ارقام باصات لندن .. للاسواق ضرووووووري

[الكويتية28]

مرحبا بنات خبيرات لندن شلونكم وشخباركم
يا الغاليات ابي منكم هالخدمة اماكن الاسواق هذي والباص اللي اركب فية عشان اوصلهم علما باني بسكن بفندق كمبرلاند انشالله
سوق الاحد ، سوق السبت ، شبر بوش ، محل هارفي ، محل هارودز ، سوق كوفنت جاردن ،
وتكفون لا طنشوني

 

[حور الجنة]

سوق السبت باص 6 او 16

سوق الاحد اندر قراوند يوصلج الي ليفربول ستريت

شبر بوش باص 94 من اكسفورد ستريت ويوديج المجمع اليديد بعد واسمد ويست فيلد

محل هارفي وهارودز باص 414 من اجوردروود

ومجمع الوايتليز باص 7 من اجورد روود

وسوق كوفنت جاردن باص 14 او 19 بس انا ما رحت له

 

[فيفالدي]

متا حجزج ؟؟ يمكن نتصادف انا بعد كمبرلاند

 

[الكويتية28]

متا حجزج ؟؟ يمكن نتصادف انا بعد كمبرلاند

انشالله شهر5 اذا الله اراد . اذا انتي قبلي امانة احفظي رقم الباصات للاسواق ودليني عليهم لاطنشيني

 

[law love]

باص 10 لهارودز من المحطه يم بريمارك
باص 94 لشبربوش من المحطه الي عند بريمارك على طول طبعا نفسه للوست فيلد
15 للبيكديلي و الريجنت



و اي مكان بتروحينله سئلي الكونسيرج الي بالفندق اهوه يدليج اول ما تدخلين الفندق مكتبه على ايدج اليمين

 

[فيفالدي]

انا باجر باذن اللله


وهذي الطريقه بالتفصيل


تتواجد الباصات الحمراء بكثرة في وسط لندن ولها خطوط متشابكة وعدد الباصات على الخط الواحد كبير لهذا يوجد جدول أوقات وصول أي باص لأي محطة تقف عليها أو ذاهب أليها ..
وتعتبر الباصات الحمراء وسيله سياحيه للسائح لأنه سيمر بمناطق مختلفه حسب خط سير الباص،وفي أوقات الإزدحام فهي بطيئه قياساً بالأندرقراوند..
أسعار الباصات أرخص بقليل من الأندرقراوند ..عاده هناك مواقف متقاربه للباصات في نفس المكان،عليك بالوقوف في موقف الذي يحمل رقم الباص الذي تريده وعند وصول الباص عليك الأنتظار لحين نزول الركاب بعدها يمكنك الصعود .

يمكنك معرفة أتجاه الباص والمناطق التي يمر بها من طريقتين :

الأولى - عند موقف أي باص هناك لوحه فيها رقم الباص وسهم،وعاى السهم أسماء أهم المناطق التي يمر بها الباص ،أما أتجاه الباص فهو بأتجاه السهم ،ولوا انتقلت للجهه المقابله للشارع لوجدت أن اتجاه السهم قد انعكس..

الثانيه - لمعرفة أتجاه الباص والأماكن التي يمر بها يمكنك أن تجد أسم أخر محطة سيصل أليها الباص مكتوباً على بداية الباص وكذلك في مربع يذكر عدد أهم المناطق التي يمر بها الباص .

وتعمل الباصات الحمراء منذ الصباح الباكر وحتى منتصف الليل.. وبعد منتصف الليل تبدأ باصات الليل Night buses وهذه الباصات لها أوقات مختلفة وطريق مختلف لهذا يجب معرفة أي باص مناسب للمكان المقصود ويتقدم رقم الباص حرف N والذي يرمز لباص الليل ..

وأليكم بعض أرقام باصات لندن الحمراء المفيده والمناطق التي تمر بها هذه الباصات والتي تمر على الأماكن السياحيه التي يسكن بها السياح ومنها :

باص رقم 8 : محطة قطار فكتوريا،الماي فير،أكسفورد سيركس،ملبورن وبالعكس أيضاً ..

باص رقم 9 : ترافالجر سكوير( ساحة الحمام )بيكاديلي،كنزنجتن هاي ستريت،همر سميث

باص رقم10 : محطة قطارات كنجز كروس،يوستن،توتنهام كورت رود،اكسفورد سيركس،ماربل أرتش،نايتس بريدج كنزنجتن هاي ستريت،همر سميث

باص رقم 12 : ويست منستر وساعة بيق بين،ترافالجر سكوير بيكاديلي،اكسفورد سيركس،ماربل أرتش،بيزووتر،نوتنج هيل جيت

باص رقم 13: يمر بمسجد ريجنت،ترافالجر سكوير،بيكاديلي،أكسفورد سيركس،بيكر ستريت سويس كوتيج

باص رقم 14: ساوث كنزنجتن، بيكاديلي،توتنهام كورت

باص رقم15 : محطة قطارات بادنقتن،ماربل أرتش،اكسفورد سيركس،ترافالجر سكوير، تاور اوف لندن

باص رقم16 : محطة قطارات فكتوريا،الماي فير،ماربل أرتش،ادجول رود

باص رقم52: محطة قطارات فكتوريا،نايتس بريدج،كنزنجتن هاي ستريت،نوتنج هيل جيت

باص رقم 74 :محطة قطارات بيكر ستريت(متحف الشمع )،ماربل أرتش،نايتس بريدج،ساوث كنزنجتن..ايرلزكورت

باص رقم94 :ساحة الطيور(بيكاديلي)..شارع ريجنت..شارع أكسفورد..ماربل أرتش..بيزووتر..نوتنج هيل جيت

 

[فيفالدي]

المهم هذا لنك لموقع ادارة النقل المفيد فيه انك تحط عنوانك او البوست كود او اسم الشارع اللي تبي تبدأ منه وتحط وجهتك ونفس الشي اما اسم المكان او البوست كود والى ذلك. وراح يعطيك بالتفصيل كيف توصل وجهتك وبعدة خيارات سواء بالباص او الاندرقراوند ومدعم بالخرايط. انا دايما استخدم الموقع هذا اذا ابي اروح اي وجهه لاجد الطريقه المناسبه.

http://www.tfl.gov.uk/modalpages/2605.aspx






واتتمنى اكون فدتدج

 

[نور البدر]

ما قصرتوا عطيتوني معلومات الله يسهل سفرتكم ويوفقكم
انتم السابقون ونحن اللاحقون

 

[الكويتية28]

مشكورين يا قلبي وما قصرتو
صج استفدنا من خبرتكم عسى الله يوفقكم
واللي عندة معلومات زيادة خل يكتبها عشان نستفيد

 

[فيفالدي]

شدعوه ماسويت شي انا اساسااااا ادور اي معلومه مفيده

وبسال اهنيه سؤال يمكن القا اجابته


وين القا محل ماتلان ,, يقولون حلو ,, احد فيدكم يدله

 

[حور الجنة]

اي والله

اذا في وحده تعرفه تدلنا عليه

انا رحت وما دليته

 

[ربوع الحلوة]

محل متلان تاخذون باص رقم 16 من إجواررود نفس طريج سوق السبت ومسافة نص ساعه وحسب وقفات الباص تشوفونه علي اليسار مبين

 

[عمر السنين]

وااااااااااااااااااااااي

ياحلوووو لندن ذكرتوني فيها ودي ارجع هناك ياحلوها و ياحلو ايامها

 

[soso_ksa]

محل ماتلاان مايسوا الروحه ابداا
وشبر بوش روحيله من اندر قراوند روحي من هايد بارك ستيشين اذا ماني غلطانه وتطلعين سيده على شبر بوش

 

[soso_ksa]

محل ماتلاان مايسوا الروحه ابداا
وشبر بوش روحيله من اندر قراوند روحي من هايد بارك ستيشين اذا ماني غلطانه وتطلعين سيده على شبر بوش

 

[ربوع الحلوة]

صاجه soso متلان بعيد ومافي شيء حلو مايسوي وأسرع وسيلة مواصلات إهيا الأندرقراوند الباصات مرات زحمه وقثا تعلموا علي

الأندرقراوند مافي أسهل منه يوفر وقت عليج سررررررريع

 

[soso_ksa]

سوووري تلخبطت ماتلاان مارحت له كنت ناويه عليه
الي ماايسوا اسمه كي جي ماكس مادري تي كي ماكس شي زي كذا

 

[ربوع الحلوة]

TK.max أتوقع كذا إسمه هذا قريب من بضاعة متلان علي فكره نفس المستوي