اذا عرفتي ان بنتج المراهقة تكلم واحد شنو تسوين ؟؟؟سؤال لكل ام

[*مطبخ الذواقة*]

مساء الخير خواتي العزيزات:eh_s(7):​

عندي سؤال لكل ام عندها بنت مراهقة ​

شلون تتصرفين اذا عرفتي ان بنتج تكلم واحد ؟؟؟​

وبكل صراحة عشان الكل يستفيد !!​

استغربت شخصيا من بعض الامهات اللي تقول انها تعرف علاقة بنتها بالشاب ومع هذا هي ساكت وتراقب من بعيد ؟!!!!​

واستغربت اكثر من النوع الثاني اللي ممكن تتعرف على الشاب وتكلمه وتتواصل معاه عشان تبين للبنت انها ما عندها اي مشكلة بشرط ان البنت تكون صريحة مع امها ؟؟!!​

والنوع الثالث وهم الامهات اللي ترفع ايدها وتصك بنتها كف يغير ملامحها ؟؟
فتغلق باب الحوار مع البنت
وتصير المراهقة بنت 14 سنة مقهورة وتتوقع انها مظلومة وتبدا بالبحث عن مستمع اخر اللي غالبا ما يكون الشاب نفسة او صديقة من صديقات السوووووء ​

والباجي انتم تعرفونه !!!!!​

اتمنى مشاركة الامهات ​

واتمنى الستر لنا ولكل بناتنا اللهم امييييين
:yaaaaaarb:​

..........​

 

[manoooram]

الله يستر على بنات المسلمين ويحفظهم يارب
فعلا هذي مشكلة اذا الأم ما تخاف على بنتها من الغرب وعيال الحرام
بنات بليز نبي نشوف طرحكم الراقي

 

[عـواشـه]

ممم الصراحه انا عممري 14 سسنـه واقولها لكم الحين وبكل صصراحه .. انا صصج احب بس عمري مااأتجـرأ اني اروح اعترف للي احبه .. الحب مو عيب بالعكسس الحب شي حلو ومستحيل ترا في بنت ماتحب مهما امهاتنا ينصحونا .. بس انا تعلمت من امي او بالاحرى بقول حكمه تقولها امي لي حبــي الكل يحب بس مو تطلعين مشاعرج لاحد بالنسسبه لي رفيجاتي مااحب انقاشهم بهالاشياء فألجأ لامي بكل صصغيره وكبيره .. الرفيجات يفترقون بس الام تبـقـى .. وجهه نظري كبنت مراهقـه واتمنى تتقبلينهـآ
يعطيج العافيه

 

[Beyoncee]

موضوعج مفيد ان شاء الله الامهات والبنات يستفيدون
بصراحه بعصر التطور والايميل والشات والهوزهير والواتس اب
شوي صعب تسيطرين على الوضع
الااذا زرعت في البنت انها ترفض تكلم واحد منها ومن نفسها
البنت من الصغر اذا صادقتيها وفتحت قلبها لج مستحيل تغلط
زرعتى الاخلاق والحيا والادب والعفه راح تحصدين اهى بنفسها ترفض الغلط
بالعكس انا اخاف ع الولد اكثر من البنت
البنت على طول معاج وتحت عينج بس الولد يطلع ويرافج ويبى يثبت نفسه
لازم يلف ويدور وما يقول الصج
والله مافيه احلى من البنات جنهم صديقاتج وعلى قلبج

 

[blue ocean]

معاج حق وخاصه النوع الثالث الاكثر انتشارآ اتوقع يعني حلو خوف الأم واهتمامها ببنتها بس المفروض انقرضت هالطريقه​

والأم تعرف شلون تتعامل مع وضع البنت في هالعمر يعني تكسبها بصفها بدال ما انها مثل ماذكرتي تصها كف ​

من باب العقاب وتبني حاجز اكبر بينها وبين بنتها , يعني الام الذكيه تقدر تحسس بنتها بغلطها الفادح بنفس الوقت​

تكسبها بأنها تتبع ساسيه تعامل معينه مع بنتها بأنها تكون صديقتها وتطلعها على اخبارها وتزيد جرعة الحنان لها​

والسلاسه بالتعامل وتوصلها بطريقتها ان باب العلاقات هذا شيء محرم وممنوع منعآ بات من باب التعليم مو من باب الصراخ ​

والنوع الثالث وهم الامهات اللي ترفع ايدها وتصك بنتها كف يغير ملامحها ؟؟​

فتغلق باب الحوار مع البنت ​

وتصير المراهقة بنت 14 سنة مقهورة وتتوقع انها مظلومة وتبدا بالبحث عن مستمع اخر اللي غالبا ما يكون الشاب نفسة او صديقة من صديقات السوووووء ​

اما النوعين الأولين ماقدر اعلق عليهم صراحه لأنه هني الأم اللي محتاجه توعيه اكثر من البنت .. :eh_s(1):​

قواج الله عالموضوع النقاشي المفيد اختي وماقصرتي :eh_s(7)::eh_s(7):​

 

[فديت فوفو]

الله يستر علي بناتنا بصراحة الوقت هذا يخرع وبالنسبة لي لو كنت في مكان الأم الله لايقوله أعاتبها وأعاقبها وأسئل المتخصصين بهالمجال شلون أعالج الموضوع الضرب أحيانا يعالج .. اما سالفة النوع الاول والثاني ما أقول إلا الله يعين جيل هذيلا امهات فيه ..

موضوعج يبيله برنامج يعرضه لأن هالجيل الله يستر منه وجزيتي خيرا

 

[Mjnont '3lay]

انا بصراحه مادري شقوولج !!
امم لانه اهمال الام هو اللي يوصل البنت الى هالمرحله كل ام فاهمه ودارسه ومثقفه وواعيه المفرووووووووض تعرف انه البنت من تبلغ وتكبر شوي ويصير عمرها 14 و15 و16 معناه انه هذا سن حيل خطر لانه هالمرحله تمر فيها البنت الى تغيير ملي من ناحية التفكير من ناحية الاسلوب الكلام طريقة التصرفات فواجب على كل ام انها تكون اكثر اهتمام مع بنتها بهالعمر لانه البنت بهالعمر تحتاج من الام توعيتها واهتمامها يعني المفروض الام تقوله ياماما انتي صرتي كبيره الحين ولازم تفهمين وتعرفين انه هذا الشي غلط حتى لو يسوونه البنات وهذا الشي صح حتى لو البنات مايهتمون له المفروض البنت بهالعمر تكون واعيه على نفسها وتفهم كل كبيره وصغيره بامور الحياة ولا لااازم البنت تمون على بنتها من صغرها عشان البنت تتجرأ تتكلم وتقول وما تخاف من رداة الفعل يعني انا ما أأيد ولا طريقه من الطرق اللي قلتيها بالتعامل مع البنت لانه هذا غلط









وبالنسبه لاختي Beyoncee انا اخالفج الرأي ليش لانه بنت خالتي كانت جذي دااايما تحت نظر خالتي وكانت تستحي من ظلها وطول عمرها اكثر حشمه بلبسها وتستحي من ينذكر اسم ولد وما تفارق اهلها ولا عندها سوالف كلش ولا تماشي بنات سوء واي شي يصير راحت قطته باذن خالتي وسبحان الله من دشت الجامعه تغييييييييييييرت اميه وثمانين درجه ماتصدقين انه اهي نفسها اللي كانت تخاف وتستحي من ظلها وماتحب هالسوالف صارت متمرده وترادد خالتي وتطلع من وراها ولسانها طويل وتلبس ضيج ومعجبه بواحد بالجامعه وترافج اي وحده وكل يوم عدسه وكل يوم صبغ غير وكل يوم ميك اب اوووفر لدرجة خالتي بتمووووووت مو مصدقه اللي تشوووفه مو مصدقه انه هذي بنتها يعني باختصار مو شرط كل بنت تصير على قلب امها وماعندها سوالف معناه انها بتظل طول العمر جذي بس الشخصيات تختلف والله كل بنت غير عن الثانيه فيه بنات الله يثبتهم على ماهم عليه طوول العمر مثل ما تربو ظلو وفيه بنات يتغيرون مع مرور الزمن من دون سابق انذار

 

[ورود كويتيه]

انصحها وافهمها بالتي هي احسن ...

الله يستر على بنات المسلمين يارب

 

[Pinky -cat]

مستمعه وبشوف ردود الاهمات اتمنا يفيدونا

 

[$ بنت علمي $]

أول شيء لاأراديا

بصكها طرأااااااااااااق يعدل وجهها


واخليها تأدب


أدري غلط بس لازم في شيء يخرعها

ماراح ينفع الكلام. برؤوحه

لازم فعل يخرعها

بعدين بكلمها وأعرفها بكبر ذنبها ~

ؤالله يصلح بناتنا وبنات آلمسسسسلمين

ويهددددديهم ~

مشكورره

 

[*مطبخ الذواقة*]

ممم الصراحه انا عممري 14 سسنـه واقولها لكم الحين وبكل صصراحه .. انا صصج احب بس عمري مااأتجـرأ اني اروح اعترف للي احبه .. الحب مو عيب بالعكسس الحب شي حلو ومستحيل ترا في بنت ماتحب مهما امهاتنا ينصحونا .. بس انا تعلمت من امي او بالاحرى بقول حكمه تقولها امي لي حبــي الكل يحب بس مو تطلعين مشاعرج لاحد بالنسسبه لي رفيجاتي مااحب انقاشهم بهالاشياء فألجأ لامي بكل صصغيره وكبيره .. الرفيجات يفترقون بس الام تبـقـى .. وجهه نظري كبنت مراهقـه واتمنى تتقبلينهـآ

يعطيج العافيه

حبيبة قلبي عواشه ....
اولا شكرا على الصراحة اللي تحليتي فيها وشاركتينا حنا خواتج بالمنتدى باللي داخل قلبج
ثانيا:
انت يالغالية بعمر 14 سنه يعني تمرين بمرحلة ماراح نخرعج منها ونقووول خطيرة بالعكس هذي المرحلة "احلى واجمل مرحلة راح تمر بحياتج "
راح تكبرين انشالله وتتذكرينها بكل تفاصيلها .

...ثالثا: اهلنا الاوليين يقولون "اكبر منك بيوم افهم منك بسنه "
كوني صريحة مع امج الى ابعد الحدود ...
شخصا :
اتوقع الحالة اللي انت فيها تكون اعجاب بالشخص الثاني لا اكثر ولا اقل .....

يعني صعب نسميها حب
واتوقع انج من النوع اللي يحب يسمع الاغاني !
وممكن تتصورين نفسج فيها ....
بكل كلمة وكل قصيدة...
وممكن تكونين بوسط شله بنات سخيفات ما عندهم الا هالسوالف ..
ومنكثر ما تسمعين بديتي تحسين انج تحبين !!
لانه كلنا في "يوم من الايام مو من زمان حيل يعني" كان عمرنا 14 سنه
نصيحتي من كل قلبي اقولها :
لاتصدقين اي قصة تسمعينها من بنت بالمدرسة ... ترسم لج الغلط صح وتحلي بعينج هالسوالف

واعتقد ان عندج وقت فراااغ "راهي " حاولي تشغلينه بشي يفيدج اكيد يكون في داخلج هوايه او موهبة حاولي تتكتشفينها وطوريها مع الوقت بتحبين هوايتج وبتعشقينها


واحيج على صراحتج واستمري بعلاقتج مع الوالدة وانشالله ان تعبها فيج ما يضيع
​

 

[ترانيم القصيم]

أتوقع إني راح أبكي قدامها و أنهار :eh_s(2):

و أضربها ضرب تأديبي و ليس ضرب ( تعذيبي )

و أسحب منها الجوال أو النت ( الوسيلة آللي استخدمتها في التعرف على شاب )

و أطلب منها تجلس بغرفتها و لا تنزل للصالة و لا تطلع قدامي أبدًا ,, و لا أبي أشوفها ,,

أهينها بالحركة كمّن يوم و أغلق باب الحوار ( إغلاق مؤقت ) ,,

بعدين أدخل عليها بغرفتها و أمسكها و أتفاهم معها و أبين لها خطورة آللي جالسة تسويــه

و أخوّفها بالله و أهددها ,, يعني أستخدم أسلوب التخويف و الترهيب

بصراحة موقف صعب ,, صعب جدًا ,,

و طبعًا راح أراقبها أول بأول ,,

الله يهدي الكل و الجميع

تسلمين حبيبة قلبي ..

 

[^LILY^]

حبيبة قلبي عواشه ....
اولا شكرا على الصراحة اللي تحليتي فيها وشاركتينا حنا خواتج بالمنتدى باللي داخل قلبج
ثانيا:
انت يالغالية بعمر 14 سنه يعني تمرين بمرحلة ماراح نخرعج منها ونقووول خطيرة بالعكس هذي المرحلة "احلى واجمل مرحلة راح تمر بحياتج "
راح تكبرين انشالله وتتذكرينها بكل تفاصيلها .

...ثالثا: اهلنا الاوليين يقولون "اكبر منك بيوم افهم منك بسنه "
كوني صريحة مع امج الى ابعد الحدود ...
شخصا :
اتوقع الحالة اللي انت فيها تكون اعجاب بالشخص الثاني لا اكثر ولا اقل .....

يعني صعب نسميها حب
واتوقع انج من النوع اللي يحب يسمع الاغاني !
وممكن تتصورين نفسج فيها ....
بكل كلمة وكل قصيدة...
وممكن تكونين بوسط شله بنات سخيفات ما عندهم الا هالسوالف ..
ومنكثر ما تسمعين بديتي تحسين انج تحبين !!
لانه كلنا في "يوم من الايام مو من زمان حيل يعني" كان عمرنا 14 سنه
نصيحتي من كل قلبي اقولها :
لاتصدقين اي قصة تسمعينها من بنت بالمدرسة ... ترسم لج الغلط صح وتحلي بعينج هالسوالف

واعتقد ان عندج وقت فراااغ "راهي " حاولي تشغلينه بشي يفيدج اكيد يكون في داخلج هوايه او موهبة حاولي تتكتشفينها وطوريها مع الوقت بتحبين هوايتج وبتعشقينها


واحيج على صراحتج واستمري بعلاقتج مع الوالدة وانشالله ان تعبها فيج ما يضيع
​

:rerrerek:
فديتج على هالرد
كل مره تكبرين بعيني

 

[زَهر تِشرينْ]

.◈|❀|◈..

لازم تكون الام حكيمة في اتخاذ اي اجراء وفي اسلوبها في التعامل
في هالموضوع ..,
الشّدة والعُنف ماراح يعطون اي نتائج بالعكس راح تكون نتائج سلبية
وما يُحمد عُقباها لان البنت راح تخفي عن امها اكثر وراح تخاف تقولها اي شئ
..
فالموضوع لازم الام تاخذه بالصبر والتحلي بالحكمة وتذكرها بالله وان هالشئ
حرام والله مايرضى عليها اذا سوت كذا ..وتحاول التقرب لها اكثر وتعرف كل السالفة وايش الاسباب الي دفعتها لهالشئ ..؟
وتفكر وش الاسباب الرئيسية الي تخلي بنتها تلجأ لاي احد خارج
البيت ..؟

وهذا معناته انها فاقدة الاهتمام والحنان فاقدة ان امها وابوها يكونون
دايما داعمين لها ويشعرونها شكثر يحبونها وانها شخص مميز وله اهمية
..
البنت عامة تحتاج داائما لدعم معنوي .. وهالدعم ينبع من الشعور بالامن
والامان بين اهلها ... والكلمة الطيبة في التعامل وان الابو والام يثنون عليها
اذا سوت شئ يرضيهم ..,
وتحتاج خااصة لرعاية امها وحنانها وعطفها وتفهمها لكل احتياجاتها
وقربها منها وانها تكون صندوق اسرارها موكل ما تسوي خطا تروح
تقول لابوها ومعروف اغلب الاباء ياخذون الامور بشكل عنيف شوي غير
الام ...,
والله يهدي بناتنا وبنات المسلمين جميعاً ويبعد عنهم شياطين الانس
والجن ويجعلهم من الصالحين المُهتدين
​

 

[زَهر تِشرينْ]

.◈|❀|◈..
كُل الشكر لكِ اختي ع الموضوع الهااام
لك كل التقدير ​

 

[صادقة بكلمتي]

اول شي الله لا يقول يصير معي جذي ويستر على كل بنات المسلمين بس بلوم نفسي لان البنت ما توصل لهالمرحلة الا لسببين اهمال وكثرة دلع يعني اراقب بنتي ورفيجاتها لو بطريقة غير مباشرة لانها مرحله حرجه بصراحه وان علي بسوي مثل ما اهلي سووا معي من خوفهم ولما كبرت وصرت ام عرفت ان غضبي بذاك الوقت كان تافه ابوي ما يخليني اروح لرفيجات في بيوتهم كللللللللللللللللللللللللللللللللللللللللللللللللش وان بطلع مع امي ولو بعزم رفيجاتي او بسوي يوم ميلادي حفله اما في المدرسة اة بمطعم بس هم امي وامهاتهم معزومين قبل رفيجاتي وممنوع انام ابيت لا يدتي ولا خالتي ولا احد الا امي قبلي لووووووووووووول حكره كانت ادري بس والله لمصلحتي والزمن الحين يخوف اكثر مع انه كل عمري 26 هههههه جني 60 من كلامي والمشكله اللي اشوفها الحين الاهل اللي يروحون مول ويهدون بناتهم ولا يسمحون لهم بميكاب من صغرهم ولا كل وحده شايله تلفون ما يخالف بس بدون نت وبرقابه تامه والله مره بالافنيوز اشوف بنات ثنتين يمكن حروه 13 سنه تنورة قصيره وشعر مسشور ومسكارا وجلوس و وحده لا بدون ميكاب المهم يفترون والشباب وراهم رايحين رادين وماكانوا يبون يكلمون احد واللي بدون ميكاب خايفه شويه منهم وبالاخر وقفت رفيجتها وقامت تكلم واحد وووو الباجي عندكم يقولي ريلي شوفي الله يسامح امهم لانها المؤول الاول عنها وشويه الا نشوف حريم مع البنات والبنات جنهم طلعوا بنات خالات وماشين مع امهاتهم بخجل جنهم ملائكة لا حول ولا قوة الابالله بس

 

[خلطات المذهله]

سؤال صعب وايد يحتاج متخصص لان اي رد فعل ممكن يحسب معانا اوضدنا

 

[عاشقه الشامري]

تربية البنت صعبه انا مرات افكر بيني وبين نفسي بكره لما يجوني بنات شلون اربيهم البنت عاطفيه حيل وحساسه غير عن الولد ودايما

ما تكلم ولا تنحرف ولا ترافق صديقات السوء الا لسبب البنت مستحيل تسوي شي الا لسبب عشان كذا الام لازم تكون واعيه حتى بطريقه

كلامها واسلوبها وتعاملها مع بنتها لان كل شي يأثر على نفسيتها وحنا بوقت وجيل يخوف مع كثرة وسائل الاعلام واجهزه الاتصالات والنت

وقلة الوازع الدينه والموضه والتقليد الاعمى وتأثر بالفنانين والافلام اشياء كثيره كثيره لاكن الام الذكيه اللي تابع بنتها اول بأول وفي شغله

لازم الام تحبب بنتها بشغلات وهي صغيره مثل الحجاب والستر والخوف من الله والمحافظه على الصلاه والصراحه وعدم الكذب لازم البنت

تحب الاشياء هذي عشان لما تكبر شوي وتنصحها وتقول لها تحجبي تقبل البنت الشي هذا او انها تسويه من نفسها من غير ما تطلب

منها امها ليش لان الام حببت بنتها بشي هذا التربيه صعبه ومو اي احد يقدر يتفاهم مع المراهقين

 

[عاشقه رويشد]

.◈|❀|◈..​

لازم تكون الام حكيمة في اتخاذ اي اجراء وفي اسلوبها في التعامل
في هالموضوع ..,
الشّدة والعُنف ماراح يعطون اي نتائج بالعكس راح تكون نتائج سلبية
وما يُحمد عُقباها لان البنت راح تخفي عن امها اكثر وراح تخاف تقولها اي شئ
..
فالموضوع لازم الام تاخذه بالصبر والتحلي بالحكمة وتذكرها بالله وان هالشئ
حرام والله مايرضى عليها اذا سوت كذا ..وتحاول التقرب لها اكثر وتعرف كل السالفة وايش الاسباب الي دفعتها لهالشئ ..؟
وتفكر وش الاسباب الرئيسية الي تخلي بنتها تلجأ لاي احد خارج
البيت ..؟​

وهذا معناته انها فاقدة الاهتمام والحنان فاقدة ان امها وابوها يكونون
دايما داعمين لها ويشعرونها شكثر يحبونها وانها شخص مميز وله اهمية
..
البنت عامة تحتاج داائما لدعم معنوي .. وهالدعم ينبع من الشعور بالامن
والامان بين اهلها ... والكلمة الطيبة في التعامل وان الابو والام يثنون عليها
اذا سوت شئ يرضيهم ..,
وتحتاج خااصة لرعاية امها وحنانها وعطفها وتفهمها لكل احتياجاتها
وقربها منها وانها تكون صندوق اسرارها موكل ما تسوي خطا تروح
تقول لابوها ومعروف اغلب الاباء ياخذون الامور بشكل عنيف شوي غير
الام ...,
والله يهدي بناتنا وبنات المسلمين جميعاً ويبعد عنهم شياطين الانس
والجن ويجعلهم من الصالحين المُهتدين ​

اتفق وياج :eh_s(15):

 

[»βαzεя«]

الله يستر على الكل .. المفروض البنت تتعاقب عشان قبل لا تسوي اي شي تحاسب نفسها 1000000000 مره