اذا تقدم لج واحد بهالمواصفات؟؟

[M!Ss Smart]

مرحبا بنات شخباركم ...ابي اطرح لكم موضوع وابي رايكم
اذا تقدم لج واحد يعاني من الثعلبه للعلم ان كان عنده شعر بس صابتها من صدمه نفسيه وحاول يتعالج برا الديره بس ماكو فايده المهم هالريال زين ومحترم ومركزه حلو يعني عنده سلبيه وحده ان فيه ثعلبه
الحين اذا تقدم لج واحد بهالمواصفات توافقين ولا نو وابي السبب :eh_s(6):

 

[ام عمار]

اي عادي الشكل اخر شىء المهم يكون فيه قبول

 

[اللوحة الناقصة]

اقعد معاه واكلمه واذا دش قلبي وارتحت له اوافق عليه

بس طبعا هذا اذا مزااياه واايده ممكن اتنازل عن هالشي

اما اذا اهو انسان شهادته وراتبه ومنصبه على قده لا ماني مستعده اضحي ​

 

[M!Ss Smart]

مشكورين على الردوود اهوا منصبه حلو وشهادته حلوه وعنده ورث واخلاااق بس مشكلته هذي واهوا اختارني وانا واايد متردده يعني كان حلمي واحد نفس اللي بالافلام بس الحين انا متردده واخاف ماحصل نفسه

 

[Nokia N95]

حسب الريال

اول شي اصلي استخارة
ثاني شي اقعد معاه (بوجود الاهل) واتناقش معاه بمواضيع وايد .. اشوفه مثقف .. فاهم ... متواضع ... هادي

اشوف شنو صفاته واذا ارتحت له او لا ... وبعدين اقرر

الثعلبة ممكن يكون لها علاج مع الايام

 

[.:غربة مشاعر:.]

اهوه صج ان ((الريــايـيل مخابر مو مناظر )) بس هم بعد (( العين تعشق قبل القلب ))

يعني .. حتى لو ان مؤدب وسمعته حلوه وشكله مو ذاك الزود في غيره مؤدبين وسمعتهم حلوه وشكلهم زين ...وبعدين تخيلي عيشتج معاه بتجابلينه 24 ساعه وطول العمر.. لا طبعا انا ماارضى حق نفسي مع احترامي للجميع وشخصيه عن شخصيه تفرق .. وهذا من وجهة نظري
وعلى فكره ترى حتى حلا البنت يأثر بهالشي يعني اذا حلوه ومستواها ممتاز ما أأيد انها ترضى بزواجها منه لان اكيد في غيره احسن واهوه الله يوفقه
بس في حالة ان البنت يعني موحلوه وايد اي تقدر تتزوجه...والله خلق وفرق
والحمدلله على كل حال

 

[M!Ss Smart]

مشكورين على الرد
ومشكوره اختي غربه مشاعر كلامج صح وانا مامدح نفسي حلوه والحمدلله بس الفرصه ما تجي حق الانسان الا مره وانا ادري ماراح القى نفس مواصفاته العيب فيه الثعلبه يااااي ولله واايد افكر بهالموضوع مادري شسوي

 

[حقوقيه زوغه]

على حسب اذا كان في قبول نفسي والا لأ..

واصلن عادي تعودنا على رياييل الكويت اغلبهم مصلعين لووووول ..احلى شي خليه يقرع وبس /:

والقرعه حلوة شفيها يعني ..

اذا كان الريال سنع وطيب وزين وفي قبول نفسي من الطرفين ..الثعلبه لها علاج ..مو مستحيل علاجهاا..فما اعتفد ان الثعلبه راح تكون سبب مقبول للرفض..

 

[M!Ss Smart]

لووووول ضحكتيني ريايل الكويت كلهم مصلعين اي ولله مشكوره على الرد فديتج

 

[هيوونه@]

لووووول ضحكتيني ريايل الكويت كلهم مصلعين اي ولله مشكوره على الرد فديتج

ايي الحين صايره موضه

اختي اذا مزاياه اكثر من عيوبه ( لان ما في احد ما فيه عيب ) والاهم انج ارتحتيله
ليش لا

 

[إنسانه بكل حالاتي]

خلي يقرع وبس انتهى الموضوع وأهم شي أخلاقه والإستخاره والله يوفقج

 

[ياعشيري جعلك السلال]

ما اشووف هالشي عيب

وصلي استخاره

والله يكتب الي فيه الخير

 

[Rock & Zoza]

مو عن شي .. بس لاء
الصراحه ابي واحد عنده شعر
و .. مممممممم
ماادري , احس مهما يكون .. الشكل شي مهم بالإنسان
صح ان المظهر الخارجي مو كل شي .. و الي بداخل الإنسان اهم
بس هذا من وجهة نظري

 

[kekat kakaw]

عادي مثل ماقالوا رياييل الكويت ثلاث ارباعهم مصلعين

 

[şώέέţү qţя]

انتي مبين انج مرتاحه له من طريقة كلامج

توكلي على الله واستخيري كم مره وشوفي وربج بيقدم لج اللي فيه الخير ان شاء الله

اهم شي توكلي على الله والزين للحريم والشعر مايعيب الرجال بالعكس عشان يموت على شعرج اكثرر ههههههههههههه

يلاااا بالتوفيق وترى اذا ماتبينه حوليه علي ههههههههههههه

موووووووووووفقه قلبؤؤؤؤؤؤؤؤؤؤؤؤؤؤ

 

[المذهلة]

اصلن مافي رياييل الحين اكيد بوافق

 

[M!Ss Smart]

مشكووووووووووووووووووووووووووووووووورين على الردووود فديتكم ماقصرتووووو ولله احسكم مثل اختي

 

[رند]

استخيري واذا اهو زين واخلاقه عاليه مااظن هذا سبب يستاهل الرفض عشانه
والله يوفقج

 

[M!Ss Smart]

مشكوره على الرد فديتكم ولله ماقصرتووووووووووووووووووووووو

 

[:: Diva ::]

اهم شي قعدي معاه و كلميه بالرؤيه الشرعيه بحضور ولي الامر
فاذا دخل قلج و شفتي شكله ما تطق صلعته بالعين فاستخيري و توكلي على الله
حبوبه عسى ربي يكتب لج الزوج الصالح