ادري ادري يا كثر هالتجمعات بس نبي الهمه اللي تبي 10 كيلو تنزل

[كويتيهx5]

بنات شلونكم وشخباركم

يااا صبايااايا حلوين

اولا انا وزني 83 ومليت ابي انزل عشر كيلو وان شاء الله اصير سمبتيك

سويت اول رجيم في 2007 عند طالب الشمر نزلت 12 كيلوو ورديتهم ورجعت سويت رجيم نزلت 8 ورديتهم بعد قعدت البيت وجوكلت بار واللي منه.
المهم بنات لاني مو متينه وايد فنزولي وايد صعب ابي انشجع بعض ابي نضعف لازم نمشي او نتحرك شوي مو الي ما تحب الرياضه مثلي نتحرك ننزل ونصعد على الدري نترقص يمين وشمال وحركه صفوا سيايركم بعيد وامشوا
سويت مساج نفعني بترتيب جسمي بس ما نزل كيلوات

بنلت بليز بس اللي تبي تضعف 15 كيلو لان نزولنا صعب عكس اللي من 100 وفووق

فا منو تبي حيياكم وكلنا ايد وحده ترى يمدي لين العيد ان شاء الله ونفيد ونشجع بعض:balo:

 

[؛؛حلاوه؛؛]

رد : ادري ادري يا كثر هالتجمعات بس نبي الهمه اللي تبي 10 كيلو تنزل

يلا انا معاج تعالي معانا بتجمعنا عيدنا برشاقتنا

 

[جمانه2009]

رد : ادري ادري يا كثر هالتجمعات بس نبي الهمه اللي تبي 10 كيلو تنزل

انا معاج اختي لان وزني صعب ينزل بسهوله
محتاجه انزل 10 كيلو فقط
وزني 60
بليز اذا عندج حلول قوية للنزول ياريت تفيدينا
وشكرا جزيلا لموضوعج وربي يوفقنا جميعا

 

[كويتيهx5]

حييياكم الله

هذا رجييم
ملاحظاتي قبل لا احط لكم النظام... الي فيها سكر ولا ضغط او حامل لا تسوي هالنظام لأنه مو زين
والي سليمه 100% ومافيها فقر دم خل تتكل على الله وتبدأ فيه

$$$$$$$$$$$$$$$$



[[ الريوق ]]

نصف خبزه سمره خفيفه + جبن أو لبنه أو بيضة + خضار (طماط وخيار) أو 3 زيتونات + كوب حليب خالي الدسم



[[ الضحى ]]

حبه فاكهه (ممنوع الموز والمانجا) أو استكانه مكسرات (جوز - بيذان - فستق - حب) + شاي او قهوه



[[ الغداء ]]

سلطة (ملعقة زيت زيتون) + 2 همبرجر لحم او دجاج يكون مشوي أو صدر دجاجه مشوي أو علبه تونا بالماء أو 2 صيخ مشوي + كولا دايت أو ماء



[[ المغرب ]]

ككاو وسط (كتكات ابو اصبعين أو اي ككاو لكن الحجم الصغير) أو حبه فاكهه (الموز والمانجا ممنوع) + شاي او قهوة




[[ العشاء ]]

العشاء عندج اختيارات بس أفضل شي تمشين كل يوم على نوع والأفضل تكثرين من الي عليهم وجه مضحك لأنهم ينزلون الوزن بسرعة


أول يوم: 1 بيضة مسلوقة أو مقليه + عصير برتقال + توسته سمراء + خضار

ثاني يوم: تشيز برجر من ماكدونالدز + دايت + سلطة

ثالث يوم: (لو كنتي طالعة مطعم لبناني) كوب تبولة + صيخ مشوي + دايت أو ماء

رابع يوم: من 3-4 شرائح اناناس طازج + كوب روب اكتيفيا

خامس يوم: 1 توسته سمراء + جبن قليل الدسم + خضار + كوب لبن خالي الدسم + تفاحه

سادس يوم: روب خالي الدسم + خيار + 2-3 كيوي

سابع يوم: (سلطة) وتتكون من خس + (ملعقة زيت زيتون + ليمون + خل) + 3 شرائح جبن مالح أو حلوم قليل الدسم +ملعقة زيتون شرائح + دايت او ماء
او 2 سلطة أمريكانا اليونانية greek لو ماكان لج خلق تسوين هالسلطة لأنهم نفس الشيء

ثامن يوم: عصير أناناس KDD حطيه بالخلاط مع 3 حبات كيوي واخلطيهم واشربيه
أول شيء مشبع حيل واهم شيء لما تنامين يضل هالعصير يحرق الدهون بالجسم طول ما انتي نايمه
وهذا كلام الدكتور لي نقلته لكم بالحرف الواحد

$$$$$$$$$$$$$$$$$$$$$$$

ملاحظات مهمة

اشربي ماء في اي وقت بكمية كبيرة

مارسي الرياضة من 20 - 40 دقيقة يوميا تزيد من سرعة انقاص الوزن وبقوة

مسموح بتناول الخضار الورقية وبشرب الشاي (البابونج - المرمية - الينسون - الزنجبيل - النعناع) باي كمية بين الوجبات الرئيسية


ملاحظة مهمه

هذا الرجيم ينزل الوزن بدون رياضة
لكن مع الرياضة يصبح انقاص الوزن اسرع واكثر


الي نظامها تقوم الظهر الساعة 10 او 11
تتريق عادي بس ما تآخذ وجبه فترة الضحى وتنقلها لي عقب العشا بالليل إذا كانت تسهر بالليل

 

[كويتيهx5]

شكله حلووو وينزل من غير رياضه وينحت الجسم بعد

بس انا مو مجربته منقول

 

[om-3abodey]

ماشاءالله الرجيم حلو منوع العشا فيه
بس بسالج الي مسوينه نزل وزنهم لاني بادية من اليوم رجيم من عندي

 

[كراميلا مرة]

انا وزني 61 ودي انقص 6 كيلو على الاقل
وهالرجيم حيل حلو
ممكن اكون وياكم

 

[كويتيهx5]

حيياكم الله

اي البنت اللي مجربته تقووول وايد انزلت وفظييع وانا شايفته وايد حلووو ومشبع وفي كل اللي تتمنونه واهم شىء مافي حرمان

شدوو حيلكم

بنات تقدرون تشربون جاي اخضر ترى زين والدكتور ينصح فيه دايما

 

[كراميلا مرة]

خلاص بحاول ابدا فيه من بكره
بس يالله نبقي حماس
المفروض نكتب يومياتنا كل يوم

 

[كويتيهx5]

حيااج اي اكيد كتبيها جم وزنج وعمرج وشنو بتسوين ان شاء الله انا بكتب بعد

والوزن بيكون بعد اسبوعين ان شاء الله.

 

[بريئه]

هووب هووووووووب stop stop اقفففففففووووا سجلووني معاكم

وزني 66 طولي 160 شجعوووني واشجعكم ياريت يكون هالتجمع رجيم وعنايه مره وحده

 

[بريئه]

اتوقعون 6 اسابيع ننزل 10 كيلو ؟ يا ترى ؟

 

[عربجيه]

وياااج انا بعد ابي اقط 10 الله ياخذهم

 

[learnpast]

انا بعد وياكم لانه وزني بطيئ النزول:cxxxp:​

 

[؛؛حلاوه؛؛]

رد : ادري ادري يا كثر هالتجمعات بس نبي الهمه اللي تبي 10 كيلو تنزل

وايد حلو الرجيم الصراحه متى تبلشون فيه

 

[كويتيهx5]

حييييييياكم بنات وبلشوا على طوووول لا تتناطرون

انا مبلشه الرجيم من اسبوعين ولا ضعفت عشان جذي اقولكم نبي همه ما ادري شسالفه .
تبون عنايه شىء طبيعي لازم العنايه

انا عن نفسي اسوي حمام مغربي كل ما اتسبح وادهن نفسي بفكس وجلسويد وليمون والصباح اسويله سنفره باليوكو يوغرت
والويه خلطه انا مسويتها وشعري ما ادري شاريه خلطه من هنديه وحليوه وبس.

بنات لازم ماي ماي ماي عن تجربه غصبوا نفسكم يمكن انا ما ينزل وزني من الماي لازم اشرب ماي

وشربت كابتشينوو وبعدين بتغدا وشدوووا حيلكم

 

[كويتيهx5]

بنات في خلطه حق الايد بعد هرده وليمون حطي لمى ينشف بعدين فركي لمى يتقشر وبس

والثانيه ليمون وجلسرين وعسل وفركيه بالملح لمده 15 دقيقه وغسلي بس بالماي

 

[كويتيهx5]

بنات وينكم من اولها نايمين

انا الحمدالله تغديت شوي من شومن وجزر

والحين حليت لبن اكتفيا بالفراوله مع الكورن فليكس بالفواكه

وبشرب جاي اخضر وحطيت زنجبيل مطحون

 

[كويتيهx5]

يالله وقاعده اسوي حق روحي مساج بزيت الزيتون الاصلي

وينكم يالله

 

[عقارية]

رد : ادري ادري يا كثر هالتجمعات بس نبي الهمه اللي تبي 10 كيلو تنزل

نحن هنا :q8:

أنا بعد هدفي أنزل عشر كيلوات بالتمام والكمال
برنامجي رياضه ساعتين على الأقل سويدي ومشي 3 كيلوات مشي سريع

والأكل وجبه واحده غنية والباقي أقيسها بالسعرات

الصبح 350 سعره
ثلاث فترات 180 سعره
ومساء 180 سعره
المجموع 1400 وبالتالي بإذن الله الأمور بتكون طيبة