اذا خاطبج واحد أحلى منج ممكن تردينه لأنه جميل ؟

[al-musk]

احد حاصله وجه حلو يتصبح فيه ويقول لا !
الموضوع ماله علاقه بالحلا .. أهم شي الطبايع الحلوة والخلاق وتهتم بنفسها وتعرف حق نفسها وتطلع ملكة جمال بعينه

 

[خالتي قموش]

الرجال مخابر مو مناظر

 

[ميريام فارسQ8]

انا عندي ان مافي ريال احلى من المره لازم شي يخلي المره احلى
بس طبعا اذا الخطيب نفس كريم بوافق وانا مغمضه ههههههههههههه

 

[M!SS.LOBY]

سبحان الله وبحمده

 

[(حكاية قلب )]

انا اعرف واحد مشاء الله حلو وزوجتة عادية جدا
ومشاء الله عايشين حياتهم

الآستخارة احسن شي

 

[Patcholli]

يامعوده الواحد يبي يحسن النسل واحنا نرد الحلو وندور الجيكر

حراااااااااااااااااام هههههههههههههه

 

[نوف الصقعبي]

قبل جمال شكله

ليش مافكرت تشوف شنو اخلاقه

لهدرجه السطحيه بالتفكير


ياما ملوك جمال وأخلاقهم زفت
وياما رجال ماتنبلع كشكل لاكن يخافون الله فى الزوجه وعليهم حب وحنان ورحمه وإخلاص قل مانجده فى هذا الزمن عند معشر الرجال


خل تبحث عن أخلاقه

جمال الشكل زايل مع السنين

لاكن جمال الأخلاق الحميده يبقى عبق ريحه حتى بعد موت الإنسان

أعرف وحده تزوجت ولد عمها ملك جمال يتذابحون عليه البنات وكان خاين ويلعب مع الاسف

وتطلقت منه عقب مااحملت وصار عندها عيال منه وتبهذلو عيالها


والله سبحانه كتب لها النصيب مع رجل ثاني لايمتلك شي من جمال الشكل
ولاكن


خلاها ملكة زمانها وكل البنات حاسدينها على عيشتها الحين مع زوجها الثاني
وصار عندها عيال منه
وكل شهر يسفرها فرنسا اللى انا بموت عشان اروحها
الله يهنيهم
ايامها كلها عسل
ومومقصر معاها يصرف عليها بسخاء ويحترمها كإنسانه وكأم والأجمل من هذا كله

البنت ماكانت تصلي الا بشهر رمضان
اقسم بالله زوجها الثاني خلاها تصلي وتصوم وحجبها

الله يسعدها ويهنيها


بس حبيت اقولج شوفى اخلاقه قبل لاتشوفين شكله الخارجي​

 

[حبيبي مالكني]

شوفي اذا صديقتج واثقة من نفسهل مافي شي بالمستقبل راح ياثر عليها
بس اذا لا بتعيش حياة جحيم بسبب الشك والغيرة القاتلة

 

[Zinab BH]

اختي عن تجربة شخصية اللي اهيا انا
زوجي وسيم حده
و اهلي اول ماشافوه عبالهم ممثل حتى امي يوم تجوف صورته قالت جذابة مو بحريني
بس انا ماكنت مهتمة لجماله لان الحمدالله الله معطيني جمال
و اول الايام لما كنت امشي معاه والله ماجذب عليج
بنات رايحين رادين يطالعونه كنت بفصخ لهم الجوتي وانتو بكرامة
و صادتني مضايقات ومازلت بسبب ان زوجي وسيم
انا انقهر ولما يجوفني منقهرة يستانس لان اغار عليه مالت لوووول
بس انا واثقة من روحي وعلى طول اقوله انا احلى منك بألف
وانا كثر مااقوله هالكلام خلاه سستم بمخه ان انا احلى منه و بس
حتى كانو يسألون ام زوجي مرت ولدج حلو مثل ولدج او لا
والحين انا بنسبة لي ان اهو مو جميل جميل صار عادي هههه تشبعت
و اهم شي الاخلاق ثم الاحترام و اهم شي طبعاً الدين
لو كان بجمال النبي يوسف و اخلاقه زفت شلها فيه
وياما بنات جياكر مو بس زينين معاهم قمارة بس عايشين بسعادة هذا مو مقياس
خل تكون عندها ثقة بنفسها و تتوكل على الله هذا مو سبب لرفض الله يهديها بس

 

[روح الآناقه]

اول شي تستخير هذا الأهم
واذا خيره الله بيسرها لها وياما بنات تزوجو رجال احلى منهم بكثير مع ذلك تلقين الرجال طاير فيها ويحبها

 

[رنيم الروح]

حبيبتي لا ترده الموضوع مو شكل الموضوع قسمه ونصيب كاتبه الله وانا اعرف وحده بالعربي مو حلوه كلش وزوجها جميل طول وبياض و وسيم وعيون تذبح وعلى جماله طاير فيها طير مايشوف مثلها ولا يسمع فيها شي والله يهنيهم ويهنيها و الحين معاها 6عيال منه