اخوي ولا زوجي

[coca^cola]

زوجي

 

[RowTow]

امبيه بنات اخوي عادي اقدر اتعذر منه ويقدر
بس المشكله زوجي دايم يقول الحياه تعاون
بين الزوج وزوجته
وانه مايحب الزوجه اذا توظفت بس تعطي اهلها فلوس
يقول هم شكو تعطي بس قليل
المفروض تعطي زوجه لأن الي لي لج ولعيالج
والي لج لي ولعيالج
هو متأثر باأهله حريم خوانه راتبهن كله لريايلهن
وامه دايم تقول وتردد المره اذا كانت متزوحه راتبها لزوجه
وهو يقول
يكفي انج تروجين من الصبح لدوام وترجعين وانا بالبيت راجع
قبلج المفروض اذا رجعت القى زوجتي لبسه وكاشخه لي او تداوم
بس راتبج بيني وبينج ولا لا تداومين
اوف ياليتني ماتوظفت ياحلو عيشتنا فبل الوظيفه
بنات انا حساسه وطيبه حيل ومااحب ازعل احد
واظل طول اليوم متضايقه اذا احد زعل مني
ادري ان طبعي ماهو حلو بس شسوي الله خاقني كذا
واشكر كل وحده ردت علي واطلب من ربي انه يوفقكن ويفتح
باب الخير والرزق بوجيهكن وين مارحتن اللهم امين

السلام عليكم

حبيبتي انتي سمعيني.
آنا قبل سنين سامعه بإذني على إذاعة القرآن واحد يسأل الشيخ هل يحق لي آخذ من راتب زوجتي بما إني أسمح لها إنا تاخذ من وقت البيت و تروح الشغل؟
الشيخ رد عليه إنه ماله أي حق بفلس من راتبها, و هو مو مجبور يسمح لها تروح تشتغل.

حبيبتي كلام زوجج و أمه بصراحه ما أدري من أي كوكب طالع, لا شرعا و لا قانونا انتي ملزومه تصرفين فلس على زوجج أو عيالج, و غير هذا تقدرين أصلا تاخذين من فلوسه من دون علمه بالمعروف إن كان بخيل أو مانعج.

الرجال قوامون على النساء. يعني شنو؟
يعني يصرف عليها و يقوم على أمورها.
و إذا يبيج تكرفين بعدين يبلع معاشج لا اسمحي لي قعدي بالبيت و تستتي و حطي رجل على رجل و هو يقوم بالتعاون اللي يبييه, هو يمول و انتي ترتبين البيت.
و التعاون بالمعروف و برضاج, مو تشترين له سياره يكشخ فيها على ظهرج!
و الحق ما ينزعل منه. اسمحي لي بس زوجج طماع و حاط عينه على تعبج و شقاج.
و نصيحتي لج لا تشترين له لا هو و لا أخوج سياره, أصلا هم اللي المفروض يشترون لج, أول شي زوجج و إذا ما عندج زوج أخوج.

خلاص راح المستحى أستغفر الله.
​

 

[ريم الخليج]

اشكر كل من ردت علي ربي يوفقكن ويحقق الي في بالكن
بس لفت انتباهي انكن ماراح تشترن لأزواجكن سياره ليش
خرعتني بنات ليش الزوج لا ابي سبب مقنع
حتى لوكان متفاهمين ومتوافقين ليش لا
بعدين اخاف يزعل ويقول ليش فضلتي اخوج علي
ويصير بخاطره لان زوجي سريع الزعل

اووووووووووووووووه حبيبتي انتي ليه كذا ايوه متفاهمين وتحبون بعض وكل واحد يقوم بواجباته اتجاه الثاني لكن راتبك اياك تعطينه انتي مسؤله من نفسك ويحمد ربه ويشكره واذ بيزعل علاشان السياره لالالالالالايرضى ولا تعوديه لانه رررراااااح يطلب منك شئ ثاني واذ ما اعطيته بيزعل وتتدهور حياتك يا تعطيه او بيزعل صدقيني راااح تندمي وانا اقولك هالشئ لان شايفه تجارب غيرك راتبك ماله علاقه فيه ابد ابد واسمعي نصيحتي لاتغلب عليكي العاطفه وراح ينفع الندم عقبها

 

[سلة ورد]

انا مع هالكلام



حبيبتي من غير
زعل
لا ريلج ولا امه يستحون
بشرع منو هذا اللي المره تكرف واخر الشهر تحط راتبها بايد ريلها ؟؟
لااا يا امي
احنا مسلمين ودينا علمنا شنو اللي لنا واللي علينا
حتى الاجانب اللي لا دين ولا مذهب الريال يشيل وايد الاساسيه والمره الاشياؤ المشتركه بينهم تحط معاه النص فقط لا غير


وهذا بعد حبيبتي انتي سمعيني.
آنا قبل سنين سامعه بإذني على إذاعة القرآن واحد يسأل الشيخ هل يحق لي آخذ من راتب زوجتي بما إني أسمح لها إنا تاخذ من وقت البيت و تروح الشغل؟
الشيخ رد عليه إنه ماله أي حق بفلس من راتبها, و هو مو مجبور يسمح لها تروح تشتغل.

حبيبتي كلام زوجج و أمه بصراحه ما أدري من أي كوكب طالع, لا شرعا و لا قانونا انتي ملزومه تصرفين فلس على زوجج أو عيالج, و غير هذا تقدرين أصلا تاخذين من فلوسه من دون علمه بالمعروف إن كان بخيل أو مانعج.

الرجال قوامون على النساء. يعني شنو؟
يعني يصرف عليها و يقوم على أمورها.
و إذا يبيج تكرفين بعدين يبلع معاشج لا اسمحي لي قعدي بالبيت و تستتي و حطي رجل على رجل و هو يقوم بالتعاون اللي يبييه, هو يمول و انتي ترتبين البيت.
و التعاون بالمعروف و برضاج, مو تشترين له سياره يكشخ فيها على ظهرج!
و الحق ما ينزعل منه. اسمحي لي بس زوجج طماع و حاط عينه على تعبج و شقاج.
و نصيحتي لج لا تشترين له لا هو و لا أخوج سياره, أصلا هم اللي المفروض يشترون لج, أول شي زوجج و إذا ما عندج زوج أخوج.

خلاص راح المستحى أستغفر الله.





وما عندي شي ازيده بس تخطين خطوة تعودين فيها احد تبتلين لاخر عمرج وبعد لا تبلين نفسج باقساط دلعي نفسج اشتري الي تبينه سافري واذا ما عندج شي احفظيهم بحساب لج في البنك بجي اليوم الي بتحتاجينهم اكيد وما انصحج اذا تبين تريحين عمرج تقولين لاحد عنهم اذا جمعتي مبلغ اوكي يخلون عيونهم عليها هههه

 

[om-HaSsoOon]

ولا واااااااااااحد

بس امي هذا بعد اذا محتاجه حيل

 

[إماراتية طر]

امج اولا منهم وتستااهل

 

[على الطيب تربيت]

بقوولج شي .. الاخو والزوج يستاهلون كل شي بس مو على حسااااب توهيقتي وتنقيص عيشتي

شوفي القسط مو هين يابنتي القسط يعني بتظلين سنين تقاسطين شي ماهو مضمووون

طيب ادرسيها معاي


بسم الله عليج ...

انتي ضامنه انج بترتاحين بدوامج ضامنه ماتضيقين منه

ضامنه ماتجيج نفسيه منه وتتركين الوظيفه

ضامنه ماتطلقين من رجلج او يتزوج عليج

ضامنه اخوج مايتنكرلج باجر ويغثج


باختصار منتي ضامنه الحياة والراتب كله خصوووومات وراج غياب وراج مرض وراج عيال

بتغيبين غصب وبيخصومون منج انا كله يخصمون مني ميتين واكثر عادي


تخيلي دشيتي جمعيه واخصموا منج كل معاشج وخلو لج سبعين ( صارت فيني ومحد نفعني )

ترى انا اخذت قرض لهلي للبيت وتوهقت

انصحتني جارتنا كبيره قالت لاتاخذين وتتوهقين راح تبتلشين ارضي والدينج باي شي الا القسط الشهري

وماطعتها خفت يزعلون وفعلا اخذت وتوهقت لاني تزوجت عقبها وقمت اغيب واجد وخصومات اشتغلت علي


وصااار علي ازمات مانفعني بها الا امي وابوي واخوي الي اصغر مني

طيب وبالنسبه للزوج ميخالف ساعديه بوقت الحاجه مفلس مديون بيموت مو علطول سياره

وطيبه وحنيته له ياحياتي مو على حساب توريطج

يعني لاجبتيله سياره بيجيبلج القمر ع اليمين والشمس عاليساااااار

نفس الشي ...


تبين نصيحتي ....

قولي لاخوج ولزوجج مقدر احط اقساط علي انا مو ضامنه الوظيفه وخلج قويه يعني وش بيصير اهلج يقطعون الصله ولا زوجج بيطلقج عشان الفلووووس

وياشين الزوج الي يطلب من زوجته فلوس سبحان الله نفوس عجيبه

خلج قويه .... وقولي لزوجج اسمحلي لا انت ولا اخوي مكاني موهقه نفسي بيعصبون شوي ويهدون

ياكثر الرياجيل الي يهاطون على حريمهم فلان زوجته شرتله وسوتله ياعمي طير

محد ياكلها الا احنا المخبل وكنا ندفع الفلس على حنيتهم وطيبهم...

الله يخلي رجلي لي واخواني لي اشوى ماطلبوا مني وان طلبوا بعطيهم فلوووس سلف عطيه بس هااااا مو اقساط وشي بسمي واتوهق


واشوووف بعد يستاهلون او لا

 

[الشيخه فطامي]

ولا احد افكلي انا سياره ^^^^^ خخخخخخخخ طمااااااعه

 

[om.7madiiin]

لوووول ولا واحد فيهم
لان ان خذيت لوزجي اخوي و امي بيزعلون
وان خذيت لامي الكل بيزعل وواذا خذيتي لاخوج بيزعلون كلهم

 

[ام ناصر 80]

ولا واحد

 

[mf6nt el3lat]

أنتي شكو تشترين لهم يعني رجاجيل ويشلووووون أنفسهم
أنتي لج اشتري سياره
واذا ما تبين تزعلينهم اشتري لهم ساعه لووووووووووول

حبيبتي مالج شغل
.

 

[mf6nt el3lat]

بكررررره اذا يتزوج علييييج (( أن شاء الله لااااااااااااا ))
ويقول لج الشرع حلل 4 وانتي راح تسكتين لأن امه وهو قالو جذي موووووو
لأ حبيبتي خلي فلوووووسج لج
و أذا مو ليييييه ما تقدرين أدفعي لاخوووووج و أذا زعل زوجج راضييييييه​

وأذا منعج عن الدوااام مو لاااازم اريحلج وبعدين هو يتضرر بعدين لان طمعااااان بالفلوووووووووووس​

اسمحيلي ي الغلاااا بس احتريت من السالفه لوووول​

 

[مــ_ــا مــ_ــي]

صج وهقه .. الزوج يستاهل والاهل يستاهلون .. الافضل انج تصبرين شوي على سالفة السياره .. وشوفي نفسج وجمعي لج مبلغ يكون مقدم للسياره لان الحين كل شي غالي .. وراح يتنتف معاشج اذا من اولها الكل طامع فيه .. والله يعينج

 

[قـہۈه فـرنسيـہ™]

بغض النظر عن كل شي ----- موظف مو موظف ...متزوووج ولا مو متزوووج ... انتي وياه سمن على عسسسسسل

في جميع الحالات ,.,.,. أخوووووووووووووووي طبعاااا أولى ,,,


عفوآآ بس ,,,الزووج مهما يكووون بينكم اللي يكون ,,,,لا تأمنيين ,,,


ممكن بكره ياخذ عليج ...أو .............أو ............,الخ ... شبتسوين وقتها ؟


شكثر حريم خذوا قروووض لأزواااجهم والحين يفركون أصابعهم من الندم ...




أخوووي وعزوووتي ...فلوووسي كلها لأهلي.... أبوووي وأخواااني وأمي ....ما أبخل عليهم بشي لو يبون عيوووني عطيتهم ...

والزوج ما أقصر معااااه بشي ... بس لكل شي حدووود

 

[face moon]

طبعا تفتحين لخوووج لان اهوو اللي يستاهل ولاتنسين ان اخوج اهوو اسندج في الييييووم الاسوود

ولا زوجج شكووووووووووو يعني راح يفتح لج لا طلبتي منه ؟؟؟؟؟

اخوووووج اخوووووووووج ..​

 

[HeR HiGHNeSs 90]

افتح سياره حقي انا اولى

شكو فيهم كل واحد ومعاشه

وبعدين لو لو بختار طبعن اخوي

ريلي ملزوم اهو يصرف

 

[عيش و مرق]

ولا واحد

رياييل وانا افتح لهم سيارات والله خوش بدال ما يعطونى انا اعطيهم لايبا منتى ملزومه بحد اخذى حق نفسج هذه قرض مو لعب يبيلج 5 وله 6 سنين اتنقين من معاشج ولوباجر دعم فيها لاقدر الله راحت السياره وراحت لفلوس

 

[نفـــائس]

لفتحلي انا

عشان محد يزعل

لا اخوي ولا زوجي