اخت زوجي مناشبتني حشريه نمامه والحل معاها

[معي احلى]

حتى لو طلعتي شقة بروحج هم ماراح تفتكين منها بتظل تتصل عليكم واحتمال كبير تطب عليكم بالشقه بين فترة وفترة ..

الحل .. لازم تخلين اخوها اللي اهو ريلج يكلمها مايصير جذي هذا خراب بيوت ماينسكت عنه ..

مع ماذكر اعلاه

 

[سماء الاحساء]

يوووه أعوذ بالله منها ربي يصبرك بصراحه ريلش المفروض ما يعطيها ويه يعطيها الأذن الصمخه حشاااا ماتملللل وين أمها تنصحها وتوجههها

 

[نبض شرياني]

الله يصبرج

 

[ملوكة الامورة]

استغفرالله
الله يعينك
حطي جوال زوجك سايلنت اذا دخلتوا الغرفه اوطلعتوا
خيررررررر تطق عليكم الغرفة ماتستحي الصرررررراحه
غريبه
معقوله تغاااااااار الله اعلم

 

[zozo.7ob]

سافروا ولا تقولون حق احد و خليه يغير الخط و غيروا البيت و روحوا اماكن ما تشك فيها

 

[هامورة]

الله يعينج . حبيبتي مهما يصير لا يطلع منج اي شي غلط كلمي ريلج بصراحة وخليه اهوا يحط لها حد اهما اهل وبينهم
وخلج معاها عاديه قعدي سمعي وسكتي لا تصيرين جافه واي ولا مطيحه الميانه مردها بتمل

هالنوعيه من الحريم تكون عندها مشاكل خاصه ونقص وتحط حرتها بناس الحمدالله والشكر

 

[انا وياك]

بنات انا طبقت بعض ردود البنات الي علقوا على موضوعي واحس ارتحت شوي
والله يابنات *اليوم طلعت مع ريلي كنا بنروح مطعم واهما على اساس باجر بيتيمعون جان اقوله يالله فرصتنا نطلع ونرفه شوي عن نفسنا!!*


اول ماطلعنا والا بعد ساعه جان تدق على ريلي انتو وينكم ماتستحون طالعين ومخليني انا وريلي جان يقولها يبه معزومين بعدين اكلمج انا مشغول تخيلوا ماسدته قامت تسولف لوك لوك لوك واهوا يقولها اي ان شاءالله خلاص*

اول ماردينا والا اقوله كل الي بقلبي واحنا بالطريج بالسياره قلت له ترى انا احبك واحب اهلك ومابي اخسرك بسبة احد علاقتنا وطلعاتنا انا وانت كيفنا وهذي حياتنا حط على هالكلمه خط احمر اهلك لايتدخلون فينا ولا اهلي يتدخلون فينا لاسمح الله باجر اي مشكله بتصير محد يبطل حلجه بكلمه انا بكيفي وانت بكيفك رجاءا يافلان حط حد حق تصرفات اختك وفهمته ان اختك ماله داعي *تدق كل شوي تقدر اطنشها مو شرط كل ثانيه رديت عليها وفوق هذا تحشر روحها بكل شي وبتعرف كل شي بالتفصيل الممل وماعندها الا الحش احنا طالعين نستانس مو تمسك التلفون حضرتها وتقعد تسولف معاك وموضروري كل من سأل وينك تقوله بهالمكان كيفنا هذي حياتنا لايتدخلون ويمشوني بكيفهم جان يقولي انا مو زعلان منج وادري ان اختي جذي بس والله اهيا من قبل لا اخذج جذي قلت له لا حبيبي ماكانت جذي اصلا حتى اهلك ماكانو يدرون عنك خير شر بس من تزوجنا صارت ادش بينا يعني شنو ماوراها عيال زوج بيت ماكو غيرنا مايصير هذي موحاله قلت خلاص ثاني مره بنطلع لاترد على احد ولاتقول وين بنروح وشنو عندنا*
المهم اول ماردينا البيت والا تستلمه حجي ماسكتت وهم قامت تحش جان اخليهم وادش داري وابدل وسحبت عليها *والا اسمع صوت صراخها على عيالها ومشتطه حدها من حركتي طبعا انا قاعده اضحك واقول بيني وبين نفسي قلعتج تستاهلين*
اي وفوق هذا اتنغز بالحجي على لبس البنات يعني اشكره نغزه علي لبسي حتى ريلي فتح معاي موضوع العبايه جان اقوله لاعاد لي اهني وبس ستوب انت خذيتني بدون حجاب ولبسته عشان عيونك لكن العبايه والله لو اموت مالبسها موعناد فيك بس عبايه لا انسى البسها
وانا يابنات والله لوينقبني ماعندي مشكله بس ادري هالموضوع مو منه منها اهيا وماراح اخلي كلمتها تمشي علي

 

[وردة وطني]

حبيبتي والله كسرتي خاطري شكلج طيبه وع نياتچ وكلي امرچ لربچ واستغفري هذول حشريييين مايتوبون ووجيهم مغسوله بمرق الله يعينچ ويسخر لچ زوجچ
الله يكيفيچ شرهـ ويعينهـ ع نفسسهـ

 

[حليلة نايف]

الله يكون بعونج ذي مريضه لو انا مكانك مابين اني متضايقه كلش لان هالنوعيه بتغثج وعارفه انك متضايقه من حشريتها خليج عادي ولياتصلت وانتم بمطعم ساممعيها حبييي كول من يدي حياتي الاكل برد لا تبيني انج طفشانه وبس تسكتين خليج نشبه نفسها متحمل اخته يتحملني انا بعد انتي وشطارتج وقت النومه ازعجتنا اصبر ولا تحممت اخلي ريحة عطري يسبقني وانفض شعري وهو مبلل ماتسحتي اصير اوقح منهاا ومابين ان هي النشبه اخليه ع عيالها اقول عيالج اعجلونا وحنا وقت اللي شسمونه وياتصلت لا تطلعين لزقي بزوجج حتى اهو بيتضايق وبيفتشل ان اخته تطخل وتحش بالخلق صدقيني ٥ دقايق وبينهي المكالمه
مافي طيبه وسذاجه هالوقت مافي الا نظام حبيبيه اللي بالمسلسل جد كذا تمشي حياتج انا عانيت *

 

[bent-almulla]

حلوه اختي الكبيره تحملي

لا حبيبتي اخته اهوا الكبيره مو اختج انتي


انتي ردي عليها وقفيها عند حدها جدامهم كلهم وقبلها قولي حق ريلج

اذا ماوقفتها عند حدها انا بوقفها وماراح اسكت يا انت تكلم اختك بالطيب ولا انا اتفاهم معاها

عجبتني تقعد عالخط لمن تردون البيت واهوا بعد مخليها ... والله مال يرقعه بويها


مايقدر يكلم اخته واخته الكبيره يعني ملاحظ سوالفها ليش يرد عليها المفروض مايشيل رقمها تولي خل تدق لمن يطيح حظها

لا صج نرفزتني وتوقف عند الباب شتسون تقول بعد


قطي عليه حجي اهوا بعد شنو يتغير علشان حجي اخته مايشوف اخته تسوي مشاكل وتحش وتقرض بالناس

خلج قوية وخل يكون لج موقف وكلمة مالها حق تتدخل

سوري انفعلت شوي بطت جبدي

 

[Mjnont '3lay]

الله اعلم بس يمكن هي مو مرتاحه في بيت زوجها و زوجها مقصر فيها و مايطلعها ولا يدلعها
ومحتره منج وما تبيج تكونين احسن منها
الحل
عطيها بلوووك بالواتسب غير هالحل مافي
واذا قالت ليش خليج رسميه معاها ووقفيها عند حدها
ثانيا اذا جت وحسيتيها تمادت وقفيييييييها عند حدها قولي لها انتي حماتي على عيني و على راسي بس حياتي الزوجيه مالج شغل فيها لو سمحتي وانا و رجلي احرار
ثالثا اوووووووول ما تزورج غرفة نومج اقفيلها واذا قالت ليش قولي لها ترضين لو كان عندي جاهال ادخلهم غرفتج و انتي عندج خصوصيات بالغرفه ماتبين اي متطفل يتطفل عليها ..
وبسس مالج غير انج توقفينها عند حدها وبس و الله

 

[دانة_ دبي]

والله انها فاضية
طنشيها و خليها تولي ولا تسوين لها سالفة
و خلج رسميييييييية حيل معاها يمكن تحس ع دمها
و خفي من يلستج وياها

بسم الله الرحمن الرحيم ما وراها ريل عيال ؟


ولا تكتبين شي ع الوتس اب و البي بي ماله داعي تكتبين نحن ف المطعم الفلاني ،، انا لو اطلع ما اكتب ابدا لان عندي رادار ف اللستة هههه

 

[انا وياك]

تسلمون بنات على ردودكم
صج شجعتوني وانا كنت ساكته عشان عيون زوجي
بس خلاص اهيا الي بدت خل تتحملني مليت من كلمة احترمي اهل ريلج عشان ريلج مليت راح زمن هالكلمه ليش مافي كلمة احترمي زوجة اخوج عشان اخوج !!
انا سكت بما فيه الكفايه وطوفت بما فيه الكفايه ويا الوقت الي افنقرها من حياتي لان جد منو اهيا الي تفرقنا انا وزوجي !!تخسي اي والله على قولت رفيجتي
حياتي انا وزوجي وراح اوريها العين الحمرا واخليها تندم عاليوم الاسود الي حطتني فيه براسها ناس موكفو حشيمه ولا احترام اذا احترمتهم داسوك وذموا فيك وطلعوا عيوب الدنيا فيك واذا عطيتهم العين الحمرا وطولة اللسان ياكلون تبن حشا كل من قرت موضوعي

 

[Zinab BH]

حبيبتي هذي يبيلها لسان شطوله وقفيها عند حدها اهيا تتمادى لان محد يكلمها
وشكلها غيرانة منج انتي و زوجج مع بعض وشكله اهيا زوجها مطنشها
قضبيها على صوب ومااقولج بس هاوشيها الا مسحيها في الطوف
انا انغثيت الله يعينج والله الله يعينج

 

[أم دوينة]

الحمدلله والشكر

نقص الله لا يبلينا

الله يعينج

 

[نور مغليها]

مآكو الا إنج تكلمين أحد فآهم وواعي بالعايله يشوف له صرفه وياها
أو إنج تعتبرينها مو موجوده ولا تعطينهآ بآآآآآآل

 

[نور مغليها]

قريت الموضوع كلا بسرااحه الله يعينج
لاتاخذين براي أحد غير | أمج |
إنتي توج ببداية عرسج
واهيا غيرانه منج
باينه السالفه
بس ديري بالج لا تسوين شي يمكن يخرب حياتج بسبتها
أحسن شي تسوينه إنج تتجنبينها قد ماتقدرين
بس لازم تكونين عارفه شنو تقول لزوجج
ماتدرين لو تقوله يطلقج أو ....
فـ إنتبهي وحاولي تلاقين حل

 

[@ براءة طفوله @]

هذي يبيلها تمسكينها مع كشتها و تطقين راسها بالطوفه و تقولين مالج شغل بحياااااتي
:rgewrg:
ويييع شنو هذا استغفر الله ما تستحي هذي شكلها محتره منكم لان شافت علاقتكم زينه و دايما تطلعون مع بعض
تبي تفرض شخصيتها عليكم خلها تولي زين

مافيه الا يكلمها ريلج و يوقفها عند حدها عيب شهالحركات!!
بعدين اذا ام ريلج و اخته زينين و ياج ليش تطلعين مراح توقف لقافتها

الله يعينج و يصبرج عليها :eh_s(2):

 

[عناقيد الغنج]

امبييييييه نفس حالتي والله نفسها بالضبط

كل مره نتهاوش انا وزوجي معاها حتا زوجي يزفها حيل واذا دقت حطه صامت وترسل لي واتس اب واذا شفتها تحت قلت لها لش ترسلين لي انا ماعندي غيرج ترا انا حيل مشغوله مالي خلق ارد ع الواتس اب بس انتي هي عند رجالها اما انا قاعده ع قلبي لامطلقه ولا متزوجه الحمد لله والشكر تصدقون الحين شنو تسوي كل ما دق زوجي يبي غدا قالت له مافي احنا نطبخ لنا خل اللي عندك تتحرك بسها نوم امبيه مع ان اول الزواج قالو لي الطبخ تحت ماكو احد يطبخ بروحه وكلا ادقرها وازفها واجعمها والحين كل ماتسولف معاي حتا السلام ماتسلم هههههههههه احسن ارتحت والله

 

[انا وياك]

بعد عمري ماقصرتو بنات عالردود يزاكم الله خير

براءة طفوله ههههههه ردج ضحكني يبيلها جذي والله
عناقيد الغنج اووووف الله يعينج انتي بعد بصراحه شي لايحتمل ولايطاق لاحول ولاقوة الا بالله