ادري حرام بس شسوي ساعدوني و لحد يزفني بليز ! بس طبطوا علي. و شجعوني

[أسرار الجمال]

الله ياخذهم أهما واحساسهم المرهف الكلا جذب بس لي تتزوج واصلا الريال بعد ما يتزوج وحدة جذي يندم لان بعد الزواج تقلب وحش وتطلع زوجته إحساسها مرهف اكثر الله يلعنهم حبتهم حية

 

[طريق السعاده]

بنات يمكن وجهه نظري تختلف شوي

انا مرت علي عينات كذا تبي تتعرف ع متزوج ويعتبرونه خروف ع قولت وحده من البنات

والاغلب توافق تتزوج متزوج لان يكون عنده قدره ماليه وهذا بالاخر نصيب يعني الله كاتب لها تتزوج واحد كذا خصوصا ان هو الي بيجي ويخطب محد بيغصبه !! والرجال مايسوي شيء الا اذا بغاه !

انا محاكيتكم جاني خطاب متزوجين ورجال اعمال بعد ببدايه تفكيري كنت احس عادي وانا بزر يعني كنت افكر بالوناسه وعدم المسؤليه لان اغلب المتزوجين يجي يحط عروض مغريه يعني ماتلاقينها عند واحد عزابي هع زي مثلا فيلا باسمك وخدامه وسواق لما كان عمري 20 قسم بغيت اوافق واحد ومتزوج بس عشان وش هالسالفه خخخ ماعندي ادنى حد من المسؤوليه كان تفكيري مادي يعني لكن ترا كثير جوني متزوجين مب انا مخططه يعني هم يجون خطاب ناس عزابيه وناس متزوجين والي خلقني واحد نصب على اهلي قالهم انه زوجته الاولى تعباااانه وانه مخليها لعيالها بس ولهم 4 سنين مايشوفون بعض شبه مطلقين !! مدري من دله علينا مع اني مستحيل اتزوج شخص مرتبط بس انقهرت حيل من حركته وعقب حسيت الرجال كلاب مالهم امان مع ان كنت رافضته بس سالنا عنهم طلعت زوجته تجنن وتشتغل مدرسه وعايشين مع بعض ! ليه يبي يتزوج هالنفسيه مدري عموما بعدها فهمت ان الرجال فيهم نكران وجحد ومو كل شيء ينقال صحيح هذا شيء الشي الثاني لاتحطون حرتكم بالبنت وبس ترا بعض الرجال مايخاف ربه والدليل الشاتات مليانه متزوجين والمولات ؟! اطلعو المولات وشوفو كيف المتزوجين هايتين يطالعون بنات خلق الله ! تويتر ومواقع التواصل الجديده ثلاث ارباع المتزوجين فيها ! وكلهم الا ماندر يخربطون خرابيط تدل ع قلت ادبهم وخيانتهم ! هم يدورون البنات دواره وربي .. ومانكر في بنات قليلات ادب وتفكيرهم مدري شلون يرضون بنص رجال سواء ك زوج او علاقات محرمه



تعديل بسيط / يمكن عندكم بالكويت غير عنا فالسعوديه عشان واقع الاحتكاك فالعمل وممكن فالجامعه او كذا يكون اقوا عندكم بحكم ان تصير مجالات تسمح بالتعارف حتى حنا في احيننا مجالات بس اقل بكثير يعني واغلب المتزوجين عندنا يكونون خخطاب زيهم زي اي عزوبي يخطب مش عن تخطيط مسبق
لكن بشكل عام الرجال قبل يخون لو فكر بربه وانو هالشيء حرام ماكان في فرصه ل بنت ابليس تلعب بمخه
بعض الرجال يعلق البنت ويخليها تحبه تالي يعترف لها انه متزوج !! بوقتها هي بتكون متعلقه فيه واتوقع رح تتنازل عن زوج عزوبي مقابل حبها لكن الاساس العيب فالرجال نفسه علقها ولعب فيها وتالي تقولون مضحوك عليه وملعوب بمخه !! ترا كل كلامي من واقع قصص مرت علي وحقيقيه من صحباتي لاتحطون كل العيب بالبنت والرجال مسكين مايقدر يفكر !!

 

[فرزاشيهـ]

طريق السعااده

اتوقع ما قهمتي شنو اقصد ..انا ما اقصد الخطااب و اللي يجي يخطب لا اقصد العلاقاااات و الخرابيط و اللي ممكن

يصير من وراها زواج مبني عل اسس ضعييييييييييفه


ثاانيا من كلامج افهم انج تقولين ان الغلط الاساسي عل الرجل !

حبيبتي المرأه طول عمرها اعقل من الرجل و عل كلامج لمن قلتي انهم يدرون البنات بالمجمعات و التويتر و الخ

اجل باجر اي احد يقصي علي بجم كلمه اروح اصدقه ! بعدين ترا الرجل مايتحرش الا باللي تعطيه مجاال من اول

اذا بنقط اللوم كله عل الرجل بنطلع احنا يا الحريم عقولنا صغيره و بنصدق اي واحد من الشارع يجذب علي

و اخون ثقة اهلي فيني و اكلمه و بعدها طلعات بعدها بلااوي و بالاخير بقول هو قص علي !

طيب وين انا بالموضوع ! كل من هب و درب لحقني و قص علي ! سوري هني تكون الوحده مغفله !! و غبيه انها صدقت قصه الحب الخياليه

و صحيح في اختلاف بسيط بين الوضع عندنا و عندكم بس بكلتا الحالتين ماننكر ان العلاقات موجوده ! و البنات اللي يدورون المتزوج موجودين !

 

[شادن33]

انا احتررررر من هالنوعيه
طابه على الريال المتزوج ومخليه العزاااابيه ليش يعني
وتبرر الموقف اذا تزوجت وبعدين ماعطاها حقوقها كامله !!!!
يعني انتي ماخذته من زوجته بالله عليج اشلون تبينه كله حقج لازم فيه تنازلات ونواقص !!!!!
والحمدلله الله يبعدهم عنا وعنكم

 

[احبك يايمه]

ماقووول الا الله يكفينا بنات السوء

والله انك ساجه مادري وشفيهن هالناقصات العقل هالحين حتى بس كذا يبي يخربن عليه ولو مايتزوجنه مثل بعض الحركات الي يسونهن بالاسواق والخز وينقهرن ينجلطن لا شافنه ماسك يد زوجته هنا تجيهن جلطه بس يبن يخربن عليهم

ولا طايحات برسايل بس كذا يبن يخربنه عاد هالسالفه صايره لثنتين اعرفهن عز المعرفه بس والله لا لحين مايدرن من مرسل الله المستعان بس يقعدن يتغزلن بزواجهن وهم توهم عرسان يبن يخربن عليهن

 

[Japanese]

ماآتقبل البنات اللي ممكن يمصخونها بسالفه انه " يسوون علاقات غراميه " مع متزوجين

واعتب هني زياده ع الريال، ليش؟ لآنه هالجريمه بالنسبه له كمتزوج اكبر عند رب العالمين من عند البنت اللي مب متزوجه

بس ماآمانع سالفه انه بنت تنعجب بريال متزوج ومثلا تكلمه بالزواج بطريقه شريفه ونظيفه << يتروالي فاهمين قصدي زين

هالموضوع مسموح عندنا بالدين ،،

وماظن انه حرام البنت تخطب لنفسها ولا؟

مادري ماجوف وين المشكله بهالشي

انا معاج انه هالشي مب مقبول اجتماعيا بس دينيا ماظن انه غلط خصوصا لما يكون مثل ماقلت " بطريقه شريفه "

واحد من اهلي جذي ،، تبون الصج انا مادري هو اللي انعجب بالبنت ولا البنت انعجبت فيه

هي البنت ماشاء الله جريئه ،، ف ماراح استغرب اذا هي اللي كلمته بهالموضوع بس عاد ماحط بذمتي الله واعلم شصار

المهم هو كان متزوج وماعنده يهال اول ماتزوج الثانيه تخيلو ياب عيال من الثنتين لاإله الا الله

قد صارله فوق ال 15 سنه او شي جي ينطر عيال تخيلو؟

انا لما افكر بهالسالفه اوزنها من ناحيه دينيه ،، اكيد فيه سبب لتعدد الزوجات وممكن انه يكون لآنه معروف انه ببعض المجتمعات

البنات اكثر من الصبيان!!! انزين من بيتزوج هالبنات؟ من بيستر عليهم ؟ شلون بيجيبون عيال؟ شلون بيمارسون حقهم الطبيعي كآمهات؟

نقدر نلومهم اذا بغو الستر؟ لاحد يقولي فيه رياييل واحد

انتو تجوفون كل بيت كم بنت فيه؟ وكم صبي؟

مادري انا دارسه هالشغله بعلم السكان ومجتمعات قليله اللي فيها نسبه الذكور اكثر من الإناث

اي والحل؟

الحل بديننا

مع انه احين محد يتزوج اكثر من وحده ،، الحياه صارت شي مب طبيعي ،، مره وحده وبالغصب هالرياييل يلحقون :/

ارد واقول انا ادري ان هالشي صعب وماظن ارضاه ع نفسي بس المفروض ع الاقل نتقبل واقع ديننا

والسموحه منكم

 

[شوق الوليف]

انا شفت بالواقع كانت طالبه عنده وتحبه واعتقد انه اهو الي عطاها مجال لهالشيء وكانت بينهم مسجات وحب وغراميات ماكان يحترم زوجته وتزوج هالطالبه كانت تنرفز بكل ماتحتويه الكلمه من معنى كانت لما تقعد مع حمواتها تقهرهم بعلاقتها وياه قبل لاياخذها ودارت الدنيا وتزوج على الطالبه وخذا الزوجه الثالثه وتطلقت الطالبه وطلعت من هالتجربه بطفل انا اقول الله يعوض زوجته الاولى ويعينها انسانه جدا راقيه ومؤدبه للاسف مايستاهلها هالدكتور

 

[زوجة عزيز]

مااتسوي جذي الا الطايحة في جبدنفسها واللي ماعندها ثقة بروحها الحمدلله والشكر حسبي الله عليهم

 

[Patcholli]

جليلات حيا حسبي الله عليهم

 

[granted]

وحدة ويانا بالجامعة حلوة تهبببل واهو ياي ياخذ اخته الي هي رفيجتي من الجامعة
شافها واهي طالعة من الجامعة اهو ين فيها وخطبها واهو متزوج وعنده يهال واهو اكبر منها بعشر سنين تقريباً
ووافقت عليه واخذها على زوجته واهي الحين يابت منه بيبي وحامل
وزوجتها الاوليه بصراحة ماشفتها بس ليلحين على ذمته هذي بشقة وهذي بشقة
وكلنا استغربنا لانها جميلة جميلة جميييلة ماتقطين منها شي ومشهورة اصلاً بجمالها
المتوقع تاخذ شخص يعني مواصفته افضل بس سبحان الله واحد متزوج
فمو شرط تكون فرصها بالزواج صارت محدودة او جمالها موذاك الزود او على قولت البنات طايحة بجبد روحها

 

[سيدة الذوق]

صح هذا نصيب اذا كان زواج .... اما خرابيط مثلها مثل العزابي حرام

صحيح مو حلوه تحط عينها علي متزوج بس شنسوي مو حرام اذا طلبته للزواج
والعتب عالاثنين مو بس البنت

 

[تبيني آرضى عليك]

انا اذكر وحده من رفيجاتي ايام الثانووووووي كانت تحب واحد متزوج وعنده عيااااااال المهم البنت كانت بفترة مراااهقه ومتعلقه فيه وجات وعلمتني مسحت كرامتها بالارض يوم دريت وحلفت لي ماكلمته ولاشي تقووووول حب صامت هههههه بس نظرات
المهم جلست انصحها واقولها حرام مااايجوووز والحمدلله شالته من بالها ولا .....ايام مارحنا الجامعه تقوووول تتذكرين فلانه قصة المتزوووج اللي حبيته هههههه قلت ايوووووووووه قالت اكتشفت اني كنت هبله وياهل اول ماااشفته على طول اتعلقت فيه

 

[ماتغير شي]

بنات احس الشرهه على الريال والله المره اذا شافت الريال مايعطيها ويه والله ماتقرب صوبه يمكن تحاااول وتحاول بس اذا شافت اللي جدامها مو معبرها بتمل منه و دور غيره


والريايل ماشالله يحركهم الشيطان


خص اذا تهاوش مع مرته يفكر شلون يقهرها الله يهديهم

 

[دروب البنفسج]

لمن اسمع عن هالاشكال ماقول الا الححمدلله الذي عافانا مما ابتلاهم به
والله يحفظ لنا ازواجنا ويسخرهم لنا ويبعد عنا عيال وبنات الحرام ياارب

 

[امـ خــزامـى]

والله انا اشوف حتى اللي تحب عزاابي اشووفها قليلة ادددب

سوواء متزوج ولا عزاابي كلها علاقااات محرمه ومعازل

الا بحالة ووحده تصااارحه او ترسل احد يقوله اننا شاريتك يافلااان


والله يستر علينا

 

[كليـ دلعـ]

انا. ماانكر ان الحب حب

مايعرف متزوج والاعزابي

الحب الحقيقي ماا اييي باستأذان وموعد

الحب ايي من نظره من لمحه من موقف

الحب احساس عظييييييييم اذا ياا. يبنج العقل والادرراك

يصير الانسان مثل المسبه!!>>>>>> يتكم عاد ام مشاعييير واحاسيس!!

العااشق يسووي المعقوول واللامعقوول لان عقله خااارج الوااقع

الحب احسااس فذذذ

>>>>>>>. صرت كريمه شاهين!! خخخخخخ

اذا بنتكلم بواقعيه


البنت اللي تدوور وتحوور حوول متزوج

اهي انسانه لاتخسي موانسانه

اهي شي حققير تافه منحط ساافل

مستحيل تملك من الانسانيه والمباادئ ذرره!!

لانها حشره فاشله منبوذه من المجتمع فماتقدر

تعوض فشلها الا انها تتلقف لهامتزوج وتبني بيتها ع بيت غيرها

وابششششششششرج ياكل زوله!>>>> اي زوله وتخب عليها بعد؟!

ابششرج ياكل وحده بنت بيتها ع دمار بيت وشتات اسره ماارااح يعمرلج بيت

لان البيت اذا ماكان اساسه صح مصيره ايل للسقوووط!! نعمممممم

فلاتفرحين يالخايبه لي لفيتي لج ع متزووج!! ويبتي راسه موشرط تكونينين بروك شيلدز بجمالج!!

ولااا كيم بجسمج!!

من عمر الدنيا نعرف الريال مخلوق بصري ونفسه دنعه وينقص عليه ولو اتييله جلحه ملحه

وتقعد تقصصصصع وتمصصصع جداامه وتطيره بالكلام بيصدقها لانه خبل!! الاااا من رحم ربي!!

الريااييل لوو انقاادوولج ولاشبااهج موشرط عيبن بزوجته ولانقص وساعاتت بعد موكرهن فيها

بس الريال عادي عنده يجرب. ليششششش!؟. لانه شايل عيبه!! يعني شنو!؟يعني يجرب العلاقه معااج!

وان بغاا يتزوجج بعد فتره ثممم مااذا!؟. ثمن يعوود الفرع للاصل!!

يعني انتي سووا كنتي معاه علاقه او تزووجج تراج عبر! فقط!!

تراج شي مؤقت!!

انتي شي رخيص بااير!! سووقه وحظه طاايح!!


زووجته سعاا وخطبهاا واخذهاا

وانتي يالمنجب انتي الي مدلله ع نفسج يالسلعه البايره!!

والمثل يقوول لوفيه خير ماعافه الطير

لوفيج خير جان ياخذج ولد ماتزوجج والا والا مطلق ع الاقل

بس مومتزووج رب اسره!!!!!!!

وبعدين تعالي بعيد عن العوواطف وبعيد عن المشاعر والظروف

ابي اسالج سؤاال ياكل بااايره تقط اشباكها ع متزووج

انتي شنو دينج!؟

الاسلام!؟ يعني مسلمه صح!؟ اسلامج شلون صاير!؟

بقلب وضمير ويقيين والا ولدتج امج وصرتي مسلمه والسلام!؟

الاسلام ياالانانيه رسوله عليه الصلاه والسلام يقول

لايؤمن احدكم حتى يحب لاخيه مايحب لنفسه

وانتي لماتكسرين قلب المريه اللي بقتي ريلها

وهدمتي بيتها وجرحتيها وششتتيهاا وفشلتيها

مااااااااااظنتي بتكونين حابه لها ماتحبين لنفسج!!!!

واذا كنتي مؤمنه اكيد سمعتي

ان الله قال

كما تدييييين تداااان

والجزاااء من جنس العمل

يعني مالج مفر!

كلام ربج ورسووله هذا!! اللي رضيتيه اليوم ع بنت الناس يااييلج باجر!!

واللي كسرتي قلبها مصيرج صايره مكانها

كااسها اللي شربته لااااااززم يمر عليج هذا شي يقيييني مالج منه بد

ثقي وااامني بربج

ان الظلم ظلمات يوم القيامه

وانتي لما كسرتي قلبها وشاركتيها بريلها وهدمتي بيتها وراحتها

تكونين ظاااالمه

والمساله هذي يبيلها ضمير لازم يكون عند المره ضمييير بلاول لان فااقد الشي لايعطيه!!

وايد اعرفهم بعضهم مطلقات بعد اييلها متزوج تقول مسسسسستحيل ابني بيتي ع هدام بيتها

وترفضضضه!!!

هذي عندها ضمير ومبدأ. هذي واثقه بربها وبحكمه

الي كل من تحاول تبوق ريال من مرته

ياويلج ياسواد ليلج القاضي في قضيتكم هذي موبشر ممكن انه يخفف حكمه عليج

او يتنازل باصدار الحكم القااضي بسالفتج هذي الله تعالي اعدل العااادلين

ارحم الراحمين ثقي ان حق هالمسكينه الغاافله راح ينوخذ من جبدددج اذا موعااجلا اجلاا ولله في ذلك حكمه!!

اقسم برب الكون

ثنتين حاليا حريم كبااااار

بشبابهم تزوجو ع حريم وطبعا موبسوالف اللف والدوران وتركض وراه وتغازله

لالا خطبه رسميه من خاطر الزوج وبدون اي ضغوط ومحاولات منهم

المهم تزوجو وعزرررو بالحريم الاوليات

اكلو حقووقهم وسحبو رياييلهم منهم وصارو الكل بالكل

وشيبو بعين الشرايج الاوليات !!

يعني ظلمووهم ظلم عظيييييم

اقسم برب الكون العاادل الحكيم

يان ثنتينهم ماتو بالسرطااااان!!!

والله العظيم انا شاهده ع قصصهم بعيييني!!

والشرايح الاوليات موجودين الحين فبيوتهم وعيالهم بارين فيهم وبصحتهم

مع الاوليات اهم الاكبر !!

الا ان هذيلا اخذهم المرض بسرعه!

تكفون يابنات انا ناصحه لكم ااوعيكم الظلم شين

وعواقبه وخيمه

وقبل لاتقدمين ع شي ويوزج ابليس اللعين

حطي نفسج مكان مريته الغافله اللي تعيش في بيتها

مسلمه امرها لربها لاهيه !

اتقي الله فيها ربج قال ومن يتقي الله يجعل له مخرجا

وتذكري ان احسن العطايا عطايا الله


بكلامي هذا مااحرم واحلل ادري بتقولون التعدد موحرام

اوك التعدد موبزمننا

التعدد عند الزوج العادل الصاحي الحكيم موعند رياييل هالوقت المهبل الظلام

رياييل هالوقت يالله يقومون فبيوتهم وحريمهم موعاد يعددون!!

الله شرع التعدد لاسباب لاسباااب

ماقال اللي باطه جبده مرته يتزوج واللي بيعاند مرته يتزوج

واللي مرته جيكره يتزوج !!

الله شرعه لاموور كبيييره

مرض الزووجه الابدي عقمها من الضنى

شرعه لاسباب مستعصيه ومع ذلك قال

وان خفتم ان لاتعدلو فواااااااااحده تكفي وبذمتكم بهالزمن من بيعدل!؟!؟

 

[فرزاشيهـ]

ماآتقبل البنات اللي ممكن يمصخونها بسالفه انه " يسوون علاقات غراميه " مع متزوجين

واعتب هني زياده ع الريال، ليش؟ لآنه هالجريمه بالنسبه له كمتزوج اكبر عند رب العالمين من عند البنت اللي مب متزوجه

بس ماآمانع سالفه انه بنت تنعجب بريال متزوج ومثلا تكلمه بالزواج بطريقه شريفه ونظيفه << يتروالي فاهمين قصدي زين

هالموضوع مسموح عندنا بالدين ،،

وماظن انه حرام البنت تخطب لنفسها ولا؟

مادري ماجوف وين المشكله بهالشي

انا معاج انه هالشي مب مقبول اجتماعيا بس دينيا ماظن انه غلط خصوصا لما يكون مثل ماقلت " بطريقه شريفه "

واحد من اهلي جذي ،، تبون الصج انا مادري هو اللي انعجب بالبنت ولا البنت انعجبت فيه

هي البنت ماشاء الله جريئه ،، ف ماراح استغرب اذا هي اللي كلمته بهالموضوع بس عاد ماحط بذمتي الله واعلم شصار

المهم هو كان متزوج وماعنده يهال اول ماتزوج الثانيه تخيلو ياب عيال من الثنتين لاإله الا الله

قد صارله فوق ال 15 سنه او شي جي ينطر عيال تخيلو؟

انا لما افكر بهالسالفه اوزنها من ناحيه دينيه ،، اكيد فيه سبب لتعدد الزوجات وممكن انه يكون لآنه معروف انه ببعض المجتمعات

البنات اكثر من الصبيان!!! انزين من بيتزوج هالبنات؟ من بيستر عليهم ؟ شلون بيجيبون عيال؟ شلون بيمارسون حقهم الطبيعي كآمهات؟

نقدر نلومهم اذا بغو الستر؟ لاحد يقولي فيه رياييل واحد

انتو تجوفون كل بيت كم بنت فيه؟ وكم صبي؟

مادري انا دارسه هالشغله بعلم السكان ومجتمعات قليله اللي فيها نسبه الذكور اكثر من الإناث

اي والحل؟

الحل بديننا

مع انه احين محد يتزوج اكثر من وحده ،، الحياه صارت شي مب طبيعي ،، مره وحده وبالغصب هالرياييل يلحقون :/

ارد واقول انا ادري ان هالشي صعب وماظن ارضاه ع نفسي بس المفروض ع الاقل نتقبل واقع ديننا

والسموحه منكم

حبيبتي مسموحه بس عندي تعليق عل ردج

خلينا من الاوراق و الارقام و نسبه الذكور والاناث و انا مااقصد التعدد لان التعدد يمكن يمكن يكون له اسباب من مرض الزوجه او معاندها للزوج الخ

بس وقفت عند جمله قلتيها << قلتي ما تمانعين ان الوحده تعجب بواحد متزوج

بسالج و بالذمه تردين بكل صرااحه !

انتي متزوجه اول شي ??

ترضينها عل نفسج اذا كنتي متزوجه ? ** عفوا اذا مو متزوجه لو مهما تقرين و تد رسين بهالدراسات و بلا بلا بلا ماراح تفهمين

شعور ان وحده حافظه بيتها و صاينته و حافظه زوجها و تجي وحده بكل بساااطه تاخذه بحجة معجبه فيه !!

و اعتقد سالفه ان الببت تخطب لروحها هذي مثل ما قالوا البنات طايحه بجبد روحها

عفواا احنا مجتمع شرقي ! ادري ان حلااال بس المجمع يرفض هالشي !

بعدين اذا تقولين عل قولتج مافيها شي ...تقبلينها عل روحج ?? زوجج بعد عشره يقولج ولله وحده خطبتني لها و معجبه فيني !!

ماتووقع ابد بتقبلين هالشي حت لو كنتي open mind و امج امريكيه و عايشين ب usa

يعني ابعد درجات التحرر الفكري ماراح تقبلينها ابد :eh_s(8):

 

[فرزاشيهـ]

حبايبي كلكم مشكوووورين. عل ردود حسيت ان ناس للحين تفكر بالطريقه الصح

كلي دلع بردتي حرتي كلامج عين العقل

كما تدين تدااان و الظلم شين

 

[منيرة@]

اي والله


الله يستر من ها الزمن

 

[فواصل]

الشرة مب عليها الشرة على الرياييل اللي يركضون ورا هالاشكال ويعطونهم ويه

هاي مب ويه زواج ابدا

ما فكروا بحوبة مرته !

نسوا ان الدنيا دوارة !

وكما تدين تدان

النصيب بيجيها مثل ما هو مكتوب في اللوح المحفوظ ..اذا ما تزوجت اليوم ربي بيعوضها في جنات النعيم ليش تركض وراه وخاصة المتزوج

الله يستر علينا وعلى بنات المسلمين في كل مكان