اخييتي عندج معلومه عن ابو بندر حيااج هني قلطي عندي

[ام كوشه منكووشه]

​

السلام عليكم يا صبايا <<اندلعوكم بعد اشتبوون

بنات انا سمعت عن الاخ ابو بندر ان عنده طريقه من بعد مشيئة الله بتحديد اوقات التبويض للحمل بالوالد وانا حابه اجربه و يالييت اللى عندها رقمه او ايميله تدز لي وبكون شاكره لكم :balo:

 

[سلايل*عبس]

منو هذا وشنو سالفته ؟؟

وحبيبتي ليش العنى ؟! روحي لدكتورتج قبل شهرين من الدوره تعطيج برنامج كامل

او اذا مستعجله روحي اخذي حبوب كلوميد من ثالث يوم من الدوره ليمن يخلصون وابدي راجعيها من اليوم ال 11 من اول يوم جتج فيه الدوره وتشوفلج البويضه بالسونار وتحدد وبعدين اذا شافت حجم البويضه مناسب راح تعطيج ابره تفجيريه عشان تطلع البويضه من جيسها وبعدين تحددلج موعد الجماع - الانسب للحمل باذن الله بولد

والله سبحانه وتعالى اذا اراد شيئا قال له كن فيكون - الله يرزقنا واياج بالطفل الكامل الخلقه المتعافي بلازياده او نقصان امين

 

[سلايل*عبس]

نسيت اقولج خلي زوجج ياخذ عسل منشط من العويد - وانتي استمري على الفوليك اسيد ولاتاكلون منتجات الاالبان

والدكتوره راح توصفلج غسول يخلي المنطقه عندج قلويه واهيا الوسط المناسب اللي يجذب الحيوانات المنويه الذكريه سبحان الله

وخلي زوجج يشرب قهوه تركيه قبل الجماع بنص ساعه

والله يكتبلج الخيره

ترا الطريقه مجربه جربتها رفيجتي واضبطت وجربتها اختي بس ماالله اراد

نسبة نجاحها تقريبا 65 بالاميه بس اذا التزمتي بالاكل بعد ترتفع النسبه حيل .. والله المستعان

 

[غنوة ستايل]

انا جربت الجماع قبل الدورة باسبوع
بعد معاناه 5 سنوات مع حبوب الكلوميد وابره الكلوميد والتفجير
والحمد الله بفضل الله نجحت معاي .
الجماع قبل اسبوع من الدورة لان اكتشفت ان تبويضي يكون متأخر مو نفس غيري من الحريم
عسى الله يرزق كل محرووومه يارب

 

[انوما]

اللله يرزقك الذرية الصالحة يارب
اختي لو سمحتي كيف اتصل على الارقام اللي يحطونها التاجرات اذا دقيت يطلع لي خطا ياليت تفيديني انا مو من الكويت

 

[ابداع x ابداع]

ان شاء الله البنات يفيدونج

 

[يا عيون سمي]

عسى الله يرزقج يارب

 

[رشـا العتيبي]

الله يرزقج باللي تمنينه

 

[ميرنان]

هو موجود في منتدي الحياه الزوجيه اكتبي في قوقل يطلعلك

انا كنت ابي بنت... بس بصراحه كنت متوكله علي ربي وكنت ادعي انه يرزقني بنووته
ومن الفضاووه رحت سالته متي يباد الجماع ابي بنت .. وقلي الايام وسويتها وطلعت بنووته ربي يحفظها لي هي واخووانها

حطي توكلك اول شي بالله وادعيه