اذا سألوج عن واحد او وحدة حق خطبة ، تقولين ولا لا ؟

[yam_yam]

شلونكم ياا حلوات


اليوم بسالكم عن شغله بموضوع الخطبة

اذا سالوج عن واحد او وحده بيخطبونها و كنتي تعرفين عنه او عنها شي
مو زين ، تقولين و لا لا ؟
في وحده بتملج على واحد و هذا اعرف وحده من اهله و اعرف موضوع عنه
و ان الولد مو زين

تتوقعون اقول للبنت و لا حرام اقطع نصيبها
و اخاف ما اقول يصير بذمتي


عطوني رايكم للمناقشة

 

[Combat]

هذي امانه اذا سألوني لازم اجاوب باللي اعرفة مايصير نتستر ونضيع حياة شخص هذا زواج مو يوم ولا شهر
يعني بقول مايصلح بس مارح اقول شمسوى بالضبط او شمسوية

ولو ألحوا الاهل انهم يعرفون السالفة لاتقولين نهائياً لان الي الله ساترة ماييجوز نفضحة
بس اهم شي ابري ذمتي
وفالنهاية الي الله كاتبة بيصير

 

[دلوعة أبوهآ]

شوفي حنا بزمن يخوووّف ..
و زمن حسد وحقد وغيره

اذا رحتي قلتي لهآ فجأه كذا بدون ماسألتك عنه او عن اخلآقه !! بتقول هذي حاقده وحاسده وماتبيني اتزوج وماتبيلي الخير و و و
وابليس راح يوسوس لهآ ..

انا اقول اذا سالوكِ جاوبي وقولي الصرآحه

أو ادعي لهم بالتوفيق والهدايه يمكن الله يهديه ويغيره للأحسن معاها ..

 

[روح رفيجآتي]

قولي الصراحه

لا تخلينها تتزوج وتنظلم وعقبها بتندمين لانج ماقلتي

 

[مريااانه 4]

شوفي حنا بزمن يخوووّف ..
و زمن حسد وحقد وغيره

اذا رحتي قلتي لهآ فجأه كذا بدون ماسألتك عنه او عن اخلآقه !! بتقول هذي حاقده وحاسده وماتبيني اتزوج وماتبيلي الخير و و و
وابليس راح يوسوس لهآ ..

انا اقول اذا سالوكِ جاوبي وقولي الصرآحه

أو ادعي لهم بالتوفيق والهدايه يمكن الله يهديه ويغيره للأحسن معاها ..

هذا الي كنت بقووووله

 

[Laidy n3ooma]

كلام دلوعه ابوها صح

يعني مثلا في اشياء ينسكت عنها وفي اشياء لا

مثلا سكير او راعي بنات او اسلوبه مع امه وخواته خايس ويطق ويقل ادبه

اما مثلا انه هو وايد عصبي ماشوف ان شي ينقال عادي وايد عصبين ممكن تكون شخصيته غير وياها

الحين الناااس كله تفكر انج بتحسدينها ولا ماتبين لها الخييير خصوصا اذا كان من عايله وعنده خير

 

[م بقئ إلآ القليل !]

اذا ششي انتي متاكدهه منهه وم فيهاا ششك لا والله اقول اذا سالوني

ليش اظلمهم الاوادم ببعض بكره ينقال والله سالنا فلانهه ولا قالت الصدق

والافضل نبععد عن مواضيع الزواج اللي من وراهاا همم ��

وبسس !

 

[م بقئ إلآ القليل !]

بس م اووضح اذا فيه شي يخدش سسمعتهم !

 

[جوك احلى جو]

حسب علاقتي باللي يسال اذا معرفه سطحيه ماراح امدح ولا راح اذم بقول الله يكتب اللي فيه الخير

لكن اذا معرفتي بالسائل حيل قويه وقريبه بقول الصج

لان الحين حتي لو بتقولين الصج بتنظلمين علي بالهم بتخربون الناس صارت ظنونها سيئه وهم ماحب افضح ربج امر بالستر يعني علي حسب الناس والموقف والظروف

 

[عشتأر]

الحين الناس ماهمهم اخلاقيات الشخص للاسف ولا يحبون يسألون عن العريس كويس

اذا سألوك قولي لهم ,, لكن تروحي انتي وتخبريهم مش كويس اعرف زيجات تم نصح البنات فيها من اخوانهم او من

قريباتهم كبيرات السن وبا الاخير تمت الزيجه

 

[هناء - Hana]

ياي موقف حده صعب انا اقول قولي ماعرف وبس :$

 

[برنسس كاتي]

والله الي انا اعرفه
من ناحية الشرع والدين
لو جوج لعندج وسألوج عنه لازم تقولين الصدق وما يجوز تخبين
اما هما ما سألوج فعلى حسب يعني شي عن شي يفرق ..
مثلا تدرين انه كان مواعد وحده فرضا هذا شي يعني وايد شباب يسوونه واحتمال كبيير هد خرابيطه
اما لو مثلا كان سكييير خميير وانتي تدرين انه ليم الحين مستمر بالخمر مثلا و"ما تاب" ومتأكده
هنا ممكن ترسلين مسج من جوال ثاني او تقولين لها بس مع توضيح الدليل

 

[روانتي 12]

هذي امانه
شوفي اذا الولد مو زين روحي و قولي لهم واذا البنت مو زينه هم روحي وقولي لهم
حراااام هذا شي بذمتج لازم تقولين الحق

 

[قَلبڪْ صًخرْ]

نفس جوك ودلوعه
رايهم صح

 

[عادت ذكرياتي]

من ناحيتي إما أقول الصج أو إني أقول سئلوا أحد ثاني بس لااااااااااااااا يمكن أجذب لأن هذا نصيب وممكن الدائرة تدور يالله سترك .

 

[عروسه حلوه]

لا حبيبتي انا اقولج اذا الشخص هذا كان ومازال على الخطا ولايمكن يتوب او مسوي شي كبير ما ينسكت عنه قولي اما اذا كان شي عادي او سامعه عنه شي او غلطات بسيطه ترى ماكو انسان ما عنده اخطاء وممكن هالشخص تاب وبيفتح صفحه جديدة مايسير تخربين عليه وتضيعين مستقبله هذا رايي

 

[PuPa^^SWeeT]

مادري


اهو لازم اتتعلمين



بس اذا شي جايد بالاخلاق شرب ولا بنات ولا طق



بس اذا شي بالطبايع



ما اشوفه شي جايد

 

[Shinexo]

كل آلشبآب يغلطون كلهمم آكيد كلهم كلموآ بنآت آلآ من رحم ربي , ترى آلمجتمع يشجعهم آن ( روح غلط آنت شآيل عيبك بكره آحسن بنت بتآخذك ) .. هآي تفكير آلنآس ترى , مهمآ غلط هآي مآضي خلآص آلوآحد يعتبر من مآضيه ولآ تقولين شي آلآ آذآ آنتي متآكده وتحطينهآ فذمتج آن هو للحين قآعد يغلط ومع دليل لآن طبعآ مرآح تسمع كلآم بس تبي دليل , سآلفة آنتي سمعتي سآلفه قديمه صآرت حآولي تجوفين آذآ بعدهآ آلصبي تغير للآحسن آو لاء , موفقه

 

[(كويتيه عسل)]

اقولهم الولد شنو فيه واوصيهم لازم يواجهونه لان يمكن الولد ناوي يتوب عقب الزواج ونفس الشي البنت

 

[Dr.Nouf]

طبعا تقولين .. تقطعين نصيبها واييلها واحد احسن منه احسن مما تتدبس فيه واهو مو زين!