اذا وحده غثتج ..شتسوين ؟؟

[تفاحة بيتنا]

سلام عليكم

شلونكم بنات

بقولكم سالفتي ...انا من طبعي اذا بنت غثتني ماعرف ارد عليها ...

بس اذا رجعت البيت اقول سالفتها الاخواتي ..ويقولين لي ليش مارديت ومادري شنوو..

بنات اذا كنتي قاعده مع بنت وتكلمت عليج وعلى عايلتج ..بشيء مو زين

واذا شافتج ماسكه تلفون كشخه او شيء قالت اخوي عندي احسن منه..وهذا قديم

وهذا شافتج ماسكه جنطه ماركه..قالت اختي شاريتها سنه الي طافت ..وقديمه حدهاا

واذا بروحنا تتكلم على جدي بانه انسان عادي ..واذا شافت البنات تتكلم على جدي انه واصل وجذي عشان تقهرهم فيني...؟؟

واييد سوالف تقهرني ..وماعرف ارد...

يلا بنات علمونااا شلون تردون او تتصرفون مع وحده مثل هذي ...

 

[namlaa]

هذي مبينه تغار منج وحاطه دوبها دوبج....وخري عنها او خلج سطحيه معاها...وصح الي تسوينه انج تحقرينها بس لا تنقهرين منها لان انت عارفه روحج شنو صح وربي يسهل عليج ويبعد عنج كل شر

 

[Ya7aLaTi]

ويييع وييييع سوالف يهال هذي

كل ما تقولج شي يغثج.. ردي عليها برد يدقرها ويسكتها...

دامنها إهيا جذي ما تستحي على ويها.. لا تسكتين لها وتحرين روحج..

ويمكن تكون محتره منج ... لا تحتكين فيها وايد... وإذا كلمتج ردي عليها على قد السؤال... لا تاخذين وتعطين معاها بالسوالف.. ومثل ما قلتلج.. دقريها ومره على مره إهيا راح تتحاشاج...... والله يعينج على هالأشكال

 

[• قلبه نصيبي •]

ماحب هالنوع من البنات !
احقرها مره مرتين ثلاث بعدها تترحم علي نفسها

 

[للصمت هيبه]

اكيييييييييييييييييييييييييييييييييييييييييييييييييييييد محتره منج وتغااااااااااااااااار
اقولج الحقران يقطع المصراااااااان طنشيها
سألي مجرب ولا تسألين طبيب

 

[اروى77]

ترفعي عنها

 

[شووقة]

هذي وحده تحتر منج وتغار دقريها وقولي لها اللي مايطول العنب حامض عنه يقول

 

[غلاتي ود]

اكيييييييييييييييييييييييييييييييييييييييييييييييييييييد محتره منج وتغااااااااااااااااار
اقولج الحقران يقطع المصراااااااان طنشيها
سألي مجرب ولا تسألين طبيب

صح كلالالالالالالالامج

وعطيهااااااااااااااااا طاااااااااااااااااااااف بعد

 

[miss_ano0oma]

حقريها....

 

[a3andho0om]

لا تردين

 

[om_dodo]

ان خاطبوك الجاهلونا قولوا سلاما" ... احقريها ... تقبلى مرورى

 

[om-HaSsoOon]

ويع اشكره محتره مني

احقرها لين تمل وتطخ لاني لو رديت عليها راح تعرف اني مهتمه لها فتقعد تكثر من الحجي

اما لو احقرها راح تنجعم

 

[!! الواصليّـــــة !!]

البنات يقولون احقريها .. يمكن صح
بس انا لو مكانج اوقفها عند حدها ..
مافاد ؟

ذيج الساعه لي تصرف 2 !!!!

 

[brettey]

اي عادي مروا عليي هالاشكال قبل كنت انغث عقب قمت اطالعم واضحك ضحكه استهزاء او ابتسم ضحكه استهزاء لان مبين عليهم محترين واعتبرهم يهال وعندهم احساس بالنقص موطبيعي

 

[Pepsi Cola]

اي عادي مروا عليي هالاشكال قبل كنت انغث عقب قمت اطالعم واضحك ضحكه استهزاء او ابتسم ضحكه استهزاء لان مبين عليهم محترين واعتبرهم يهال وعندهم احساس بالنقص موطبيعي

احلى رد ولله
قبل لا يستحقرك خلك حقير دايما حطيها في بالج كثار ناس حرام تسكتين عنهم في حال لو كان السكوت رحمة لهم

 

[miss thrba]

سوااااالف هلاقه مبين منقهره منننننننننننج


عاد انتي طنننننشي وخلج سطحيه معاها وااااااااي قطيعه مروا علي هالأشكآآل قطــعععععععع ..

 

[بطاط مهروس]

اخ لو تصير معاى ..... اغثها وغثها حيل
ويع لما اللحين عايشين هذى النوعية

 

[ليالي العاشقين]

بكل بساطه اغثها ..
ولعن خيرها مغثه من صجج ..
بهالزمن الي مايحطلج قدر واحترام
لا تحترمينه ..

 

[غرور وايل]

اممم قولي لها ما حد طلب رايج
او قوليلها اللي ما يطوول العنب حامض عنه يقووولووا

او احقريهااا او تدرين شلون انتي فشليهاا بنفس طريقتهااا ,, يعني اذا قالت هذا جنطتج قديم قوليلها انتي شكو او اييه ادري انا شاريتهاا من زماان او دامها عندج نفسها من العام ليش ما لبستيهااا


ومووووووووووووووفقه يارب

 

[تفاحة بيتنا]

مشكوورين بنااات

وفعلا هي نششبه واييد وحاطه دوبهااا بدوب عايلتنااا مادري شتبي ..

ع العموم مثل ماقلتوا بخلي علاقتي سطيحه معاها سلام بس..

ومشكوورين على ردودكم