اذا كان زوجك عقييم هل تطلبى الطلاق ام لا ؟؟؟؟؟

[جـــواهر]

اطلب الطلاق

 

[PinkY Dreams]

لا مستحيل أطلب الطلاق منه لأني أحبه وأموت ع التراب الي يمشي عليها
اذا اهو عقيم اكيد بيضيق خلقه وانا اذا طلبت الطلاق بيضيق خلقه اكثر واكثر
أحبه ومستعده أضحي علشانه مو لازم أكون أم اهم شي رضاه واشوفه مرتاح معاي

 

[بنت_أخت_خالتي]

رد : اذا كان زوجك عقييم هل تطلبى الطلاق ام لا ؟؟؟؟؟

اذا تزوجته وعقب اكتشفت الله لا يقول انه ما اييب عيال راح اقول له يعالج واذا رفض شي طبيعي بطلب الطلاق واذا وافق انه يعالج راح انطر سنين مستعده ببس اذا شفت حالته ميئووس منها يمكن اتطلق يعتمد على الزوج نفسه هل يستحق اني اضحي بغريزة الامومه او لا
اما اذا كان بالاساس انسان عادي ما يستحق هالتضحيه طبعا راح اطلب الطلاق

طبعا الكل الحين بيقول شهالنسره!!!!!:eh_s(14):

لكن انا بقول بهالزهمن كلن يفكر بمصلحته يعني لو انا الله لا يقول فيني العيب جان يا قهرني حاط زوجه على راسي والا طلقني والا قلب حياة جحيم بالطلعه والنازله يسمعني كلام مثل السم

صدقوني مو الكل بس اغلب الرياييل مراح يفرط بهالشي عشان سواد عيونج فلابد اعامله بالمثل خل اتغدا فيه قبل لا يتعشا فيني
بلييييييز لا احد يطب فيني كل واحد ووجهة نظره وله حرية الراي صح؟؟
شكرا عالموضوع الحلو:eh_s(7):

انا معاج بكل كلمه قلتيها انتي صح :eh_s(7):

 

[AL NADA]

على حسب شخصية الرجال اذا طيب وحنون واخلاق ويخاف الله يعني باختصار كامل والكمال لله اتمسك فيه وما في شي بعيد على الله انه يرزقنا من بعد الحرمان اما اذا الاخلاق الله بالخير لا والله اطلب الطلاق وعسى الله يعوض بزوج سنع وذرية صالحة

الله لا يحط اي مسلمة بهالموقف ويرزق الجميع المال والبنون والزوج الحنون

كلآمك ممتاز
معععك

 

[SoOoSoOo ^__^]

رد: رد : اذا كان زوجك عقييم هل تطلبى الطلاق ام لا ؟؟؟؟؟

اذا تزوجته وعقب اكتشفت الله لا يقول انه ما اييب عيال راح اقول له يعالج واذا رفض شي طبيعي بطلب الطلاق واذا وافق انه يعالج راح انطر سنين مستعده ببس اذا شفت حالته ميئووس منها يمكن اتطلق يعتمد على الزوج نفسه هل يستحق اني اضحي بغريزة الامومه او لا
اما اذا كان بالاساس انسان عادي ما يستحق هالتضحيه طبعا راح اطلب الطلاق

طبعا الكل الحين بيقول شهالنسره!!!!!:eh_s(14):

لكن انا بقول بهالزهمن كلن يفكر بمصلحته يعني لو انا الله لا يقول فيني العيب جان يا قهرني حاط زوجه على راسي والا طلقني والا قلب حياة جحيم بالطلعه والنازله يسمعني كلام مثل السم

صدقوني مو الكل بس اغلب الرياييل مراح يفرط بهالشي عشان سواد عيونج فلابد اعامله بالمثل خل اتغدا فيه قبل لا يتعشا فيني
بلييييييز لا احد يطب فيني كل واحد ووجهة نظره وله حرية الراي صح؟؟
شكرا عالموضوع الحلو:eh_s(7):

صح السانك حبيبتي ..
كلامك عين العقل ..:eh_s(15):

 

[آحسآس مآتفهموهـ]

رد : اذا كان زوجك عقييم هل تطلبى الطلاق ام لا ؟؟؟؟؟

ع حسسب آخلآقه معي
لو ششين ومآيجيب عيآل آطلب آلطلآق يعني مآفي شئ يصبرني عليه
ولو زين لآ طبعآ بصبر معآه
وآخليه يتعآلج مره ومرتين وعششر
وآذآ ربي مآكتب خلآص بقعد معآه بشرط يكون طيب وحبيب ويحتررررمني ويقدر اللي سويته عشآنه

 

[نفـــائس]

اللي ربي كاتبه بصير

وهذا الشي مو بيده ولا كيفه ربي قدرله هالشي انه ماينجب

الواحد يسعي ورربي معه ...واذا تزوجت واحد ثاني من يضملي اني بجيب لاني كبيره وحتى الادويه ماتنفع معاي

واللي بياخذني اكيد معيل شنو ..... اكيد ما ارضي


واذا ربي ماكتبلي عيال معه

اكفلي يتيمة واحط حناني كله فيها وتصير ازود من بنتنا علي الاقل كل ماسويتلها شي ربي ياجرني

انا وكافل اليتيم كهاتين واشاره بالسبابه والوسطى

 

[sweet dashttya]

رد : اذا كان زوجك عقييم هل تطلبى الطلاق ام لا ؟؟؟؟؟

انا اقوله اسفه ومااقدر اضيع مستقبلي
وابي عيال واطلب اكيد الطلاق
الحمدلله والشكر

انا وياها :eh_s(17):

 

[كنت هناك]

بصراحه اي راح اطلب الطلاق شنو ذنبي اعيش مع واحد عقيم؟؟ من حقي اكون ام واكون اسره وهذا الهدف من الزواج تكوين اسره اما اذا بقص على روحي واقوله لابظل معاك ومستحيل اعيش بدونك راح اكون قصيت على روحي وظلمت نفسي لان غريزة الامومة فطرة فينا ومانقدر ننسى او نشغل روحنا عنها والمال والبنون زينة الحياااااااااة بدونهم مو شي :rerrerek: واصلا راح يبين بالفحص الطبي قبل الزواج اذا كان الريال عقيم او لا

 

[شاهي بالحليب]

رد : اذا كان زوجك عقييم هل تطلبى الطلاق ام لا ؟؟؟؟؟

مع اني مو متزوجه لكن بجاوبك
اذا كان تعامله معي زين وأخلاقه حلوه ومرتاحه معه فراح أصبر واستمر معه لأن ماأضمن اتزوج واحد واجيب منه عيال لكن مو مرتاحه معه ولا يعاملني زين وأخلاقه زفت

 

[تكييف]

رد : اذا كان زوجك عقييم هل تطلبى الطلاق ام لا ؟؟؟؟؟

السلام ... هذا الموضوع حساس وصعب جدا؟؟؟ ..... ومافيه وحده اتوقع تعرف شنو تختار؟؟ صعب صعب ..اذا قبل الزواج تدري اكيد ماراح توافق؟ ,,,لكن ؟؟ اذا تزوجوا وعاشوا مع بعض حب حقيقي وخاصه اذا الزوج العقيم ويحبون بعض انا اجزم وااكد انها ماراح تطلب الطلاق... لان المراه عاطفيه وماتفرط بزوج حبها واخلص وقدر لها التضحيه وانا اعرف صديقه لي متزوجه من30سنه وزوجها عقيم للحين راضيه وعايشه معاه احلى حب واحلى حياه... اما اللي يقهر وهذا صحيح 100\100انه لما الزوجه ا هي العقيمه ويعيشون مع بعض حياه حلوه ....لازم مهما حبها وصبر لازم يتزوج عليها عشان العيال ..... لا تقولون لا .... الحالات اللي موجوده من الصبر يكون العقم من الزوج ............. يعني المراه تضحي عشان زوج عقيم حبها وحبته؟؟ اما الرجل لالالالالا مهما ضحى وصبر لازم يتزوج,,,,,,,,,,,,,,

 

[درة أهل الطولات]

اذا عقيم وما منه امل اي اتطلق

بس اذا ضعف لا والله اوقف معاه لما يصير زين

 

[kunkush]

موضوع للنقاش بكل صراااحه



يقول الله عزوجل(المال و البنون زينةُ الحياة الدنيا)





فجميعنا نتمنى أن نـُـرزق بأبناء




لكن ماذا لو وَجَدت الفتاة شاباً في غاية الجمال وذو دين ٍ وأخلاق ٍعالية




ولكن عيبهُ الوحيد أنه لايـُـنجب ...




فهل تقبلين الزواج منه؟؟


أو ....





إذا تزوجتِ وأكدت الفحوصات الطبية بأن زوجك لا يـُـنجب فما هي ردة الفعل ؟؟؟


هل تهون عليك عِشرة السنين التي قضيتموها مع بعض وبالتالي تفترقان ؟؟


أنتِ أيتها المرأة ماذاستكون ردة فعلكِ ؟؟




هل ستطلبين الطلاق والإنفصال ؟؟




أو ستبقين صابرةًمُحبه ومتعاونة وتحاولين أن تـُـنسيه همومه ؟؟


أنتظر التفاعل منكم ولا تبخلوون علي بتقيييم

واذا كان مو عقيم وييب اعيال وانتي اتييبين بس ماتقدرين شتسوين ((

 

[قـہۈه فـرنسيـہ™]

صعبه ...


محد يقدر يحكم الا اللي مجرب ...


ساعات تقولين أكيد بتطلق ...وساعات تفكرين فحبيبج وزوجج ماتقدرين تعيشين مع غيره ..



بوقتها الواحد يقرر أما الحين الكلاام ببلآآش ..


ناس من معارفنا ...

متزوجين صار لهم 22 سنه ..

وقايلين له انه عقيم نسبة الانجاب 0 %

بعد 22 سنه حملت مرته بـ 2 تووأم ..


سبحان الله الكل ماكان مصدق ..



شفتي الرزق من رب العالمين ...

 

[nono93]

اولا::لما اسوي التحليل الي قبل الزوااااااج >>>راح يقول انه عقيم<<


فاكيد ماراح اتزوووووجه من البدايه

 

[حبيبه هيثم]

رد : اذا كان زوجك عقييم هل تطلبى الطلاق ام لا ؟؟؟؟؟

انا من راى اعرف وحد زوجها اول شى كان شاكين فيه مايجيب عيال من زوجنا الاوليه لين تعالج عقب 10 سنوات زواج راح تزوج عليها يعنى مافى جال يستاهل التضحية لو شنو لاضحون علشان رجل من تجارب

 

[om--la6oof]

مادري يعتمد عالوحدة ودرجة حبها حق ريلها بمعنى لو تحبه واااايد راح تصبر علي اكيد بس بالنهايه اهي بتحس بامومتها لو شافت ماكو امل لازم اهو من نفسه مايصير اناني ويطلقها وتشوف نصيبها ولو اهي ماتجيب عيال جان اختلف الوضع وطلقها اتوقع معظم الريايل بيسون جي الا نسبه قليله واهما نادرين بالوجود

 

[ღ❤سـنــيـــڪـرز❤ღ]

الف شكر لكم


والف شكر للقيمووني

 

[Dousreya90]

رد : اذا كان زوجك عقييم هل تطلبى الطلاق ام لا ؟؟؟؟؟

شوفي من واحد لي واحد تفرق
اذا كان معيشني بأحسن عيشه و أهم شي الأحترام و يكون خلوق و مصلي و مسمي مو مهم العيال كافي أني أعيش معاه مرتاحه و أحبه و يحبني
أما اذا كان أقشر و عليه سوالف و ما أييب عيال لا بالطقاق و مع السلامه و أتطلق و أعيش عند أهلي أبرك من مجابل ويهه

يسلمو خيتو على هالمواضيع

 

[ღ❤سـنــيـــڪـرز❤ღ]

الله يسلم عمرج


ويسلم عمركم كلكم


الف شكر لكم واشكر تفااعلكم نورتو صفحتي