ادوية النفاس من جديد بالتفصيل الممل.... من خبيرة اعشاب

[خبيرة اعشاب]

نحلة

اكيد التغذية لها دور مهم في النفاس ..و ماشاء الله على الوالدة عسى الله يخليها لكم ان شاء الله

بس بالنسبة لموضوع الجفت رح اتكلم عنه بعدين ان شاء الله


و حياج تابعينا

 

[خبيرة اعشاب]

دنياك دنياي

اكيد اختي رح اتكلم بالتفصيل الممل عن كل الشغلات الي ذكرتها بس تابعيني

 

[Stylist]

الله يعطيج العافيه ام خالد
احنا بنات هالوقت ناقصتنا الخبره بهالسوالف

 

[Naa7Laa]

تسلمين حبيبتي

عساج عالقوه

وترا فكرتج وايد حلوه وتفيدينااااا

ومنكم نستفيد والله يعطيج الصحه والعافيه

 

[سعادتي برضى ربي]

شاي اعشاب : منظف فعال للرحم , يشد الاربطة الذاخلية للرحم بالاضافة الى البطانة ..., يعمل على شد عضلات المهبل , فعال لتفادي اندلاق البطن من بعد الولادة ...


ممكن اعرف شنو مكونات الشاي وين احصله

 

[سما الكويت]

متابعه يا ام خالد..

جزاج الله كل خير يا الغاليه..

 

[كويتيه وافتخر]

الله يعطيج العافيه

 

[خبيرة اعشاب]

ستايل ماله مثيل

حياج يا الغلا

 

[خبيرة اعشاب]

سعادتي برضا ربي حياج يا الغلا

بالنسبة لشاي الاعشاب رح اذكر مكوناته قريبا في الموضوع

 

[خبيرة اعشاب]

سما الكويت , كويتية و افتخر ...

حياكم الله

 

[خبيرة اعشاب]

يا ليت خواتي اي وحدة عندها اي سؤال او اضافات للموضوع اتحطه عشان يصير الموضوع متكامل

و جزاكم الله خير

 

[خبيرة اعشاب]

السلام عليكم

خواتي بالنسبة للهوم انا ذكرت المكونات الاساسية للهوم المعتمد في جميع المناطق سواءا في السعودية او الكويت او قطر ....الخ

و بالاضافة للمكونات هاذي الي تعتبر الاساسيات ..في اضافات تنضاف للهوم حسب

عادات كل منطقة ..و الاضافات هاذي طبعا يا اما اتكون مقوية كالمغات و الماش ...

او مدرة للحليب كعود الحلبة او الشومر ...

او لتدفئة الرحم كالخولنجان و الفلفل الاسود و الكبابة ....الخ

و لو بجي احط لهوم كل منطقة اظن ان الموضوع هذا ما رح يكفي ...لان المسالة

متشعبة جداااا

و كل منطقة لها طريقتها و عاداتها في استعمال اللهوم

مثلا عندنا في الكويت المتعارف عليه ان اللهوم يلهم لهم مع كوب حليب او ماء

و بعض مناطق السعودية يضيفونه الى عصيدة التمر المعروووفة ...او عصيدة البر و

يسمونه حسو ..

و هم بعد عندنا في الكويت يحطونه مع العصيدة بس ما يكون فيه فلفل و يضاف اليه

سكر نبات و يسمى اللهوم الحلو ...

و في المغرب يحضرون شرابا من الحليب و الرشاد و الحلبة و البيض ...



و لكن عموما اللهوم هذه هي مكوناته الاساسية التي لا بد ان تجتمع فيه و ان نقص

عنصر واحد منها فان فائدته ستضعف ... و يمكن اضافة اي عنصر من العناصر

الاضافية التي ذكرتها مسبقا لاضفاء نكهة او طبع خاص عليه او لزيادة فعاليته



هل يمكن الاستغناء عن الحلبة في اللهوم ؟؟؟

واجهت حالات كثيرة خلال عملي بادوية النفاس لا يرغبون في الحلبة مع اللهوم ..و

بامكاننا طبعا الاستغناء عن الحلبة بس شرط تعويضها بعنصر يماثلها في المفعول

و كما نعلم ان الحلبة : مدرة للحليب / مقوية / توصف لحالات الضعف و النقاهة /

فاتحة للشهية ...الخ

و الشئ الذي تتوافر فيه نفس خصائص الحلبة هو الرشاد + المغات

فبامكاننا الاستغناء عن الحلبة و تعويضها بكمية مماثلة من الرشاد و المغات المطحون و بالتالي لن تنقص من فائدة اللهوم او فعاليته ..

 

[BaskoOota]

مشكوره على هلموضوع الحلوه بس عندي جم سؤال
اول شي انا توني والده صارلي 5 ايام امي طبعا تعطيني على الريج كل يوم الحسو مع قلاص زعتر سؤالي لي متى وانا ااكل الحسو ؟
سؤال الثاني امي قالت لي انه اللهوم اعطيج اياه بعد ولادتي بسبوع هل هذا شي عادي ولا لا وليش ؟
وممكن توضحين جاي الاعشاب شنو ؟ انا الي اعرفه الزعتر امي تسويه تحط معاه عود دارسين مع ورقة جاي هل هذا نفس جاي الاعشاب ؟
وانتي تبيعينه جاهز ؟
وبغيت اشياء توخر البطن وتشده
وخلطات طبيعيه تبيض لانه جسمي بعد الولاده اخترب ويبيله اعادة ترميم
وشاكرين لج

 

[الاستاذة]

اي والله ياريت تعطينا اشياء توخر البطن والمناطق السوده
زابي اسال يقولون بالنفاس لازم اتنقع ابماي وملح وديتول ابيج تعلميني شلون ومتى ابدي اتنقع
ويزاج الله خير

 

[ام ربى]

حبيبتي خبيرة ليش بس 10 ايام يخترب و لا كافي لهوم 10 ايام؟
و اذا بضيف الشومر(حبة حلة صح؟) شكثر فنجان قهوة؟ و الحلب او المغات (القاه بالجمعية صح) هم فنجان قهوة؟ و حبيبت يابي حواج ثقة
ادري كثرت عليج الاسئلة ان شاء ماجوره من حنتنه

 

[خبيرة اعشاب]

BaskoOota

مرحبا

اختي كورس النفاس مو جذي ..راجعي اول الموضوع

عندج اول 10 ايام لازم اللهوم الي ذكرت طريقته في الموضوع بالاضافة للتمر و ايضا ممكن تاخذين شاي الاعشاب لتسكين المغص و حتى زين انه ينظف الرحم حيييييل بس لا تكثرين منه من بعد الولادة خلي المسالة بالتدريج
و ممكن بعد تاخذين الحسو الي هو اعشاب مطحونة تنضاف للشوربة او القبوط ...الخ بس ما تنشرب ويا زعتر وين جبتي السالفة هاذي ؟؟؟

ال10 ايام الثانية اتوقفين اللهوم تماما و تبتدين بالسفوف و شاي الاعشاب بانتظام و هذولي لتنظيف الرحم زييييييين
و شاي الاعشاب حق النفاس مو زعتر و دارسين طبعا انما فيه توليفة مركبة من الاعشاب الخاصة بتنظيف الرحم رح اذكرهم ان شاء الله في الموضوع و اكيد زين بعد حق البطن
طبعا مع تناول الحسو و التمر ...يعني على راحتج

خلال اخر 10 تستعملين بس الغسول قبل النوم

و هذا هو كورس النفاس الكاامل

و اكيد انا اسوي كورس النفاس الكااامل بس طبعا احتفظ لنفسي ببعض الاعشاب ايل استعملهم في خلطاتي حفاظا على الملكية الفكرية و ايضا لانها اصلا اغلبها مو متوفرة بالكويت و لتفاصيل اكثر الرجاء الاتصال على رقمي مسجل في التوقيع و بالنسبة لخلطات التبييض فعندي ايضا تشكيلة تناسب النفساء

و حياج

 

[خبيرة اعشاب]

الاستاذة

اختي ان شاء الله رح اذكر خلطات للتبييض مناسبة لفترة النفاس

اما الاعشاب لي توخر البطن فشاي الاعشاب الخاص بالنفاس مناسب جدا لاندلاق البطن

فقط تابعي الموضوع

و حياج

 

[خبيرة اعشاب]

ام ربى

هلا

اي حبيبتي من كل شي فنجان قهوة
الشومر هو الحبة الحلوة

المغات اكيد ما تلقينه في الجمعية

و بالنسبة لها الاعشاب تلقينهم عند كل الحواجين بالديرة ما عندي احد محدد

و حياج

 

[عسولة الكويت]

مشكورة الله يعطيج العافيه ام خالد ويجعله في ميزان حسناتج

ابي اسالج شنو مكونات السفوف وشلون استعماله ويامال العافيه يالغاليه

 

[خبيرة اعشاب]

عسولة الكويت :

حياج يا الغلا ان شاء الله رح اذكر المكونات قريبا و الطريقة

فقط تابعيني