اختي وصاحب السمو

[شربات]

صبحكم الله بألف خير

بنات بليز بغيت مساعدتكم :s141:

أمس اختي جتني وقالت لي أبي بدلة علشان عندي مقابلة مع صاحب السمو أمير البلاد " الله يحفظه "

آنا تبلعمت ، حسيت اني ماعرف ولا شي بالسوق والمقابلة الاسبوع الجاي:krkrkr:

تكفون من وين آخذ لها بدلة ، طبعاً هي رايحة تقابل ابونا وراعي مسيرتنا فلازم تكون رزة

بانتظار ردودكم ومشاركاتكم

العشم فيكم يا كويتيات:ggdw:

 

[شمعه حزن]

صباحج ورد

اول الله يخلييه لنا ويحفظه من كل شر صاحب السمو
واكيد شي حلو والواحد بيحط له الف حساب حق هاليوم
انا اختي نفس الشي اهو كان تكريم لها
طبعا البدله لازم رزه ومو شبورتيه ولا يم السبور باي شي
وطبعا مو بدله كامله وجاكيت مو شي

اشترت من بدلتها من كوكااي اعتقد حلوه ووسيعه مافي شي ضيج وحركات مو قصيره طبعا اهي متحجبه فانتي هم على حسب اهي متحجبه ولا لا

وموفقه ان شاء الله

 

[شمعه حزن]

ونسيت لا اقولج يفضل انها تكون ساده فيها شغلات بسيطه لا تصير الوان ولونها عادي مو الوان قويه احمر ازرق يعني البيجياات ترى روووعه

 

[السهم الصويب]

روحي الصالحيه او الراية او الافنيوز اليديد

في محلات راقية

ومثل ماقالت شمعة حزن امرتب وساده ومو ضيج وسبورت
مايكون لوية

 

[شربات]

رد : اختي وصاحب السمو

الله عليكم يا كويتيات محد يضيع معاكم

ايه والله كل اللي اشوفهم يروحون يسلمون ما ألوان وخبه كله ساده ورسمي

المشكلة عساها تقتنع

نروح ندور وأمرنا لله

 

[أم حمودي**MALL**]

وناسه
خل تاخذ بدله رسميه
يعني ما يكون ضيج ومشي والالوان الفاقعه

 

[قطوة@@]

رد : اختي وصاحب السمو

روحي الصالحية فوق كوكو ريبونس

مجمع زهرة الاسطورة الفاتنه نورامينا

فيلا مودا

و بعد الرايه وايد شغلات راقية فوق فيه محلين

بمجمع تالا في السرداب وحده لبنانيه تبيع شغلات حلوة


موفقه

 

[الغنج والدلال]

اخذيلها بدلة رسمية
من الراية او الافنيوز اي مكان بس تكون رسمية
موفقة

 

[دلوعة المطران]

تاخذلها بدله رسميه وتركز على البيجيات ارقى وارز ..

 

[-MaYa-]

احنا اختي لما كرمها الامير شرينا لها 3 بدلات من محل العثمان (مجمع مريم )
وحده للشيخ جابر والثانيه للشيخ سعد والثالثه لحفلة الشيخه لطيفه والرابعه نسيت من وين حق حفلة وزارة التربيه
بعد مافي اكبر من هاليوم
بس وقتها مافتح الرايه والافنيوز

 

[احب الكاكاو]

محلات بي بي ب360 عندهم بدل رسمية راقية

 

[مدام زيزو]

رد : اختي وصاحب السمو

تارا جارمون الرايه

 

[نوووور الشمس]

روحي الرايه
شووووور بتلاقين هنااااك

 

[( المـلاك )]

محلات الرايه =)

 

[lovely jojo]

وناسة سلمي على اختج وماقصرو البنات