ادوية النفاس من جديد بالتفصيل الممل.... من خبيرة اعشاب

[خبيرة اعشاب]

كحيلة​

يعطيج العافية خبيرة يس مو كل شي بالنت مو زين انا حاطة موضوع بس الموضوع مو حقي عن حسو الكنادرة مو انا اللي اسوية انا اطلبة من وحدة واايد زين وعن تجربتي وتجربة اهلي كلهم وبعدين اسمها مواد طبيعية يعني اذا ما انفعت ما تضر والمرة اللي اشتري منها الحسو عاللة وعلى هالحسو وعندها معارف وايد ماشاللة بس مايصير تتكلمين عن اي احد وتذمين وتحذرين وما تدرين يمكن اللي عندها احسن من اللي عندج انتي ما شفتي بعينج حالات شروا من النت وصار فيهم شي والحمد للة المرة دقت علي تقول ان كل اللي جربوة نفعهم واايد ولو مو زين جان ما يردون يطلبون مرة ثانية واللة يوفق الجميع ويوفقج

السلام عليكم
اشكرج حبوبة على تدخلج , اول شي انا ما تكلمت عن ناس معينين ...و اكيد انا ما اعمم ان في حريم يبيعون خلطات و يسوون شغلات ممتازة و شغلهم مجررب ..بس في نفس الوقت في دخلاء على المجال هذا يا اما يقلدون خلطات معينة او يخلطون من كيفهم و يعطون لها الحريم ..و كلمة اعشاب ان ما نفعت ما تضر حطي تحتها مية خط ...الاعشاب تراها نفس الادوية الكيماوية و الي ما يعرف يتعامل ويا الاعشاب اكيد رح اتكون لها اضرار على المستخدم و ياما ناس جتهم امراض كلى و قولون و قرحة بالمعدة ...الخ بسبة خلطات و اعشاب مسويها انسان جاهل ...
طبعا ما اقصد خلطتج او اي وحدة في المنتدى لان في خلطات بالنت فعلا ما يقبلها عقل ....

و بالنسبة لشفتي بعينج حالات ..نعم و انا ما اتكلم من الفراغ و ياما بها المنتدى بنات تضرروا من خلطات حريم و تعالجوا عندي ..و بدون ذكر اسماء

و تحياتي لك اختي

 

[خبيرة اعشاب]

خلطة الهردة ...صورة :



و هذا سائل تقشير فلبيني ممتاز بعد اذا فيج اي حبوب صغيرة بالجسم تقدرين تستعملينه مباشرة او اتضيفين بعض القطرات الى الخلطة مالتج





و ان شاء الله لي عودة مع الخلطات وسوالف النفاس

 

[خوخة قطر]

مرحبا اختي

انا في اول اسبوع من الشهر الثامن وودي اخذ منج كورس النفاس لاني ماعندي خبرة كلش وهذي رابع ولادة لي ولاكنت اسوي اي شي من اللي يسونه الحريم في النفاس عشان جذي انا محتاجه هذي الاشياء وايد لاني احس نفسي خربانه فياليت ترسلين لي عالخاص الاشياء اللي احتاجها مع الاسعار والتوصيل لقطر وطبعا طريقة الاستخدام ماعليج امر اختي في انتظار ردج باسرع وقت

 

[خوخة قطر]

تسلمين اختي على الرد السريع بس اشلون بالنسبة للتحاميل ماحتاجهم بعد النفاس

وان شاءالله اول ماحول المبلغ راح اكلمج

 

[المياسهf]

جزاج الله خير

 

[pe-engineer]

يعطيج العافية وما تقصرين.....

بس آنا بغيت أسأل عن الخطوط الحمرا اللي تطلع بالحمال؟؟؟؟ بتروح ورى الولادة انشالله؟؟؟ وشلووون؟؟؟


ومشكورة

 

[خبيرة اعشاب]

خوخة قطر​

حياج الله اختي

بالنسبة للتحاميل ما اوصلهم بالبريد لان يبي لهم تبريد , و عموما اذا متنفسة عدل كوني متاكدة انج ما رح تحتاجين لا تحاميل و لا اي شي ثاني

تحياتي

 

[خبيرة اعشاب]

pe-engineer​

اختي بالنسبة للسترتش ماركس فصعب انها تروح بعد الولادة , ممكن اتخففينها باستعمال خلطة لسان البحر هاذي حيل اتخفف منها بس ما تختفي بشكل كامل , و الليزر هو احسن شي اتسوينه عشان اتوخرينهم 100%

عموما لتفادي ظهور الخطوط الحمراء خلال الحمل لابد من تطرية الجلد و استعمال كريمات مرطبة بكثرة ابتداءا من الشهر الخامس او جونسون بيبي اويل الي

الترطيب المستمر يساعد بشكل كبير في منع ظهور التشققات ...

و تحياتي لج اختي

 

[همس الغلا..]

مساء الخير اختي ام خالد

صراحه موضوعج وايد حلووو وانا بنص الثامن فحبيت اعرف سعر الكورس وسعر كل شغلة بروح في شي ثاني وحده من رفايجي استخدمت اعشاب من وحده وصراحه طلعت شي بالاربعين لانها سوتلها الاعشاب فيها شغلات تزيد الوزن واهي طلبت الشي هذا لانها كانت مثلي ضعيفه وايد عشان جذي بغيت اعرف اذا عندج الهوم هذا ولا لا

تحياتي لج

 

[خبيرة اعشاب]

همس الغلا..

ان شاء الله رح اكاتب على الخاص بالتفاصيل

بالنسبة للبرنامج اكيد هو على الطلب تبين البرنامج يمتن و لا يضعف

و اللهوم الي يمتن اكيد اسويه ( ربما رفيجتج مواخذته من عندي ) ..عموما الي يتغير بالبرنامج اللهوم / شاي الاعشاب / و خلطة التمر ينضاف لها كمية اكبر من المكسرات ..

و ممكن نفس برنامج النفاس اتضيفين عليه خلطة العسل لزيادة الزن لانها حيل اتساعد خلال فترة النفاس على زيادة الوزن

عموما لاي استفسارات رقمي بالتوقيع و حياج الله اختي

 

[همس الغلا..]

يعطيج العافيه اختي وناطره رسالتج على الخاص بخصوص الاسعار

تحياتي لج

 

[ملوكه]

مساء الخير
عادي النفاس تستخدم ديودرنت ولا باثر عليها!

 

[umsarona]

اختي يعني انتي تبيعين هذا الكورس والا شلون والله ما فهمت ؟؟؟؟

انا عندي اربع عيال ولا سويت ولا شي في نفاسي ابد !!!!!!!!! شالحل اقدر اسوي شي الحين ؟؟؟ انا مركبه اللولب الهرموني مرينا شرايج اختي ياريت تنصحيني بشي

 

[ديرتي الغاليه]

قوه :

بدخل عرض .........شنو الشمم؟أسبابه ؟ الوقايه منه وهل اللي ما فيها خياط تستشم ؟

وشنو افضل عطور لنفاس والبخور ؟

ولج الاجر

 

[خبيرة اعشاب]

ملوكه​

عادي حبيبتي بس تستعمله على طول بعد الولادة عشان ما تشم

 

[خبيرة اعشاب]

umsarona​

السلام عليكم

حبيبتي بالنسبة للبرنامج هذا انا ذاكرة كل المكونات بالتفصيل للي تبي اتجهزه و طبعا عندي برنامج اسويه حق النفاس باعشابي الخاصة و خلطاتي السرية ....

بالنسبة اذا تبين برنامج حاليا ممكن تستعملين برنامج الدورة الي هو : شاي اعشاب + سفوف + خلطة غسول + حسو

و حياج

 

[^مرايم^]

حبيبتي,, يا ريت تفاصيل كل شي على الخاص,, مع السعر يالغالية (تجهيز النفاس كامل)

و لو فيه شي ينظم الدورة ؟؟

 

[autointoxication]

الموضوع وايد مفيد بس ماشالله طويل مو قادرة اكمله

مشكورة عمري ما قصرتي

 

[خبيرة اعشاب]

مرايم

اختي كاتبتج على الخاص

 

[خبيرة اعشاب]

ديرتي الغاليه​

قوه :

بدخل عرض .........شنو الشمم؟أسبابه ؟ الوقايه منه وهل اللي ما فيها خياط تستشم ؟

وشنو افضل عطور لنفاس والبخور ؟

ولج الاجر

هلا

اختي الشمم هو التهاب الخياط و الجرح

للوقاية من الشمم ممكن بعد الولادة تتعطرين بانواع مختلفة من العطور القوية او دهن العود / او اتشمين مرة او تتبخرين بكمون و قشر بصل

ايضا استعمال مرهم الصبرة و زيت الزيتون للجرح مفيد للشمم

بالنسبة لافضل عطور للنفاس , من الافضل النفاس ما تتعطر و ان تعطرت اتكون عطور طبيعية خفيفة
لان اولا العطور مو زينة على البيبي لذلك من الافضل اتكون عطوراتها خفيفة ( لوشن مثلا او بودرة معطرة )

و تحياتي