بعد عندي أسئله
-اذا استخدمت الكورس تطلع لي ريحه بالجسم ( ريحه الحلبه ) لاني بولادتين تلوع جبدي من نفسي وكل يوم اتسبح مرتين وامي تزفف فيني وأنا هالمره ناويه اتنفس ببيتي يعني ريلي بكون موجود ياربي شلون على الريحه ؟؟
جني قريت بأول الموضوع ان نقدر نبدل الحلبه بشي ثاني !!
-القهوه .. مادري اول مره اسمع بقهوه النفاس هي شي أساسي عمرها امي ماسوتلي اياها ولا احد من اهلي
-العصيده والقبوط واليريش يعني لازم ناكلهم بعد
انا بالنفاس ماحب هالسوالف كل اكلي مشاوي وحليب وسلطه والتزم بالحسو اول 10 ايام بعدين لهوم 20 يوم و5 ايام تمر ورشاد
وكل يوم بالليل اشرب شاي اعشاب معجزه الشفا مع عسول المستشفى وتحاميل أخر الايام وبس
والحين قاعده اسمع اشياء يديده عندج مثل القهوه والسفوف
-الادويه اللي تسوينها تشد منطقه عنق الرحم؟
لاني بالولاده اسوي عمليه تجميل ويصير من برا كل شي تمام بس بعد كم شهر يرد يصير طبيعي ابي شي يصك من داخل فيه؟؟
سوري سألت اسئله واااااااااااااااايد بس والله لاني تايهه وقاعده اقرا كل الصفحات وانا توني اهتم بهالأمور عشان الحمل
ومع كل اللي قلته
ابي كورس يفيدني 100% يعني قاعده اقولج مابي ومابي بس إذا نقص شي راح انظر
لا يبا ابي كل شي المهم استفيد
يا الله مشكووووره وما تكلمت الا لاني شفت ردودج على البنات بسعه صدر وطوله بال
