رد : اختي كرهتني بزوجي
إذا بتسمعيـن لكلام الناس ترى بتتعبييييييييييييييين
اسمعي منـا و طلعي منــا
و زوجك هذا حطيه على راسك من فوق طالما ملتزم و متديّن
محد راح يعزك و يعينك على دينك إلا الله ثم زوجك الملتزم هذا , ما شاء الله تبارك الله ,,
و التمسي العذر للأختك ,, واضح من كلامها إنها متضايقة من وضعها كونها مطلقة
و آللي بحالتها على الأغلب يطلع منهم مثل هذا الكلام ,, عادي حبيبتي , لا تشيليـن على أختك و بنفس الوقت لا تكرهين زوجك
و لا تعامليـنه بجفاء , أنـا حاسة فيك و إن ودك إن أقرب الناس يفرحون لك و أكيد ودك إن أختك حبيبة قليبك تكون من ضمن هالناس
بس اعتبريـه ابتلاء من الله سبحانه و تعالى ,, و قولي الحمد لله إن ربي يسّر لك هذا النصيب الطيب آللي يبي يعينك من بعد الله
على الثبات على الدين و الإتزام ,,
و ليه تتحطميـن و تضيقين خلقك و أنا أختك ؟؟؟
بالعكس افرحي و انبسطي و جهزي للعرس حالك حال كل البنات و لا تسمحيـن لأي شي إنوهـ يكدر خاطرك حبيبة قلبي ^_^
ادعي الله لإختك بالزوج الصالح ,, كسرت خاطري الله يعوضها خير يا رب و يهدينا و إيّاهـا
ما عليه حبيبتي راعي وضعها و الحالة النفسية آللي هي تمر فيها بسبب طلاقها ,, و هذي أنتِ تقوليـن إن زوجها ما كان ملتزم
و ممكن تكون شافت منه أشياء تسوءهـا و لهذا صار الطلاق و تعبت نفسيتها
ما عليه حبيبتي فديتك اصبري و اعذريها و ادعي لها بالزوج الصالح ,, و لا تنسين نفسك ( و لنفسك عليك حق ) , افرحي و انبسطي
و جهزي و لا كأن فيه حزازيات تجاهـ هذا الموضوع ,, و هذي الفترة آللي أنتِ تمرين فيها ( تراهـا مرة بالعمر )
المفروض تقضينها بسعادة و فرح لأنها تبي تتسجلّ في سجل ذكرياتك أعتقد ماهيب حلوة لا تزوجتِ و جلستِ تتذكرين فترة الملكة و كيف كانت
تتذكرين حزنك و أساك و كلام أختك ,, مثل ما قلت لك يا الغلا ,, الفترة هذي قضيها بفرح و سعادة و ادعي الله من كل قلبك إنوهـ ييسر أمورك و أمور أخيتك
و الله يوفق ما بينك و بين أخيتك و يحفظ لك زوجك و يحفظك لوهـ و يرفعك بالدين ,, اللهم آمين
احترامي و تقديري
ترانيم القصيم
