اذا 'لا سمح الله' تطلقتي بفتره الملجه "مرتين" تكملين ويا الريال عادي؟

[G!RLooNa]

هاي ايفري ون

بنات

هذي الله يسلمكم وحده باخر ال20

مو ناقصها شي جمال و شهاده و وظيفه

بس ما تزوجت

تقدم لها واحد من جنسيه عربيه

و وافقت

طلقها بفتره الملجه

مرتين !

و كل مره تردله !!

غير انه امه نسره كل يوم داقه عالبنت و اهلها تتهاوش وياهم.. اخر هوشه .. ليش انتو بطاقاتكم العرس اكثر منا و العرس اهل البنت اللي متكفلين فيه

و راضيه البنت بكل هذا لانها خايفه تعنس

:/

يعني اذا البنت موقاعده تفكر صح اهلها شلون رضوا يقطونها هالقطه !!

مرتين مطلقها بالملجه فتره جم شهر شلون بتمون ويا بعض العمر كله!

لو بنتي تصك مليون سنه ماقطها جذي خلها تخلل عندي ولا هالزواج

بس الحين خلاص تزوجوا و عرسوا ما نقول الا الله يوفقهم بس بالذمه شرايكم ؟؟

 

[ام شووووق]

رد : اذا 'لا سمح الله' تطلقتي بفتره الملجه "مرتين" تكملين ويا الريال عادي؟

ماتدرين عن ظروفهم

مايجبرك عالمر الا الامر منه

 

[*غنج*]

مطلقها مرتين وتردله والله مادري الناس شلون يفكرون بصراحه!
لو شنو كانت ظروفي ماأقط نفسي هالقطة
بالملجه ومطلقها مرتين إذا تزوجوا جم مرة بيطلقها عشرررر!!!

 

[الدر المكنون]

حبوبه لو شنو ما ارجع له لانه نذل ولا يستاهل العشره اذا بفترت الملجه جذي عيل وراه العشره شنووو كل دقيقه بيطلق

الله يعينها عليه

 

[اجمل الحزن]

رد : اذا 'لا سمح الله' تطلقتي بفتره الملجه "مرتين" تكملين ويا الريال عادي؟

اممم تقولين اهما تزوجو الله يوفقهم عيل ..
بس انا ضد ان الوحده تقدم تنازلات كبيره جذي عشان والله اهيا كبرت !
يا اتزوج واحد اعيش وياه حياة ارضاها لنفسي والا ماله داعي هالزواج
مادري هذا شكله بايع اذا بالملجة مطلقها مرتين الله يهديه لها ويسخره

 

[([عطر رومانسي])]

المفروض تخليه يولي لانه باعها مرتين وشنو يعني باخر العشرين عشان تقط عمرها هالقطه القشره


والله انا عندي تقعد عند اهلها معززه مكرمه وديرتها متكفله فيها احسن من تاخذ واحد جذي مطلقها مرتين وامه نسره وفوق هذا مو كويتي


باجر لاعيلت منه وبهذلها بتحس صج وبتقول شاللي قردني وخذيته


عسى الله يكتب لها الخير والصالح

 

[G!RLooNa]

اي هذا اللي نقوله شحادها تاخذ واحد مو كويتي و جان زين خليجي بعد لا واحد من جنسيه استغفر الله مابي اقول اكثر لا الله يبلبني و شنو يعني باخر ال٢٠ ولا ٣٠ خير ياطير الحين الكل يتزوج بهالعمر و لو تصك المليون شلون ترضا علا روحها اذا اهيا راضيه اهلها شلون يطاوعونها :/

 

[جذابه بنت ذيابه]

رد : اذا 'لا سمح الله' تطلقتي بفتره الملجه "مرتين" تكملين ويا الريال عادي؟

الصراحه الدنيا مو واقفه عليه واهي صغيره ..

 

[أوكسجين]

اكييييد مارجعله

اذا على اشياء تافهه طلق عيل شلون على المشاكل الكبيره

 

[noo7a]

الله يعينها
بجم شهر بالملجه طلقها مرتين
بعد الزواج و عشره الي المفروض تكون سنين شنو بيسوي
الله يهديه

 

[Tom ♥ Jerry]

رد : اذا 'لا سمح الله' تطلقتي بفتره الملجه "مرتين" تكملين ويا الريال عادي؟

.


الصراحه لأ ..

 

[ام زاكي]

الحين اهم شي ربي يوفقهم ويبعد عنهم كل شر

 

[++MesK++]

؛
؛


اذا هذا اولها ,,,, ينعااف تاليها




؛
؛

 

[اكابر]

غلطانه المفروض ماترجع له ..

عالعموم الحجي الحين ماينفع الله يوفقها ..

 

[G!RLooNa]

Upp

 

[كويتيه وافتخر]

رد : اذا 'لا سمح الله' تطلقتي بفتره الملجه "مرتين" تكملين ويا الريال عادي؟

حبيتي اذا ملجة بس بدون دخول مايجوز ترجع له

لازم تعرف الرجعه بس حق اللي دخل مادخل عليها حرام ترجع له

 

[FeShinGoOo]

رد : اذا 'لا سمح الله' تطلقتي بفتره الملجه "مرتين" تكملين ويا الريال عادي؟

اذا بلملجه ماتحملوطلق مرتين بعد سنه عقب مايشبع منها شراح يسوي ؟؟

 

[G!RLooNa]

رد: رد : اذا 'لا سمح الله' تطلقتي بفتره الملجه "مرتين" تكملين ويا الريال عادي؟

حبيتي اذا ملجة بس بدون دخول مايجوز ترجع له

لازم تعرف الرجعه بس حق اللي دخل مادخل عليها حرام ترجع له

اول مره اسمع هالمعلومه !

 

[الأميرة جوري]

رد : اذا 'لا سمح الله' تطلقتي بفتره الملجه "مرتين" تكملين ويا الريال عادي؟

ليش جذيه حرام مبين من الاول ,,,,!!

 

[@احلى الصبايا@]

رد : اذا 'لا سمح الله' تطلقتي بفتره الملجه "مرتين" تكملين ويا الريال عادي؟

عن نفسي من اول مره ما ارد لو على موتي مبين انه ماكو شخصيه