اخوي ولا زوجي

[سلة ورد]

ونسيت اقولج الف الف مبرووك عالتوظيف والله يطرح لج فيهم البركة ..

 

[درر2008]

قولي لزوجج مااقدر واشترررررررررري سياره لاخوووووج وانتي مغمضه الاخو مايتقارن بالزوج الاخو مايتعوض اما الزوج يتعوض

 

[kuwatiya]

ولله ولا واحد وتعذري منهم وافتكي من الكل لايوهقوونج

زوجج يخووفج يوهقج واقل مشكله تنفصلون فيها ( الله لا يقوووله ) محد بيتوهق ويندم غيرج

واخوووج ماله الا مرته باجر اذا صار خلاف وقف ويااها وخلاج

امج عطيها بس امج لانهاا عمرهااا ماراح تحقد عليج لووو مهما يكووون


​

 

[اميره بكلمتي]

شي يحير الصراااحه

بس امي أولى بالسياره فديتها بعد عيني

 

[kuwait_queen82]

والله تبين الصج لا هذا و لا هذا هذا تعبج حبيبتي لا تقولين اخوج و لا ريلج اول شي يدفعولج جم شهر بعدين اتصير لفلوس عزيزه و لا واحد حتى يدفع لج قيمه القسط والله انا اقول لا لا تشترين عندج افليست زايده خشيهم بالبنك و سويلج حساب توفير معهد يدير عنه والا اشتريلج بيت او اجري و خشيه اجاره عقب باجر لا عتزيت ترى محد ابينفعج الاخ عقب باجر ياخذلج هل المرا الي تفر راسه و الريل بيتحجج بالبيت و طلابات البيت
دلعي نقسج

 

[ماريا ابنة الحي]

احبهم اموت فيهم بس من غير سيارات ههه
حلو الحب الي يكون من غير مقابل

انا عن نفسي بس امي وبس
واخوي مو يطلب مني انا بمزاجي اذا حبيت
ولا بعد مو اقساط كاش على قدي عاجبته مو عاجبته كيفه
تكون بخاطري مو يطلب مني !!!

اما الزوج يغسل ايده بكلوركس
لو شنو مااشتري له سياره
حده حده اذا قطعت عمري ساعه واعلى سعر 100 دينار
ولا على مزاجي مو يطلب مني
باجر يفكرني بنك متنقل

خلي الحب متبادل من غير مقابل
احبكم بس من سيارات ومظاهر جذابه ههههههههه*

 

[قطوة@@]

شكوو تفتحين حق زوجج سياره ؟؟؟

وين معاشه انشالله شهالطمع

واخوج منتي ولية امره عشان تفتحين له سياره

عنده امج وابوج الله يخليهم لج

صراحه حيييييييييل طمعانين بمعاشج

:eh_s(15): :eh_s(15): :eh_s(15):

معاج

 

[Amera 7elwa]

اكيد لو منج بعطيه حق ماماتي

شنو ريلي ولا اخوي

امي تعبت معانا طول عمرها

والحين يوم صار عندي فلوس برد الجميل

هذا رائي

 

[العيوووووف]

حبيبتي بدون تفكييييييييييير اكيد اخوي الزوج بداله زوج بس الاخ ما بداله احد

حتي لو الزوج طيب بس اخوي عشت معاه ببيت واحد من الولاده للي الكبر

الاهل ما بدالهم اهل والراي لج​

 

[مسك الجنه]

امي وبس والزوج يدبر عمره والاخو هم يدبر عمره ماني ملزومه فيهم​

 

[هدولى]

ما ادرى بس على حسب منو محتاج ومو عيب تساعدينهم اذا انتى قادره .. والله يوفق الجميع .

 

[الغلا كله لبوي]

امبيه بنات اخوي عادي اقدر اتعذر منه ويقدر
بس المشكله زوجي دايم يقول الحياه تعاون
بين الزوج وزوجته
وانه مايحب الزوجه اذا توظفت بس تعطي اهلها فلوس
يقول هم شكو تعطي بس قليل
المفروض تعطي زوجه لأن الي لي لج ولعيالج
والي لج لي ولعيالج
هو متأثر باأهله حريم خوانه راتبهن كله لريايلهن
وامه دايم تقول وتردد المره اذا كانت متزوحه راتبها لزوجه
وهو يقول
يكفي انج تروجين من الصبح لدوام وترجعين وانا بالبيت راجع
قبلج المفروض اذا رجعت القى زوجتي لبسه وكاشخه لي او تداوم
بس راتبج بيني وبينج ولا لا تداومين
اوف ياليتني ماتوظفت ياحلو عيشتنا فبل الوظيفه
بنات انا حساسه وطيبه حيل ومااحب ازعل احد
واظل طول اليوم متضايقه اذا احد زعل مني
ادري ان طبعي ماهو حلو بس شسوي الله خاقني كذا
واشكر كل وحده ردت علي واطلب من ربي انه يوفقكن ويفتح
باب الخير والرزق بوجيهكن وين مارحتن اللهم امين

 

[دنيا رديه]

ولاااحد صكي حق عمرج احسن شي

 

[om-alkatakeet]

والله حبيبتي عن واقع تجارب حصلت معي وليست تجربه :

الزوج اذا زعل وعصب مراح يتذكر محاسنج وراح يقول لج انتي مهمله بيتج وعيالج ورجلج بس همج الدوام ورفيقات الدوام مغير تجمعين بهالفلوس مدري حق منو واذا قلتيله انا معاشي لك ولعيالك بيقول الكلمه المعهوده (ما شفنا شي) طبعا انتي الدموع على خدودج وتقولين حراااام عليك والسياره الي شريتها لك بيقولج الي من سنه جدي تبينها خذيها منتج بتراب وهذا غيض من فيض

نجي للاخ:

الاخ الحنون سندج بهالدنيا اللي ما يتعوض يستاهل مو سياره الا عيونج المركبه ,, بس لحظه شلون اعطيه وهو بكره مراح يكون سندي لانه تزوج والاخ من يتزوج يصير طوع مرته تقول له يمين يقول يمين يسار يسار
تقوله اختك لاتجيني بيتي هي وعيالها بيوصخون بيتي وانت تعرفني موسوسه نظافه (جعلك الوسواس القهري)
وانت تعرف عيالها من يجونا يضربون حمود وانا مارضى على حمود الي يطقه اقوم عليه واضربه واذا امه زعلت اضربها وياه عاد كله ولا حمودي طبعا هذا تهديد لخوج انه اذا ضربو عيالي بضربهم ومعاهم امهم عشان اخوج يخاف تفشله ولا يعزمكم ولاتطبون بيتها وهذا الهدف ,عاد انتي تكونين على نياتج داقه عليه , فلان شلونك وينك يالقاطع اسبوعين ماجيتنا اذا مالك خلق تجينا احنا نجيك
طبعا السوسه زوجته تسمع وتمد البوز يعني تراني بزعل اذا جو وتجيج الصاعقه لا وين تجونا الله يهديج انا بجي عند امي ربع ساعه اطل عليكم اسلم عقبه بروح اودي المدام والعيال امشيهم من زمان ماوديتهم(طبعا يكون صارلهم يوم واحد بس اللي ماطلعو فيه) طبعا هذي شخصيه اغلب الاخوان بعد الزواج من زوجات حقيرات همهم الاولي اقطعه من امه وخواته عشان يصير لي بروحي (جعل كل وحده هذا تفكيرها تشاركها مره ثانيه بزوجها) حددددددددددددي مقهوره

اخيرا مسك الختام الام وما ادراكي مالام:

امي مهما اسوي او افعل ما اوفيها حقها خاصه لما الوحده تتزوج وتجيب عيال تعرف قيمه الام , لوزعلتي عليها مراح تزعل عليك ,لو ما اتصلتي عليها هي بتتصل عليك , اذا الكل تاذى من عيالج ( زوجج -اخوج) بتلقينها تقولج وين عيالج ,ليش ماجبتيهم تحبج اكثر من عيالج وتحب عيالج اكثر من حبج لهم, اذا زعل الكل منج فضح فيج , بس هي تستر عليج, مافيه مثل الام وادري طولت السالفه بس صدقيني من واقع تجااااااااااارب محد يستاهل خيرج غيرج وامج لاتقصرين فيها توكلي على الله واشتري السياره لأميمتج والله بيسر امورج انشاءالله

 

[" ام حمود "]

والله ماادريء .. شيء يحير صج

 

[رحيل المرافيء]

ولا واحد كل واحد يفتح بفلوسه
فلوسج لج حبوبة لايقصووون عليج

 

[نونه المنكوشه]

علا حسب اذا اقدر افتحلهم كلهم يستاهلون بس اذا مااقدر اقعد معاهم وافهمهم انه ميزانيتى ماتحمل وانا احبكم كلكم لكن اعذرونى مااقدر

 

[franshiska]

امبيه بنات اخوي عادي اقدر اتعذر منه ويقدر
بس المشكله زوجي دايم يقول الحياه تعاون
بين الزوج وزوجته
وانه مايحب الزوجه اذا توظفت بس تعطي اهلها فلوس
يقول هم شكو تعطي بس قليل
المفروض تعطي زوجه لأن الي لي لج ولعيالج
والي لج لي ولعيالج
هو متأثر باأهله حريم خوانه راتبهن كله لريايلهن
وامه دايم تقول وتردد المره اذا كانت متزوحه راتبها لزوجه
وهو يقول
يكفي انج تروجين من الصبح لدوام وترجعين وانا بالبيت راجع
قبلج المفروض اذا رجعت القى زوجتي لبسه وكاشخه لي او تداوم
بس راتبج بيني وبينج ولا لا تداومين
اوف ياليتني ماتوظفت ياحلو عيشتنا فبل الوظيفه
بنات انا حساسه وطيبه حيل ومااحب ازعل احد
واظل طول اليوم متضايقه اذا احد زعل مني
ادري ان طبعي ماهو حلو بس شسوي الله خاقني كذا
واشكر كل وحده ردت علي واطلب من ربي انه يوفقكن ويفتح
باب الخير والرزق بوجيهكن وين مارحتن اللهم امين

حبيبتي من غير
زعل
لا ريلج ولا امه يستحون
بشرع منو هذا اللي المره تكرف واخر الشهر تحط راتبها بايد ريلها ؟؟
لااا يا امي
احنا مسلمين ودينا علمنا شنو اللي لنا واللي علينا
حتى الاجانب اللي لا دين ولا مذهب الريال يشيل وايد الاساسيه والمره الاشياؤ المشتركه بينهم تحط معاه النص فقط لا غير
بس سالفة السياره عجيبه الصراحه
اذا هذا تفكير ريلج
فـ واااااا أسفاااااه على الرجوله
حبيبتي
الريال ( طيب - حنون - حبوب )
هذا كله بكوم واخذه لراتب زوجته لكوم ثاني
اهو يقدر يمنعج من الوظيفه
لكن ما يقدر ياخذ راتبج

اصحي حبوبه

 

[franshiska]

نسيت اسألج حبوبه
زوجج عنده خوات ؟
وهل امه تقول لخواته عطوا معاشاتكم حق رياييلكم ؟
و مو شغله عطيتي اهلج والا ما عطيتيهم مو شغله
وديري بالج تقوليله كل شي
هذا طمعاااااان
منعي من الفلوس وشوفيه شنو بيسوي

 

[al3sooola]

اخوج اولى من زوجج
زوجج يقدر يدبر بس الاخو اذا زعل منج مشكلة باجر تدور الدنيا اهو الوحيد اللي يداريج ويدافع عنج