اخيرا زوجي بيوديني الشاليه شلون اخليها رحله عمره ماينساها

[بنت نجد]

حبيباتي اليوم بروح الشاليه انا وزوجي وصارلي يمكن 5 اشهر مو طالعه معاه لان كله مو فاضي ومشغول بشغله وودي تقولون لي شلون اخليه يحب طلعتي ويستانس فيها شنو اخذ معاي غير اللبس ابي اسوي جو شاعري وعقب جو نكت ولعب وفرفشه وابي احط على الطاوله اكل خفايف مثل من جوي قوي اللي بحولي الحلو ماله غريب وابي بعد مطاعم كشخه وسوالف اكل لذيذ وغريب وافكار حلوة همتكم يابنات محتارة شسوي بانتظار ردودكم

 

[بــروق]

اول شي جهزي جنطه خاصه فيج انتي بس لبس إغراءات


يعني إخذي لج برمودات وبديات وملابس داخليه فتاانه ومايوهات وشباصات اشكال وانواع وتكرمين نعال بحرية نفس سوالف نعال السيراميك


وكرستالات اشكال انواع وإنسي انج في بيت حمولتج يعني إنسي الملفع والدراعه وهالسوالف من اول ماتطبين هناك تبدلين وتلبسين بدله تهبل مثلاً بنطلون جنز وبدي بنوتي


ولا تنسين البجايم أهم شي خاصتن الستان والبرمودات ودليغات اللي كلهم شغل وردي وزهور وهالسوالف


وتسوين له أكل حسب الحزه اللي توصلون فيها انشالله اذا حزة غدا او عشا وعليها راح تغيرين ملابسج


يعني اذا حزة غدا ، بعد ماتطبخين له وتخلصين اكيد راح تسبحين ولبسي بجامة القايله وخلي شعرج مقطوط على صوب على كتفج من قدام وتغدي معاه بكل انووثه وعقبها نامي نومة القايله ( وانتي فاهمتني عاد )


واذا كانت حزة عشا أكيد بتسوين له عشا خفايف وسلطات وإترسي الطاولة شموع وحاولي تخلين شغلج لون موحد يعني مثلاً شموع فوشيه ولبسج فوشي ومفرش الطاولة فوشي وصحونج والقفشات فوشي ( تلاقين سوالف السفري حق اعياد الميلاد ) والورد فوشي ولا تنسي الأهم شكلج وعطرج وشعرج وشباصاتج ولبسج عاد قميص نوم او تنورة قصيره بيضا وبدي فوشي المهم اللي يصير ويريحج

وقدمي له هديه مثلاً ( مايو رجالي مع نظارات البحر وشمسية البحر اللي مثل الكبوس ، مادام انكم بالشاليه )


ومن تالي الصبح فزي قومي على حيلج قبل لا يقعد اهو وتسبحي وتنظفي وجهزي له احلا ريوق ولبسي دراعه اللي حفر وقصيرة وسوي شعرج ذيل حصان وحطي ميك اب خفيف وعطر فواكه حلو وقعديه من النوم على بوساتج ومساج وتلعبين بشعره لين يصحا وتريقون مع بعض وبعدها لبسي المايو وتسبحي انتي وياه إذا شاليهكم يساعد انج تفصخين ههههههههههه


وإكملي يومكي .................... وهكذا .......

خخخخخخخخخخخخخخخخخخ

مو مجربه بصراحه بس بعض من افكاري وبالتوفيق يا الغاليه

 

[++MesK++]

؛
؛

ماشاءالله عليج بروق ما خليتي شي اقوله

و صاحبة الموضوع good luck

؛
؛

 

[أعترفلك]

الله يهنيج يارب وتكون احلى رحله

 

[sowsan]

ونااااااااااااااااااااااااااااااااااااااااااسه
امانه كتبيلنا بعدين عن رحلتج شلون قضيتيهاا
ماشالله بروق عيشتيني الجو جني انا الي رايحه

 

[بــروق]

لووووووووووووووول



عسى الله يوفقها


ولاتنسين تقولين لنا شنو سويتو واهم شي التصوير

 

[بنت نجد]

فديتكم والله ماقصرتو وبعد انا مشكلتي اذا بغيت اسوي جو ضحك وناسه واكون حاطه فبالي هالشي انثول وماعرف اقول شي يصير دمي ثقيل مع اني بالواقع احب الضحك ودمي خفيف مع الناس فشنو السوالف اللي يحبونها الرياييل او الالعاب اللي اقدر العبها معاه يعني لعب كبار والله مادري اشلون اقولكم بس اقصد شلون اخلي الساعات تمر مثل الدقايق من الوناسه

 

[sowsan]

اذا يحب البلي ستيشن اخذيه معاااج بليل وقت السهر ويا الحب والمكسرات والقهوه والنفييش
خليه يعلمج مافيها شي
وبيكون احلى ضحك وسوالف وقتهاا

مادري ماجربت قوليلنا عقب تجربتج علشان اول ما املج نروح الشاليه واقلدكم

عسى ربي يهنيج ويسخره لج وتستانسين معاه العمر كله مو بس بالشاليه

 

[brettey]

حبوبه فنتقي باللبس اهم شي
كل الي اقدر اقوله اسال الله العظيم ان يسخر لج زوجج وتروحين معاه وتستانسين وتفرين معاه احلى دول العالم مو بس شاليه ويخليج قمر بنظره ويحقق لج كل الي في بالج
الله يسعدكم ويسخركم لبعض ويبعد عنكم شر العيون والحساد

 

[miss paris]

والله البنات ماقصرو بس اذا تبين لعبه حلوه وفيها شقاوه على رومنسيه اشوي
لعبه الحبل خدي معاج حبل ,كيف اشرحها ممممممم ايه ,يعني تحطون مخده اواي شي بالوسط وانتي تشدي الحبل جهه اليمين وهوه يشد جهه اليسار واكيد انتي اخف وزنا منه يعني بيسحبج لين عنده وبتصيرين في حضنه وبيدلعلج وانتي ماعليج منه جننيه وكملي اللعبه لحد ماتفوزين وتخلينه اهو اللي يطيح في حضنج وبعدين بيسحبج للسرير ولعبو لعبتكم الصجيه هناك لوووول
ورحله سعيده مقدما

 

[عااشقه الورد]

يا حبيلك بنت نجد انا مثل حااالتك هااة بشريناا وش سويتي بالطلعه انا تخيلي من كم يوم نفسي اروح منتجع او شا ليه
يقول بعدين بعدين او يقول اخااف نتخااانق واندم عاد انا خبري بالشااليهااات اياام وانا عند اهلي كنت مدلعه احس الشااليه ونااسه الله يوفقك

 

[المدينه]

الله يهنيج حبيبتي اخذيلج مفرش وورد وشموع واضاءه واكيد المسجل وبدله رقص وارقصيله

 

[نور النهار]

هههههه

بصراحة البنات كفووو ووفوووو

 

[بنت الانصاري 77]

بصراحه اهم شي تزهبين المايوه و هذي فيها سباحه اذا كان المكان مسكر و تاخذين راحتج لان في ناس وايد اكثر متعتها مع ريلها لما يكون داش معاها يتسبح و خصوصا بعيد عن الناس و انا عن نفسي حجزت شاليه اهنيه فيه حمام سباحه و هم على البحر و خليته ايام الاسبوع مو الويك اند بصراحه كانت احلى ايام عشتها بحياتي

 

[بنت نجد]

كل الشكر ماقصرتو