ادوية النفاس من جديد بالتفصيل الممل.... من خبيرة اعشاب

[خبيرة اعشاب]

ترتر وزري​

توني اعرف انه اللهوم هو مو نفسه السفوف وانا كنت احسب انهم نفس الشي بس المسمي يختلف
ياليت تقولين لنا الفرق بينهم ومتي وقت كل وحده

هلا فيج

بالنسبة للسؤال اكيد حبيبتي السفوف مختلف تماما عن اللهوم و الفرق واضح في المكونات ايضا حيث ان اللهوم يحتوي بالاساس على اعشاب مقوية و مدرة للحليب كالحلبة و الحبو السودا و المغات ...الخ و استعماله في اول 10 ايام
بينما السفوف موجه بالاساس لتنظيف الرحم و شد الاربطة و ايضا ممتاز لتسكير عظام الحوض لانها تنفتح بالولادة ...

و اعشابه ايضا تختلف

و تحياتي :ceaf32e183:

 

[خبيرة اعشاب]

ام ربى​

حبيبتي ام خالد شلون انظف الاعشاب اغسلهم و انشرهم بالشمس؟(بالنسبة للادوية عموما)
و بالنسبة حق الكركم عندي بودر شكثر المقدار تقريبا؟(بالنسبة حق اللهوم)
وشكرا

مرحبا

حبيبتي الاعشاب ما تنغسل في كل الاحوال ..انما طريقة تنظيفها
بالنسبة للاعشاب الي على شكل بذور اول شي اتحطينهم في منخل حسب حجم البذور و تنخليهم فيه عشان يطيح التراب و الحصى بعدين اتحطينهم في صحن سيراميك ابيض و اتشيلين العيدان الصغيرة و الحصى و الشوائب عموما ...

ثم اتجيبين مقلاة او صاج ..بالنسبة لي انا احط فحم بالدوة و بعدين احط عليه الصاج و احمص فيه الاعشاب و بالطريقة هاذي توخرين كل الرطوبة الي فيها ...بس تقدرين اتحطينه على نار خفيفة حيييل عشان ما تنحرق الاعشاب مع التحريك المستمر طبعا لمدة دقيقتين او ياما تطله ريحة الاعشاب

بالنسبة للاعشاب الي على شكل اوراق هم بعد اتحطينهم في المنخل و تنخلينهم عشان يطيح التراب ثم اتحطينهم بصحن و اتشيلين الشوائب مثلا اذا في عيدان او حصى او اتشوفين عشبة شكلها مو اوكي ..اتشيلنها

طبعا بالنسبة للاعشاب الي على شكل اوراق في بعض الانواع تستعمل مع العيدان مالتها ...ففي الحالة هاذي ما اتشيليهم

و ان شاء الله رح احط لكم موضوع منفصل عن طريقة تنظيف الاعشاب و التاكد من جودتها في قسم التداوي بالاعشاب و الطب البديل ...

الكركم المستعمل في اللهوم كركم عدل مو مطحون حوالي 3 الى 4 عيدان و اتطقينهم بالنجر يعني يكون مكسر و كل كسرة تقريبا نص سانتي او اصغر ...


و تحياتي لج

 

[ام ربى]

مشكورة و ما تقصرين و عساج على القوة

 

[خبيرة اعشاب]

للرفع

 

[أم وجيه]

أم خالد ما قلتيلنا عن العناية عقب الولادة بالكلف والبلاوي السوده

 

[خبيرة اعشاب]

ان شاء الله ام وجيه رح اكتب لكم برنامج متكامل للعناية خلال فترة الحمل و النفاس

و مشكورة على مرورج

 

[ورد وكادي]

مرحبا أختي أم خالد حمدالله علي سلامتج ومبروك المولود بغيت أسألج عن المردود اذا كان له اسم ثاني عندج واهو مطحون وينحط مع الأكل وشكرا

 

[فرح العجرف]

للدورة كيف؟؟؟

يجزاك خير ياقلبي عالمجهود اللي تبذلينه


اختي لها ثلاث سنوات من ولدت وماتنفست عدل وزوجها مسافر صار له سنتين واتبي نظام للدوره الشهريه قبل رجوعه وانتي تعرفين مشاكل اللي ماتنفست .
يجزاك الله خير

 

[ترتر وزري]

مشكوره خبيره الاعشاب عالرد والتوضيح بين السفوف واللهوم

اعذريني .. هل تصير المرأه تستخدم لهوم وسفوق بالنفاس والدوره .. او واحد فيهم بس

والسوال الثاني

قهوه النفاس .. هي نفسها شاي الاعشاب .. او يختلف .. وسبب استخدام كل وحده

احس تخربطت افكاري ..

ومشكووووورة

 

[طنطن]

مشكورة ام خالد يا مال العافية و عسى ايديج ما تاكلها النار

 

[الفنر]

عفوا ام خالد
قلت ان المره ماتستعمل الحلبة الا عشر ايام بس

وبنفس الوقت قلت ان الحسو فيه حلبه والوحدة تستعمله مع اكلها شوربة مرقوقة00000
على طول الابعين
شلون؟؟؟؟؟؟؟؟؟؟؟؟

 

[أم حمودي]

يعطيج العافيه أم خالد

بس بغيت نظام لدورة الشهرية ماعليج امر

 

[mrs_sugar]

السلام عليكم

ام خالد شلونج

انا خذيت منج الكورس مال النفاس

كل الأدوية و الأغراض كان عليهم استيكرز ما عدا علبتين

ما عليهم شي

وحدة فيها بودر اصفر و الثانية اعشاب مدقوقة مو وايد ناعم

شنو هذول و اشلون استعملهم ؟؟

مشكورة​

 

[خبيرة اعشاب]

mrs_sugar

هلا فيج

سوري اكيد نسيت ما حطيت عليهم ستيكر ...العلبة الكبيرة هي مالت الحسو و الي اصغر منها هو اللهوم

و الحسو يستعمل مع الاكل

اما اللهةوم تلهمين منه ملعقة متوسطة مع كوب حليب دافي اول 10 ايام من النفاس

و تحياتي لج

 

[خبيرة اعشاب]

ورد وكادي

مرحبا
اختي المردود المطحون يمكن قصدج الحسو الي ينحط ويا الاكل

و تحياتي

 

[خبيرة اعشاب]

فرح العجرف​

مرحبا

بالنسبة اختي لبرنامج الدورة رح اذكره قريبا في الموضوع فور التفرغ

و بالنسبة للبرنامج الي اسويه انا ممكن تتصلين علي مباشرة رقمي 6142185
و تحياتي :hearting:

 

[خبيرة اعشاب]

ترتر وزري​

مشكوره خبيره الاعشاب عالرد والتوضيح بين السفوف واللهوم

اعذريني .. هل تصير المرأه تستخدم لهوم وسفوق بالنفاس والدوره .. او واحد فيهم بس

والسوال الثاني

قهوه النفاس .. هي نفسها شاي الاعشاب .. او يختلف .. وسبب استخدام كل وحده

احس تخربطت افكاري ..

هلا و الله

ايصير حبيبتي تستعملين سفوف و لهوم و قهوة ..الخ بالدورة بس جذي رح اتصير اعشاب واجد و اللهوم استعماله اختياري يعني مو ضروري
اما بالنفاس فالادوية هاذي تستعمل بالترتيب يعني حسب الايام

قهوة النفاس تختلف ماما عن شاي الاعشاب فالقهوة هي القهوة العادية بس مضاف اليها مجموعة من الاعشاب اما الشاي فنفس ما ذكرت بعض من مكوناته في الموضوع هو شاي اعشاب لتنظيف الارحام و الشد

و حياج الله :33_1185028183:

 

[om meshary]

مشكوره ما قصرتي

 

[خبيرة اعشاب]

الفنر​

عفوا ام خالد
قلت ان المره ماتستعمل الحلبة الا عشر ايام بس

وبنفس الوقت قلت ان الحسو فيه حلبه والوحدة تستعمله مع اكلها شوربة مرقوقة00000
على طول الابعين
شلون؟؟؟؟؟؟؟؟؟؟؟؟

هلا اختي

باول النفاس الحلبة رح تكون في اللهوم و في التمر و في الحسو يعني 3 اشياء كلهم فيهم حلبة فبالتالي رح تكون الجرعة كبيرة نوعا ما

بس ان بعد اول 10 ايام رح تكون فقط في الحسو و بكمية خفيفة ففي الحالة هاذي ما رح تضر ان شاء الله و عموما الحلبة ترى مو مضرة انما فقط تسبب انحباس للسوائل بالجسم اذا تم تناولها بشكل مستمر و ايضا بعد اليوم الخامس رح ايكون في شاي للاعشاب الي يساعد على تصريف السوائل بشكل افضل و ان شاء الله ما رح تسبب اي مشاكل صحية

و تحياتي لج

 

[خبيرة اعشاب]

أم حمودي​

ان شاء الله ام حمودي رح نكتب برنامج للدورة

:balo:

و تحياتي