ارنب كبير و عجيب جنه لعبه منو اتعرف يربيه

[جلكسيه اس 3]

السلام عليكم و رحمة الله و بركاته

اشلونكم خواتي شخباركم

انا شفت ارنب طويل مو مثل الارانب العاديه
حتى اليهال ينو عليه
انا شفته بمكان عام
المهم عرفت ان الارنب ينباع بدسكفري
بامية دينار
بس حابه اعرف اشلون اذا ودي اربيه
وين ينحط بقفص ولا شنو
و شنو اكله
و عفيه الي اتعرف كل المعلومات عنه
اتقول و اللي ماتعرف شي ترفع الموضوع

 

[a7la-86wa]

مافهمت عليج اي نوع بالضبط...بس الارنب عامة يبيله علف وماي 24ساعه واذا حاطتله تراب لازم يتنظف وهم اذا كان قش او نشاره خشب لازم تتبدل ....وبعديه عن تيارات الهوا اذا كان صغير ....واذا عنده فروه لازم تهتمين فيها وتمشطينها ...حطي ببالج ان العلف اهي وجبه رئيسيه ااما الخضره ولفواكه كافيه مره باليوم او كل يومين ..ولازم تعطينه ابره جرب

 

[a7la-86wa]

والارنب اذا ما عندج مزرعه او حديقه ماله فايده...الارنب للفرجه فقط مو للعب ..لان فروته فيها ماده تسبب حساسيه عشان جذي الارانب دايم تحمر عين الياهال ويحسسون منه

 

[khawla&tito]

اب
اب
اب

 

[جلكسيه اس 3]

حبيبتي احلى قطوه
شفتي الارنب الي في كرتون اليس في بلاد العجايب. اهو مثله
طبعا بالكرتون انا كنت مستنكره شكله بس لما شفته عالطبيعه واي يهبل
الكل قاعدين يمه و يلعبون معاه و هو وايد اليف
واي معلومتج خطيره بس ياما لعبنا مع الارانب و ما حاشنا شي
عفيه اذا عندج مصدر دزيلي
تقصدين مثلا اتسبب حساسيه حق اليهال الصغار الي اعمارهم من عشره وتحت ?
*

 

[جلكسيه اس 3]

تيتو مشكوره عالرفع

 

[جلكسيه اس 3]

و بعدين معقوله لازم مزرعه اذا بربيه
بصراحه حاشني احباط

 

[Soso_Bronzy]

عن ماعرف عن تربيتهم بالضبط
بس قبل كم سنه كان عندنا ارنب .. وولد اخوي على طول يلعبه ومعاه
الولد جاه حساسيه بخشمه وصار يطلع صديد وانتي بكرامه
ولما ودوه للطبيب قال من الارانب

 

[!witcha!]

شوقتيني اشوفه ...
بس انا ما احب الارانب مايشبعوووون 24 ساعه اكل خلص الخس والخيار الي يالثلاجه لول ... وبسررررعه يكبر حجمه مشاءالله ارنوبي صار متييييين باسبوع و يعض و يشمخ
ما حبيت تجربتي مع الارنب

 

[جلكسيه اس 3]

بنات اذا قدرت بعد اشوي بنزل صورته لكم
من تيلفوني لانه مرات يصير و مرات ما يصير

 

[a7la-86wa]

مو للصغار للانسان عامة ...فروته فيها ماده الانسان يحسس منإا ...يعني لاتكثرين من القعده معاه .....وتربيته لازم مزرإه او مكان مفتوح لان يوصخ لدرجه موطبيعبه .ومخلفاته سماد لحديقتج .يسبب ريحه اذا مانضفتي نفس اليوم ماينفع الارنب داخل البيت......وترا من خبرتي صح كلام البنت ترا يشمخون ويصرخون صراخهم بروحه رعب اذا كبرا يقلبون يصير يصرخون ويشمخون ...بس احلى شي فيهم ان حزه الاكل الكل يتيمع عليج اذا كنتي هادتهم بحديقه او مزرعه

 

[فوشيهـ]

ايه عرفته هالنوووع ناسيه اسمه .. جاتنني فتره بشتريه بس كان حيل غاللي عندنا

ماعرف بصرااحه بتربيته بس جد شكله يهببببببل ومره وليف مع الاطفال والنااس

ماتوقع يسبب هالامراض هذي كلها .. من يومنا واحنا مع الاراانب وماصصار لنا شي !!
​

 

[VET-Nour]

ودي اسمع صرخة ارنب ;p <~ قبل جم يوم سآمعه صوت الفرّي كككك صوته يصرقع

عرفت نوعه اسمه giant angora اهو زيين حق اللعب يسمونه لطيف العمالقه ههههه
و وزنه ممكن يزيد 6 او 8 كيلو ب 8 اشهر :s
و شعره لازم تقصينه كل فتره لانه يطول بسرعه
لونه ابيض و الارنبه تولد خمس مرات بالسنه و كل ولاده 4 ارانب ,
و اهو من اقدم الارانب بالارضض , و ديرتها الاصليه تركيا , ؛~ تلاقينه اهناك ارخصص من كويت ,
تنظيف مكانه كل يومين او ثلآلآثه , و اكلها علف و خضار و فواكه
تمشيط شعره كل يوم , و لاااازم بالصيف تقصين شعره كلله

 

[جلكسيه اس 3]

فوشيه حتى انا احس جذي
احلى قطوه انا اعرف وايد مربين ارانب ما صار فيهم شي
و عن الحديقه اتوقع صح كلامج
يا حلاتني لا مو هذا بس والله حلو ينفع هههه
الي شفته كبير حيل

 

[جلكسيه اس 3]

ياحلاتي الارانب ما تصارخ للاسف انا بعد ودي اسمع

 

[a7la-86wa]

انا مربيه ارانب .....وماحاشني شي.بس وحده جزاها الله خير معانا بالمنتدى كانت تدرس بجامعه الكويت تخصصات طبيه وقالت لي عنه....ااهو لاتكثرين من شيلته هاذا اهم شي ....ماراح اقولج جربي نامي معاه ...ههههههه...خوفج تقومين وعينج متورمه««صارت مع اختي قبل

اما للصراخ مانصحكم تسمعون والله تشل قلوبكم
اول شي يعطيكم صوت تقريبا جذي حححححح جنه بيطلع صوت وكاتمه ...استفزيه شوي ...ويعطيج صرخه تبط اذنج
مادري صوت خنزير على فار ...ويكررها ...تخرع .مزعجه لدرجه مو طبيعيه....ودكم تسمعونإا دشو يوتيوب ..بس بتلقون اغلبه افتراس للارنب ويصارخ

 

[VET-Nour]

امبلاا هذا اهوو بس الصوره ارنب نوعه angora والangora فيه منه اربع انواع و منهم الgiant angora
اكتبي اسمه بقوقل بيطلعلج لونه ابيض و عيونه حمر واذونه طوال ,

 

[جلكسيه اس 3]

اي حبيبتي عليج نور
اتصدقون اخوي يقول هذا ردي
و انه في انواع احلا منه
بس والله حده كيوت

 

[qa6wa_q8]

ايي شفته بديسكفري اينن اذونه اشطولهاا وايد حلوو ابيض

 

[جلكسيه اس 3]

قطوه ما سالتي عن سعره