اذا المشرفه اجحدتج شنو تسوين ؟؟؟؟؟؟؟؟؟

[فرحه ولكن؟]

السلام عليكم
انا مريت في موقف سخيف من المشرفه
تخيلوا بنات اني موريه المشرفه تحضيري وهي موقعه عليها وما فيه شئ التحضير ولما ادخلت على الموجهه انقدتني بسبب ان الاهداف غلط والمشرفة ماتكلمت ولا قالت شئ وكانت ردة فعلي ان على طرف الساني ابي اعلم عليها وبعدين خفت وهي ولا همها اطالع بالدفتر .

 

[*أم*خالد*]

صارت فيني جدام الموجهة .. طلعت اهيه ناسيه وانا ذكرتها
تبين الصراحه وبدون زعل .. انتي الغلطانه ليش تسكتين عن حقج

 

[عبق الورد]

صارت فيني بس احتراما لمشرفتي سكت .. والمشرفه قدرت هالشيء
وعلى فكره الموجهه ما تحب احد يناقشها والا يقطع كلامها يعني بالمختصر خل تتفلسف على راحتها هههههههههههههههههه وصدقيني راح تنسى الموضوع بس اذا رديتي راح تصير بلبله وراح تحطج براسها .. واذا انتي جديده ما راح تسميج الا الابله اللي ردت علي ههههههههههههههههههه

 

[فرحه ولكن؟]

شكرا لكم على الردود الجميله حبيبتي يا ام خالد مابينا زعل كلنا خوات بس صج انا مع عبق الورد اذا رديت عليها تبي تحطني في بالها والمشرفة ربي حسيبها :eh_s(1):
ثااااااااااااانكس

انتظر ردود البنات

 

[* شروق*]

مفروض متكلمه وقايله للموجهه انا صارلي نفس الموقف قامت الموجهه تنقدني بالاهداف قلت لها انا وريت المشرفه اهدافي ووافقت عليها
هنيه انحرجت المشرفه وتكلمت قامت الموجهه ترقع بالكلام
نصيحه لاتسكين عن حقج بسهم ظلم

 

[ArEEj]

اهي اصلا دام وقعت عليها
يعنى موافقه عليها

عادي طنشي بتشوفين العجب العجاب من الموجهات
ينقدون لمجرد النقد فقط

 

[nero]

توقيعها راح يكون موجود على الدفتر واهي تتحمل
واكيد الموجهه تدري ان احنا اسبوعيا الدفاتر نوديها عند المشرفه .. يعني الغلط مو مني اذا في احد يراجع وراي المفروض يكتشف
ومافيها شي لما اقول المشرفه شايفه الاهداف وموافقه عليها .. ماقلت شي غلط ولا تبليت عليها وجل من لا يسهو

 

[أوركيد]

شكثر تصير هالسالفة بالروضة ...المشرفات يختلفون من وحده لي الثانيه بعضهم شخصيتها قويه وتحاجج الموجهه وتناقشها بأهدافها

والبعض تنسحب وتقطها براس المعلمة

بس آنا ابين وجهة نظري بدون تجريح بمشرفتي ..

 

[بقايا همس]

تصير والله مثل هالشغلااااااااات..........

 

[*أم*خالد*]

عزيزه وغاليه عبق الورد

عن نفسي اتكلم واقول عادي باحترام وبرسميه حيل
واذا ماعجبهم كلامي .. أمشي كلامهم

وبس

 

[الوفا طبعي..]

لو متكلمه انتي
ماظن بتقدر تتجرا تسوي شي مره ثانيه
مثل هالشي
صح او غلطانه
لاتسكتين عن حقج
لاتخافين من اي احد غير ربج
تحياتي لج غلايه

 

[فرحه ولكن؟]

مشكوره الوفاء طبعي على المرور بس برياض الاطفال يعتبرون المجادله المناقشه قلة ادب ويحطون عليج يعني بدال لا تدخل عليج في الاسبوع مرة وحده تدخل عليج 3 او 4 مرات اجنن جذيه اسلوب المشرفات

 

[*أم*خالد*]

فرحة ولكن

انتي مقدمه درسج مقدمته بكل الأحوال سواء دشت ولا لأ

سواء دشت او مادشت طاف

 

[أم^سعد]

الصرااااااااااااااااااااااااااااااااااااااحه


المفروض ماتسكتين عن حقج ابد بالذات برياض الاطفال لازم يصير لسانج بسبع شطرااااات بس بالحق طبعا عشان شنو ينحسبلج الف حساب بالروضه وحتى المشرفه تحطج فبالها باي تصرف تفكر تسويه يعني الموجهه لازم تكون على بينه حتى عشان المدرسات رفيجاتج لما ينحطون بهالموقف يكون عندها خبر بحركات المشرفه و قوي قلبج




نصيحه اخيره اكسبي الناظره ترى اهيا راس المال )))))))))))

 

[moody-q8]

السلاااااااااااااام عليكم


قلبي وعمري يااافرحه ولكن

خليني اشرح لج الموضوع اللي صار لج مع العلم اني ماحضرته لكن فاهمته عدل

اول شي انتي حطيتي اهداف ومشرفتج وقعت عليه وشافته يعني كل شي اوكي

لكن انتي ماتدرين ان اللي يحصل بكل مره التغيير بآرااء الموجهات والله يعين المشرفه اللي يفتررر راسها من كثر التوجيهات اللي عليها

يعني هالسنه هالهدف اوكي وتكون الموجهه حاضره لج ومااادحتج والسنه الجايه حطي نفس الاهداف تجي موجهه ثانيه تقولج شنو هالاغلاط مايصيييير جذيه كل شغلكم غلط وتبي تسوي روحها هي اللي تعدل الاوضاع

واحياانا ماتتغير الموجهه لكن ارااءها تتغير واحيانا بعض الموجهات الله يهديهم لما ماتلقى بالدرس شي تحاول تدوور شي عشان ماتقول انا يالموجهه دشيت ولاقدرت اوجهها او افيدها بشي

ومشرفتج اكيد بدون اي كلام منج صدقيني راح تكلم الموجهه وتناقشها بالاهداف لكن بينهم وبين بعض مايصير جدامج واكيد الموجهه تدري ان المشرفه موافقتج الراي يعني اذا كان الهدف فعلا ماينترقع وواضح الغلط فيه صدقيني راح ينكتب نقد للمشرفه قبل لاينكتب عليج
يعني مثل مالموجهه تنقد المعلمات وقت حضور الدرس ترى المشرفه تحاتي كل درس من دروس معلماتها وقت حضور الموجهه

بعدين حبيبتي لاتتضايقين من نقد الموجهه لج مايعتبر انه نقص او تقليل بقدراتج الفنيه صدقيني لها دخله ثانيه واول وتالي راح تاخذ راي مشرفتج والناظره عن آدائج الفني لان هم ادري بمستواج

 

[ms. hana]

موفقين

 

[فرحه ولكن؟]

مشكورين على المشاركة الفعاله وتحياتي للجميع وتمنياتي للجميع بالتوفيق