اذا غسلتي الملابس الغامقة بالكلوركس الابيض بالغلط...؟؟؟؟ تعالي هني عيل...

[ماما مستشارة]

قوة بنات... أنا شارية بلوزة لونها أبيض و قلبتها سودا.. يعني فيها أسود على صوب الرقبة... فخدامتي الله يهداها قامت و غسلتها مع الملابس البيض... و اللون الاسود ما راح كله لكن صار مبقع... يعني مكان في و مكان ما فيه لون....

سنو الحل؟ البلوزة.. وايد وايد غالية و ما لبستها غير لبسه وحده :eh_s(13):

ساعدوني واللي يعافيكم سنو الحل؟؟ هل في أمل اني ارجع اللون الاسود؟

 

[ماما مستشارة]

للرفع



.

 

[خبيرة اعشاب]

الحل يا طويله العمر انج تجيبين نفس خام القلبه او شي مماثل و اتودينها الخياط يشيلها و يركب لج الجديده

و هذا الحل في نظري

 

[ماما مستشارة]

خوش حل ... بس البدلة غالية واذا سويت جذي راح تبين جنها تقليد :eh_s(11): .... ماكو مكان يصبغون الملابس؟؟

أنا خابرة أكو الوان مالت الهدوم.. اللي حق الجهال... تهقون ما ينفعون؟ و الا ما اجازف علشان ما اخربها اكثر من هي خربانه؟؟

شرايكم والله محتارة....

 

[ام^صالح]

ياليت اقدر افيدج بس ماحبيت اطلع بدون ماارد عليج

انشاء الله الخوات اهني يفيدونج

 

[ماما مستشارة]

ياليت اقدر افيدج بس ماحبيت اطلع بدون ماارد عليج

انشاء الله الخوات اهني يفيدونج

مشكورة أم صالح ما قصرتي..

اي والله اللي عندها خبرة بالموضوع يا ليت تفيدنا.. علشان الكل يسفيد..

 

[زيـنـه]

جان وديتيها مصبغه دامها غاليه ..

و الحل الثاني طريقة سول انج ترقعين القلبه .

و الحل الاخير .. جيبي الكلوركس و رقعي بالقلبه على كيفج عشان تبقع اكثر ..

و الله يعوضج .

 

[نورالدنيا***]

اعتقد في مصبغة تصبغ المكان وترده مثل ماكان

 

[supermarket]

والله ماعندي فكرة

انا دشيت من العنوان حسبت انج حاطة حلوول

 

[ماما مستشارة]

اعتقد في مصبغة تصبغ المكان وترده مثل ماكان

صج؟؟ وين مكانها؟ جم رقمهم..؟ أنا خبري كان أكو وحدة بالروضة بس ما دري للحين موجودة والا شالوها؟؟ بنات الروضة افيدونا ولا عليكم امر..

 

[ماما مستشارة]

والله ماعندي فكرة

انا دشيت من العنوان حسبت انج حاطة حلوول

سوبرماركت ... هي هي هي .. آسفة على التعلوووووقة... بس شنو انسوي ؟ أسوي لم اغراء علشان تدشون وتالي أكسر خاطركم و تجاوبوون <----- فلم هندي سويته ...:eh_s(13):

 

[بنت الحزن]

و الله اظن معرفي يسوينها

 

[شجووون]

والله مالج الا انج ترقعين القلبه بخام اسود..... او انج تفترين مصبغه مصبغه تسئلينهم اذا يقدرون يرجعونها لج نفس ماكانت وفي عند بالجابريه مصبغه يم مستشفى مبارك يعني في الشاري اللي يوديج حقه واايد زينه واللي في جمعية الجابريه هم زينه جربي روحي سئليهم يمكن يفيدونج

 

[سنابل]

واي نفس حالة امي !!

عندها بالطو غالي و حاشة شوي كلوركس من ورى و صار مبقع

قالت لي روحي بركات اشتري صبغة .. بس لما رحت قالت لي الي تشتغل هناك هذا ما يروح حتى بالصبغة ، ان شاء الله تصبغينه اسود ، هم ما يروح ، يظل مبقع ! و قالت البقعة ماتروح لازم تحطين فوقها صورة او اي شي

بشوف بدق على مصبغة معرفي يمكن عندهم حل

 

[أم الورود]

انا دخلت فرحانه مثل سوبرماركت حسبالي فيه حل لان خدامتي مخربه كم بدله لعيالي

 

[انا كويتية]

والله اظن عوضج على الله

 

[Harmony]

شوفى جربى المصابغ و اذا ماكو امل روحى دسمان اشتري صبغ حسب نوع الخام و لا تنسيين تشتريين مثبت لون بعد و اذا ما اضبطت حاولى ترقعينها بستراس او شيء و ان شاء الله تظبط

 

[ماما مستشارة]

مشكورين بنات على الحلول...

والله العظيم هالخدام ... ما موراهم غير عوار الراس ...اختي مسافرة و بنتها مخيلتها عندي .. تصدقون بدلة بنت اختي مالت العيد .. ما لبستها غير يوم اليوم و أمس بجهز ثيابها لأنها معزومة على حفلة ...

أقول لها وين بدلة البنت قامت تستهبل ... وبعد مليون سنة صعدت غرفة الغسيل و ألقاها متليقفة و غاسلتها !!! ليييييييييييييشششش ؟؟؟

البنت من جابتها امها ما لبست البدلة ... مطلعتها من الجنطة واغسلتها تقولي فيها بقعة !!! اللقافة اللي فيها ما دري شلون صايرة ...

المشكلة البدله كشت ... و صار النفنوف الر ركبتها والبطانه من تحت الى تحت ركبة ... واللي يحر ان البدلة سعرها 200 دينار

عاد انا ما اقدر اقولها 200 ... لأنها هي معاشها 50 ... فقلت لها هذي البدلة وايد غالية اب 30 دينار اختي شاريتها جذي تسوين فيها ....!!

والله تقهر على اللقافة اللي فيها ....:eh_s(13): :eh_s(13):