اذا ام زوجك قالت لك كلمه تجرحك قدام الناس .وش يكون موقفك ؟

[طيبه111]

السلام عليكم ....
هذا الله يسلمكم امس ماعرفت انام ولما نمت بالغصب قمت كأن علي صدري حصاه ....كنا عند ام زوجي مع بناتها مثل كل اسبوع وهي الله يهديها من الناس اللي ماتراعي شعور احد ترمي الكلام كذا....مادريت الا اللي تلتفت لي وتقول (وش فيك اسوديتي )قدام بناتها ....(اناولله الحمدوما شاء الله حامل بعد رحله علاج طويله )..اللي اعرفه ان كل الحوامل يسمرون ويتغيرون في فتره الحمل وهذا كل الناس تعرفه طبعا الاام زوجي .....انا ذيك الحزه كأن احد معطيني كف ماعرفت ارد المشكله ان بنتها جلست تسولف وتظحك بصوت عالي كأنها تتشمت فيني ...المشكله رجعت تقوللي هذا وانتي ماتطلعين في الشمس ....انا من النوع اللي مااحب ااذي احد اواقول اي كلمه تجرح احد حتي للعيال الصغار فما عرفت ايش اقول ...المشكله اني ماحسيت اني اسمريت بالعكس انا حنطيه بس يمكن رقبتي وصدري سمر شوي وانا ولله الحمد مثل بناتها واحلي منهم جسم ماأدري متي بتتركني في حالي (لا وانا ماحملت سالمه منها وكلامها اللي يجرح ذيك حملت وذيك ولدت الله يخلف علينا ولا يوم حملت سلمت )
صح انا بعدها جا في بالي ردود كثيره مثل (هذا اللي الله عطاني ) او (مادريتي انها موضه ) بس بعد ايش خلاص ماعاد ينفع ..:0bee2e8d89:
اذا كنتي مكاني ايش راح تسوين ؟

 

[البنفسج]

..



هدي بالج ياقلبي .. وعذريها .. ترى الحريم الكبار عليهم تعليقات وقحه وهم مايقصدونها !..

ومايعرفون يثنونها .. يمكن هي صج استغربت انج غمجتي شوي .. والكلمه اطلعت منها بسرعه ..

أنا طبعاً ماعرفها .. هي خالتج وإنتي أدرى قالتها على نيه أو بخباثه ..

بكلا الحالتين لا تظايقين روحج .. "99%" من الحوامل مفاصلهم ورقابهم تصير غامجه ..

وترى هذا شي طبيعي حيييييييل .. وبعد النفاس يردون مثل قبل ..

أنا لو منج أبتسم وأقول لها .. " ظناكم اللي فبطني سمرني !.." .. خذيها على ضحك ..

لو خذيتيها بحساسيه انتي اللي بيعورج قلبج وهي مادرت ..

أو اذا قالتها بوقاحه ونزره أو طنازه .. قولي لها بذن الله بعد الولاده أرد أحسن ..

أنا أقدر أقولج لاسنيها أو ردي عليها بجرأه .. بس والله مو حلوه بحقج .. هي مره أكبر منج ولزوم تحترمينها

والله لا رديتي بأدب بتنقدينها على نفسها .. لأنج أصغر منها ورديتي عدل ..

لا تزعلين نفسج ياقلبي ولا شي .. وأنا حاسه فيج .. وطبيعي نفسيتج تتأثر بسرعه .. طوفي ياقلبي ..

 

[ام الدرر]

ياقلبي انا عن نفسي ممكن ازعل وقتها بس عقب انسى وادعي ربي يهديها
كنت اول وايد اتحسس من كلام اهل زوجي وحركاتهم واتعب من كثر ما احسهم يراقبوني وين راحت شنو شرت شنو سوت لدرجة قمت اخاف اتكلم عن اي شي
عقب قمت ادعي بصلاتي ((اللهم اشغلهم بانفسهم عني واشغلني بطاعتك وعبادتك )
والله اني الحين الحمدلله والفضل والمنه ماصاروا يتدخلون بحياتي وقمت اقول كل شي اسويه بدون خوف وتصدقين صارت ام زوجي اقرب لي من اول وصرت احسبها مثل امي
لاتدققين على كل كلمه تقولها انتي بنفسج تقولين(ماتراعي شعور احد وترمي الكلام)
احيان حتى امهاتنا تطلع منهم كلمه تجرح
احسني الظن ياقلبي ورددي دايما ((اللهم اكفنيهم بما شئت))

وعسى ربي يرزقج الذرية الصالحه​

 

[Toys Planet]

انتي صايره وايد حساسه عشانج حامل ،، ولا عادي السواد والجكر بالحمال

افضل رد السكوت او انج تقوليلها كله من النتفه الي ابطني وتضحكين ،، وبالاخير كل شي يهون عشان عيونه

الله يثبته لج ياربي ويجعله من الذريه الصالحه

 

[• قلبه نصيبي •]

..



هدي بالج ياقلبي .. وعذريها .. ترى الحريم الكبار عليهم تعليقات وقحه وهم مايقصدونها !..

ومايعرفون يثنونها .. يمكن هي صج استغربت انج غمجتي شوي .. والكلمه اطلعت منها بسرعه ..

أنا طبعاً ماعرفها .. هي خالتج وإنتي أدرى قالتها على نيه أو بخباثه ..

بكلا الحالتين لا تظايقين روحج .. "99%" من الحوامل مفاصلهم ورقابهم تصير غامجه ..

وترى هذا شي طبيعي حيييييييل .. وبعد النفاس يردون مثل قبل ..

أنا لو منج أبتسم وأقول لها .. " ظناكم اللي فبطني سمرني !.." .. خذيها على ضحك ..

لو خذيتيها بحساسيه انتي اللي بيعورج قلبج وهي مادرت ..

أو اذا قالتها بوقاحه ونزره أو طنازه .. قولي لها بذن الله بعد الولاده أرد أحسن ..

أنا أقدر أقولج لاسنيها أو ردي عليها بجرأه .. بس والله مو حلوه بحقج .. هي مره أكبر منج ولزوم تحترمينها

والله لا رديتي بأدب بتنقدينها على نفسها .. لأنج أصغر منها ورديتي عدل ..

لا تزعلين نفسج ياقلبي ولا شي .. وأنا حاسه فيج .. وطبيعي نفسيتج تتأثر بسرعه .. طوفي ياقلبي ..

:ggdw::ggdw:

ياسلام عليييج

 

[alb7ranya17]

طاف انا ماقمت ارد على احد انا واثقه من روحي خلاص مو ضروري راي خالتي او غيرها ولا تزعلين روحج حبيبتي

 

[نور 55]

خالتك صراحه ماعندها سالفه انطرت لما تجمعوا بناتها قطت الحجوه نسينا ماكلينا يعنى اهيا يوم حامل بلمليقات اللى عندها ويتكركرون ماسودت شايفه نفسها شقراء حكرى وطنشى باجر لا قمتى بالسلامه تردين حلوه واحسن من اول ماخذوج

 

[شموخ ومهابه]

حبيبتي طنشي ولا تهمج

الزم ماعليج نفسك وحملج وزوجج

انا تعودت عادي مع ان موقاصرني بس اذا شافتني توب وابهرت الموجودين احترت وعصبت وتقط علي كلمه تخليني اقوم من المكان كله

وانا طبيعتي ماارد على اللي اكبر مني وكنت احتر وموت بس الحين اذا شفتها جذيه استانس اعرف انها سامعه عني اخبار حلوة

وكافي ان زوجي يقوللي لا تاخذين على كلامها اهي جذيه

 

[غنج بدويـه]

ان سكتي انقهرتي واستقووا عليج..
وان تكلمتي ورديتي كلوج..
وكلي امرج لربي وهذي عجوز ماعليها شرهه

 

[ضحكتي هيبة بكاي]

انا مكانج ابتسم وآصد عنها الصوب الثاني

بهالحالة اكون وصلت لها شيئين إني واثقة من نفسي وماهتميت بكلامها

والإبتسامه لوحدها كفاية في انها ترفع ضغط وتكون رد أبلغ من ألف كلمة

 

[طيبه111]

اشكر كل اللي ردوا علي الله يريح بالكم مثل ماريحتوني
عموما الان احسن لاني قلت لعله خير ان شاء الله لي اجر اذا تحملتها وكلامها
واهي يمكن تدخل في قول الله تعالي (ان الذين يؤذون المؤمنين والمؤمنات بغير ما أكتسبوا فقد احتملوا بهتانا واثما مبينا )
نسأل الله العافيه والله يهديها
بس انا ندمت اني قلت لزوجي لما رجعت للبيت لاني كنت في حاله صعبه ..صح هو جلس يضحك ويقول ما عليك منها هي كذا حتي معي (بس انا خايفه اني انقص في عينه ويقول والله يمكن كلام امي صح )

 

[عطـور]

وسعي صدرك ولا تضاااايقين
الجماااااااااال والبياض جمال وبياض القلب والروووح
دخلي الكلام من جهة وخرجية من جه ولا تهتمــــــي مررررررة ياقمر

 

[بيرشكا]

ههههههه ياحلوك .. طنشي حبيبتي .. ترا والله الحساس يتعببببببببب

خذيها بحسن نية .. او قولي لنفسك هاذي غيرانة مني .. بعدين مره عجوز مسكينه ..

وهذا دافع لك عشان بعد الولادة تهتمين بنفسك وتكسرين عيونهم

 

[qswa]

بقولها مشكوره خالتي ماقصرتي هذا من طيب اصلج والله
وجذي راح تموت من القهر لووووووول جربي وتشوفين

 

[المكسيكيه]

وسعي صدرج اختي
عادي سمعيها وابتسمي وقولي لها ان شاء الله خالتي
الحريم الكبار يبي منو يسايرهم ويمدح فيهم ويقولهم على امرج ومن هل الحجي

 

[Ibtisama]

والله مادري انا احس الموقف مو مستاهل كل هالزعل و خصوصا انها مره كبيره والله ما ينزعل منهم الحريم الكبار

اما حماتج المفروض ما تضحك عليج بصوت عالي .. ادعي الله يهديها لأن ما يسوي الحركه هذي غير المحتره .. طنشي

 

[sweet dashttya]

عطيها طاف ولا تعورين قلبج قوليلها فديت لوني وجمالي الطبيعي خل تنقهر هههههههههههه
لا تحرقين اعصابج ولا شي فديتج

 

[حدى عنيده]

طوفى حبيبتى اذا حماتج ممكن اقولج ازعلى بس خالتج وحسبت امج ومره كبيره طوفى ترا مايسوي الرد عليها انشاالله اذا ولدتى راح تشوفيج غير 0

 

[كويتية طيبه حنونه]

اول شي هي حرمة كبيرة ما أعلمها اشلون تتكلم وبصراحة عييب الوحدة ترد واذا اهي طبعها من اللي تقط حجي وتحرج مع الكل فمعناها خلاص تعودت على الطبع
لكن اذا إهي تتعمد بس معاك ترا معناتها تغار منج وبناتها هم يغارون منك لأن مميزة عندهم نصحية لك الأفضل انك تحقرين ولا تعلقين لما يملون لأن اهم يطفرونك عشان تتكلمين وشلك بالقيل والقال واذا الزوارة يوم تحملي ضحكي وستانسي وطلعي .
عندي لك فكرة الحريم الكبار يحبون الهدايا كل بين كم زوارة ودي لها مرة بخور ومرة طيب ودراعة منها تبينين لها طيبك وتكسبين ودها وتكسرين عين حمواتك مع الأيام راح تكسبينهم .والله ييعينك