ادري اني غلطانه ابي النصيحة..توني عروس.وكله مشااكل

[يايبته صح]

شوفي حبيبتي انتي ببدايه الزواج واحيانا يكون هذا شيء طبيعي
الاختلافات البسيطه في البدايه
لانش طبعا دخلتي عالم جديد ومسؤليات وحياه يديده وطبايع ريال مختلفه عنش
بس مو حلوة منش ونتي بنوته وكلش دلع وعروس تسبين لا مو حلوة طبعا
لازمن لي زعلتي تزعلين بدلع واذا تكلمتي هم بدلع توش ترى عيشي ايام العسل
خلي الامور الثانيه والسخافات لبعدين ولا تخلين الامور الصغيرة تضيعش
خلي كل اهتمامش بهالريل اسحريه بلطفش ونعومتش عشان تملكين قلبه
البسي اتدلعي ترى هالايام مستحيل ترجع
اوكي ......المهم الحين خليه شوي حتى يهدى وبعدين تاسفي منه
وقولي لي ترى والله مستغربه من نفسي عمري ما اسويها واسب احد وكذي
شوفي عيوني الحياه الزوجيه يبيلها فن وشطارة وفهم وصبر هي مش معركه بقدر ماهي استقرار للنفس وحب
ورحمه وود وسكن كل شيء اهم شيء هالريل لا تعتبرينه في يوم خصم لتش
اعتبريه شريك لحياتك ....
اعطيه اهتمامش للكن لا تنسين روحش ....

كلامج عين العقل هالكلام سا معته بدورة التوافق الزوجي لحمود القشعان والله الاهل ما يقصرون من الام والخوات بالنصيحه والارشاد لكن لما اسمعه من دكتور اطخ بعد كلام دكاترة فاهمين ولا الواحده منا ماتسكت عن حقها ولا ترضى تنسب

 

[شاكليتيه]

رد : ادري اني غلطانه ابي النصيحة..توني عروس.وكله مشااكل

الله يعينج خيتووو

 

[fdeet_shosho]

الله يهديج يارب ويسخره لج
حبيبتى اول فترة الزواج اكيد لازم يصير مشاكل وهواش وصيحه ومع الوقت تتعودون على بعض وتفهمون بعض
فى شغلات اذا مشيتي عليهم ان شاءالله بترتاحين
اذا شفتي زوجج معصب لاتتلقفين وتسالين خليه هو بروحه بيتكلم وان ماتكلم كيفه عشان مايحط حرته فيج ويقول ملقوفه
اذا صارخ عليج وهاوش سكتى عنه وسوى اللى يبيه وانتى ساكته وسوى روحج مسكينه صدقيني عقب مايرتاح ويسكت بينقد على روحه ويتاسف منج ويحاول يلطف الجو بس لاشافج تراددين يزيد ويمكن يستخدم الضرب
لما تكونون مستانسين سولفى وياه وناقشيه ان فى كلمات تجرحج ومو لازم يقولها عشان يكون هالشي اساس حياتكم
الحين بالنسبه لسالفتج انا اقول بس يرد جنه ماصار شي حطي اكله وشغله وبخرى بيتج وخلج نظيفه وسولفى عادي واضحكي وخلوا الموضوع يمر وهو بيتاسف صدقيني

 

[رضاهم جنه]

حبيبتي الحياه الزوجيه مثل الشعره اذا شديتوا اثنينكم راح تنقطع للاسف

فاذا هو عصب وشد معاج بالكلام اسكتي لما يطخ وبعدين هو راح يجي يعتذر لان غلط عليج .

الحين دزي له مسج حلو وخلج مستعده حق ليله حلوه

والله يهنيكم مع بعض ويصلح مابينكم يارب

 

[لذيذة]

اولا حبيبتي الف مبروك الزواج
ثانيا ودي اقولج كلام تمنيت احد يقولي اياه وانا عروس
بهالفترة مالج شغل بحد لا تفكرين باحد الا بزوجج وبس الا تشتتين نفسج بين مثلا امه اخته مرت اخوه اهلي رفيجاتي لا لا لا
اهم شي هو
تدرين انج بمرحلة صنع ذكريات جميلة
هذي احلا مرحلة بحياتج وبحياة زوجك فكري ان شاء الله بعد جم سنة شنو راح تتذكرين من هالايام
لا تخلينها كلها هواش ونجرة لا خليها كلها ليالي رومانسية وافكار وعشق وهيام ولا تكونين على طبيعتج لا كوني اميرة مثلي انج اميرة دلوعة ذربة خوافة حساسة عاشقة عيشيها بالخيال وطبقي على ارض الواقع
ودج يتذكرج زوجج بعد جم سنة يقولج والله لسانج طويل كنتي تسبين وانتي عروس والفكرة تخلل بذاكرته ولا راح ينساها
ولا ودج يقولج تذكرين ايام شهر العسل هذي احلا ايام عمري احلا رومانسية احلا حب وما راح يتذكرج الا انج اميرة وانج احلا عروس ولا راح تتكرر
اتمنى انج فهمتيني
لان مع تقدم الحياه في مسووليات راح تطلع ولا راح يكون في وقت كافي للحب والرمانسية الا ما ندر
فخلي هذه الفترة احلا شي بعين زوجج واللي اكيد ما راح ينساها وازرعي حبج في قلبه عشان يثبت مع السنين لان العكس صعب جدا
خلييييييييج رومانسية واصنعي ذكرياتج اللي راح تبقا لج طول العمر