أي سؤال ويجاوبه بَ ادلة قرآنيه ويستدل عليها عقلياً يقنع فيها الطرف الآخر

 

[Nanoosa]

تدرين انا وايد اتهاوش مع اجانب على هالسالفه

طبعا مو المسيحيين قصدي عن هذيل الهدد اللي ما عندهم دين لأن المسيحيين عارفين دينا

في ناس قالو عني ارهابية و في ناس قالو عني اشياء ما تنقال

و انا اقولهم انتو جهلة ما تعرفون شي اسمه كتب ولا بحث ما تبحثون على طول اتجادلون هذا يدل على جهلكم

و الله كلما اتهاوش مع واحد منهم يحببوني بديني لأن ردودهم و الله العظيم فيها غباء اعمارهم فوق 25 سنة و عقولهم عقول ياهل بو 10 سنين .. يعني صج يحسسوني اني فاهمه احسن منهم

و في بنات اجانب صارو رفيجاتي مو مسلمات بس حيل معاي وايد اكلمهم بالتويتر و متفهمين ديني و يعصبون معاي اذا احد غلط علي و على ديني

الزبدة ان لا يضيق خلقج اذا فهمو الدين غلط بسبة جم خليجي يخوره .. في شي اسمه كتب في شي اسمه انترنت
الكل يدري ان الاسلام اهو الدين الصحيح بس اكو وايد ناس جهله فاهمين ان احنا مو زينين

و صح انا وايد افكر بهالاشياء ان يمكن الاسلام مو دين صحيح بس اقعد اتعوذ من الشيطان لأن هذا وسواس لأن لما اقارن الاسلام بدين ثاني اكتشف ان الاسلام وايد رحيم و وايد اكو ادله تدل على ان الاسلام دين صادق

يا رب تثبتنا و سوري عالقرقة

 

[فجرر]

اولآ الحمدلله على نعمة الاسلام

ثانيآ الحمدلله في ديننا الاسلامي اسأله كثيره يمكننا الاجابه عنها بالمنطق والادله ويتقبلها العقل الباطني والانسان العاقل بعكس الاسأله الي بالديانه المسيحيه مايقدرون يجاوبون ع اي سؤال بالمنطق والادله اذا سألتيهم سؤال يتهربو من السؤال او يقولو للشعب المسيحي اسألو القسيس والقسيس نفسه مايقدر يجاوب ع الاساله لان دينهم دين عشوائي عكس ديننا الحمدلله يارب ع النعمه الي احنا فيها

 

[بنت الأجوااد]

كل شخص متفاخر بدينه سواء مسلم مسيحى او غيره من الديانات وصعب تغيرينه

الا بحاله اذا ربك هداه لان الله سبحانه هو الوحيد اللى يقدر يغير حال العبد من حاله لحاله سبحانه

كثير من الناس كانت مسلمه وغيرت ديانتها وفي ناس كانت غير مسلمه واسلمت بعد فضل الله عليهم


ملاحظه : الكثير يسال مو عشان الاستفسار عشان يشكك في دينك وعقائدك
والغرب لو يبون يعرفون عن الدين الاسلامى شي يعرفونه على اصوله بس مايعجبهم هالدين لانه يقيد حرياتهم اللى تعودوا عليها ويرفضونه بس


ولا تاخذين المرجع من النت وتقولين ان المشايخ السنه خيبوا ظنج لا ترا النت في اشياء كثيره ملفقه ومحرفه ومو كل شي تقرينه بالنت تصدقينه وتاخذينه بالحرف


في شيوخ دين سنه مشهورين بالتقوى والمعرفه مشاء الله تبارك الرحمن

 

[sbee7a]

الموضوع جدا رائع مع طرح راقي , وفعلا احنا عندنا بالخليج عادات وتقاليد تقدمهااا الناس على الدين ومنها لمه المرأه يخطبهاااا الرجل , مايشوفهااااا مع انه هذا من حقه الشرعي هذي شغله الشغله الثانيه لي ملج عليهااا مايطلع معاهااا مايكلمهاااا وتلقييين وايد حالات طلاق وايد مشاكل على هالسالفه وهالشي ضد الدين , لازم الناس يسير عندها وعيييي بالهشي , وفي ناس عندها تتعصب حق انتمائها اولون بشرتها والدين الاسلامي حطم هالفروقات وفي شغلات وايد صج لمه اقولها بيسير طق مطاقق على قولتج,

 

[عبالي حبيبي]

ماشاء الله عليج وعلى كلامج الدرر

عسى الله يوفقج

عموما انا مره مسيحيه تشتغل بالمستشفى سالتني ليه الرجال بالاسلام حرام يلبسون الذهب

شرحتلها اسباب كثير واخر شي ختمت بان العلم الحديث اثبت ان الذهب مضر للرجال

 

[فجرر]

الكثير من المسيحين يسلمون بسبب عدم وجود اجوبه تقنعهم وبالاخير كل انسان مولود ع الفطره وسبحان الله في وقت الشدايد يعرفون الله في قصه اعرفها قائد طياره مسيحي كانت بتسقط الطائررره قال اووووو ماي قاااد يعني ياااالله فسبحان الله التوحيد والفطره موجوده داخل كل انسان سواء مسلم او مسيحي او ... الخ نسأل الله للجميع الهدايا امين

 

[Green tea 93]

اختي لأن في ناس ما قاعد يمثلون دينا صح و لان ما يعرفون يردون عدل فتتشوه صوره الدين عندهم

و لو انحطيت بموقفج اللي مع الملحد راح يكون ردي عليه كالتالي

سؤاله شنو يدل على وجود الله يكون جوابي الحين السياره مثلا اتصنعت بروحها تقدر تقتنع ان محد سواها و فجأه منها و من نفسها انخلقت !

هذا الكون بكبره بالبحر و الطبيعه و الانسان مستحيل يكون صدفه عطني شي تواجد منه و من نفسه و اعطيه ادله من القرآن ان الله سبحانه وتعالى خلق السموات والارض في 6 ايام ثم استوى على العرش

و هكذا ارضي فضوله و اعطيه كتيبات يقراهم لين يقتنع منه و من نفسه

و ترا مو شرط بس من كتيبات حتى اذاعه القرآن و بعض القنوات يفقهونا بالدين

و يعطيج العافية

 

[serina]

موضوع مفيد ومميز إخت المرتاحة.

درست في الغربة سنين واحتكيت بأجانب كانت عندهم أسئلة وايد عن ديننا. في البداية ما أنكر إني كنت أجاوبهم بالأجوبة المعتادة، مثلا... كنت أقول: (ديني فرض علي هالشي وأنا ملتزمة بديني) بعدين اكتشفت إن صحيح هالإجابة سليمة لكن ما وصلت لهم لسبب بسيط جدا. الشريحة اللي يسإلون ما عندها التزام بالدين والدين عندها سطحي أو ما له قيمة. فما ما راح يكون عندهم تقدير لأي شخص ملتزم دينيا بحكم إنهم يشوفونه بنظرة التقليدي المتزمت ومع الوقت عرفت والحمدلله أتعامل مع هالأسئلة اللي تنطرح علي بطريقة مبسطة توصل لهم حسب مستوى تفكيرهم بشكل تخليهم يحترمون عقيدتي على الأقل جدامي وهذا كان هدفي لا أكثر.

راح أعطيكم مثال على الأسئلة اللي مرت علي وهذا بالذات أكثر سؤال إنسألت عنه.

إنتي ليش لابسة حجاب؟ وليش فلانة المسلمة مو لابسة نفسج؟ وليش في ناس لابسة نقاب؟

قبل كنت أرد ببراءة وأقول إن ديني أمرني بهالشي لكن اكتشفت إن هالإجابة تفتح أبواب لنقاشات عقيمة خصوصا إذا الطرف الثاني ما عنده دين فإهني غيرت من طريقة إجابتي من غير ما تؤثر على فكرتي بديني... فكانت إجابتي:

أنا لابسة حجاب لأني أبي ألبسه محد فرضه علي، لبسته لأني أؤمن إني جميلة وجمالي مو فرجة للي يسوى وللي ما يسوى. جمالي أعرضه بس لأشخاص تقدره وتصونه. وفي النهاية اهوا اختيار شخصي بحت مثل ما المفصخة عندها حرية تتفصخ عندكم أنا لي الحرية أتغطى. وما أعتقد إني إذا غطيت جسمي راح أعيقك من إنك تعيش حياتك عكس المفصخة اللي ممكن تجر مشاكل أخلاقية. فشي غريب المحجبة تتعرض للانتقاد عكس المفصخة.
وفلانة ما لبست حجاب لأنه اختيارها، في أشياء في الدنيا تحتاج التزام commitment ومو شرط كل شخص ما التزم بشغلة معناته في عيب في هالشغلة. مثلا في ناس تلتزم بقوانين المرور لكن هم في ناس وايد ما تلتزم بقوانين المرور وتخالفها باختيارها الشخصي، هل هذا معناته إن قوانين المرور مو مهمة أو فيها عيب؟ البنت المسلمة اللي مو متحجبة ما اعتبرها دليل ضد الحجاب اعتبرها دليل على عدم التزامها فيه لا أكثر.
وليش فلانة تلبس نقاب أيضا نحطه تحت بند الحرية الشخصية. كل إنسان يشوف المبادئ بنظرته ويلتزم فيها بطريقته وطالما إن طريقة التزامه ما تسبب مشاكل للأخرين واهوا يسويها باقتناع اهوا حر.

اهني لما خليت إجابتي تعبر عن رغبتي الشخصية وخليتها تبين إن الدين عندي أسلوب حياة مو مجرد شريعة التزم فيها. وفوق هذا ربطت بين موضوع الحرية الشخصية اللي دايما يتشدقون فيه وبين حقي في حرية الاعتقاد. وضربت مثال من واقع حياتهم (قوانين المرور) عشان أبين مسألة تفاوت الالتزام. قدرت أوصل الفكرة لهم بشكل سريع ومبسط. بحكم تجربتي المتواضعة بالغربة أعتبر هالأسلوب أنجح أسلوب في التعامل مع أسئلة غير المسلمين بشرط يكون بطريقة هادية وبسيطة وفيها ثقة بالنفس. لأن العبرة مو إنج تقنعينهم بدينج لأن هالشي بايد ربنا سبحانه، العبرة إنج تخلينهم يحترمون دينج لما يشوفونج متمسكة فيه عن قناعة عقل وأسباب.


عسى الله يوفق إختج بالغربة يا المرتاحة ويثبتها على دينها.

 

[عاشقه الشامري]

موضوعش رائع ويناقش نقطه مهمه مهمه مهمه كلنا غافلين عنها فعلا حنا ما ثقفنا نفسنا بدينا عشان نرد على اسئلة واستفسارات الغرب

والجاهلين ونكون سبب في دعوتهم ودخولهم للأسلام سمعت كثيرا من المناورات والحوارات للشيخ عبدالمحسن الاحمد مع كثير من الاجانب


والمسيحين في اموور الدين والكثير منهم دخل الاسلام على يده

لازم نقرا كتب كثيره ونثقف نفسنا اكثر واكثر ونتعمق بتعاليم دينا ونغووص في بحووره ونعرف كل صغيره وكبيره فيه ل ان بحياتنا راح

نواجه الفئه هذول ولازم يكون عندنا الردود المقنعه ومعاها الدليل اللي يثبت عليها من القران والسنه مثلا اذا جاتش خدامه مسيحيه

لازم تدعينها لاسلام وعمتي دكتوره تقول عندها سسترات مو مسلمات معجبات بالاسلام ودهم يدخلونه يعني حتى بمجال العمل راح

تلقين هذي الفئه ومن واجبش كــ مسلمه انش تعرضين عليهم الاسلام بما انش بدوله مسلمه

 

[LuLiTa]

انا الحمدلله خلال فترة دراستي بره ما كانت اتواجهني هالشغلات وااايد ... مو لأنهم ما يسألون بس لأني من صغري أقرا و أبحث و أسأل و عندنا مكتبة الوالد متروسة كتب دينية تشمل أغلب وجهات النظر .. و بما أني كنت خاتمة القرآن بعمر صغير ففي شغلات عارفتها من التفسير المباشر للآيات ... فالحمدلله هالشي ساعدني بغربتي إني أتمسك بديني أكثر و أعرف إنه مذهبي إهو الصح ...

 

[حبك مايعاضي]

ما شاء الله موضوعج حلو كنت افكر بهالشي ان لو بسافرر برى للدراسه وابي انصح احد يدخل السلام كنت افكر شلون اقوله عن دينا وشلون اقنعه يدخل الاسلام حتى لو بالكويت شكثر نقابل مسيحين مثل الخدم وشلون ننصحهم يدخلون الاسلام مرره قابلت فراشه بمستشفى وسالتها عن دينها قالتلي مسيحيه رغم انها عايشه بالكويت يمكن فوق العشر سنين يعني لو غيرها مسيحي وعايش بالكويت واحد انصحه واقنعه بالاسلام يمكن كان اسلم تدرين شقلتلها ليش ما تسلمين الاسلام حلو هههه مالت على جملتي

 

[prettysoul]

الله يجزاك كل خير
على هالموضوع.
هم الاجانب كل شيء عندهم بالنقاش.
وصدقتي لما كتبتي عن مناهجنا
بس يحشون دماغنا عن الحلال والحرام
مافكروا يحطوا منهج كيفية التعامل مع النصارى .

 

[يالنوايا]

موضوعج عجبني ،،
ومن ارد الله به خير ثقفه بالدين ،،
وللاسف احنا اعيالنا نفسهم ودهم يتبرون من دينهم من يروحون بره ،،

 

[Eva-SS]

الاجانب اغلبهم ملحدين وحتى النصارى منهم ماقاعد يتبعون تعاليم دينهم يعني دينهم حرم عليهم الزنا وفرض على المره لبس الخمار شوفوا لبس الراهبات عندهم بس مايتذكرون ربهم الا اذا مروا بمصيبة

بعدين مشكلتهم انه اللي يعرفونه عن الاسلام من اعلامهم الفاسد صورة غلط ومشوهه عننا انه همج والمرأة مهمشة ومالها دور واننا نعيش بصحره .. انا لما كنت امشي يوقفوني ويسألوني عن نقابي فيه ناس تناقش وفيه ناس تسأل بس فيه فكرة ببالها ماتتغير مقتعين فيها .. انا مافضل النقاش الديني وحتى لما كانوا يسألوني صج ماكنت اعصب بس احاول اني مادش بتفاصيل لانه هالموضوع حساس وكل واحد عنده قناعة ما تتغير

 

[كويتية222]

قلتي في اشياء كثيرة نسويها غلط

وفي اسأله يطرحونها عليكم

موضوعج يبيله تكملينه علشان نستفيد

وانتبهي من اللي بتكتبينه في بنات صغار وثقافتهم الدينية لسه بطور النمو

​

 

[مغليك قلبي]

معاك حق اختي بكل اللي قلتيه لازم يكون عندنا وعي بالعقيده وتطبيقها واسبابها
موبس نعرفها مسميات وخصوصا عندك الملحدين يطفرون الواحد بالاسئله فلازم يكون عندنا رد كافي وافي
ام بخصووووص ام كوثر
ياريت لو تجبين فتوي مو عاجبتك من مذهبك واتركي فتاوي مشايخنا حنا ادرى فيهم
استنكرتي فتوى لشيخنا وماستنكرتي او ضربتي مثاااال لفتوى من فتاوي مشايخكم او على قولتكم موقلديكم
ماستنكرتي الجبن مكرووووه والمتعه حلا ل وجايه تناقشين وتضحكين بفتوى شيخنا
الاولى انك تضربين مثل من مقليدينكم
حنا ما جينا ناقش فتاويك ولا علينا منكم
فاحترمي نفسك
وللعلم عمري ترا مارديت على شيعيه بالمنتدى بالاسلوب هاذا بس كلامك استفزززني

 

[♥ĘМǾ♫ĢǾŦĦ♥]

ترا موضوعج وايد حلو و مفيد !
زين انج طرحتي هالقضية و اتمنى الكل يهتم فيها و انا بعد
لازم خصوصا للمسافرين الى الدول الاجنبية

و يعطيج العافية

 

[DaLa3 BeBe]

يسلمو عالموضوع

بس مسألة ان نتثقف في دينا هذي مو بس للرد عالاجانب
هذي لج ولدينج

ومن الشغلات اللي ممكن تكون عاده مكتسبه ومخالفه
للدين وانتي ماذكرتيهم لكن انا بقول من هالشغلات
الاحتفال بأيام الميلاد << ليش تحتفلون بالشخص لانه انولد باليوم!

ليش ماتكرمون الام بداله

عالعموم فيه اسئله نقدر نجاوب عليها بس لو تفكرين فيها شوي
وتكون عندج قدره للاقناع ممكن تجذبينهم للدين

منها لمه اسألج الشخص شلون اتقرب من الله وعنده قابليه
لكن للاسف ماكان عندج رد وقتها ، الافضل لو قايله له

تتقرب من الله بالدين بالقرآن بالصلاه نتقرب فيها من الله وندعيه ونسأله من فضله

وأما العضوه اللي قالت وحده سألتها ليش العبايه لونها اسود
تقدرين تقولين لانه لون ساتر مايبين تفاصيل جسم المرأه

يعني اجوبتكم مو شرط بالتعمق بالدين فيها من الدين وفيها العام

 

[الحياة تجربه]

كلامج عين العقل
انا مريت بهالفتره
والحمدالله علمت نفسي. وقمت ابحث اكثر واكثر ولقيت استفساري كله بالقران
قبل كنت اقري القران بسرعه بسرعه استغفر الله ماكنت انتبه عالقصه وشنو الحكمه وشنو ربي بيوصل لنا
بس تغيرت ولله الحمد بعد روحتي للحج عرفت انه نص حياتي كانت غلط ويارب ما ارد بالهطريج والله يثبتني