اخيرا عرفت السبب وانهرررت

[حلاوة سكر]

ماعليه هونيها وتهون

وتعوذي من ابليييييس .. شدعوه مشكلتج وايد اهون من وايد ناس

وان شاء الله علاجها سهل

^_^

الله يرزقج الذرية الصالحة المعافاة

عاجلا غير اجل .~

 

[غلاي 89]

الله يحقق اللي فبالج يارب ويرزقج اختي

انا معاهم انصحج بالمرقدوش .. انا جربت مال مصنع الجسر وفادني نزل علي الدورة

 

[شنوووفه]

عادي حجبيبتي لاتحااتين الحمدلله احسن من غيرج
الله يكتبلج الحمل الشهر ياااي انشالله

 

[english muffin]

شكرا بنات
وايد طمنتوني
بس لحين ماعرفت المرقدوش شاسوي فيه ؟
اشربه ايام الدورة او ايام التبويض؟ اشربه خالي؟

 

[الريشة]

موجود شاي المرقدوش بالجمعية أو أكياس تحتوي على ورق مرقدوش مجفف تلاقينه يم البهارات ، تاخذين ملعقة وسط و تخلطينها مع كوب ماي حار و تغطينه و تخلينه 10 دقايق و بعدين تشخلينه و تزيدينه عسل و تشربينه أثناء الدورة و قبل التبويض بمقدار كوب واحد باليوم و أنا مرة قريت إنك حتى لو تشربينه كل يوم و تكتشفين إنك حامل همن ما يضر لأنه ما يسقط الجنين.
يعني مو مثل المرمية تضر الحمل إذا كنتي حامل.

 

[english muffin]

يصير اخذه اهو مرة والمرامية مرة كليوم ليوم التبيوض ؟
مع الكولوميد

 

[كويتية222]

المرمية استخدميها شهر وقفيها مو زينه تسوي تليف للكبد عند اطالة استخدامها حالها حال اي عشبة شهر وقفيها ،والمرنية اساعد على زيادة التبويض وبتلاحظين بعد شهر من استخدامها نزول السائل الشفاف بكثرة اللي يدل ع موعد الاباضة

 

[لاجل عينه]

اشدعوووه حبيبتي ماكو الا العافيه ان شاءالله وانتي لاتفكرين واجد فديتج
والطب تطور والبنات كلهم اجمعوا ان امرج سهل بمشيئة الله
هونيها وتهون ياقلبي
والله يرزقج بالذريه الصالحه المتعافيه

 

[بحرينيه كوول21]

حبيبتي روحي عند احمد بركاات واايد زيين

 

[BeNt PaRiS]

تعوذي من الشيطان و كثري من الاستغفار

و الله يرزقج و يرزق كل محرومه

 

[e7nayyeena]

لا تزعلين ماكو الا العافية و مسكين زوجج شنو ذنبه ؟؟ .. تكلمي وفضفضي وياه اللي فيج مجرد صدمه وحزن يحتاج كلام وترى النفسيه مهمه جدا للحمل .. فلا تنزعجين و ادعي ربج الله كريم ان شاءالله و كل شي له علاج

موفقه

 

[خنين العود]

لا تزعلين حبيبتي لان هذا معناه اعتراض على قضاء الله
قولي الحمد لله على كل حال والله يفرحك بشوفة ضناك باذنه سبحانه وتعالى

للرفع​

 

[عاشقة الاسلام]

حبيبتي مشكلتج بسيطه والله يشفيج يارب
ويرزق كل محرومه
يارب

 

[الريشة]

خواتي.............. ترى صاحبة الموضوع الحين ما شاءالله حامل
و شوفوا موضوعها في قسم حمل و ولادة
الله يتمم عليها

 

[عسل حدي]

رب لا تذرني فردا وانت خير الوارثين