ادوية النفاس من جديد بالتفصيل الممل.... من خبيرة اعشاب

[عبـــير]

مرحبا أختي خبيرة أعشاب ....
بغيت أقولج أني جمعت أعشاب الكورس ... عادي أسويه بروحي ولا لأ ...
ومتى أطحن الأعشاب قبل التاسع ولا بعد ما أدخل التاسع ... علما أني بآخر الثامن ...
وفي كم من عشبة ما لقيتها وهي :

عنب الدب
فرسيون ابيض
ارقطيون
اذريون
لاميون
ورق جوز
رزنة
شيبة
بذور لفت

وهل لها أي اسم ثاني ....

وبالنسبة لقهوة النفاس فيها عرق هيل ..... هل هو الهيل نفسه ولا لأ ؟؟؟
وممكن أحط قهوة وقشر قهوة بدون قهوة شعير .. في قهوة النفاس ...

ومشكورة كثير تعبتك معاي ...........

 

[عبـــير]

مرحبا أختي خبيرة أعشاب ....
بغيت أقولج أني جمعت أعشاب الكورس ... عادي أسويه بروحي ولا لأ ...
ومتى أطحن الأعشاب قبل التاسع ولا بعد ما أدخل التاسع ... علما أني بآخر الثامن ...
وفي كم من عشبة ما لقيتها وهي :

عنب الدب
فرسيون ابيض
ارقطيون
اذريون
لاميون
ورق جوز
رزنة
شيبة
بذور لفت

وهل لها أي اسم ثاني ....

وبالنسبة لقهوة النفاس فيها عرق هيل ..... هل هو الهيل نفسه ولا لأ ؟؟؟
وممكن أحط قهوة وقشر قهوة بدون قهوة شعير .. في قهوة النفاس ...

ومشكورة كثير تعبتك معاي ...........

خبيرة أعشاب ووووووووينج اتتظر ردك .....

 

[الاسطورة]

الله يعطيج العافيه على هالموضوع الروعه
والله يجعله بميزان حسناتج

ولي حملت انشالله راح استعين بخلطاتج العجيبه

 

[خبيرة اعشاب]

عبـــير​

مرحبا


حبيبتي بالنسبة للاعشاب الي ذكرتيهم عاد اعشاب اساسية و مهمة في البرنامج حاولي اتدورينهم و هاذي اسمائهم المعروفة


و تحياتي:tek:

 

[خبيرة اعشاب]

وبالنسبة لقهوة النفاس فيها عرق هيل ..... هل هو الهيل نفسه ولا لأ ؟؟؟
وممكن أحط قهوة وقشر قهوة بدون قهوة شعير .. في قهوة النفاس ...

هلا

عرق الهيل مو الهيل طبعا هاذي شبة شكلها نفس الخولنجان تقريبا

و ممكن تستعملين بس قشر القهوة في قهوة النفاس

و تحياتي

الاسطورة​

اشكر مرورج يا الغلا

 

[! بنت العاشره !]

جزاج الله كل خير على الموضوع

 

[خبيرة اعشاب]

اشكرج حبيبتي

 

[تختوخه بس قشطه]

الله يعطيج العافيه والصحه ان شالله ....

ام خالد بغيت اسالج عن حواى او العطار زين ومضمووووون شغله ويكوون نظيف نفس الوقت انتى ذكرتى اول انه فى عطار الى بجهرا او الى فى الاندلس انا الى اعرفه فى الاندلس صووب الجمعييه وفى ثانى بعد انتى تنصحين بمنووووووو اكثر الاحسن ان شالله ويكووووون الادويه كلها موجوده عنده ؟؟؟.


وشنووووووووو الاكلااااااات الممنوعه عن النفاس بعد انا الى اعرفه البرتقال والخيار _الملوخيه _ الباميه الاشياء الحامضه الروب ...

عدل ولا فى اشياء زيااده بعد ؟؟


وسامحينا على كثرة الاسئله...:eh_s(8):​

 

[عبـــير]

عندي سؤال ثاني ...
عرق الهيل هل هو الخولنجان نفسه ولا لأ ؟؟
وبقهوة النفاس أحط بس قشر قهوة ... أنا أبي أحط الربع قهوة والثلاث أرباع قشر قهوة يصير ولا لأ ؟؟
واعذريــــــــــــــــــــــــــــــــــــــــــــني أزعجتك بأسئلتي ....

 

[لازانيا]

يعطيك العافيه حبيبتي

لو سمحتي عندي استفسار

أنا أظطر استعمل الدرج ( ارقى وانزل ) وانا نفاس مو واجد تعرفين بيت ومسؤليه وضيوف

مع العلم اني احاول اكون بطيئة وبشووووييييش على قد ما اقدر

هل هذا ياثر علي؟

وسؤال ثاني الحين الخيوط انا دايما اتنقع يوميا بماي دافي وملح خشن لمدة عشر دقايق والحمدلله ارتاح عليه

واليوم اللي انسى اتنقع فيه اتعب مررره من الخياطه وتطيح بسرعه يعني تقريبا 9 او 10 ايام

طريقتي صح؟ وتغني عن الغسول او لا؟ يعني استعملها مع الغسول؟


بانتظارك .....​

 

[لازانيا]

وبعد عندي سؤال ثالث

معروف عند ناس عندنا في السعوديه خاصة البدو

ان الوحده ماتشرب ماي اول عشر ايام الا كاس بس اذا اظطرت

السبب علشان مايطلع لها كرش

وناس مجربينه ويقولون فعلا يفرق

وشرايك له علاقه انا وحده ما اصبر عن الماي خصوصا وقت ما ارضع

تتوقعن ما ياثر نقص الماي؟

اخاف اشرب و يزيد الكرش عندي

شالحل؟​

 

[خبيرة اعشاب]

تختوخه بس قشطه​

هلا

اختي صراحة ما اقدر احدد لج حواج بعينه لان صراحة السالفة هاذي سببت لي احراج مع بعض البنات بالمنتدى اني يوم وصفت لهم حواج و ما لقوا الاغراض عنده , قاموا يقولون اي انتي ضيعتينا عشان نشتري منج و انا للاشارة اختي ما اتعامل ويا حواجين لاني اعشابي اجيبهم من المصادر مباشرة فبالتالي ما اقدر افيدج بالنقطة هاذي

الي اذكره في حواج بالجهرا اسمه بو مبارك يم البنك الوطني و في حواج جمية الاندلس يمدحونه البنات بالنت

و بالنسبة للاكل الممنوع بالنفاس : الباميا- الملوخية - الطبخات الدهنية و الثقيلة - المثلجات - العصائر الباردة و لا ضرر من شرب العصير اذا كان في درجة حرارة الغرفة - من الافضل تجنب العيش خصوصا اول 20 يوم - شرب السوائل على بطن فاضية يعني لازم تاكلين و بعدين تشربين سوائل - تجنبي الاكل على غير معنى و اكلي الشي الي ينفعج - الاكثار من الخضار , الحليب الطازج مفيد للنفاس المرضع و ايضا في الموضوع حطيت طريقة المرقوق و العصيدة و الشوربة

و تحياتي

 

[لازانيا]

للرفع

 

[خبيرة اعشاب]

عبـــير​

عرق الهيل اختي مو هو الخولنجان يشابهه ( عرق الهيل شكله اقرب الى القسط و الخولنجان لونه احمر ترابي و طعمه فيه حرارة )

و بالنسبة للقهوة عادي اخلطيها على راحتج :tek:

 

[خبيرة اعشاب]

لازانيا​

يعطيك العافيه حبيبتي

لو سمحتي عندي استفسار

أنا أظطر استعمل الدرج ( ارقى وانزل ) وانا نفاس مو واجد تعرفين بيت ومسؤليه وضيوف

مع العلم اني احاول اكون بطيئة وبشووووييييش على قد ما اقدر

هل هذا ياثر علي؟

وسؤال ثاني الحين الخيوط انا دايما اتنقع يوميا بماي دافي وملح خشن لمدة عشر دقايق والحمدلله ارتاح عليه

واليوم اللي انسى اتنقع فيه اتعب مررره من الخياطه وتطيح بسرعه يعني تقريبا 9 او 10 ايام

طريقتي صح؟ وتغني عن الغسول او لا؟ يعني استعملها مع الغسول؟

السلام عليكم

اختي اول اسبوع من النفاس لازم راحة تامة و لا تتحركين او تشتغلين مهما حسيتي ان فيج قدرة على الشغل ...

بعد الاسبوع ممكن تتحركين بس بشكل خفيف و الدرج ممكن تصعدينه شوي شوي مع انه مو زين للرحم لان في بعض الحالات يتسبب بميلان الرحم

طريقتج للخياط زينة و انا دايما انصح فيها و هي ممتازة اول ايام و لكنها لا تغني عن الغسول الطبي او الغسول العشبي الكامل

غسول الاعشاب يستعمل آخر 10 ايام من النفاس

و تحياتي

 

[تختوخه بس قشطه]

جزاج الله الخيرررررررر وفيتى وكفيتى​

:eh_s(8):

 

[abaliabal]

السلام عليكم اختي الخبيرة
بصراحة انا صارلي متزوجة الحين 11 شهر وما حملت لانه طلع فيني قرحة وزوجي صار ينزل منه ماي اصفر واخذ علاجات من الدكاترة لين قال بس والله هاداه لدكتور زين والحمد لله الحين بدى يتحسن و
انا قبل دورتين اكتشفت القرحة وودي اعرف هل صحيح اهي منها سبب مرض ريلي؟
وبعد ما سويت كي
تأخرت الدورة علي 5 ايام
والدورة اللي وراها تاخرت 7 ايام وسويت تحليل طلع الايجابي ضعيف
قومي يا حلوة يا حضرتي
لبسي كعب وامشي بالسوق
وبيالليل نزل دم وطاح
دقيت على عشابة صارلها 41 سنة اعلرفها شخصيا قالتلي انتي تعورتي شربي دوى الدورة
وعقبها اكلي حلبه ليما الدورة اللي وراها
وانصحوني اييب ردادة
يبت
ومع العلم عندي فقرة في الجهة الخلفية للرحم وبدون ما تسد شي ورحمي مايل لليسار((هذا بالسونار الداخلي))
والردادة افحصتني وقالت رحمج نازل
ودلكتني وبخرتني ولفتني بيوم واحد وقالتلي
_شربي كمون خمس قلاصات ليما المغرب وزنجبيل بالليل وقرص قمر ((قفشة شاي صغيرة)) عالغدا
_لمدة عشرة ايام
_كل هذا وما حسيت بشي
ولما اكلت الحلبة ارتحت

بعد هذا كلة الورة ما يت ((ما هل موعدها)) بس انصحيني شسوي؟؟
وسؤال هل ترد القرحة مرة ثانية بفترة قصيرة؟؟؟؟؟
افيدين افادكم الله الله يوفقج ويسهلج؟؟؟؟ امين

 

[عبـــير]

بالنسبة للخولنجان هذا هو ولا لأ ؟؟؟

http://www.uni-graz.at/~katzer/pictures/alpi_04.jpg

ورجل الأسد جاي شكلها مثل أعواد الخشب ....صح ولا لأ ؟؟ أنا على بالي ورق ....

والشيبة هل هي الشبت ... وإذا كان هو ... فأي جزء يستخدم البذور ولا الورق ؟؟

هذي البذور

وهذا الورق

بالنسبة للمغات والرزنة وبذور اللفت .... ممكن تحطين صورتها .. أو توصفين شكلها

 

[الجووورى]

واللى يعافيج ام خالد ابى اعرف سعر الكورس وابى اعرف ليش انى ماسويت ولا شى بانفاسى ليش ماكان عندى احد انا امارتيه ومتزوجه هنى وصج ولا شى اكثر من الدارسين ماشربت واحس رحمى صج اخترب اضافه انى وايد احس بوجود ماى ورحمى توسع وايد اضافه لوجود هوا ووايد شغلات يطول شرحها عندى اثنين واجهضت فى ياهل
وابى حل مع الدوا وشلون طريقته وشلوون يرجع رحمى نفس اول وابى شى للتضييييق ولتفتيح المناطق الحساسه وياليتى تشرحيلى بالتفصيل على الخاص مع الاسعار وقريت انه البرنامج يكووون مع الدوره لمده ثلاث دورات وارجو سرعه الرد واللى يسلمج

 

[Bashayer]

مرحبا أم خالد ولا عليج امر دزيلي سعر الكورس على الخاص
إذا بغيت أطلب يمدي تجهزينا أنا ألحين بآخر الثامن