ادعولى بديت فحوصات عند د.شيماء

[قبيطه]

السلام عليكم
رحت عيادة فوزيه القطان لأنى شفت حالات بعد الله سبحانه تعالجو عندها وحملو بتوائم قلت اروحلها واجرب حظى لأنى ماخليت احد مارحتلها بس اللى ضيق خلقى انهم دخلونى على د.شيماء وقالتلى ماراح اعطيج اى علاج لأنه صارلج 6 سنين تعالجين وماحملتى اكيد فى شى ناقص بالتحاليل وغفلو عنها وطلبت منى تحاليل سويت شويه منهم وعندى مواعيد بالباجى وطلبت تحليل حق زوجى بعد وقالتلى اييب التحاليل القديمه اللى عندى عشان نحطهم ونقارن وعلى قولتها نسوى خريطه ونشوف
اشرايكم بكلامها وانا ابى ابى ادخل على فوزيه اشلون
لاتنسونى بالدعاء ربى يرزقنى ويرزقكم

 

[Emanova]

انا اللي خابرته فوزيه بس للانابيب ....و الطبيبات اللي عندها يجهزون الوحده بعدين يحولونها لفوزيه

الله يرزقج من اوسع ابوابه و لا تيئسين الحمدالله انا الله رزقني الحمل بعد 6 سنوات..و ان شاء الله يرزقج التوأم اللي تبينهم باذن الواحد الاحد

 

[قبيطه]

يارب الله يسمع منج ميته على التوائم انا مثلج 6 سنين يارب اكون حامل هالشهر

 

[غيـ الناس ـر]

ما حبيت شيماء .. متردده بعلاجها مره عطتني دوا ولما قلت لها عن قالت مادري كيفج اذا بتاخذينه على مسؤوليتج .. وايد متردده

انصح تطلبين فوزيه

 

[كويتيه مذهله 87]

بالعكس تهبل د شيماء شوفي تحاليلج والمسحه تسويهم د شيماء لمن تخلصين التحاليل وكل شي

يحولونج عند د فوزيه القطان

نصيحه دخلي عليها تري د فوزيه تعرف علاجج من اول نظره لها بتحالييييلج

 

[قبيطه]

صباح الخير
حدى ضايق خلقى امس اتصلو فينى العياده وقالولى انهم اخذو منى 4 عينات 2 منهم طلع فيهم التهاب وميته من المحاتاه لازم اروح الطبيبه اليوم الله يستر

 

[WaChoCha]

عسى الله يرزقج ويرزقنا وياج يا رب

 

[pink-rose]

عسي الله يرزقج وكل محروم ان شاء الله عاجلا وغير اجلا يا ارحم الراحمين
ويعوض صبرج خير ان شاء الله

 

[قبيطه]

رحت اليوم حق الدكتوره وقالتلى شى يضيق الخلق ويخرع معاى التهاب بنوعين من البكتريا نوع بسيط علاجه بإذن الله يوم واحد اما الثانى يبيله 7 ايام لا والمصيبه لازم آخذ العلاج انا وزوجى مضاد حيوى سألتها عن السبب قالتلى من الحمامات معن مافينى افرازات ولاحكه ولا احس بشى سبحانه الله
الله يفرجها يارب واعولى يكون هالشى خير على

 

[سراج الليل]

رحت اليوم حق الدكتوره وقالتلى شى يضيق الخلق ويخرع معاى التهاب بنوعين من البكتريا نوع بسيط علاجه بإذن الله يوم واحد اما الثانى يبيله 7 ايام لا والمصيبه لازم آخذ العلاج انا وزوجى مضاد حيوى سألتها عن السبب قالتلى من الحمامات معن مافينى افرازات ولاحكه ولا احس بشى سبحانه الله
الله يفرجها يارب واعولى يكون هالشى خير على

موفقه حبيبتي

أنا كنت أراجع عندها وبصراحه تهبل وأنا بعد خذت مني 4 مسحات وطلعوا 3 التهابات وأنا بعد خذيت علاج أنا وزوجي بس 10 أيام والحمدالله حملت عقبها بس خليها تسويلج سونار تبويض عشان تشوف تبويضج زين وإلا لا

 

[$غــ(ز)ــل$]

الله يسهل اموورج ياارب
وان شااءالله تبشرينا بحملج

 

[قبيطه]

موفقه حبيبتي

أنا كنت أراجع عندها وبصراحه تهبل وأنا بعد خذت مني 4 مسحات وطلعوا 3 التهابات وأنا بعد خذيت علاج أنا وزوجي بس 10 أيام والحمدالله حملت عقبها بس خليها تسويلج سونار تبويض عشان تشوف تبويضج زين وإلا لا

الله يبشرج بالخير انشاء الله يارب احمل عقبها يصير خيره لى يارب

 

[ام مسااعد]

قبيطة حبيبتي ليش خايفة؟؟

توكلي على الله وشيماء تينن بمعنى الكلمة وايدها خفيفففففففففة وعقب بدخلونج على الدكتورة فوزية من غير ماتطلبين حتى!!


عسى الله يرزقنا بالذرية عاجلا غير آجل

موفقة

 

[هيونه الكويت]

الله يرزقج

انا عند نهله حاليا

 

[قلبي_طيب]

دكتورة شيماء اتهببببببل سوت لي كوي حق قرحة في عنق الرحم ايدها خفيفة ما حسيت ابشي كافي اسلوبها الحلو اللي يطمنج
و على فكرة كل الدكتورات اللي بالعياده اذا واجهتهم حالة صعبة لازم يستشيرون د.فوزية فيها و هالششي صار معاي
لان دكتورة شيماء شافت عندي كيس على المبيض و خذت عينات و قالتلي شنو علاجه
تخيلي دقت علي بعد ما خلص دوامهم و قالتلي انا واريت دكتورة فوزية السونار و قالتلها نفس طريقة العلاج و بالمراجعة الثانية ودتني عند دكتورة فوزية و سوتلي سونار باشراف دكتورة فوزيه
ادري قرقت وايد :wqedqw:
انشاء الله يرزقج بالتوائم و يرزق كل محروم

 

[قبيطه]

ام مساعد
هيونه الكويت
قلبى طيب
مشكورين ويزاكم الله خير والله انه كلامكم انتو والبنات يريح ويارب ترزقنى وترزق كل محرومه

 

[توست و زبده]

حبيبتي ما عندي فكره عن هالدكتوره بس حاابه ادعيلج ان الله يطمن قلبج و يرزقج بالذريه الصالحه
و يفرحج انتي و ريلج يااااا رب

 

[هوى الدار]

عسى الله يرزقج ويرزق كل محرومه

 

[منتصف الليل]

اهلين اختي انصحك بالاستغفار وكذالك بالسجودوادعي والله يرزقك بالتوئم ويرزق كل محروم يارب

 

[Dloool_q8]

الله يرزقج بتووم يارب