ادوية النفاس من جديد بالتفصيل الممل.... من خبيرة اعشاب

[انثى لاخر قطره]

السلام عليكم وينكم بنات ووين ام خالد 4 ايام انشاءالله ان الكل تمام حبيت اسلم عليكم

 

[خبيرة اعشاب]

انثى لاخر قطره​

مرحبا

الغسول اختي تقدرين تستعملينه من آخر 10 ايام من النفاس او متى ما خف نزول الدم عليج

اما التحاميل فبعد شهر الى شهرين من النفاس تقدرين تستعملينهم و طبعا اقصد التحاميل العشبية مو الصيدلانية

و تحياتي

 

[خبيرة اعشاب]

توته القيروان​

ان شاء الله براسلج على الخاص

 

[انثى لاخر قطره]

هلا ام خالد انا كتبت لك عالخاص بخصوص دواء السمنه وبعض الاعشاب والمنتجات انتظر ردك يعطيك العافيه وانا اسال عن التحاميل والغسول من وقت الدوره لاني مو نفاس نسيت اوضح لك مشكوره اختي وماتقصرين

 

[خبيرة اعشاب]

انثى لاخر قطره

السلام عليكم

اختي بالنسبة لنظام الدورة تلقينه في الموضوع المثبت بقسم التداوي بالاعشاب و الطب البديل و هم بعد طريقة الاستعمال

الغسول حسب نوع غسولج و الاعشاب الي فيه ممكن تستعملينه من اول يوم او آخر يومين اذا كان غسول قابض

التحاميل ممكن آخر يومين بس اجمالا ما انصح بالتحاميل من الافضل غسول خارجي

و بالنسبة للخاص ما وصلني لاي رسالة منج

و تحياتي

 

[خبيرة اعشاب]

ChERuB​

حياج الله يا الغلا

بالنسبة للتحاميل انا ترى كاتبة وصفة بنفس الموضوع

و فايدتها انها اتضيق و اتنشف

و حياااج :tek:

 

[انثى لاخر قطره]

:tek: مشكوووره يالغلا

 

[خبيرة اعشاب]

حياج الله

 

[الهما]

ام خالد حبيبتي انا يتني الدورة بعد 5 ايام من طلعتي من الاربعين
و سامعه ان لازم اتنفس عدل ...
شلون اتنفس عدل يعني مثل الاربعين لهوم و جذيه
انا قاعده في بيت ريلي ما رحت حق اهلي و اكل الحسو كل صبح و المردود على الغدا و الرزنه الخضرا على العشا اللهوم بين الوجبات مع زعتر
بس انا ملاحظة ان الدم بني و خفيييييييييف يعني ليلة امي الفوطة الصحية نظيفة ما نزل علي شي طول الليل
طبيعي ؟؟؟؟ شسوي​

 

[خبيرة اعشاب]

الهما​

ممكن يكون نزول الدم بالشكل هذا طبيعي اذا رحمج نظيف و مو حاسة باي عوار

بس اجمالا اخذي عصيدة و حسو

و اكيد اختي باخت النفاس و حتى بالدورات الشهرية الي بعد النفاس استعملي اي ادوية عندج خصوصا شاي الاعشاب و اللهوم و الحسو و السفوف ..الخ

و طالعة من الشر يا الغالية

 

[nonowat ibi]

مشكورة حبيبتي بس ياليت تكتبين كل شيء وحاجاته بالتفصيل

 

[خبيرة اعشاب]

nonowat ibi​

اختي الموضوع شامل كل الوصفات الخاصة بالنفاس يا ليت اتراجعين الصفحات السابقة

و حياج الله ​

 

[q8-7b]

جزاج الله خير خبيره ياريت تساعدينا و مشكوووووووره

 

[خبيرة اعشاب]

هلا فيج حبيبتي و تفضلي اي سؤال حاضرين

 

[اثمان]

اختى ممكن سؤال انتى دارسه التداوى بالأعشاب؟

 

[خبيرة اعشاب]

اكيد اختي دارسة الاعشاب و خصائصها الكيمائية و موادها الفعالة بالاضافة الى دورة في تجميع الاعشاب و تجفيفها و تخزينها انما التداوي بالاعشاب مو بس يبي له دراسة انما تجربة و خبرة و اطلاع دائم لان كل يوم في دراسات جديدة

و تحياتي لج اختي

 

[خبيرة اعشاب]

تفتيح المناطق الداكنة و الجسم خلال النفاس : ​

بناءا على رغبة الاخوات ابعطيكم اروع خلطة لتفتيح الجسم بعد الولادة , و الخلطة هاذي للامانة مزيج من خلطة الاخت مزيونة و شقرة و ابتكاراتي الخاصة طبعا اختي ممكن تستعملينها كاملة او بعض المكونات حسب المتوفر عندج

الخلطة تتكون ( لاستعمال واحد فقط ) من الافضل اتسوينها في كل مرة لانها اولا اتكون فرش فالخلطة هاذي معرضة انها اتخرب بشكل كبير فمن الاحسن اتجهزينها في كل مرة

3 ملعقة كبيرة هردة سائلة

2 ملعقة كبيرة سنفرة مشمش

1 ملعقة كبيرة ملح يوكو اخضر

2 ملعقة كبيرة حليب بودرة

فنجان بيبي اويل جونسون

فنجان كولونيا او اسكينول

كمية كافية من ماء الورد للخلط

تقريبا ملعقة متوسطة من ماسك نوماركس ( حسب نوع بشرتج )

2 ملعقة كبيرة صابونة بابايا مبشورة

فنجان بودرة الداد

اتخلطين كل مكونات الطبخة ...و بعد ما تسبحين تدهنين فيها كل جسمج اتخلينها 5 دقايق بعدين جيبي الليفة و افركي كل جسمج حيل حيل ياما تطلع رغوة ..تشطفي عدل و نشفي جسمج و سيدا استعملي اي كريم مرطب عندج او جل جونسون للاطفال و ادعي لي ...


الخلطة تقريبا ممكن تستعملينها حتى 3 مرات بالاسبوع

و عن تجربة شخصية احس انها بديلة عن الحمام المغربي لان صراحة مع ها الحر الوحدة مالها خلق تفررك ..

ملاحظة : الي بشرتها دهنية ممكن تستعمل عصير الليمون بالخلطة
و الي بشرتها حساسة من الافضل ما تستعمل الكولونيا لان ممكن اتسوي لها بعض الاحمرار في الجلد افضل شي جربي حطي كولونيا شوي على جلدج مباشرة قبل استعمال الخلطة

ممكن تستعمل الخلطة للركب و الاكواع و اتلفينهم بنايلون و اتخلينه مدة 20 دقيقة لتفتيح لون الركب و الاكواع

و تحياتي

 

[الهما]

حبيبتي ام خالد شلونج و عساج على القوة
انا كتب لج من فترة اني توني طالعة من الاربعين و يتني الدورة و كان الدم خفيف و بعدين صب وااايد اكثر من النفاس بس مافي قطع دم الا شويي و نتف .... طبعا اناا متدفيه زيين و مع الادوية و الحسو بس ام خالد احس بشويه هوا يطلع لمن اقعد من غير صووت ياحسرتي معقوله خرراب......مع اني لمن طلعت من الاربعين كانت اموري تمام​

​

 

[كحيلة]

يعطيج العافية خبيرة يس مو كل شي بالنت مو زين انا حاطة موضوع بس الموضوع مو حقي عن حسو الكنادرة مو انا اللي اسوية انا اطلبة من وحدة واايد زين وعن تجربتي وتجربة اهلي كلهم وبعدين اسمها مواد طبيعية يعني اذا ما انفعت ما تضر والمرة اللي اشتري منها الحسو عاللة وعلى هالحسو وعندها معارف وايد ماشاللة بس مايصير تتكلمين عن اي احد وتذمين وتحذرين وما تدرين يمكن اللي عندها احسن من اللي عندج انتي ما شفتي بعينج حالات شروا من النت وصار فيهم شي والحمد للة المرة دقت علي تقول ان كل اللي جربوة نفعهم واايد ولو مو زين جان ما يردون يطلبون مرة ثانية واللة يوفق الجميع ويوفقج

 

[خبيرة اعشاب]

الهما​

السلام عليكم

اختي مو لازم يكون خراب , خروج الهواء من المهبل ممكن يكون ناتج ان رحمج مرتخي و مو مشدود عدل اذا مترافقة وياه اي افرازات ممكن تاخذين خلطة السفوف و شاي الاعشاب لمدة اسبوع

عندج بعد خلطة القهوة ممتازة للهوا جربيها