اذا تقدم لج واحد بهالمواصفات؟؟

[Om.k7l]

حبوووبة انصحج بالاستخااارة بهالامور وايد زينة

وثاني شي انتي تقولون تعرض حق صدمة نفسية يعني مو بيده مسكين واذا كان هالشي بيوقف مستقبله جان وابد شباب مثله وقف مستقبلهم على سبة ثعلبة
توكلي عالله وصلي استخارة وشوفي شنو يصير وياج

 

[حياتي جاسم]

اذا كان الريال ما في شي ومحترم وطيب وخلوق وفاهم عادي عندي مو هامتني الثعلبة اهم شي الريال يكون زييييييين

 

[ساندريلا]

حبيبتي بصراحه انا مو هامني موضوع الثعلبه كثر مو هامني موضوع حالته النفسيه هني حطي خطين
خوفج يطلع من نوعيه الناس الي بسرعه يدشون بحاله نفسيه صعبه تـاكدي من هالشي وسئلوا عدل
واستخيري توكلي على الله بس طبعا اول شي لازم تكونين متقبله شكله نفسيا لان انا والا غيري يمكن نتقبل بس هذا مايهمج بشي اهم وضعج وتقبلج النفسي انتي لانج انتي الي بتعيشين معاه مو احنا

 

[الباسمه]

يمكن الله عطاه العلم والمال والادب عشان يغطي هالعيب اللي فيه
وخل يكون الواحد صاااادق مع نفسه الثعلبه شيء ظاهر والا جمال ومال واخلاق وقلببببب مرييييض؟؟؟؟

 

[عاشقه رويشد]

توكلي علي الله بالعكس الريال ما يعيبه شي فديتج

 

[viva la glam]

شكو عشان فيه ثعلبه ارفضه اذا الريال زين واخلاق واهله سنعيين ماارده شنو ذنبه اذا طاح شعره صار مو زين ؟؟

 

[shaikhat elbnat]

طبعا اوافق
ريال ما يهمني شعره

بس مثل ما قالت ساندريلا سئلوا عدل اخاف فيه شي نفسي

 

[ليتني مت بدالك]

صلي استخاره , الثعلبه عادي ما تأثر اجل شحال لو فيه سرطان,,,,,,,,,,,,,,, لا سمح الله

 

[خاشووقه]

يتوقف على ارتياحي للشخص

 

[ضحكه مستعاره]

التعلبه ياحبيبتي تتعالج والزين مو كل شي واذا خذيتي واحد حلوو يطلع نفسه بخشمه وفي عيوووووب الدنيا الثعلبه ممكن نلقى لها علاج بس العقد والنفسيه ماعتقد تتغير وصلي استخاره والله يوفقج ويرزقج باللي يسعد بالج

 

[شوشو الشقيه]

تسلمين اختي
نفس ما قالوا البنات الرجال باخلاقه وروحه الحلوه والتزامه بصلاته ويخاف الله فيج وفي اهلج واهله
مؤدب وملتزم بشغله وانسان طيب ومتفهم وعاقل وحكيم وفاهم الدنيا
اهم شيء يا اختي انه ما عند سوالف حريم
تحملي تاخذين واحد عنه بنات وغيره تره تتعبين منه
بوطبيع ما يوز عن طبعه
يعني اقصد الي تعود على شيء صعب يتركه
اهم شيء نفسيته حلوه مو يجيك واحد شايف نفسه ويطالع الناس بانهم اصغر منه ومحد عاجبه احد في الدنيا
ولا تاخذين واحد عصبي و لانج تعانين من عصبيته الزائده
شوفيه هل يحترم الناس والله قليل ادب ولا يحترم كبير ولا صغير
يمشي ولا يحترم الناس
يمشي يقط الكلام على الناس ولا يهتم بشعورهم ما عنده ادب ولا ذوق
انتبهي لا يخدع في فتره الخطوبه وعامل حاله راعي الاحترام هههههههههههههههههههه
بعد الزواج يطلع على اصله ههههههههههههه
لان فتره الخطوبه شيء وبعد الزواج شيء
كل الاقنعه تزيل
سئلي عنه اكثر
بس ما دام هو اخلاقه عاليه ومؤدب ونفسيته حلوه ومتواضع مع الناس
اخذيه ولا تفكرين في شيء
صلي استخاره وانتي كاتبه عليه
من اختج شوشو الشقيه

 

[النهج الاسمى]

الزين غسال ايدين على قولة جدتي

اهم شي الدين ثم الاخلاق

 

[حكاية شهرزاد]

ثعلبة وامراض .. اخذه ويتعالج .. بس مو يعاند .. ولازم بعد يكون فيه شويه طيب على جم دينار لزوم علاجه .. ويحبني ..

يعني في امور يالشيخه الواحد مايشوفها .. من الله .. الآ دب وألآ مو حلو وألآ بيتهم مافيه ذوق والآ ماخلص جامعه ..

لكن اموره الثانية تغطي عليه ويصير فارس الاحلام ..

لانه فارس الاحلام مو على خيله .. فارس الاحلام شي واقعي ..

 

[انصار]

اوافق

 

[Judy abbott]

اذا قعدت وياه وحسيت اني مرتاحه بواافق


والجمال زوال اهم شي الاخلاق ولتقبل

 

[كويتية 1990]

مايقدر يسوي زراعه شعر؟

وايد شكلها بشع؟

اذا بس هذا عيبه خل يسوي زراعه ولا يقرع


دام منصب وعايلة وسمعه وشكل ويهه زين وجسمه زين ماله داعي ترفضينه عشان عيب واحد

ياما رياييل حلوين واخلاق صفر وياما رياييل جكر ويلوعون الجبد وصايعين فوق شينهم

هذا مواصفاته زينة واخلاق عيبه انه الله ابتلاه بهالمرض فكري انتي مرتاحة تكونين زوجته وتجابلينه طول عمرج