اذا انتو في مكاني شتسون

[حرم الطيار]

السلام عليكم و رحمة الله و بركاته

صبحكم الله بالخير والسعد يا بنات

شلونكم ؟؟

بنات انا و زوجي اخذنا بعض عن حب 5 سنين و صارلنا سنتين متزوجين و الحمدالله والشكر لله الف مره عايشين مع بعض حياه زوجيه حلوه

المشكله

عمي ابو زوجي


قبل 3 ايام كنت رايحه السوق اكمل باقي اغراض العيد

وانا بالسوق وافتر بالمحلات شفت عمي في كافيه قاعد مع وحده والله انصدمت قلت مابي استعجل يمكن بشغل ولا شي عشان عمي عنده شركه وجذيه و قلت يمكن بينهم شغل بس بعدين والله مسك ايدها وطلع علبه هديه لها و اظن انه طقم ذهب ولا شي

والله انا انصدمت ماتوقعت عمي يسوي جذيه لان عمي ماخذ عمتي عن حب من قبل والله عمتي بعد تحبه و تموت فيه وتسوي اي شي عشانه انا انصدمت عمتي الي اعرفه مو مقصره معاه بشي

ولما شفته هالشوفه رديت البيت وانا ضايق خلقي و مو على بعضي حتى زوجي يسالني

فيج شي وقوليلي وانا اعرفج اذا متضايقه ومن هالكلام وانا اقوله لامافيني شي بس تعبانه من الفره بالاسواق

والله حدي ضايق خلقي على عمتي وربي مافي منها و مو مقصره معاه ليش يسوي جذيه وعمي والله طيب واخلاق ورجال بمعنى الكلمه انصدمت انه يسوي هالسوايا

والله محتاره ودي اقول لعمتي عشان ماتكون على عماها وماتدري شسالفه

و بعد خايفه اخرب حياتهم الزوجيه وتنقلب حياتهم و زوجي يتاثر بعد

قولولي لو انتو مكاني شتسون ؟؟؟

 

[الأميرة جوري]

رد : اذا انتو في مكاني شتسون

لا ديري بالج ....تقولين ..الله يهديه يمكن بس صداقه واخرتها تفركشش

 

[أم الطيب]

رد : اذا انتو في مكاني شتسون

امبييييييييييييييييييييييييه
رياييل مامنهم اماااااااااااااان

ديري بالج تقولين
وادعيلي الله يهديه ويكفيه شر هالاشكال

 

[a7la MUM]

رد : اذا انتو في مكاني شتسون

لالالا
ديري بالج تقولين مالج شغل فيهم اهو مو ياهل عشان تكلمينه او تحاسبينه ولاتقولين لمرته خليها حرام تخربين عليهم واذا ربج كتب انها بتدري رااااااااح تدري لو شنو المهم طلعي نفس من الموضوع اول واحد راح يتأثر ريلج
مادري بس لو انا مكانج ماراح اقول طبعا

 

[Creamy Girl]

واااااي الله يعينج الموقف خاااااااااااااااااااااايس

بس مادري احس لو انا مكانج يا احاول اخلييه يشوفني او اني اروح اسلم عليه

لان اهو قاعد بمكان عام ومفروض اللي قاعد يسويه مو مغلط ولا جان ماسواه جدام الناس لان الكويت صغيره وكلمن يعرف الثاني

وهم علشان لا سمح الله يمكن يمممممممكن تكونين فاهمه الموضوع غلط لو شايفج جان عرفج عليها او جان قالج منو هذي او على الاقل برر موقفه

بس بنفس وضعج الحين ما انصحج تقولين حق خالتج بس اذا قعدتو مع بعض قولي حق عمج مع السوالف انا ذاك اليوم رحت المكان الفلاني وكان فييه كافييه يمدحونه او تقولين وشفت واحد يشبهك عاد اذا اهو مو مسوي شي غلط بقولج اي انا كنت رايح ويكمل السالفه

بس نصيحه حرااام لا تقولين حق خالتج يمكن تتأزم وااااايد

بس اذا حدج متأزمه قولي حق ريلج يمكن يعرف يتصرف مع ابوه

 

[رحيل المرافيء]

رد : اذا انتو في مكاني شتسون

لاتقولين ولاشي
انتي شكوو حيا الله ابوو زوجج مالج شغل فيهم
بعدين شدراج مو مقصرة معاه معاهم بغرفة النووم ؟؟؟؟
لاتتدخلين

 

[رحيل المرافيء]

رد : اذا انتو في مكاني شتسون

ويمكن زوجته شدراااج ؟؟؟

 

[njoom1]

رد : اذا انتو في مكاني شتسون

موقف صعب ...

لا لا تقولين حق احد ... وماتدرين باجر شبيصير يمكن الله يهدييييه ولا الله يفضحه
خلج برا الموضوع احسن

 

[غُمـۈض بَنيـۃَ]

رد : اذا انتو في مكاني شتسون

لالا لاتقولين ،، تراه قادر يلف عقل خالتك
ويقنعها انه كان بشغل وان انتي تبين
تخربين بينهم
موب صعبه ع الرجال
خلك بنفسك وزوجك احسن لك
موفقه ..~

 

[حرم الطيار]

رد : اذا انتو في مكاني شتسون

يعطيكم العافيه يا بنات

بس والله حدي محتاره ومتضايقه من هالشي

رحيل المرافيء


انا اعرف عمي والله كله يقول عمتي مافي منها

انا بروحي مستغربه

 

[q8 83]

جنج ما شفتي شي حبيبتي

لا اسمع لا ارى لا اتكلم طلعي عمرج من الموضوع

 

[noo7a]

لا حرام لا تقولين حق ام زوجج
مادري اذا متضايقه من الموضوع فتحي قلبج و قولي حق ريلج
يمكن اهو يدري شالسالفه
خو الولد دايما يغطي على ابوه

 

[قلبي سلومي]

رد : اذا انتو في مكاني شتسون

انتبهي من هالشغلة

ترى زلة وراح ينتبه

بس اللي ذابحني انه رجل كبير
عقله المفروض كبير وعاقل وفاهم يسوي جذي
عيل اللي صغار شيسون


صج الدنيا خربت

 

[Brounzi_girlly]

رد : اذا انتو في مكاني شتسون

نصيحة لا تتكلمين وتغثين خالتج إذا الله كاتبلها تعرف بتعرف ويمكن أهوة متزوجها بس خايف على مشاعر زوجته
ويمكن نزوة عابرة والله يهديه وبعدين الله أمرنا بالستر
الله يهديه ويسخره لخالتج.
مع التحية

 

[[[ عيون جابر ]]]

ديربالج تقولين لأحد خلاص ولاجنج شفتي انشالله نزوه وبيخليها بس اذا قلتي لزوجج او امه عمرهم ماراح ينسون وبيطيح من عينهم على طول بعد

 

[Killer^Girl]

انسى الموضوع
واتصرف جني ماشفت شي
ومستحيل اقولها
تدرين ليش ؟ لان بالاخير بيتراضون وبتطلعين انتي بالشينه
تصرفي عادي وانسي الموقف كل انسان حر بنفسه وكل واحد يتحمل الي يسويه لاتتدخلين

 

[غنج اهلها]

بصراحة بصراحة لو مكانج اقول لزوجي >> مومتزوجة بس لتناسق الرد

مولغرض ما بس ماراح اسكت وبعلمة وكيفة يتصرف او لا بس اقولة

 

[جذابه بنت ذيابه]

رد : اذا انتو في مكاني شتسون

نصيحه لاتقوووووووولين


عيشي حياتج لج ولزوجج ولبيتج مالج شغل بغيركم

 

[ســتارز]

اهو ما استحى على روحه اشكبره وقاعد جدام الناس بكافيه مع وحدة الا انه ظامن روحه ولا هامه احد

يمكن زوجته تعرف

 

[i'm so happy]

الله يهدية ان شاءالله , أهم شي لا تتدخلين ولا تبينين حق احد عشان ماتصير لج مشكلة ...