اخـوي والفلـــوس !

[ورده حمرآ]

مساء الخير حبايبي
شخباركم ان شاء الله طيبين ..

بصراحه بغيت استشيركم فموضوع يخص اخوي عمره 6 سنوات
بعد مارجعنا من سفرة الصيف وهو صاير يموت على شي اسمه فلوس وكله اييمع ويحن على امي وابوي يبي فلوس ويعطونه لين صار طماح ياخذ بال 100 ريال واحين صار يبي بال 500

والمشكله ان لما كنا نعطيه فلوس حق المدرسه اكتشفنا انه يخشها ويطلب من عمة ولد خالتي هي مدرسه هناك ويقولها انا اقولهم عطوني فلوس مايعطوني !!!
افتشلنا !!! قام اخوي الكبير وضربه ومن بعدها صار ماياخذ واتاكد بنفسي من شنطته لو شرى بفلوسه والا لا
وكلمتها قلت لها لو طلب منج مره 2 لاتعطينه لانه عنده لاكن يخشهم حق الدكان خخخخ هم كل يوم بعد المدرسه لازم الدكان
وكنت اعطيه الدبل بس عشان مايطلب من حد

2 شي لما نطلع مكان ونطلب مثلا يتم يحن وبصوت عالي جدام الناس ابي الخرررده :eh_s(4):
وابي مادري كم وابي وابي شي مب طبيعي

عطوني الحل !!
محد في بيتنا جي وقبل السفره كان عادي ومايهتم


( فالسفره كان ابوي دايما يعطيه لو راح سوبرماركت او شي .. يعني مخابيه دايما فيها فلوس .. عقب اكتشفنا ان تكون عنده فلوس زايده ولو سألناه يتم يجذب وعرفنا انه ياخذ من ربع ابوي اللي فالفندق افتشلنا ابوي كلمه كمن مره مافي فايده هاوشه مافي فايده !!! )

مع ان دايما نعطيه ومافي مشاكل من هالناحيه واحنا الحمدلله ناس عننا خير يعني فشلنا جدام الناس !
بليز بنات عطوني حل شسوي معاه ؟! مادري شاللي خلاه يعشق الفلوس جي الله يستر منه لو كبر جان مايبيعني ههههههههه :eh_s(4):

 

[ام رينـاد]

ههههههه ياحليله

عادي حبيبتي اغلب اليهال جذي يحبون الفلوس

 

[آنيقـة]

ههههههههههههههههههُ

يٌ قلبي آنتي قعدي معاها قوليلة النآس بآآجر تضحكك عليكك وتقول انكك فقييير وجي وانتي عااد جذبييية بكذآ آسلوب

 

[ورده حمرآ]

يٌ قلبي آنتي قعدي معاها قوليلة النآس بآآجر تضحكك عليكك وتقول انكك فقييير وجي وانتي عااد جذبييية بكذآ آسلوب

قلت له ومافاد هههههههه

 

[جذابه بنت ذيابه]

ههههههههه

عادي فتره وتعدي ولدي جت له فتره يموت على شي اسمه فلوس .. ٢٤ ساعه بس عقل مع. العلم عمره ٤ سنين

 

[شـيـوخـهـ]

يااحلوه الله يحفظه

لا تطقونه لانه بيلقى طريقه ان ياخذ من غيركم من غير لا تعرفون .. انا اشوف احسن طريقه تعرفون يبي لفلوس حق شنو
وشنو الي في باله وهي فترة وتعدي بس لا تحطون هالفكره دايما براسه او تعايرونه فيها يتغير صدقيني ,,, انا عارفه ان هالطريقه مو حلوه ويحطكم في مواقف بايخه بس اخذوه بالكلام عشان لا يتطبع بهالطبع لي كبر

انا ولدي عمره 5 سنين تقريبا نفس الحاله بس ما يطلب فلوس من احد يستحى وبالعكس لي اخذ فلوس مني صرفهم و خربط بس الله وكيلج فلوس العيد العيادي ما يبي يشتري شي فيهم ولي شاف لعبه يقولي من فلووسج عشان يبي يشتري بيت ويبي تصير فلووسه واايد هالموضوع واايد يضحكني فجأه صار يحب انه يجمع الفلوس

 

[PuPa^^SWeeT]

مادري صراحة



بس اهو وصل لسالفة انه ياخذ من غيركم

لازم تعقلونه



انتو لاتعطونه فلووس الا للمدرسة و للدكان


شي بسيط بعد



و قولوله من فلوسك يمع

 

[Combat]

ويه فشله
اختي انتم بعد المدرسة لاتودونه دكان ولا سوبرماركت خلاص مو شرى من المدرسة لاتعودونه على بعد المدرسة
وترى ١٠٠ وخمسميه وايد على بو ست سنين اهو حده كاكاو وشيبس شيبي يشتري بعد واي شي ثاني انتو تيبون له
ولمن تروحون الجمعية ويطلب فلوس قوليله اخذ وانا ادفع لك اما تيمع او تاخذهم لأ
واتفقوا كلكم ماتعطونه بيده فلوس ليما يبطل اسلوب الطلب من الغرب و يبطل يلح عليكم انتوا بعد هالاسلوب كلششش مو حلو حتى مع الاهل
انا اعتقد ست سنين بيفهم الدرس وبيتعلم منه بعد

 

[مشتطـه]

امبييه احسه بيصير بخيييل لي كبر


انا اخوي عمره 16 الحين
بس ليلحين احسه طفل
اهو مو ناقص كامل قواه العقليه بس بلغ يمكن متاخر

المهم جذي يعششششششششششششششق الفلوس

كله يدق علي يطلبني فلوس

وانا مو موظفة واستحي اخذ من زووجي شبيقول عني

وابوووي مو مقصرر معاه كلش ياخذ من ابوي ويقول لامي ما اخذت منه وتعطييه


ما يجمع لا مادري شيسوي فيهم يموت بالفلوس

اي اي تذكرت يموت بالرمي حيل حيل عشقة يشتري فشق خخخخخخخخخ

ومن جذي يعشق الفلوس عشان يشتري لول يوفر من مصروفة ويخش للفشق

حام عورو قلبي