اخذو اللحم وخلو العظم&&&&&&&

[الصابرة المحتسبة]

ويييييييييييييييييييييييييينكم يا أمهات يا حبايبي ياللي من طقتي ياللي ما خلينا طباشير بالصف إلا وضيعناهم .................

 

[on line]

ههههههههههههههههههههههههههههههه
ياحلو ذيك الايام
ماانتبهت للاسأله بس بسولف عن المواقف
مدرساتنا فلسيطنيات وصج تدريس من قلب ومع حمد قلم ونسخ لي الصبح نفرش الدفاتر والكتب ولا ام ولا ابو يدرون عنا شنسوي عايشين علي البركه وكنا مشين امورنا واذكر من اسلوب التعذيب عن الابله خاصه برابعه ابتدائي كانت البنت اللي اجيب صفر بالاملاء تكتب ورقه وري ظهرها كلمه كسلانه
والدفاتر اذكر وحده من البنات شخبطت علي صوره الامير الله يرحمه وافصلوها وفعلا للكشاكيل ريحه مميزه وكنت استانس ادش المخزن
والصحه المدرسيه كل اثنين فيها اشلع بهالضروس عشان انمر الفرع نشتري لي خلصنا
واللبن الاخضر الله يديم النعم والبسكوت مع الحليب بالشتاء يم يم مو طبيعي
والتمرينات والوجبات اللي بكرتون همرغر لو اطيقنا بالطوفه كسرتها من كثر ماهي بارده هههههههههههه ولا بيضه مخوضره من الصبح وتفاحه وروتي قبل التعديل توست والحمدالله سليمين مو الحين ياكافي تسمم
والفن الشعبي اشتركت وكنت دور العروس بعرس شعبي قديم وكان ماعندي هامه بس جبت كرسي جابر عندي ذهب جابه امي وحطيته علي مثل الهامه عشان ايامها شعري كان طويل وكنا نستعرض عند الناظره ويجينا خياط بالمدرسه يخيط لنا ملابس الفن الشعبي وفقره التمرينات شمسيات ومهفات يابانيه كبيره عدت السنه والسبه كل حفله انا فيها
الطابور نتاوش منو يقعد قدام الطباشير نكسره عشان نروح ندور علي الصفوف الابله تقول عندكم طباشير ههههههههههه والمساحه نكت عليها صفنا 1 رابع او 2 ثالث وخل نلاقيها عند الصف الثاني ياويلهم
ورق الكريشه علي الطوفه يعني نزين الصف واذا بعد اكمل
احلي ايام عمرنا

 

[الصابرة المحتسبة]

لا خلا ولا عدم من حضورج يالغاليةon line صج حلوة الأيام.............. شوقتيني للبن اب الأخضر.................لا تقاطعين.

 

[رهوف]

قريت الموضوع وقلت اوووووووووووله اخر السبعينات ولما حسبت عدل طلعت اخر السبعينات كنت بالروضه <<< والله كبرنا بدون ما نحس

انا اذكر ابلات قبل صج ابلات والله للحين المعلومات بمخنا مو تعليم هالوقت

اكثر شي درسونا فلسطينيات ومصريات وقليل كويتيات

اشتركت بالفن الشعبي والزهرات والموسيقى والتمرينات والشعر وحفظ القرآن وفوق هذا كنت متفوقه

الاكل بالمدرسه ما لحقت عليه وايد يمكن سنه واذكر ريحة البيض والحليب لما ندش الكافتيريا < < او كان المسرح ما اذكر عدل

كنت احب احيي العلم ... واحب اطق الجرس اروح ركض غرفة الوكيلة واضغط عالجرس حييييييييييييييل لما انزف

اذكر الدفتر الاصفر والوردي اللي عليه صورة بابا جابر الله يرحمه

واذكر البوكس الابيض اللي يحطون لنا فيه اكل اذا رحنا رحلة >>> استغفر الله ريحت اللحم

امي لما كانت تروح الاجتماع يقولون لها بنتج اللي يشفع لها شطارتها <<< ميننه الابلات

طق ما انطقيت وايد بس اذكر مره ابله اسمها زهره كويتية تدرس موسيقى وكنا نتمرن لحفلة وكنت اسولف مع اللي يمي جان تحذف علي العصايه مالت الطبل حاشت ايدي وبجيت واااااااااايد لأني مو متعوده انطق وامي لما درت عفست الدنياااااااااااا تقول تنطق عشان موسيقى لوووووووووووول

اي واذكر مره كنت مايسترو للفرقة كنت لابسه نفنوف ابيض ومسويه شعري زوي <<< خبركم قبل لي بغينا نكشخ سوينا زوي

وواااااااااايد اشيا ...يعطيج العافيه عالموضوع رديتينا لذكريات حلوووووووووووه

 

[mrs_sugar]

- منو أحسن أبله درستج؟

أبلة ليلي مالت الحساب

- واشرايج بالمدرسات الفلسطينيات؟

يهبلون تدريس لا يعلى عليه

- شلوون كانت الواجبات؟

ننسخ لما تطيح ايدينا بس علشان مصلحتنا

- كنتي تحضرين المطعم وتاكلين وجبتج؟

بالغصب مالت علينا يغصبونا ناكل و احنا نتدلع
لي الحين ماذقت مثل شوربة المدرسة اول

- جم مره طقتج ابلتج على ايدج؟

وااااااااااااايد مع اني كنت الأولى بدون منازع بس الشطانة وما تسوي

- أونس حصه عندج وليش ؟

حصة الألعاب وناسة و فرفشة و انطلاق

- شاركتي بحفلة الفن الشعبي بمناسبة العيد الوطني؟

نوووووووووووو امي ما ترضى

- شاركتي بالمسابقات الرياضية وشنو الرياضة؟

كرة الطائرة

- جم مره مريتي المخزن وخذيتي مريوول مدرسة ثاني؟

ولا مرة

- كنتي ترفعين صوتج على الأبله ؟

مستحيييييييييييييييييييييييل

- شنو كانت تقوول أمج حق الأبله يوم الإجتماع؟

مادري لأنها كانت ابلة معاي بنفس المدرسة

 

[الصابرة المحتسبة]

بدعتي يا رهوف : بدعتي ............. لا تخلين ........... ردي .

 

[الصابرة المحتسبة]

mrs- sugar: تسلمين يا عمري على المرور .............. لاتخلين.

 

[سيدة الكويت]

كانو يطقونا بحافه المسطره اهئ اهئ مو الحين الدلع

ما كنت اشارك بالحفلات الأهل ما يرضون

ما كنت اذكر حصه الألعاب بس اذكر بالروضه يحطون لنا الألعاب الى يحركونها بخيوط كخخخخخخخخخخخخخخخخخخ مسرح العرايس
صج عصر حجرى

 

[manarah]

- منو أحسن أبله درستج؟
- واشرايج بالمدرسات الفلسطينيات؟
- شلوون كانت الواجبات؟
- كنتي تحضرين المطعم وتاكلين وجبتج؟
- جم مره طقتج ابلتج على ايدج؟
- أونس حصه عندج وليش ؟
- شاركتي بحفلة الفن الشعبي بمناسبة العيد الوطني؟
- شاركتي بالمسابقات الرياضية وشنو الرياضة؟
- جم مره مريتي المخزن وخذيتي مريوول مدرسة ثاني؟
- كنتي ترفعين صوتج على الأبله ؟
- شنو كانت تقوول أمج حق الأبله يوم الإجتماع؟
.....................

أواخر السبعينات لحقت على الروضه واولى ابتدائي ..
_ احسن ابله والله ماذكر يعني اذكر اشكالهم بس ماذكر اساميهم
- درسوني فلسطينيات ومصريات والدراسه كانت ممتازه يعني صج دراسه وتأسيس
_الواجبات اغلبها نسخ ونسخ ونسخ لما تطيح ايدج وغصبن عليج تحفظين الكلمه وتكتبنها وانتي مغمضه .
- ايه احب الاكل بمطعم المدرسه لليحين ريحه المطهم بخشمي اللاااااااااااااااه على البيض المفيوح والتوست وشوربه العدس ... والا الكتكو واللبن يمي يمي .
_ انطقيت مره بالمتوسطه بس مو بس انا لا الصف كله وياي عقاب جماعي وبالمسطره .
- أونس حصه العربي كنت احبها لاني شاطره فيها .
_ شاركت بكل انواع الحفلات ابد رقاصه وبكل انشطه الموسيقى والزهرات .
_ ماشاركت بانشطه رياضيه لاني كنت بطبوطه ما اصلح .
_ ولا مره خذيت مريول مدرسه ثاني .
_ ما كنت ارفع صوتي لا على مدرسه ولا على طالبه اصلا كنت وايد هاديه عشان جذي يحبوني المدرسات
_ ماذكر امي شنو تقول بالاجتماع .
وخوش اسأله استمتعت واتذكرت ايام حلوه وانا اجاوب ... يعطيج العافيه .

 

[الصابرة المحتسبة]

لا خلا ولا عدم يا سيدة الكويت : عاد العصاة اللي بحافتها سيم الصفرة ............ لا يحووووشك ............. أم الروضة لا تسولفين تذكرون مجبوس الدجاج ....... هذا غدانا ............ لا تقاطعين كل ما ذكرتي شي ردي .

 

[الصابرة المحتسبة]

manarah: يا عل ربي يوفقج وين ما رحتي ............... لا تخلين..

 

[سيدة الكويت]

ما اتذكر يعطونا غدا مجبوس دياى بالروضه اخوانى الى اكبر منى ..........:كخخخخخخخخخخخخخخخ يعنى صغيره

 

[manarah]

manarah: يا عل ربي يوفقج وين ما رحتي ............... لا تخلين..

تسلمين على هالدعوه ما قصرتي

 

[الصابرة المحتسبة]

ما اتذكر يعطونا غدا مجبوس دياى بالروضه اخوانى الى اكبر منى ..........:كخخخخخخخخخخخخخخخ يعنى صغيره

حللللللللللللللللللللللللللللللوة منج ....................... يا عل ربي يسهل عليج ............ لا تخلين الديوانية........

 

[الصابرة المحتسبة]

manarah: تستاهلون ................ والله اني أحبكم في الله................... لا تخلين الديوانية.... من غير شر.

 

[سيدة الكويت]

شلونج الصابره متى كانوا يعطونكم مجبوس دياى ............صج كشخه

الحين عيالنا ما يحصلون حتى العظم كخخخخخخخخخخخخخخخخ

 

[الصابرة المحتسبة]

الحمدللة يالشيخة ........... ما تذكرين عيل روضتي أكشخ من روضتج.......... ههههههههه ..........سنة 190000
عيالنا ألحين زين اذا مو تاريخ الفطيرة منتهي ...........

 

[malekatsabaa]

الحمدللة يالشيخة ........... ما تذكرين عيل روضتي أكشخ من روضتج.......... ههههههههه ..........سنة 190000
عيالنا ألحين زين اذا مو تاريخ الفطيرة منتهي ...........

هااااي

بنات ..صج ما اذكر المجابيس..ولا الكتكات..
الظاهر اني صج عيزت ..


يمكن بالروضه؟؟؟
انا بالروضه كنت من النوع الي تلقيني منسدحه عند باب الروضه ومتعلقه بريول امي..
ولا صرااااااخ ومحاوله هروب من الروضه ..

يمكن بس مره وحده رحت الروضه من غير بجي:d

ومع هذا مشركيني بالحفله..وبالصوره طالعه وانا مبوزه وابجي والبنات كلهم مستانسين ويضحكون

لا.. وكل اقول حق امي عيالي مادري شفيهم ما يحبون المدرسه..مادري طالعين على منو..لووول

 

[الصابرة المحتسبة]

اشلونج يالملكة عساج بخير.................... ذكرتيني كنت ما أواطن الروضة ............. اتفقت انا واخوي وبنت جيرانا ان ننحاش من الروضة اشلوووووووون............. نتغافل الحارس وننحاش ما يشوف الا غبرتنا ...................

 

[malekatsabaa]

اشلونج يالملكة عساج بخير.................... ذكرتيني كنت ما أواطن الروضة ............. اتفقت انا واخوي وبنت جيرانا ان ننحاش من الروضة اشلوووووووون............. نتغافل الحارس وننحاش ما يشوف الا غبرتنا ...................

الله يسلمج حبيبتي.. الحمدلله بخير

عاد تصدقين...وايد كنت احلم بهالشي..
ومره انحشنا انا وارفيجتي ورحنا الالعاب الي بالساحه الورانيه..

ولما شبعنا لعب..ردينا ولا نلقا فراشه مصك بطريجنا....ما انساها ..رغم محاولاتنا بالهرب منها صادتنا....
وجان تعطينا كفخه عالظهر ..لي يومج ظهري محدب منها..لوول